TITUS
Rg-Veda: Rg-Veda-Samhita
Part No. 324
Previous part

Hymn: 28_(324) 
Verse: 1 
Halfverse: a    tvā́ yujā́ táva tát soma sakʰyá índro apó mánave sasrútas kaḥ /
   tvā́ yujā́ táva tát soma sakʰyá
   tvā́ yujā́ táva tát soma sakʰyé
   tuvā́ yujā́ táva tát soma sakʰyá

Halfverse: b    índro apó mánave sasrútas kaḥ /
   índraḥ apáḥ mánave sasrútaḥ kar /
   índro apó mánave sasrútas kaḥ /

Halfverse: c    áhann áhim áriṇāt saptá síndʰūn ápāvr̥ṇod ápihiteva kʰā́ni //
   áhann áhim áriṇāt saptá síndʰūn
   áhan áhim áriṇāt saptá síndʰūn
   áhann áhim áriṇāt saptá síndʰūn

Halfverse: d    ápāvr̥ṇod ápihiteva kʰā́ni //
   ápa avr̥ṇot ápihitā iva kʰā́ni //
   ápāvr̥ṇod ápihiteva kʰā́ni //


Verse: 2 
Halfverse: a    tvā́ yujā́ ní kʰidat sū́ryasyéndraś cakráṃ sáhasā sadyá indo /
   tvā́ yujā́ ní kʰidat sū́ryasya_
   tvā́ yujā́ ní kʰidat sū́ryasya
   tuvā́ yujā́ ní kʰidat sū́riyasya

Halfverse: b    _índraś cakráṃ sáhasā sadyá indo /
   índraḥ cakrám sáhasā sadyáḥ indo /
   índraś cakráṃ sáhasā sadyá indo /

Halfverse: c    ádʰi ṣṇúnā br̥hatā́ vártamānam mahó druhó ápa viśvā́yu dʰāyi //
   ádʰi ṣṇúnā br̥hatā́ vártamānam
   ádʰi snúnā br̥hatā́ vártamānam
   ádʰi ṣṇúnā br̥hatā́ vártamānam

Halfverse: d    mahó druhó ápa viśvā́yu dʰāyi //
   maháḥ druháḥ ápa viśvā́yu dʰāyi //
   mahó druhó ápa viśvā́yu dʰāyi //


Verse: 3 
Halfverse: a    áhann índro ádahad agnír indo purā́ dásyūn madʰyáṃdinād abʰī́ke /
   áhann índro ádahad agnír indo
   áhan índraḥ ádahat agníḥ indo
   áhann índro ádahad agnír indo

Halfverse: b    purā́ dásyūn madʰyáṃdinād abʰī́ke /
   purā́ dásyūn madʰyáṃdināt abʰī́ke /
   purā́ dásyūn madʰyáṃdinād abʰī́ke /

Halfverse: c    durgé duroṇé krátvā ná yātā́m purū́ sahásrā śárvā ní barhīt //
   durgé duroṇé krátvā ná yātā́m
   durgé duroṇé krátvā ná yātā́m
   durgé duroṇé krátuvā ná yātā́m

Halfverse: d    purū́ sahásrā śárvā ní barhīt //
   purú+ sahásrā śárvā ní barhīt //
   purū́ sahásrā śáruvā ní barhīt //


Verse: 4 
Halfverse: a    víśvasmāt sīm adʰamā́m̐ indra dásyūn víśo dā́sīr akr̥ṇor apraśastā́ḥ /
   víśvasmāt sīm adʰamā́m̐ indra dásyūn
   víśvasmāt sīm adʰamā́n indra dásyūn
   víśvasmāt sīm adʰamā́m̐ indra dásyūn

Halfverse: b    víśo dā́sīr akr̥ṇor apraśastā́ḥ /
   víśaḥ dā́sīḥ akr̥ṇoḥ apraśastā́ḥ /
   víśo dā́sīr akr̥ṇor apraśastā́ḥ /

Halfverse: c    ábādʰetʰām ámr̥ṇataṃ ní śátrūn ávindetʰām ápacitiṃ vádʰatraiḥ //
   ábādʰetʰām ámr̥ṇataṃ ní śátrūn
   ábādʰetʰām ámr̥ṇatam ní śátrūn
   ábādʰetʰām ámr̥ṇataṃ ní śátrūn

Halfverse: d    ávindetʰām ápacitiṃ vádʰatraiḥ //
   ávindetʰām ápacitim vádʰatraiḥ //
   ávindetʰām ápacitiṃ vádʰatraiḥ //


Verse: 5 
Halfverse: a    evā́ satyám magʰavānā yuváṃ tád índraś ca somorvám áśvyaṃ góḥ /
   evā́ satyám magʰavānā yuváṃ tád
   evá+ satyám magʰavānā yuvám tát
   evā́ satyám magʰavānā yuváṃ tád

Halfverse: b    índraś ca somorvám áśvyaṃ góḥ /
   índraḥ ca soma ūrvám áśvyam góḥ /
   índraś ca soma ūrvám áśviyaṃ góḥ /

Halfverse: c    ā́dardr̥tam ápihitāny áśnā riricátʰuḥ kṣā́ś cit tatr̥dānā́ //
   ā́dardr̥tam ápihitāny áśnā
   ā́ adardr̥tam ápihitāni áśnā
   ā́dardr̥tam ápihitāni áśnā

Halfverse: d    riricátʰuḥ kṣā́ś cit tatr̥dānā́ //
   riricátʰuḥ kṣā́ḥ cit tatr̥dānā́ //
   riricátʰuḥ kṣâáś cit tatr̥dānā́ //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.