TITUS
Rg-Veda: Rg-Veda-Samhita
Part No. 325
Previous part

Hymn: 29_(325) 
Verse: 1 
Halfverse: a    ā́ na stutá úpa vā́jebʰir ūtī́ índra yāhí háribʰir mandasānáḥ /
   ā́ na stutá úpa vā́jebʰir ūtī́
   ā́ naḥ stutáḥ úpa vā́jebʰiḥ ūtī́
   ā́ na stutá úpa vā́jebʰir ūtī́

Halfverse: b    índra yāhí háribʰir mandasānáḥ /
   índra yāhí háribʰiḥ mandasānáḥ /
   índra yāhí háribʰir mandasānáḥ /

Halfverse: c    tiráś cid aryáḥ sávanā purū́ṇy āṅgūṣébʰir gr̥ṇānáḥ satyárādʰāḥ //
   tiráś cid aryáḥ sávanā purū́ṇy
   tiráḥ cit aryáḥ sávanā purū́ṇi
   tiráś cid aryáḥ sávanā purū́ṇi

Halfverse: d    āṅgūṣébʰir gr̥ṇānáḥ satyárādʰāḥ //
   āṅgūṣébʰiḥ gr̥ṇānáḥ satyárādʰāḥ //
   āṅgūṣébʰir gr̥ṇānáḥ satyárādʰāḥ //


Verse: 2 
Halfverse: a    ā́ hí ṣmā yā́ti náryaś cikitvā́n hūyámānaḥ sotŕ̥bʰir úpa yajñám /
   ā́ hí ṣmā yā́ti náryaś cikitvā́n
   ā́ hí sma+ yā́ti náryaḥ cikitvā́n
   ā́ hí ṣmā yā́ti náriyaś cikitvā́n

Halfverse: b    hūyámānaḥ sotŕ̥bʰir úpa yajñám /
   hūyámānaḥ sotŕ̥bʰiḥ úpa yajñám /
   hūyámānaḥ sotŕ̥bʰir úpa yajñám /

Halfverse: c    sváśvo yó ábʰīrur mányamānaḥ suṣvāṇébʰir mádati sáṃ ha vīraíḥ //
   sváśvo yó ábʰīrur mányamānaḥ
   sváśvaḥ yáḥ ábʰīruḥ mányamānaḥ
   suaśvo yó ábʰīrur mányamānaḥ

Halfverse: d    suṣvāṇébʰir mádati sáṃ ha vīraíḥ //
   suṣvāṇébʰiḥ mádati sám ha vīraíḥ //
   suṣvāṇébʰir mádati sáṃ ha vīraíḥ //


Verse: 3 
Halfverse: a    śrāváyéd asya kárṇā vājayádʰyai júṣṭām ánu prá díśam mandayádʰyai /
   śrāváyéd \!\ asya kárṇā vājayádʰyai
   śrāváya ít asya kárṇā vājayádʰyai
   śrāváyéd asya kárṇā vājayádʰyai

Halfverse: b    júṣṭām ánu prá díśam mandayádʰyai /
   júṣṭām ánu prá díśam mandayádʰyai /
   júṣṭām ánu prá díśam mandayádʰyai /

Halfverse: c    udvāvr̥ṣāṇó rā́dʰase túviṣmān káran na índraḥ sutīrtʰā́bʰayaṃ ca //
   udvāvr̥ṣāṇó rā́dʰase túviṣmān
   udvāvr̥ṣāṇáḥ rā́dʰase túviṣmān
   udvāvr̥ṣāṇó rā́dʰase túviṣmān

Halfverse: d    káran na índraḥ sutīrtʰā́bʰayaṃ ca //
   kárat naḥ índraḥ sutīrtʰā́ ábʰayam ca //
   káran na índraḥ sutīrtʰā́bʰayaṃ ca //


Verse: 4 
Halfverse: a    ácʰā yó gántā nā́dʰamānam ūtī́ ittʰā́ vípraṃ hávamānaṃ gr̥ṇántam /
   ácʰā yó gántā nā́dʰamānam ūtī́
   ácʰa+ yáḥ gántā nā́dʰamānam ūtī́
   ácʰā yó gántā nā́dʰamānam ūtī́

Halfverse: b    ittʰā́ vípraṃ hávamānaṃ gr̥ṇántam /
   ittʰā́ vípram hávamānam gr̥ṇántam /
   ittʰā́ vípraṃ hávamānaṃ gr̥ṇántam /

Halfverse: c    úpa tmáni dádʰāno dʰury ā̀śū́n sahásrāṇi śatā́ni vájrabāhuḥ //
   úpa tmáni dádʰāno dʰury ā̀śū́n
   úpa tmáni dádʰānaḥ dʰurí āśū́n
   úpa tmáni dádʰāno dʰurí āśū́n

Halfverse: d    sahásrāṇi śatā́ni vájrabāhuḥ //
   sahásrāṇi śatā́ni vájrabāhuḥ //
   sahásrāṇi śatā́ni vájrabāhuḥ //


Verse: 5 
Halfverse: a    tvótāso magʰavann indra víprā vayáṃ te syāma sūráyo gr̥ṇántaḥ /
   tvótāso magʰavann indra víprā
   tvótāsaḥ magʰavan indra víprāḥ
   tuvótāso magʰavann indra víprā

Halfverse: b    vayáṃ te syāma sūráyo gr̥ṇántaḥ /
   vayám te syāma sūráyaḥ gr̥ṇántaḥ /
   vayáṃ te syāma sūráyo gr̥ṇántaḥ /

Halfverse: c    bʰejānā́so br̥háddivasya rāyá ākāyyàsya dāváne purukṣóḥ //
   bʰejānā́so br̥háddivasya rāyá
   bʰejānā́saḥ br̥háddivasya rāyáḥ
   bʰejānā́so br̥háddivasya rāyá

Halfverse: d    ākāyyàsya dāváne purukṣóḥ //
   ākāyyàsya dāváne purukṣóḥ //
   ākāyíyasya dāváne purukṣóḥ //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.