TITUS
Avestan Corpus
Part No. 60
Previous part

Chapter: 59 
Paragraph: 1 
Verse: a    ahurəm. mazdąm. aṣ̌auuanəm. aṣ̌ahe. ratūm. yazamaide::
Verse: b    aməṣ̌ā. spəṇtā. huxṣ̌aϑrā. huδā̊ŋhō. yazamaide.

Paragraph: 2 
Verse: a    asniia. aṣ̌auuana. aṣ̌ahe. ratauuō. yazamaide::
Verse: b    hāuuanīm. aṣ̌auuanəm. aṣ̌ahe. ratūm. yazamaide::
Verse: c    sāuuaŋhaēm. vīsīmca. aṣ̌auuanəm. aṣ̌ahe. ratūm. yazamaide::
Verse: d    miϑrəm. vouru.gaoiiaoitīm.
Verse: e       hazaŋra.gaoṣ̌əm. baēuuarə.caṣ̌manəm.
Verse: f       aoxtō.nāmanəm. yazatəm. yazamaide::
Verse: g    rāma. xvāstrəm.1 yazamaide.

Paragraph: 3 
Verse: a    rapiϑβinəm.1 aṣ̌auuanəm. aṣ̌ahe. ratūm. yazamaide::
Verse: b    frādat̰.fṣ̌āum. zaṇtuməmca. aṣ̌auuanəm. aṣ̌ahe. ratūm. yazamaide::
Verse: c    aṣ̌əm. vahištəm.
Verse: d    ātrəmca.2 ahurahe. mazdā̊. puϑrəm. yazamaide.

Paragraph: 4  {= Y. 17,4}
Verse: a    uzaiieirinəm. aṣ̌auuanəm. aṣ̌ahe. ratūm. yazamaide::
Verse: b    frādat̰.vīrəm. dāx́iiuməmca.1 aṣ̌auuanəm. aṣ̌ahe. ratūm. yazamaide::
Verse: c    bərəzaṇtəm. ahurəm. xṣ̌aϑrīm. xṣ̌aētəm. apąm. napātəm. auruuat̰.aspəm. yazamaide::
Verse: d    apəmca. mazdaδātąm. aṣ̌aonīm. yazamaide.::

Paragraph: 5  {= Y. 17,5}
Verse: a    aiβisrūϑriməm. aibigāim. aṣ̌auuanəm. aṣ̌ahe. ratūm. yazamaide::
Verse: b    frādat̰.vīspąm.hujiiāitīm. zaraϑuštrōtəməmca. aṣ̌auuanəm. aṣ̌ahe. ratūm. yazamaide::
Verse: c    aṣ̌āunąm. vaŋuhīš. sūrā̊. spəṇtā̊. frauuaṣ̌aiiō. yazamaide::
Verse: d    γnā̊sca. vīrō.vąϑβā̊. yazamaide::
Verse: e    yāiriiąmca. huṣ̌itīm. yazamaide::
Verse: f    aməmca. hutaštəm. huraoδəm. yazamaide::
Verse: g    vərəϑraγnəmca. ahuraδātəm. yazamaide::
Verse: h    vanaiṇtīmca. uparatātəm. yazamaide.::

Paragraph: 6  {= Y. 17,6}
Verse: a    uṣ̌ahinəm. aṣ̌auuanəm. aṣ̌ahe. ratūm. yazamaide::
Verse: b    bərəjīm. nmānīmca. aṣ̌auuanəm. aṣ̌ahe. ratūm. yazamaide::
Verse: c    sraoṣ̌əm. aṣ̌īm. huraoδəm. vərəϑrājanəm. frādat̰.gaēϑəm. aṣ̌auuanəm. aṣ̌ahe. ratūm. yazamaide::
Verse: d    raṣ̌nūm. razištəm. yazamaide::
Verse: e    arštātəmca. frādat̰.gaēϑąm. varədat̰.gaēϑąm. yazamaide.::

Paragraph: 7  {= Y. 17,7}
Verse: a    māhiia. aṣ̌auuana. aṣ̌ahe. ratauuō. yazamaide::
Verse: b    aṇtarəmā̊ŋhəm. aṣ̌auuanəm. aṣ̌ahe. ratūm. yazamaide::
Verse: c    pərənō.mā̊ŋhəm. vīṣ̌aptaϑəm. aṣ̌auuanəm. aṣ̌ahe. ratūm. yazamaide.::

Paragraph: 8  {= Y. 17,8}
Verse: a    yāiriia. aṣ̌auuana. aṣ̌ahe. ratauuō. yazamaide::
Verse: b    maiδiiōizarəmaēm. aṣ̌auuanəm. aṣ̌ahe. ratūm. yazamaide::
Verse: c    maiδiiōiṣ̌əməm. aṣ̌auuanəm. aṣ̌ahe. ratūm. yazamaide::
Verse: d    paitišhahīm. aṣ̌auuanəm. aṣ̌ahe. ratūm. yazamaide::
Verse: e    aiiāϑriməm. fraouruuaēštriməm. varṣ̌niharštəm. aṣ̌auuanəm. aṣ̌ahe. ratūm. yazamaide::
Verse: f    maiδiiāirīm. aṣ̌auuanəm. aṣ̌ahe. ratūm. yazamaide::
Verse: g    hamaspaϑmaēdaēm. aṣ̌auuanəm. aṣ̌ahe. ratūm. yazamaide::
Verse: h    sarəδa. aṣ̌auuana. aṣ̌ahe. ratauuō. yazamaide.::

Paragraph: 9  {= Y. 17,9}
Verse: a    vīspe. aṣ̌ahe. ratauuō. yazamaide.
Verse: b       yōi. həṇti. aṣ̌ahe. ratauuō. ϑraiiasca. ϑrisąsca. nazdišta. pairišhāuuanaiiō.
Verse: c       yōi. həṇti. aṣ̌ahe. yat̰. vahištahe. mazdō.frasāsta. zaraϑuštrō.fraoxta.::

Paragraph: 10  {= Y. 17,10}
Verse: a    ahura. miϑra. bərəzaṇta. aiϑiiajaŋha. aṣ̌auuana. yazamaide::
Verse: b    strə̄ušca. mā̊ŋhəmca. huuarəca. uruuarāhu. paiti. barəsmaniiāhu.
Verse: c       miϑrəm. vīspanąm. dax́iiunąm. daiŋ́hupaitīm.2 yazamaide::
Verse: d    (rōz.) ahurəm. mazdąm. raēuuaṇtəm. xvarənaŋuhaṇtəm.3 yazamaide::
Verse: e    (māh.) aṣ̌āunąm.4 vaŋuhīš. sūrā̊. spəṇtā̊. frauuaṣ̌aiiō. yazamaide.::

Paragraph: 11 
Verse: a    ϑβąm. ātrəm.1 ahurahe. mazdā̊. puϑrəm. yazamaide::
Verse: b    ātrəm. bərəzisauuaŋhəm. yazamaide::
Verse: c    ātrəm. vohu.friiānəm.2 yazamaide::
Verse: d    ātrəm. uruuāzištəm. yazamaide::
Verse: e    ātrəm. vāzištəm. yazamaide::
Verse: f    ātrəm. spə̄ništəm. yazamaide::
Verse: g    xṣ̌aϑrəm. nafəδrəm. nairiiō.saŋhəm. yazatəm. yazamaide::
Verse: h    ātrəm. vīspanąm. nmānanąm. nmānō.paitīm. mazdaδātəm.
Verse: i       ahurahe. mazdā̊. puϑrəm. aṣ̌auuanəm. aṣ̌ahe. ratūm. yazamaide.
Verse: j          mat̰. vīspaēibiiō. ātərəbiiō.

Paragraph: 12  {= Y. 17,12}
Verse: a    āpō. vaŋuhīš. vahištā̊. mazdaδātā̊. aṣ̌aonīš. yazamaide::
Verse: b    vīspā̊. āpō. mazdaδātā̊. aṣ̌aonīš. yazamaide::
Verse: c    vīspā̊. uruuarā̊. mazdaδātā̊. aṣ̌aonīš. yazamaide.::

Paragraph: 13  {= Y. 17,13}
Verse: a    mąϑrəm. spəṇtəm. ašxvarənaŋhəm. yazamaide::
Verse: b    dātəm. vīdōiiūm. yazamaide::
Verse: c    dātəm. zaraϑuštri. yazamaide::
Verse: d    darəγąm. upaiianąm. yazamaide::
Verse: e    daēnąm. vaŋuhīm. māzdaiiasnīm. yazamaide.::

Paragraph: 14  {= Y. 17,14}
Verse: a    gairīm. uṣ̌idarənəm. mazdaδātəm. aṣ̌axvāϑrəm. yazatəm. yazamaide::
Verse: b    vīspā̊. garaiiō. aṣ̌axvāϑrā̊. pouru.xvāϑrā̊. mazdaδāta. aṣ̌auuana. aṣ̌ahe. ratauuō. yazamaide::
Verse: c    uγrəm. kauuaēm. xvarənō. mazdaδātəm. yazamaide::
Verse: d    uγrəm. axvarətəm. xvarənō. mazdaδātəm. yazamaide::
Verse: e    aṣ̌īm. vaŋuhīm. yazamaide::
Verse: f    xṣ̌ōiϑnīm. bərəzaitīm. amauuaitīm. huraoδąm. xvāparąm. xvarənō. mazdaδātəm. yazamaide::
Verse: g    sauuō. mazdaδātəm. yazamaide.::

Paragraph: 15  {= Y. 17,15}
Verse: a    dahmąm. vaŋuhīm. āfritīm. yazamaide::
Verse: b    dahməmca. narəm. aṣ̌auuanəm. yazamaide::
Verse: c    uγrəm. taxməm. dāmōiš. upamanəm. yazatəm. yazamaide.::

Paragraph: 16  {= Y. 17,16}
Verse: a    imā̊. apasca. zəmasca. uruuarā̊sca. yazamaide::
Verse: b    imā̊. asā̊sca. ṣ̌ōiϑrā̊sca. gaoiiaoitīšca. maēϑaniiā̊sca. auuō.xvarənā̊sca. yazamaide::
Verse: c    iməmca. ṣ̌ōiϑrahe. paitīm. yazamaide.
Verse: d       yim. ahurəm. mazdąm.::

Paragraph: 17  {= Y. 17,17}
Verse: a    ratauuō. vīspe. mazišta. yazamaide.
Verse: b       aiiara. asniia. māhiia. yāiriia. sarəδa.::

Paragraph: 18  {= Y. 26,1}
Verse: a    aṣ̌āunąm.1 vaŋuhīš. sūrā̊. spəṇtā̊. frauuaṣ̌aiiō. staomi.
Verse: b       zbaiiemi.
Verse: c       ufiiemi::
Verse: d    yazamaide. nmāniiā̊. vīsiiā̊. zaṇtumā̊. dāx́iiumā̊.2 zaraϑuštrōtəmā̊.

Paragraph: 19  {= Y. 26,2}
Verse: a    vīspanąmca. ā̊ŋhąm. paoiriianąm. frauuaṣ̌inąm. iδa. yazamaide.
Verse: b       frauuaṣ̌īm. auuąm.
Verse: c          yąm. ahurahe. mazdā̊.
Verse: d             mazištąmca. vahištąmca. sraēštąmca.
Verse: e             xraoždištąmca. xraϑβištąmca.
Verse: f             hukərəptəmąmca. aṣ̌āt̰. apanōtəmąmca.

Paragraph: 20  {= Y. 26,3}
Verse: a    aṣ̌āunąm. vaŋuhīš. sūrā̊. spəṇtā̊. frauuaṣ̌aiiō. yazamaide.
Verse: b       yā̊. aməṣ̌anąm. spəṇtanąm.
Verse: c          xṣ̌aētanąm. vərəzi.dōiϑranąm.
Verse: d          bərəzatąm. aiβiiāmanąm.
Verse: e          taxmanąm. āhūiriianąm.
Verse: f          yōi. aiϑiiajaŋhō.3 aṣ̌auuanō.::

Paragraph: 21  {= Y. 26,4}
Verse: a       paoiriianąm. t̰kaēṣ̌anąm.
Verse: b       paoiriianąm. sāsnō.gūṣ̌ąm. iδa.
Verse: c       aṣ̌aonąm. aṣ̌aoninąmca.
Verse: d    ahūmca. daēnąmca. baoδasca. uruuānəmca. frauuaṣ̌īmca. yazamaide.
Verse: e          yōi. aṣ̌āi. vaonarə::
Verse: f    gə̄uš. huδā̊ŋhō. uruuanəm. yazamaide.

Paragraph: 22  {= Y. 26,5}
Verse: a    yōi. aṣ̌āi. vaonarə. gaiiehe. marəϑnō. aṣ̌aonō. frauuaṣ̌īm. yazamaide::
Verse: b    zaraϑuštrahe. spitāmahe. iδa. aṣ̌aonō. aṣ̌īmca. frauuaṣ̌īmca. yazamaide::
Verse: c    kauuōiš. vīštāspahe. aṣ̌aonō. frauuaṣ̌īm. yazamaide::
Verse: d    isat̰.vāstrahe. zaraϑuštrōiš. aṣ̌aonō. frauuaṣ̌īm. yazamaide.

Paragraph: 23  {= Y. 26,6}
Verse: a       nabānazdištanąm. iδa. aṣ̌aonąm. aṣ̌aoninąmca.
Verse: b    ahūmca. daēnąmca. baoδasca. uruuānəmca. frauuaṣ̌īmca. yazamaide.
Verse: c       yōi. aṣ̌āi. vaonarə. mat̰. vīspābiiō.1 aṣ̌aonibiiō. frauuaṣ̌ibiiō.
Verse: d          yā̊. irīriϑuṣ̌ąm. aṣ̌aonąm.
Verse: e          yā̊sca. juuaṇtąm. aṣ̌aonąm.
Verse: f          yā̊sca. narąm. azātanąm. fraṣ̌ō.carəϑram. saoš́iiaṇtąm.::

Paragraph: 24  {= Y. 26,7}
Verse: a    iδa. iristanąm. uruuanō. yazamaide.
Verse: b       yā̊. aṣ̌aonąm. frauuaṣ̌aiiō::
Verse: c    vīspanąm. ahmiia. nmāne. nabānazdištanąm. para.iristanąm.
Verse: d       aēϑrapaitinąm. aēϑriianąm.
Verse: e       narąm. nāirinąm. iδa.
Verse: f       aṣ̌aonąm. aṣ̌aoninąm. frauuaṣ̌aiiō. yazamaide.

Paragraph: 25  {= Y. 26,8}
Verse: a    vīspanąm. aēϑrapaitinąm. aṣ̌aonąm. frauuaṣ̌aiiō. yazamaide::
Verse: b    vīspanąm. aēϑriianąm. aṣ̌aonąm. frauuaṣ̌aiiō. yazamaide::
Verse: c    vīspanąm. narąm. aṣ̌aonąm. frauuaṣ̌aiiō. yazamaide::
Verse: d    vīspanąm. nāirinąm. aṣ̌aoninąm. frauuaṣ̌aiiō. yazamaide.

Paragraph: 26  {= Y. 26,9}
Verse: a    vīspanąm. apərənāiiūkanąm. dahmō.kərətanąm. aṣ̌aonąm. frauuaṣ̌aiiō. yazamaide::
Verse: b    ādax́iiunąmca. aṣ̌aonąm. frauuaṣ̌aiiō. yazamaide::
Verse: c    uzdāx́iiunąmca.1 aṣ̌aonąm. frauuaṣ̌aiiō. yazamaide.

Paragraph: 27 
Verse: a    narąmca. aṣ̌aonąm. frauuaṣ̌aiiō. yazamaide.
Verse: b    nāirinąmca. aṣ̌aoninąm. frauuaṣ̌aiiō. yazamaide::
Verse: c    vīspā̊. aṣ̌āunąm.1 vaŋuhīš. sūrā̊. spəṇtā̊. frauuaṣ̌aiiō. yazamaide.
Verse: d       yā̊. haca. gaiiāt̰. marəϑnat̰.2
Verse: e          ā. saoš́iiaṇtāt̰.3 vərəϑraγnat̰.4

Paragraph: 28 
Verse: a    vərəϑraγnəm. ahuraδātəm. yazamaide::
Verse: b    saoš́iiaṇtəm.1 vərəϑrājanəm. yazamaide::
Verse: c    zōt̰. u. rāspī:: imat̰. barəsma. haδa.zaoϑrəm. haδa.aiβiiā̊ŋhanəm.2 aṣ̌aiia. frastarətəm.3 yazamaide::4
Verse: d    haom. uruuānəm. yazamaide::
Verse: e    hauuąm.5 frauuaṣ̌īm. yazamaide.

Paragraph: 29 
Verse: a    vīspe. aṣ̌auuanō. yazata. yazamaide::
Verse: b    vīspe. aṣ̌ahe. ratauuō. yazamaide.
Verse: c       hāuuanīm. paiti. ratūm.
Verse: d       sāuuaŋhaēm. vīsīmca. paiti. ratūm.
Verse: e       ratauuō. vīspe. mazišta. paiti. ratūm.::


Verse: Q1a    yeŋ́hē. hātąm.   āat̰. yesnē. paitī. vaŋhō.
Verse: Q1b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q1c    tąscā. tā̊scā. yazamaide.::

Paragraph: 30  rāspī::
Verse: a    vaŋhu. tū. tē.1 vaŋhaot̰.2 vaŋhō.3 buiiāt̰.
Verse: b       huuāuuōiia.4 yat̰. zaoϑre.5
Verse: c    hanaēṣ̌a. tū. tūm.6 tat̰. mīždəm.7
Verse: d       yat̰. zaota.8 hanaiiamnō. ā̊ŋha.9
Verse: e          frāiiō.humatō. frāiiō.hūxtō. frāiiō.huuarštō.10

Paragraph: 31  zōt̰::
Verse: a    jamiiāt̰. vō.1 vaŋhaot̰. vaŋhō.2
Verse: b    mā. vō.3 jamiiāt̰. akāt̰. aṣ̌ō.
Verse: c    mā. mē.4 jamiiāt̰. akāt̰. aṣ̌ō.


Paragraph: 32  zōt̰. u. rāspī::
Verse: Q1Aa    yaϑā. ahū. vairiiō.   aϑā. ratuš. aṣ̌āt̰cīt̰. hacā. (dah. bār.)
Verse: Q1Ab    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Ac    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q1Ba    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Bb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Bc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q1Ca    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Cb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Cc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q1Da    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Db    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Dc    xšaϑrəmcā. ahurāi.ā.   yim. drigubiiō. dadat̰. vāstārəm.::
Verse: Q1Ea    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Eb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Ec    xšaϑrəmcā. ahurāi.ā.   yim. drigubiiō. dadat̰. vāstārəm.::
Verse: Q1Fa    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Fb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Fc    xšaϑrəmcā. ahurāi.ā.   yim. drigubiiō. dadat̰. vāstārəm.::
Verse: Q1Ga    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Gb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Gc    xšaϑrəmcā. ahurāi.ā.   yim. drigubiiō. dadat̰. vāstārəm.::
Verse: Q1Ha    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Hb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Hc    xšaϑrəmcā. ahurāi.ā.   yim. drigubiiō. dadat̰. vāstārəm.::
Verse: Q1Ia    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Ib    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Ic    xšaϑrəmcā. ahurāi.ā.   yim. drigubiiō. dadat̰. vāstārəm.::
Verse: Q1Ja    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Jb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Jc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q2Aa    aṣ̌əm. vohū. vahištəm. astī. (dah. bār.)::
Verse: Q2Ab    uštā. astī. uštā. ahmāi.
Verse: Q2Ac    hiiat̰. aṣ̌āi. vahištāi. aṣ̌əm.:: (..)

Verse: Q2Ba    aṣ̌əm. vohū. vahištəm. astī::
Verse: Q2Bb    uštā. astī. uštā. ahmāi.
Verse: Q2Bc    hiiat̰. aṣ̌āi. vahištāi. aṣ̌əm.

Verse: Q2Ca    aṣ̌əm. vohū. vahištəm. astī::
Verse: Q2Cb    uštā. astī. uštā. ahmāi.
Verse: Q2Cc    hiiat̰. aṣ̌āi. vahištāi. aṣ̌əm.::

Verse: Q2Da    aṣ̌əm. vohū. vahištəm. astī::
Verse: Q2Db    uštā. astī. uštā. ahmāi.
Verse: Q2Dc    hiiat̰. aṣ̌āi. vahištāi. aṣ̌əm.
Verse: Q2Ea    aṣ̌əm. vohū. vahištəm. astī::
Verse: Q2Eb    uštā. astī. uštā. ahmāi.
Verse: Q2Ec    hiiat̰. aṣ̌āi. vahištāi. aṣ̌əm.::
Verse: Q2Fa    aṣ̌əm. vohū. vahištəm. astī::
Verse: Q2Fb    uštā. astī. uštā. ahmāi.
Verse: Q2Fc    hiiat̰. aṣ̌āi. vahištāi. aṣ̌əm.
Verse: Q2Ga    aṣ̌əm. vohū. vahištəm. astī::
Verse: Q2Gb    uštā. astī. uštā. ahmāi.
Verse: Q2Gc    hiiat̰. aṣ̌āi. vahištāi. aṣ̌əm.::
Verse: Q2Ha    aṣ̌əm. vohū. vahištəm. astī::
Verse: Q2Hb    uštā. astī. uštā. ahmāi.
Verse: Q2Hc    hiiat̰. aṣ̌āi. vahištāi. aṣ̌əm.::
Verse: Q2Ia    aṣ̌əm. vohū. vahištəm. astī::
Verse: Q2Ib    uštā. astī. uštā. ahmāi.
Verse: Q2Ic    hiiat̰. aṣ̌āi. vahištāi. aṣ̌əm.::
Verse: Q2Ja    aṣ̌əm. vohū. vahištəm. astī::
Verse: Q2Jb    uštā. astī. uštā. ahmāi.
Verse: Q2Jc    hiiat̰. aṣ̌āi. vahištāi. aṣ̌əm.::


Paragraph: 33 
Verse: a    ahunəm. vairīm. yazamaide::
Verse: b    aṣ̌əm. vahištəm. sraēštəm. aməṣ̌əm. spəṇtəm. yazamaide::
Verse: c    fṣ̌ūṣ̌ō. mąϑrəm. haδaoxtəm.1 yazamaide::
Verse: d    hauruuąm. haṇdāitīm. staotanam. yesniianąm. yazamaide::
Verse: e    staota. yesniia. yazamaide.2
Verse: f       yā. dātā. aŋhə̄uš. paouruiiehiiā.::


Verse: Q1a    yeŋ́hē. hātąm.   āat̰. yesnē. paitī. vaŋhō.
Verse: Q1b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q1c    tąscā. tā̊scā. yazamaide.

Verse: Q2Aa    yaϑā. ahū. vairiiō. (du. bār.)   aϑā. ratuš. aṣ̌āt̰cīt̰. hacā.
Verse: Q2Ab    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q2Ac    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q2Ba    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q2Bb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q2Bc    xšaϑrəmcā. ahurāi.ā.   yim. drigubiiō. dadat̰. vāstārəm.::


Paragraph: 34 
Verse: Q1a    zōt̰:: 1yaϑā. ahū. vairiiō.
Verse: Q1b       zaotā. frā.mē. mrūtē::
Verse: Q1c    rāspī:: yaϑā. ahū. vairiiō.
Verse: Q1d       yō. zaotā. frā.mē. mrūtē::
Verse: Q1e    zōt̰:: aϑā. ratuš. aṣ̌āt̰cīt̰. haca.
Verse: Q1f       frā. aṣ̌auua. vīδuuā̊. mraotū.



Dahma āfritiš


Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.