TITUS
Avestan Corpus
Part No. 62
Previous part

Chapter: 61 
Paragraph: 1  zōt̰::
Verse: a    ahunəmca. vairīm.1 fraēš́iiāmahī.2
Verse: b       aṇtarəca. ząm. aṇtarəca. asmanəm.
Verse: c    aṣ̌əmca. vahištəm.1 fraēš́iiāmahī.3
Verse: d       aṇtarəca. ząm. aṇtarəca. asmanəm.
Verse: e    yeŋ́hē.hātąmca.4 hufrāiiaštąm.1 fraēš́iiāmahī.3
Verse: f       aṇtarəca. ząm. aṇtarəca. asmanəm.
Verse: g    dahmaheca. narš. aṣ̌aonō. dahmąmca.5 vaŋuhīm.6 āfritīm. fraēš́iiāmahī.3
Verse: h       aṇtarəca. ząm. aṇtarəca. asmanəm::

Paragraph: 2 
Verse: a       hamistaiiaēca. nižbərətaiiaēca.
Verse: b          aṇgrahe.1 maniiə̄uš.2
Verse: c             mat̰.dāmanō. duždāmanō.3 pouru.mahrkahe.4
Verse: d       hamistaiiaēca. nižbərətaiiaēca.
Verse: e          kaxvarəδanąmca.5 kaxvarəiδinąmca.6
Verse: f       hamistaiiaēca. nižbərətaiiaēca.
Verse: g          kaxvarəδaheca. kaxvarəiδiiā̊sca.7

Paragraph: 3 
Verse: a       hamistaiiaēca. nižbərətaiiaēca.
Verse: b          kaiiaδanąmca. kaiieiδinąmca.1
Verse: c       hamistaiiaēca. nižbərətaiiaēca.
Verse: d          kaiiaδaheca. kāiδiiā̊sca.2
Verse: e       hamistaiiaēca. nižbərətaiiaēca.
Verse: f          tāiiunąmca. hazasnąmca.3
Verse: g       hamistaiiaēca. nižbərətaiiaēca.
Verse: h          zaṇdąmca.4 yātumatąmca.5
Verse: i       hamistaiiaēca. nižbərətaiiaēca.
Verse: j          miϑrō.ziiąmca. miϑrō.drujəmca.6

Paragraph: 4 
Verse: a       hamistaiiaēca. nižbərətaiiaēca.
Verse: b          aṣ̌auuaγnąmca.1 aṣ̌auua.t̰baēṣ̌ąmca.2
Verse: c       hamistaiiaēca. nižbərətaiiaēca.
Verse: d          aṣ̌əmaoγaheca.3 anaṣ̌aonō.
Verse: e          sāstraheca. pouru.mahrkahe.4
Verse: f       hamistaiiaēca. nižbərətaiiaēca.
Verse: g          kahe. kahiiācīt̰.5 druuatąm.6
Verse: h          araϑβiiō.manaŋhąm. araϑβiiō.vacaŋhąm. araϑβiiō.š́iiaoϑənanąm.
Verse: i             spitama. zaraϑuštra.

Paragraph: 5 
Verse: a    1kaϑa. drujəm.2   nīš. ahmat̰. ā. nīš.nāṣ̌āma::3
Verse: b       nīš.nāṣ̌āma.4 saoš́iiaṇtō. drujəm.5
Verse: c    kaϑa. nīš.nāṣ̌āma.
Verse: d       yaϑa. hīm. janāma.
Verse: e          xṣ̌aiiamnō.6 axṣ̌aiiamanąm.7
Verse: f             vīspāiš. haca. karṣ̌uuąn. yāiš. hapta.
Verse: g                hamistə̄e.8 nižbərətə̄e.
Verse: h                   vīspaiiā̊.9 druuatō. stōiš::
Verse: i    stauuas. aṣ̌ā.10 yə̄. hudā̊. yōi. həṇtī.



Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.