TITUS
Avestan Corpus
Part No. 61
Previous part

Chapter: 60 
zōt̰. u. rāspī::
Paragraph: 1 
Verse: a    1at̰. huuō. vaŋhə̄uš. vahiiō. nā. aibī.jamiiāt̰.
Verse: b       yə̄. nā̊.2 ərəzūš. sauuaŋhō. paϑō. sūṣ̌ōit̰.
Verse: c             ahiiā. aŋhə̄uš. astuuatō. manaŋhascā.
Verse: d          haiϑiiə̄ṇg. āstīš.3
Verse: e             yə̄ṇg. ā.ṣ̌aētī.4 ahurō. arədrō.
Verse: f                ϑβāuuąs. huzə̄ṇtušə.5 spəṇtō. mazdā.6

Paragraph: 2 
Verse: a    1tā̊. ahmi. nmāne. jamiiārəš.2
Verse: b       yā̊.3 aṣ̌aonąm.4 xṣ̌nūtasca. aṣ̌aiiasca.
Verse: c          viiādaibišca.5 paiti.zaṇtaiiasca::6
Verse: d    us. nū.7 aiŋ́hāi.8 vīse.9 jamiiāt̰.
Verse: e       aṣ̌əmca. xṣ̌aϑrəmca.
Verse: f       sauuasca. xvarənasca.
Verse: g       xvāϑrəmca. darəγō.fratəmaϑβəmca.10
Verse: h          aiŋ́hā̊.11 daēnaiiā̊. yat̰. āhurōiš. zaraϑuštrōiš.

Paragraph: 3 
Verse: a    asista. nū.1 aiŋ́hat̰.2 haca. vīsat̰. gāuš. buiiāt̰.
Verse: b       asistəm.3 aṣ̌əm.
Verse: c       asistəm.4 narš.5 aṣ̌aonō. aojō.
Verse: d       asistō.6 āhūiriš. t̰kaēṣ̌ō.

Paragraph: 4 
Verse: a    jamiiąn. iϑra. aṣ̌āunąm.1 vaŋuhīš.2 sūrā̊. spəṇtā̊. frauuaṣ̌aiiō.
Verse: b       aṣ̌ōiš. baēṣ̌aza. hacimnā̊.
Verse: c       zəm.fraϑaŋha.3 dānu.drājaŋha.4 huuarə.barəzaŋha.5
Verse: d          ištə̄e.6 vaŋhaŋhąm.7
Verse: e          paitištātə̄e. ātaranąm.8
Verse: f          fraṣ̌a.vaxṣ̌iiāi.9 raiiąmca. xvarənaŋhąmca.

Paragraph: 5 
Verse: a    vainīt̰. ahmi. nmāne.
Verse: b       sraoṣ̌ō. asruštīm.
Verse: c       āxštiš. anāxštim.
Verse: d       rāitiš. arāitīm.
Verse: e       ārmaitiš. tarōmaitīm.1
Verse: f       aršuxδō. vāxš. miϑaoxtəm. vācim.2 aṣ̌a.drujəm.3

Paragraph: 6 
Verse: a       yaϑa. ahmiia. aməṣ̌ā̊.1 spəṇta.2
Verse: b          sraoṣ̌āδa.3 aṣ̌iiāδa.4 paitiṣ̌ąn.5
Verse: c             vaŋhūš.6 yasnąsca. vahmąsca.
Verse: d             vohū.7 yasnəmca. vahməmca.
Verse: e             hubərətīmca.8 uštabərətīmca.9 vaṇtabərətīmca.9
Verse: f                ā.darəγāt̰.10 xvā.bairiiāt̰.11

Paragraph: 7 
Verse: a    mā. yauue.1 imat̰. nmānəm. xvāϑrauuat̰. xvarənō. frazahīt̰.2
Verse: b       mā. xvāϑrauuaiti. īštiš.3
Verse: c       mā. xvāϑrauuaiti. āsna.3 frazaiṇtiš.4
Verse: d          xvāϑrō.disiiehe. paiti.
Verse: e          aṣ̌ōišca. vaŋhuiiā̊. darəγəm.5 haxma.

Paragraph: 8  {= Y. 52,5} zōt̰::
Verse: a    1vasasca. tū. ahura. mazda. uštāca. xṣ̌aēṣ̌a. hauuanąm. dāmanąm::
Verse: b       vasō. āpō.
Verse: c       vasō. uruuarā̊.
Verse: d       vasō. vīspa. vohū. aṣ̌acīϑra.
Verse: e    xṣ̌aiiamnəm. aṣ̌auuanəm. dāiiata.
Verse: f       axṣ̌aiiamnəm. druuaṇtəm.::

Paragraph: 9  {= Y. 52,6}
Verse: a    vasō.xṣ̌aϑrō. hiiāt̰. aṣ̌auua::
Verse: b    auuasō.xṣ̌aϑrō. hiiāt̰. druuā̊.
Verse: c       gatō. hamistō. nižbərətō.
Verse: d          *haca. spəṇtahe. mainiiə̄uš. dāmabiiō.
Verse: e       varatō. auuasō.xṣ̌aϑrō.

Paragraph: 10  {= Y. 52,7}
Verse: a    haxṣ̌aiia. azəmcit̰. yō. zaraϑuštrō.
Verse: b       fratəmą. nmānanąmca. vīsąmca. zaṇtunąmca. dax́iiunąmca.
Verse: c       aiŋ́hā̊. daēnaiiā̊. anumataiiaēca. anuxtaiiaēca. anuuarštaiiaēca.
Verse: d          (zōt̰. u. rāspī::) yā.3 āhūiriš. zaraϑuštriš.::

Paragraph: 11 
Verse: a    1yaϑa. nō. ā̊ŋhąm.2 š́iiātō.3 manā̊.4
Verse: b       vahištō.5 uruuąnō.
Verse: c       xvāϑrauuaitīš.6 tanuuō.7 həṇti.8
Verse: d          vahištō.9 aŋhuš.10
Verse: e          ākā̊scōit̰.11 āhūire.12 mazda. jasəṇtąm.13

Paragraph: 12 
Verse: a    aṣ̌a. vahišta.
Verse: b    aṣ̌a. sraēšta.1
Verse: c       darəsāma. ϑβā.
Verse: d       pairi. ϑβā. jamiiama.2
Verse: e       haməm. ϑβā. haxma.::

Verse: Q1Aa    aṣ̌əm. vohū. vahištəm. astī::
Verse: Q1Ab    uštā. astī. uštā. ahmāi.
Verse: Q1Ac    hiiat̰. aṣ̌āi. vahištāi. aṣ̌əm.::
Paragraph: 12_R1 
Verse: a    aṣ̌a. vahišta.
Verse: b    aṣ̌a. sraēšta.
Verse: c       darəsāma. ϑβā.
Verse: d       pairi. ϑβā. jamiiama.
Verse: e       haməm. ϑβā. haxma.::

Verse: Q1Aa    aṣ̌əm. vohū. vahištəm. astī::
Verse: Q1Ab    uštā. astī. uštā. ahmāi.
Verse: Q1Ac    hiiat̰. aṣ̌āi. vahištāi. aṣ̌əm.::
Paragraph: 12_R2 
Verse: a    aṣ̌a. vahišta.
Verse: b    aṣ̌a. sraēšta.
Verse: c       darəsāma. ϑβā.
Verse: d       pairi. ϑβā. jamiiama.
Verse: e       haməm. ϑβā. haxma.::

Verse: Q1Aa    aṣ̌əm. vohū. vahištəm. astī::
Verse: Q1Ab    uštā. astī. uštā. ahmāi.
Verse: Q1Ac    hiiat̰. aṣ̌āi. vahištāi. aṣ̌əm.::


Paragraph: 13 
Verse: Q1Aa    yaϑā. ahū. vairiiō. (čihār. bār.)   aϑā. ratuš. aṣ̌āt̰cīt̰. hacā.
Verse: Q1Ab    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Ac    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q1Ba    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Bb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Bc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q1Ca    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Cb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Cc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q1Da    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Db    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Dc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q2Aa    aṣ̌əm. vohū. (si. bār.) vahištəm. astī::
Verse: Q2Ab    uštā. astī. uštā. ahmāi.
Verse: Q2Ac    hiiat̰. aṣ̌āi. vahištāi. aṣ̌əm.::

Verse: Q2Ba    aṣ̌əm. vohū. vahištəm. astī::
Verse: Q2Bb    uštā. astī. uštā. ahmāi.
Verse: Q2Bc    hiiat̰. aṣ̌āi. vahištāi. aṣ̌əm.

Verse: Q2Ca    aṣ̌əm. vohū. vahištəm. astī::
Verse: Q2Cb    uštā. astī. uštā. ahmāi.
Verse: Q2Cc    hiiat̰. aṣ̌āi. vahištāi. aṣ̌əm.

Verse: a    ahunəm. vairīm. yazamaide::
Verse: b    aṣ̌əm. vahištəm. sraēštəm. aməṣ̌əm. spəṇtəm. yazamaide.::

Verse: Q4a    yeŋ́hē. hātąm.   āat̰. yesnē. paitī. vaŋhō.
Verse: Q4b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q4c    tąscā. tā̊scā. yazamaide.::



Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.