TITUS
Avestan Corpus
Part No. 58
Previous part

Chapter: 57 
Paragraph: 1  zōt̰. u. rāspī::
Verse: Q1Aa    aṣ̌əm. vohū. (si. bār.) vahištəm. astī::
Verse: Q1Ab    uštā. astī. uštā. ahmāi.
Verse: Q1Ac    hiiat̰. aṣ̌āi. vahištāi. aṣ̌əm.::

Verse: Q1Ba    aṣ̌əm. vohū. vahištəm. astī::
Verse: Q1Bb    uštā. astī. uštā. ahmāi.
Verse: Q1Bc    hiiat̰. aṣ̌āi. vahištāi. aṣ̌əm.

Verse: Q1Ca    aṣ̌əm. vohū. vahištəm. astī::
Verse: Q1Cb    uštā. astī. uštā. ahmāi.
Verse: Q1Cc    hiiat̰. aṣ̌āi. vahištāi. aṣ̌əm.

Verse: a    sraoṣ̌ahe. aṣ̌iiehe.2 taxmahe. tanumąϑrahe.3 darṣ̌i.draoš.4 āhūiriiehe.5
Verse: b       xṣ̌naoϑra. yasnāica. vahmāica. xṣ̌naoϑrāica. (rāspī::) frasastaiiaēca.6:: (..)

Verse: Q2c    zōt̰:: 7yaϑā. ahū. vairiiō.
Verse: Q2d       zaotā. frā.mē. mrūtē::
Verse: Q2e    rāspī:: yaϑā. ahū. vairiiō.
Verse: Q2f       yō. zaotā. frā.mē. mrūtē::
Verse: Q2g    zōt̰:: aϑā. ratuš. aṣ̌āt̰cīt̰. haca.
Verse: Q2h       frā. aṣ̌auua. vīδuuā̊. mraotū.



Karde 1


Paragraph: 2  zōt̰. u. rāspī::
Verse: a    sraoṣ̌əm. aṣ̌īm. huraoδəm. vərəϑrājanəm. frādat̰.gaēϑəm.
Verse: b       aṣ̌auuanəm. aṣ̌ahe. ratūm. yazamaide.
Verse: c          zōt̰:: yō. paoiriiō. mazdā̊. dāmąn.1 frastərətāt̰.2 paiti. barəsmən.3
Verse: d             yazata. ahurəm. mazdąm.
Verse: e             yazata. aməṣ̌ə̄. spəṇtə̄.4
Verse: f             yazata. pāiiū.5 ϑβōrəštāra.6
Verse: g                yā. vīspa. ϑβərəsatō.7 dāmąn.

Paragraph: 3 
Verse: a       1ahe. raiia. xvarənaŋhaca.
Verse: b       aiŋ́he.2 ama. vərəϑraγnaca.
Verse: c       ahe. yasna. yazatanąm.
Verse: d    təm. yazāi. surunuuata.3 yasna.
Verse: e       sraoṣ̌əm. aṣ̌īm. zaoϑrābiiō.
Verse: f       aṣ̌īmca. vaŋuhīm.4 bərəzaitīm.
Verse: g       nairīmca.5 saŋhəm. huraoδəm::
Verse: h    āca.nō.6 jamiiāt̰. auuaŋhe.7
Verse: i       vərəϑrajā̊. sraoṣ̌ō. aṣ̌iiō.8

Paragraph: 4 
Verse: a    sraoṣ̌əm. aṣ̌īm. yazamaide::
Verse: b    ratūm. bərəzaṇtəm. yazamaide.
Verse: c       yim. ahurəm. mazdąm.
Verse: d       yō. aṣ̌ahe. apanōtəmō.1
Verse: e       yō. aṣ̌ahe. jaγmūštəmō::
Verse: f    vīspa.2 srauuā̊.3 zaraϑuštri.4 yazamaide::
Verse: g    vīspaca. huuaršta.5 š́iiaoϑna.6 yazamaide.
Verse: h       varštaca.7 varəš́iiamnaca.8::


Verse: Q1a    9yeŋ́hē. hātąm.   āat̰. yesnē. paitī. vaŋhō.
Verse: Q1b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q1c    tąscā. tā̊scā. yazamaide.



Karde 2


Paragraph: 5 
Verse: a    sraoṣ̌əm. aṣ̌īm. huraoδəm. vərəϑrājanəm. frādat̰.gaēϑəm.1
Verse: b       aṣ̌auuanəm. aṣ̌ahe. ratūm. yazamaide.

Paragraph: 6 
Verse: a    yō. paoiriiō. barəsma. frastərənata.1
Verse: b       ϑriiaxštīšca.2 paṇca.yaxštīšca.
Verse: c       hapta.yaxštīšca.3 nauua.yaxštīšca.
Verse: d       āxṣ̌nūšca.4 maiδiiōi.paitištānąsca.5
Verse: e          aməṣ̌anąm. spəṇtanąm.
Verse: f             yasnāica. vahmāica. xṣ̌naoϑrāica. frasastaiiaēca.::

Verse: Q1a       ahe. raiia. xvarənaŋhaca.
Verse: Q1b       aiŋ́he. ama. vərəϑraγnaca.
Verse: Q1c       ahe. yasna. yazatanąm.
Verse: Q1d    təm. yazāi. surunuuata. yasna.
Verse: Q1e       sraoṣ̌əm. aṣ̌īm. zaoϑrābiiō.
Verse: Q1f       aṣ̌īmca. vaŋuhīm. bərəzaitīm.
Verse: Q1g       nairīmca. saŋhəm. huraoδəm::
Verse: Q1h    āca.nō. jamiiāt̰. auuaŋhe.
Verse: Q1i       vərəϑrajā̊. sraoṣ̌ō. aṣ̌iiō.

Verse: Q2a    sraoṣ̌əm. aṣ̌īm. yazamaide::
Verse: Q2b    ratūm. bərəzaṇtəm. yazamaide.
Verse: Q2c       yim. ahurəm. mazdąm.
Verse: Q2d       yō. aṣ̌ahe. apanōtəmō.
Verse: Q2e       yō. aṣ̌ahe. jaγmūštəmō::
Verse: Q2f    vīspa. srauuā̊. zaraϑuštri. yazamaide::
Verse: Q2g    vīspaca. huuaršta. š́iiaoϑna. yazamaide.
Verse: Q2h       varštaca. varəš́iiamnaca.::


Verse: Q3a    yeŋ́hē. hātąm.   āat̰. yesnē. paitī. vaŋhō.
Verse: Q3b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q3c    tąscā. tā̊scā. yazamaide.



Karde 3


Paragraph: 7 
Verse: a    sraoṣ̌əm. aṣ̌īm. huraoδəm. vərəϑrājanəm. frādat̰.gaēϑəm.
Verse: b       aṣ̌auuanəm. aṣ̌ahe. ratūm. yazamaide.

Paragraph: 8 
Verse: a    yō. paoiriiō. gāϑā̊. frasrāuuaiiat̰.1
Verse: b       yā̊. paṇca. spitāmahe. aṣ̌aonō. zaraϑuštrahe.
Verse: c          afsmaniuuąn.2 vacastaštiuuat̰.3
Verse: d          mat̰.āzaiṇtīš.4 mat̰.paiti.frasā̊.
Verse: e             aməṣ̌anąm. spəṇtanąm.
Verse: f                yasnāica. vahmāica. xṣ̌naoϑrāica. frasastaiiaēca.::

Verse: Q1a       ahe. raiia. xvarənaŋhaca.
Verse: Q1b       aiŋ́he. ama. vərəϑraγnaca.
Verse: Q1c       ahe. yasna. yazatanąm.
Verse: Q1d    təm. yazāi. surunuuata. yasna.
Verse: Q1e       sraoṣ̌əm. aṣ̌īm. zaoϑrābiiō.
Verse: Q1f       aṣ̌īmca. vaŋuhīm. bərəzaitīm.
Verse: Q1g       nairīmca. saŋhəm. huraoδəm::
Verse: Q1h    āca.nō. jamiiāt̰. auuaŋhe.
Verse: Q1i       vərəϑrajā̊. sraoṣ̌ō. aṣ̌iiō.

Verse: Q2a    sraoṣ̌əm. aṣ̌īm. yazamaide::
Verse: Q2b    ratūm. bərəzaṇtəm. yazamaide.
Verse: Q2c       yim. ahurəm. mazdąm.
Verse: Q2d       yō. aṣ̌ahe. apanōtəmō.
Verse: Q2e       yō. aṣ̌ahe. jaγmūštəmō::
Verse: Q2f    vīspa. srauuā̊. zaraϑuštri. yazamaide::
Verse: Q2g    vīspaca. huuaršta. š́iiaoϑna. yazamaide.
Verse: Q2h       varštaca. varəš́iiamnaca.::


Verse: Q3a    yeŋ́hē. hātąm.   āat̰. yesnē. paitī. vaŋhō.
Verse: Q3b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q3c    tąscā. tā̊scā. yazamaide.::



Karde 4


Paragraph: 9 
Verse: a    sraoṣ̌əm. aṣ̌īm. huraoδəm. vərəϑrājanəm. frādat̰.gaēϑəm.
Verse: b       aṣ̌auuanəm. aṣ̌ahe. ratūm. yazamaide.

Paragraph: 10 
Verse: a    yō. driγaošca.1 drīuuiiā̊sca.2
Verse: b       amauuat̰.3 nmānəm. hąm.tāšti.4
Verse: c          pasca. hū. frāṣ̌mō.dāitīm.
Verse: d    yō. aēṣ̌məm.5 stərəϑβata.6 snaiϑiṣ̌a.
Verse: e       vīxrūmaṇtəm.7 xvarəm. jaiṇti.
Verse: f    at̰ca. hē. bāδa.8 kamərəδəm.
Verse: g       jaγnuuā̊. paiti. xvaŋhaiieiti.9
Verse: h          yaϑa. aojā̊.10 nāidiiā̊ŋhəm.11::

Verse: Q1a       ahe. raiia. xvarənaŋhaca.
Verse: Q1b       aiŋ́he. ama. vərəϑraγnaca.
Verse: Q1c       ahe. yasna. yazatanąm.
Verse: Q1d    təm. yazāi. surunuuata. yasna.
Verse: Q1e       sraoṣ̌əm. aṣ̌īm. zaoϑrābiiō.
Verse: Q1f       aṣ̌īmca. vaŋuhīm. bərəzaitīm.
Verse: Q1g       nairīmca. saŋhəm. huraoδəm::
Verse: Q1h    āca.nō. jamiiāt̰. auuaŋhe.
Verse: Q1i       vərəϑrajā̊. sraoṣ̌ō. aṣ̌iiō.

Verse: Q2a    sraoṣ̌əm. aṣ̌īm. yazamaide::
Verse: Q2b    ratūm. bərəzaṇtəm. yazamaide.
Verse: Q2c       yim. ahurəm. mazdąm.
Verse: Q2d       yō. aṣ̌ahe. apanōtəmō.
Verse: Q2e       yō. aṣ̌ahe. jaγmūštəmō::
Verse: Q2f    vīspa. srauuā̊. zaraϑuštri. yazamaide::
Verse: Q2g    vīspaca. huuaršta. š́iiaoϑna. yazamaide.
Verse: Q2h       varštaca. varəš́iiamnaca.::


Verse: Q3a    yeŋ́hē. hātąm.   āat̰. yesnē. paitī. vaŋhō.
Verse: Q3b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q3c    tąscā. tā̊scā. yazamaide.::



Karde 5


Paragraph: 11 
Verse: a    sraoṣ̌əm. aṣ̌īm. huraoδəm. vərəϑrājanəm. frādat̰.gaēϑəm.
Verse: b       aṣ̌auuanəm. aṣ̌ahe. ratūm. yazamaide.
Verse: c       taxməm. āsūm. aojaŋhuuaṇtəm.1
Verse: d       darṣ̌itəm.2 sūrəm. bərəzaiδīm.3

Paragraph: 12 
Verse: a    yō. vīspaēibiiō. haca. arəzaēibiiō.
Verse: b       vauuanuuā̊. paiti.jasaiti.
Verse: c          viiaxma.1 aməṣ̌anąm. spəṇtanąm.::

Verse: Q1a       ahe. raiia. xvarənaŋhaca.
Verse: Q1b       aiŋ́he. ama. vərəϑraγnaca.
Verse: Q1c       ahe. yasna. yazatanąm.
Verse: Q1d    təm. yazāi. surunuuata. yasna.
Verse: Q1e       sraoṣ̌əm. aṣ̌īm. zaoϑrābiiō.
Verse: Q1f       aṣ̌īmca. vaŋuhīm. bərəzaitīm.
Verse: Q1g       nairīmca. saŋhəm. huraoδəm::
Verse: Q1h    āca.nō. jamiiāt̰. auuaŋhe.
Verse: Q1i       vərəϑrajā̊. sraoṣ̌ō. aṣ̌iiō.

Verse: Q2a    sraoṣ̌əm. aṣ̌īm. yazamaide::
Verse: Q2b    ratūm. bərəzaṇtəm. yazamaide.
Verse: Q2c       yim. ahurəm. mazdąm.
Verse: Q2d       yō. aṣ̌ahe. apanōtəmō.
Verse: Q2e       yō. aṣ̌ahe. jaγmūštəmō::
Verse: Q2f    vīspa. srauuā̊. zaraϑuštri. yazamaide::
Verse: Q2g    vīspaca. huuaršta. š́iiaoϑna. yazamaide.
Verse: Q2h       varštaca. varəš́iiamnaca.::


Verse: Q3a    yeŋ́hē. hātąm.   āat̰. yesnē. paitī. vaŋhō.
Verse: Q3b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q3c    tąscā. tā̊scā. yazamaide.::



Karde 6


Paragraph: 13 
Verse: a    sraoṣ̌əm. aṣ̌īm. huraoδəm. vərəϑrājanəm. frādat̰.gaēϑəm.
Verse: b       aṣ̌auuanəm. aṣ̌ahe. ratūm. yazamaide.
Verse: c       yūnąm. aojištəm.
Verse: d       yūnąm. taṇcištəm.1
Verse: e       yūnąm. ϑβaxṣ̌ištəm.
Verse: f       yūnąm.2 āsištəm.
Verse: g       yūnąm. parō.katarštəməm.3
Verse: h    paitiṣ̌ata.4 mazdaiiasna.5
Verse: i       sraoṣ̌ahe. aṣ̌iiehe. yasnəm.

Paragraph: 14 
Verse: a       dūrāt̰. haca. ahmāt̰. nmānāt̰.
Verse: b       dūrāt̰. haca. aiŋ́hāt̰.1 vīsat̰.2
Verse: c       dūrāt̰. haca. ahmāt̰.3 zaṇtaot̰.
Verse: d       dūrāt̰. haca. aiŋ́hāt̰.4 daiŋ́haot̰.5
Verse: e    aγā̊. iϑiiejā̊. vōiγnā̊. yeiṇti.6
Verse: f       †yeŋ́he. nmānaiia.7 sraoṣ̌ō. aṣ̌iiō. vərəϑrajā̊. ϑrąfəδō.8 asti. paiti.zaṇtō.
Verse: g          nāca. aṣ̌auua. frāiiō.humatō. frāiiō.hūxtō. frāiiō.huuarštō.9::

Verse: Q1a       ahe. raiia. xvarənaŋhaca.
Verse: Q1b       aiŋ́he. ama. vərəϑraγnaca.
Verse: Q1c       ahe. yasna. yazatanąm.
Verse: Q1d    təm. yazāi. surunuuata. yasna.
Verse: Q1e       sraoṣ̌əm. aṣ̌īm. zaoϑrābiiō.
Verse: Q1f       aṣ̌īmca. vaŋuhīm. bərəzaitīm.
Verse: Q1g       nairīmca. saŋhəm. huraoδəm::
Verse: Q1h    āca.nō. jamiiāt̰. auuaŋhe.
Verse: Q1i       vərəϑrajā̊. sraoṣ̌ō. aṣ̌iiō.

Verse: Q2a    sraoṣ̌əm. aṣ̌īm. yazamaide::
Verse: Q2b    ratūm. bərəzaṇtəm. yazamaide.
Verse: Q2c       yim. ahurəm. mazdąm.
Verse: Q2d       yō. aṣ̌ahe. apanōtəmō.
Verse: Q2e       yō. aṣ̌ahe. jaγmūštəmō::
Verse: Q2f    vīspa. srauuā̊. zaraϑuštri. yazamaide::
Verse: Q2g    vīspaca. huuaršta. š́iiaoϑna. yazamaide.
Verse: Q2h       varštaca. varəš́iiamnaca.::


Verse: Q3a    yeŋ́hē. hātąm.   āat̰. yesnē. paitī. vaŋhō.
Verse: Q3b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q3c    tąscā. tā̊scā. yazamaide.::



Karde 7


Paragraph: 15 
Verse: a    sraoṣ̌əm. aṣ̌īm. huraoδəm. vərəϑrājanəm. frādat̰.gaēϑəm.
Verse: b       aṣ̌auuanəm. aṣ̌ahe. ratūm. yazamaide.
Verse: c       1yō. vananō.2 kaiiaδahe.
Verse: d       yō. vananō.2 kāiδiiehe.
Verse: e       yō. jaṇta.3 daēuuaiiā̊.4 drujō.5
Verse: f       aš.aojaŋhō.6 ahūm.mərəṇcō.7
Verse: g       yō. harəta.8 aiβiiāxštaca.
Verse: h          vīspaiiā̊. frauuōiš. gaēϑaiiā̊.

Paragraph: 16 
Verse: a       †yō. anauuaŋhabdəmnō.1 zaēnaŋha.2
Verse: b          nipāiti. mazdā̊. dāmąn.
Verse: c       yō. anauuaŋhabdəmnō.3 zaēnaŋha.
Verse: d          nišhauruuaiti.4 mazdā̊. dāmąn.
Verse: e       yō. vīspəm. ahūm. astuuaṇtəm.
Verse: f          ərəδβa.5 snaiϑiṣ̌a. nipāiti.6
Verse: g             pasca. hū.7 frāṣ̌mō.dāitīm.

Paragraph: 17 
Verse: a       yō. nōit̰. pascaēta.1 hušxvafa.2
Verse: b          yat̰. mainiiū.3 dāmąn. daiδītəm.4
Verse: c             yasca. spəṇtō. mainiiuš.5
Verse: d             yasca. aŋrō.6
Verse: e          hiṣ̌ārō. aṣ̌ahe. gaēϑā̊.
Verse: f          yō. vīspāiš. aiiąnca. xṣ̌afnasca. yūiδiieiti.
Verse: g             māzaniiaēibiiō.7 haδa. daēuuaēibiiō.

Paragraph: 18 
Verse: a    hō. nōit̰. tarštō. frānāmāite.1
Verse: b       ϑβaēṣ̌āt̰. parō. daēuuaēibiiō.
Verse: c    frā.2 ahmāt̰. parō. vīspe.3 daēuua.
Verse: d       anusō. taršta. nəmaṇte.4
Verse: e       taršta. təmaŋhō. duuarəṇti.5::

Verse: Q1a       ahe. raiia. xvarənaŋhaca.
Verse: Q1b       aiŋ́he. ama. vərəϑraγnaca.
Verse: Q1c       ahe. yasna. yazatanąm.
Verse: Q1d    təm. yazāi. surunuuata. yasna.
Verse: Q1e       sraoṣ̌əm. aṣ̌īm. zaoϑrābiiō.
Verse: Q1f       aṣ̌īmca. vaŋuhīm. bərəzaitīm.
Verse: Q1g       nairīmca. saŋhəm. huraoδəm::
Verse: Q1h    āca.nō. jamiiāt̰. auuaŋhe.
Verse: Q1i       vərəϑrajā̊. sraoṣ̌ō. aṣ̌iiō.

Verse: Q2a    sraoṣ̌əm. aṣ̌īm. yazamaide::
Verse: Q2b    ratūm. bərəzaṇtəm. yazamaide.
Verse: Q2c       yim. ahurəm. mazdąm.
Verse: Q2d       yō. aṣ̌ahe. apanōtəmō.
Verse: Q2e       yō. aṣ̌ahe. jaγmūštəmō::
Verse: Q2f    vīspa. srauuā̊. zaraϑuštri. yazamaide::
Verse: Q2g    vīspaca. huuaršta. š́iiaoϑna. yazamaide.
Verse: Q2h       varštaca. varəš́iiamnaca.::


Verse: Q3a    yeŋ́hē. hātąm.   āat̰. yesnē. paitī. vaŋhō.
Verse: Q3b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q3c    tąscā. tā̊scā. yazamaide.::



Karde 8


Paragraph: 19 
Verse: a    sraoṣ̌əm. aṣ̌īm. huraoδəm. vərəϑrājanəm. frādat̰.gaēϑəm.
Verse: b       aṣ̌auuanəm. aṣ̌ahe. ratūm. yazamaide.
Verse: c       yim.1 yazata. haomō. frāṣ̌miš.
Verse: d       baēṣ̌aziiō. srīrō.
Verse: e       xṣ̌aϑriiō.2 zairi.dōiϑrō.3
Verse: f          barəzište.4 paiti. barəzahi.5
Verse: g          haraiϑiiō.6 paiti. barəzaiiā̊.7

Paragraph: 20 
Verse: a       huuacā̊.1 pāpō.vacā̊.2
Verse: b       pairi.gā̊.3 vacā̊. paiϑimnō.4
Verse: c       vīspō.paēsīm.5 mastīm.
Verse: d       yąm. pouru.āzaiṇtīm.6
Verse: e       mąϑraheca. pauruuatātəm.7

Verse: Q1a       ahe. raiia. xvarənaŋhaca.
Verse: Q1b       aiŋ́he. ama. vərəϑraγnaca.
Verse: Q1c       ahe. yasna. yazatanąm.
Verse: Q1d    təm. yazāi. surunuuata. yasna.
Verse: Q1e       sraoṣ̌əm. aṣ̌īm. zaoϑrābiiō.
Verse: Q1f       aṣ̌īmca. vaŋuhīm. bərəzaitīm.
Verse: Q1g       nairīmca. saŋhəm. huraoδəm::
Verse: Q1h    āca.nō. jamiiāt̰. auuaŋhe.
Verse: Q1i       vərəϑrajā̊. sraoṣ̌ō. aṣ̌iiō.

Verse: Q2a    sraoṣ̌əm. aṣ̌īm. yazamaide::
Verse: Q2b    ratūm. bərəzaṇtəm. yazamaide.
Verse: Q2c       yim. ahurəm. mazdąm.
Verse: Q2d       yō. aṣ̌ahe. apanōtəmō.
Verse: Q2e       yō. aṣ̌ahe. jaγmūštəmō::
Verse: Q2f    vīspa. srauuā̊. zaraϑuštri. yazamaide::
Verse: Q2g    vīspaca. huuaršta. š́iiaoϑna. yazamaide.
Verse: Q2h       varštaca. varəš́iiamnaca.::


Verse: Q3a    yeŋ́hē. hātąm.   āat̰. yesnē. paitī. vaŋhō.
Verse: Q3b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q3c    tąscā. tā̊scā. yazamaide.::



Karde 9


Paragraph: 21 
Verse: a    sraoṣ̌əm. aṣ̌īm. huraoδəm. vərəϑrājanəm. frādat̰.gaēϑəm.
Verse: b       aṣ̌auuanəm. aṣ̌ahe. ratūm. yazamaide.
Verse: c       yeŋ́he. nmānəm. vārəϑraγni.1
Verse: d          hazaŋrō.stūnəm.2 vīδātəm.3
Verse: e             barəzište.4 paiti. barəzahi.5
Verse: f             haraiϑiiō.6 paiti. barəzaiiā̊.
Verse: g          xvāraoxṣ̌nəm. aṇtara.naēmāt̰.7
Verse: h          stəhrpaēsəm.8 ništara.naēmāt̰.9

Paragraph: 22 
Verse: a       yeŋ́he. ahurō. vairiiō.
Verse: b          snaiϑiš. visata. vərəϑrajā̊.
Verse: c          yasnasca. haptaŋhāitiš.1
Verse: d          fṣ̌ūṣ̌asca.2 mąϑrō. yō. vārəϑraγniš.
Verse: e          vīspā̊sca. yasnō.kərətaiiō.

Verse: Q1a       ahe. raiia. xvarənaŋhaca.
Verse: Q1b       aiŋ́he. ama. vərəϑraγnaca.
Verse: Q1c       ahe. yasna. yazatanąm.
Verse: Q1d    təm. yazāi. surunuuata. yasna.
Verse: Q1e       sraoṣ̌əm. aṣ̌īm. zaoϑrābiiō.
Verse: Q1f       aṣ̌īmca. vaŋuhīm. bərəzaitīm.
Verse: Q1g       nairīmca. saŋhəm. huraoδəm::
Verse: Q1h    āca.nō. jamiiāt̰. auuaŋhe.
Verse: Q1i       vərəϑrajā̊. sraoṣ̌ō. aṣ̌iiō.

Verse: Q2a    sraoṣ̌əm. aṣ̌īm. yazamaide::
Verse: Q2b    ratūm. bərəzaṇtəm. yazamaide.
Verse: Q2c       yim. ahurəm. mazdąm.
Verse: Q2d       yō. aṣ̌ahe. apanōtəmō.
Verse: Q2e       yō. aṣ̌ahe. jaγmūštəmō::
Verse: Q2f    vīspa. srauuā̊. zaraϑuštri. yazamaide::
Verse: Q2g    vīspaca. huuaršta. š́iiaoϑna. yazamaide.
Verse: Q2h       varštaca. varəš́iiamnaca.::


Verse: Q3a    yeŋ́hē. hātąm.   āat̰. yesnē. paitī. vaŋhō.
Verse: Q3b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q3c    tąscā. tā̊scā. yazamaide.



Karde 10


Paragraph: 23 
Verse: a    sraoṣ̌əm. aṣ̌īm. huraoδəm. vərəϑrājanəm. frādat̰.gaēϑəm.
Verse: b       aṣ̌auuanəm. aṣ̌ahe. ratūm. yazamaide.
Verse: c       yeŋ́he. amaca. vərəϑraγnaca.
Verse: d          haoząϑβaca.1 vaēδiiāca.2
Verse: e             auuāin.3 aməṣ̌ā̊.4 spəṇta.5
Verse: f                aoi.6 haptō.karṣ̌uuairīm.7 ząm.
Verse: g       yō. daēnō.disō. daēnaiiāi.8

Paragraph: 24 
Verse: a       vasō.xṣ̌aϑrō. fracarāiti.1
Verse: b          aoi.2 yąm. astuuaitīm. gaēϑąm::3
Verse: c    4aiia. daēnaiia. fraorəṇta.5
Verse: d       ahurō. mazdā̊. aṣ̌aiia.
Verse: e          frā. vohu.6 manō.
Verse: f          frā. aṣ̌əm. vahištəm.
Verse: g          frā. xṣ̌aϑrəm. vairīm.
Verse: h          frā. spəṇta. ārmaitiš.
Verse: i          frā. hauruuatās.7
Verse: j          frā. amərətatās.7
Verse: k          frā.8 āhūiriš.9 fraṣ̌nō.10
Verse: l          frā. āhūiriš.9 t̰kaēṣ̌ō.

Paragraph: 25 
Verse: a    frā. aδa.1 uuaēibiia.2 ahubiia.
Verse: b       uuaēibiia.3 nō.4 ahubiia. nipaiiā̊.5
Verse: c          āi.6 sraoṣ̌a. aṣ̌iia.7 huraoδa.
Verse: d       aheca. aŋhə̄uš. yō. astuuatō.
Verse: e          yasca. asti. manahiiō.8
Verse: f             pairi. druuatat̰.9 mahrkāt̰.
Verse: g             pairi. druuatat̰.9 aēṣ̌māt̰.
Verse: h             pairi. druuat̰biiō.10 haēnaēibiiō.11
Verse: i                yā̊. us. xrūrəm. drafṣ̌əm. gərəβnąn.12
Verse: j             aēṣ̌mahe. parō. draomə̄biiō.13
Verse: k                yā̊.14 aēṣ̌mō. duždā̊. drāuuaiiāt̰.15
Verse: l                mat̰. vīδātaot̰.16 daēuuō.dātāt̰.

Paragraph: 26 
Verse: a    aδa. nō. tūm.1 sraoṣ̌a. aṣ̌iia.2
Verse: b       huraoδa. zāuuarə. daiiā̊.3
Verse: c          hitaēibiiō.4 druuatātəm. tanubiiō.
Verse: d          pouru.spaxštīm.5 t̰biṣ̌iiaṇtąm.6
Verse: e          paiti.jaitīm.7 dušmainiiunąm.8
Verse: f          haϑrā.niuuāitīm.9 hamərəϑanąm.10
Verse: g          auruuaϑanąm.11 t̰biṣ̌iiaṇtąm.12

Verse: Q1a       ahe. raiia. xvarənaŋhaca.
Verse: Q1b       aiŋ́he. ama. vərəϑraγnaca.
Verse: Q1c       ahe. yasna. yazatanąm.
Verse: Q1d    təm. yazāi. surunuuata. yasna.
Verse: Q1e       sraoṣ̌əm. aṣ̌īm. zaoϑrābiiō.
Verse: Q1f       aṣ̌īmca. vaŋuhīm. bərəzaitīm.
Verse: Q1g       nairīmca. saŋhəm. huraoδəm::
Verse: Q1h    āca.nō. jamiiāt̰. auuaŋhe.
Verse: Q1i       vərəϑrajā̊. sraoṣ̌ō. aṣ̌iiō.

Verse: Q2a    sraoṣ̌əm. aṣ̌īm. yazamaide::
Verse: Q2b    ratūm. bərəzaṇtəm. yazamaide.
Verse: Q2c       yim. ahurəm. mazdąm.
Verse: Q2d       yō. aṣ̌ahe. apanōtəmō.
Verse: Q2e       yō. aṣ̌ahe. jaγmūštəmō::
Verse: Q2f    vīspa. srauuā̊. zaraϑuštri. yazamaide::
Verse: Q2g    vīspaca. huuaršta. š́iiaoϑna. yazamaide.
Verse: Q2h       varštaca. varəš́iiamnaca.::


Verse: Q3a    yeŋ́hē. hātąm.   āat̰. yesnē. paitī. vaŋhō.
Verse: Q3b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q3c    tąscā. tā̊scā. yazamaide.::



Karde 11


Paragraph: 27 
Verse: a    sraoṣ̌əm. aṣ̌īm. huraoδəm. vərəϑrājanəm. frādat̰.gaēϑəm.
Verse: b       aṣ̌auuanəm. aṣ̌ahe. ratūm. yazamaide.
Verse: c       yim. caϑβārō. auruuaṇtō.
Verse: d          auruṣ̌a.1 raoxṣ̌na. frādərəsra.2
Verse: e          spəṇta. vīδuuā̊ŋhō.3 asaiia.4
Verse: f          mainiuuasaŋhō.5 vazəṇti::
Verse: g             sruuaēna.6 aēṣ̌ąm. safā̊ŋhō.
Verse: h             zaraniia.7 paiti.ϑβarštā̊ŋhō::8

Paragraph: 28 
Verse: a          āsiiaŋha.1 aspaēibiia.
Verse: b          āsiiaŋha. vātaēibiia.
Verse: c          āsiiaŋha. vāraēibiia.
Verse: d          āsiiaŋha. maēγaēibiia.2
Verse: e          āsiiaŋha. vaiiaēibiia.
Verse: f          patarətaēibiia.3 āsiiaŋha.
Verse: g          huuastaiiā̊.4 aiŋ́himanaiiā̊.5

Paragraph: 29 
Verse: a          yōi. vīspə̄. tē.1 apaiieiṇti.2
Verse: b             yą.3 auue.4 paskāt̰.5 viieiṇti.6
Verse: c             nōit̰. auue.7 paskāt̰. āfəṇte::8
Verse: d          yōi. uuaēibiia.9 snaiϑīžbiia.10
Verse: e             frāiiataiieiṇti.11 vazəmna.
Verse: f                yim. vohūm.12 sraoṣ̌əm. aṣ̌īm.
Verse: g    yat̰cit̰. uṣ̌astaire.13 hiṇduuō.14   āgəuruuaiieite.15
Verse: h    yat̰cit̰. daoṣ̌ataire.16   niγne.17

Verse: Q1a       ahe. raiia. xvarənaŋhaca.
Verse: Q1b       aiŋ́he. ama. vərəϑraγnaca.
Verse: Q1c       ahe. yasna. yazatanąm.
Verse: Q1d    təm. yazāi. surunuuata. yasna.
Verse: Q1e       sraoṣ̌əm. aṣ̌īm. zaoϑrābiiō.
Verse: Q1f       aṣ̌īmca. vaŋuhīm. bərəzaitīm.
Verse: Q1g       nairīmca. saŋhəm. huraoδəm::
Verse: Q1h    āca.nō. jamiiāt̰. auuaŋhe.
Verse: Q1i       vərəϑrajā̊. sraoṣ̌ō. aṣ̌iiō.

Verse: Q2a    sraoṣ̌əm. aṣ̌īm. yazamaide::
Verse: Q2b    ratūm. bərəzaṇtəm. yazamaide.
Verse: Q2c       yim. ahurəm. mazdąm.
Verse: Q2d       yō. aṣ̌ahe. apanōtəmō.
Verse: Q2e       yō. aṣ̌ahe. jaγmūštəmō::
Verse: Q2f    vīspa. srauuā̊. zaraϑuštri. yazamaide::
Verse: Q2g    vīspaca. huuaršta. š́iiaoϑna. yazamaide.
Verse: Q2h       varštaca. varəš́iiamnaca.::


Verse: Q3a    yeŋ́hē. hātąm.   āat̰. yesnē. paitī. vaŋhō.
Verse: Q3b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q3c    tąscā. tā̊scā. yazamaide.::



Karde 12


Paragraph: 30 
Verse: a    sraoṣ̌əm. aṣ̌īm. huraoδəm. vərəϑrājanəm. frādat̰.gaēϑəm.
Verse: b       aṣ̌auuanəm. aṣ̌ahe. ratūm. yazamaide.
Verse: c       yō. bərəzō. bərəziiāstō.1
Verse: d          mazdā̊. dāmąn. nišaŋhasti.

Paragraph: 31 
Verse: a       yō. āϑritīm. hamahe.
Verse: b          aiiąn. hamaiiā̊. vā. xṣ̌apō.
Verse: c             imat̰. karṣ̌uuarə. auuazāite.1
Verse: d                yat̰. xvaniraϑəm.2 bāmīm.
Verse: e                   snaiϑiš.3 zastaiia.4 dražimnō.5
Verse: f                   brōiϑrō.taēžəm.6 huuā.vaēγəm.7
Verse: g                      kamərəδe. paiti. daēuuanąm.

Paragraph: 32 
Verse: a                snaϑāi. aŋrahe.1 maniiə̄uš.2 druuatō.
Verse: b                snaϑāi. aēṣ̌mahe. xruuīm.draoš.3
Verse: c                snaϑāi. māzainiianąm. daēuuanąm.
Verse: d                snaϑāi. vīspanąm. daēuuanąm.

Verse: Q1a       ahe. raiia. xvarənaŋhaca.
Verse: Q1b       aiŋ́he. ama. vərəϑraγnaca.
Verse: Q1c       ahe. yasna. yazatanąm.
Verse: Q1d    təm. yazāi. surunuuata. yasna.
Verse: Q1e       sraoṣ̌əm. aṣ̌īm. zaoϑrābiiō.
Verse: Q1f       aṣ̌īmca. vaŋuhīm. bərəzaitīm.
Verse: Q1g       nairīmca. saŋhəm. huraoδəm::
Verse: Q1h    āca.nō. jamiiāt̰. auuaŋhe.
Verse: Q1i       vərəϑrajā̊. sraoṣ̌ō. aṣ̌iiō.

Verse: Q2a    sraoṣ̌əm. aṣ̌īm. yazamaide::
Verse: Q2b    ratūm. bərəzaṇtəm. yazamaide.
Verse: Q2c       yim. ahurəm. mazdąm.
Verse: Q2d       yō. aṣ̌ahe. apanōtəmō.
Verse: Q2e       yō. aṣ̌ahe. jaγmūštəmō::
Verse: Q2f    vīspa. srauuā̊. zaraϑuštri. yazamaide::
Verse: Q2g    vīspaca. huuaršta. š́iiaoϑna. yazamaide.
Verse: Q2h       varštaca. varəš́iiamnaca.::


Verse: Q3a    yeŋ́hē. hātąm.   āat̰. yesnē. paitī. vaŋhō.
Verse: Q3b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q3c    tąscā. tā̊scā. yazamaide.::


Karde 13


Paragraph: 33 
Verse: a    sraoṣ̌əm. aṣ̌īm. huraoδəm. vərəϑrājanəm. frādat̰.gaēϑəm.
Verse: b       aṣ̌auuanəm. aṣ̌ahe. ratūm. yazamaide.
Verse: c       iδat̰ca.1 ainiδat̰ca.2 iδat̰ca.1
Verse: d       vīspąmca. aipi.3 imąm. ząm.
Verse: e       4vīspā̊. sraoṣ̌ahe. aṣ̌iiehe.5
Verse: f          taxmahe. tanumąϑrahe.
Verse: g          taxmahe. hąm.varəitiuuatō.6
Verse: h          bāzuš.aojaŋhō. raϑaēštā̊.7
Verse: i          kamərəδō.janō. daēuuanąm.
Verse: j          vanatō. vanaitīš.8 vanaitiuuatō. aṣ̌aonō.
Verse: k          vanatō. vanaitīš.8 vanaiṇtīmca.9 uparatātəm.10 yazamaide.
Verse: l             yąmca.11 sraoṣ̌ahe. aṣ̌iiehe.12
Verse: m             yąmca. arštōiš. yazamaide.

Paragraph: 34 
Verse: a    vīspa. nmāna. sraoṣ̌ō.pāta. yazamaide.
Verse: b       yeŋ́hāδa.1 sraoṣ̌ō. aṣ̌iiō.2
Verse: c          friiō. friϑō.3 paiti.zaṇtō.
Verse: d          nāca. aṣ̌auua.
Verse: e          frāiiō.humatō. frāiiō.hūxtō. frāiiō.huuarštō.

Verse: Q1a       ahe. raiia. xvarənaŋhaca.
Verse: Q1b       aiŋ́he. ama. vərəϑraγnaca.
Verse: Q1c       ahe. yasna. yazatanąm.
Verse: Q1d    təm. yazāi. surunuuata. yasna.
Verse: Q1e       sraoṣ̌əm. aṣ̌īm. zaoϑrābiiō.
Verse: Q1f       aṣ̌īmca. vaŋuhīm. bərəzaitīm.
Verse: Q1g       nairīmca. saŋhəm. huraoδəm::
Verse: Q1h    āca.nō. jamiiāt̰. auuaŋhe.
Verse: Q1i       vərəϑrajā̊. sraoṣ̌ō. aṣ̌iiō.

Verse: Q2a    sraoṣ̌əm. aṣ̌īm. yazamaide::
Verse: Q2b    ratūm. bərəzaṇtəm. yazamaide.
Verse: Q2c       yim. ahurəm. mazdąm.
Verse: Q2d       yō. aṣ̌ahe. apanōtəmō.
Verse: Q2e       yō. aṣ̌ahe. jaγmūštəmō::
Verse: Q2f    vīspa. srauuā̊. zaraϑuštri. yazamaide::
Verse: Q2g    vīspaca. huuaršta. š́iiaoϑna. yazamaide.
Verse: Q2h       varštaca. varəš́iiamnaca.::


Verse: Q3a    yeŋ́hē. hātąm.   āat̰. yesnē. paitī. vaŋhō.
Verse: Q3b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q3c    tąscā. tā̊scā. yazamaide.::

zōt̰. u. rāspī::

Verse: Q4Aa    4yaϑā. ahū. vairiiō.   aϑā. ratuš. aṣ̌āt̰cīt̰. hacā. (du. bār.)
Verse: Q4Ab    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q4Ac    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q4Ba    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q4Bb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q4Bc    xšaϑrəmcā. ahurāi.ā.   yim. drigubiiō. dadat̰. vāstārəm.::::



Fṣ̌ūṣ̌ō Mąϑrō


Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.