TITUS
Avestan Corpus
Part No. 59
Previous part

Chapter: 58 

Paragraph: 1 
Verse: a    tat̰. sōiδiš.1 tat̰. vərəϑrəm. dadəmaidē.2
Verse: b       hiiat̰. nəmə̄.3 huciϑrəm.
Verse: c          aṣ̌iš.hāgət̰.4 ārmaitiš.hāgət̰.4
Verse: d          yeŋ́hē.5 nəmaŋhō. ciϑrəm.
Verse: e             humatəmcā.6 hūxtəmcā. huuarštəmcā.

Paragraph: 2 
Verse: a    tat̰. nə̄. nəmə̄.1 nipātū.
Verse: b       pairī.2 daēuuāat̰cā.3 t̰baēṣ̌aŋhat̰. maš́iiāat̰cā::4
Verse: c    ahmāi. nəmaŋhē.5 āuuaēdaiiamaidē.6 gaēϑā̊scā.7 tanuuascā.
Verse: d       nipātaiiaēcā. nišaŋharətaiiaēcā. harəϑrāicā. aiβiiāxštrāicā.

Paragraph: 3 
Verse: a    nəmahī.1 š́iiāmā.2 ahurā.3 mazdā.4
Verse: b    nəmahī.5 usə̄mahī.6
Verse: c    nəmaŋhē.7 vīsāmaidē.
Verse: d    nəmaŋhē.8 āuuaēdaiiamaidē.9 gaēϑā̊scā.10 tanuuascā.
Verse: e       nipātaiiaēcā. nišaŋharətaiiaēcā. harəϑrāicā. aiβiiāxštrāicā.
Verse: f    nəmaŋhō.11 ā.   yaϑā. nəmə̄.12 xṣ̌māuuatō.

Paragraph: 4 
Verse: a    fṣ̌ūmā̊. astī.1 aṣ̌auuā. vərəϑrajā.2 vahištō.
Verse: b    fṣ̌ūṣ̌ə̄.3 carəkərəmahī::
Verse: c    hə̄. ptā.4 gə̄ušcā. aṣ̌aŋhācā.5
Verse: d          aṣ̌aonascā. aṣ̌āuuairiiā̊scā.6 stōiš.
Verse: e       haiϑiiō. vaŋhudā̊.
Verse: f       yeŋ́hē. və̄. masānascā. vaŋhānascā.7 sraiianascā. carəkərəmahī::8
Verse: g    hə̄cā. nā.9 fṣ̌ūmā̊. nišaŋharatū.10
Verse: h    hə̄. aiβiiāxṣ̌aiiatū.11
Verse: i       hadā.12 aṣ̌ācā. vāstrācā. frārāticā.13
Verse: j       vīdīṣ̌aiiācā.14 ainiticā.
Verse: k       āϑrācā. ahurahē. mazdā.

Paragraph: 5 
Verse: a       yaϑā. nə̄.1 dātā. aməṣ̌ā. spəṇtā.
Verse: b    aϑā. nā̊.2 ϑrāzdūm::
Verse: c    ϑrāzdūm. nə̄. vaŋhauuō.
Verse: d    ϑrāzdūm. nə̄. vaŋuhīš.3
Verse: e    ϑrāzdūm. nə̄. aməṣ̌ā. spəṇtā. huxṣ̌aϑrā. huδā̊ŋhō::
Verse: Q1    4naēcīm. tə̄m. aniiə̄m. yūṣ̌mat̰.   vaēdā. aṣ̌ā. aϑā. nā̊.5 ϑrāzdūm.

Paragraph: 6 
Verse: a       pairī.1 manā̊.   pairī. vacā̊.   pairī. š́iiaoϑanā.2
Verse: b       pairī. pasūš.   pairī. vīrə̄ṇg.
Verse: c    spəṇtāi.3 maniiauuē.4 dadəmahī::5
Verse: d       hauruuafṣ̌auuō.6 druuō.gaēϑā.7
Verse: e       druuafṣ̌auuō. druuō.vīrā.
Verse: f       druuā.8 hauruuā. aṣ̌iuuaṇtō.9
Verse: g    daϑuṣ̌ō. daduṣ̌ō.10 dadūžbīš.11
Verse: h       raocə̄bīš. hąm.vaēnōimaidī.12
Verse: i          yāiš. ahurahē. mazdā̊.

Paragraph: 7 
Verse: a    nəmasə. tōi.1 ātarə̄.2 ahurahē. mazdā̊.
Verse: b    3mazištāi. yā̊ŋhąm. paitī.jamiiā̊.4
Verse: c       mazə̄. auuax́iiāi.
Verse: d       mazə̄. rafənōx́iiāi.5 dāidī.
Verse: e          hauruuātā̊.6 amərətātā̊.6

Paragraph: 8 
Verse: a    hauruuąm. haṇdāitīm. staotanąm. yesniianąm. yazamaide.
Verse: b       apanōtəmaiiā.1 paitī.2 vacastaštā::3

Verse: Q1a    4sraēštąm. at̰. tōi. kəhrpə̄m. kəhrpąm. āuuaēdaiiamahī.5
Verse: Q1b          mazdā. ahurā.
Verse: Q1c       imā.6 raocā̊.7
Verse: Q1d       barəzištəm.8 barəzimanąm.9
Verse: Q1e          auuat̰. yāt̰.10 huuarə̄.11 auuācī.12

Paragraph: 9 
Verse: a    1staota. yesniia. yazamaide.
Verse: b       yā. dātā. aŋhə̄uš. paouruiiehiiā.



Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.