TITUS
Rg-Veda: Rg-Veda-Samhita
Part No. 323
Previous part

Hymn: 27_(323) 
Verse: 1 
Halfverse: a    gárbʰe nú sánn ánv eṣām avedam aháṃ devā́nāṃ jánimāni víśvā /
   gárbʰe nú sánn ánv eṣām avedam
   gárbʰe nú sán ánu eṣām avedam
   gárbʰe nú sánn ánu eṣām avedam

Halfverse: b    aháṃ devā́nāṃ jánimāni víśvā /
   ahám devā́nām jánimāni víśvā /
   aháṃ devā́nāṃ jánimāni víśvā /

Halfverse: c    śatám mā púra ā́yasīr arakṣann ádʰa śyenó javásā nír adīyam //
   śatám mā púra ā́yasīr arakṣann
   śatám mā púraḥ ā́yasīḥ arakṣan
   śatám mā púra ā́yasīr arakṣann

Halfverse: d    ádʰa śyenó javásā nír adīyam //
   ádʰa śyenáḥ javásā níḥ adīyam //
   ádʰa śyenó javásā nír adīyam //


Verse: 2 
Halfverse: a    ná gʰā sá mā́m ápa jóṣaṃ jabʰārābʰī́m āsa tvákṣasā vīryèṇa /
   ná gʰā sá mā́m ápa jóṣaṃ jabʰāra_
   ná gʰa+ sá mā́m ápa jóṣam jabʰāra
   ná gʰā sá mā́m ápa jóṣaṃ jabʰāra

Halfverse: b    _abʰī́m āsa tvákṣasā vīryèṇa /
   abʰí īm āsa tvákṣasā vīryèṇa /
   abʰī́m āsa tvákṣasā vīríyeṇa /

Halfverse: c    īrmā́ púraṃdʰir ajahād árātīr utá vā́tām̐ atarac cʰū́śuvānaḥ //
   īrmā́ púraṃdʰir ajahād árātīr
   īrmā́ púraṃdʰiḥ ajahāt árātīḥ
   īrmā́ púraṃdʰir ajahād árātīr

Halfverse: d    utá vā́tām̐ atarac cʰū́śuvānaḥ //
   utá vā́tān atarat śū́śuvānaḥ //
   utá vā́tām̐ atarac cʰū́śuvānaḥ //


Verse: 3 
Halfverse: a    áva yác cʰyenó ásvanīd ádʰa dyór ví yád yádi vā́ta ūhúḥ púraṃdʰim /
   áva yác cʰyenó ásvanīd ádʰa dyór
   áva yát śyenáḥ ásvanīt ádʰa dyóḥ
   áva yác cʰyenó ásvanīd ádʰa dyór

Halfverse: b    ví yád yádi vā́ta ūhúḥ púraṃdʰim /
   ví yát yádi vā átaḥ ūhúḥ púraṃdʰim /
   ví yád yádi vā́ta ūhúḥ púraṃdʰim /

Halfverse: c    sr̥jád yád asmā áva ha kṣipáj jyā́ṃ kr̥śā́nur ástā mánasā bʰuraṇyán //
   sr̥jád yád asmā áva ha kṣipáj jyā́ṃ
   sr̥ját yát asmai áva ha kṣipát jyā́m
   sr̥jád yád asmā áva ha kṣipáj jyā́ṃ

Halfverse: d    kr̥śā́nur ástā mánasā bʰuraṇyán //
   kr̥śā́nuḥ ástā mánasā bʰuraṇyán //
   kr̥śā́nur ástā mánasā bʰuraṇyán //


Verse: 4 
Halfverse: a    r̥jipyá īm índrāvato ná bʰujyúṃ śyenó jabʰāra br̥ható ádʰi ṣṇóḥ /
   r̥jipyá īm índrāvato ná bʰujyúṃ
   r̥jipyáḥ īm índrāvataḥ ná bʰujyúm
   r̥jipyá īm índrāvato ná bʰujyúṃ

Halfverse: b    śyenó jabʰāra br̥ható ádʰi ṣṇóḥ /
   śyenáḥ jabʰāra br̥hatáḥ ádʰi snóḥ /
   śyenó jabʰāra br̥ható ádʰi ṣṇóḥ /

Halfverse: c    antáḥ patat patatry àsya parṇám ádʰa yā́mani prásitasya tád véḥ //
   antáḥ patat patatry àsya parṇám
   antár patat patatrí asya parṇám
   antáḥ patat patatrí asya parṇám

Halfverse: d    ádʰa yā́mani prásitasya tád véḥ //
   ádʰa yā́mani prásitasya tát véḥ //
   ádʰa yā́mani prásitasya tád véḥ //


Verse: 5 
Halfverse: a    ádʰa śvetáṃ kaláśaṃ góbʰir aktám āpipyānám magʰávā śukrám ándʰaḥ /
   ádʰa śvetáṃ kaláśaṃ góbʰir aktám
   ádʰa śvetám kaláśam góbʰiḥ aktám
   ádʰa śvetáṃ kaláśaṃ góbʰir aktám

Halfverse: b    āpipyānám magʰávā śukrám ándʰaḥ /
   āpipyānám magʰávā śukrám ándʰaḥ /
   āpipyānám magʰávā śukrám ándʰaḥ /

Halfverse: c    adʰvaryúbʰiḥ práyatam mádʰvo ágram índro mádāya práti dʰat píbadʰyai śū́ro mádāya práti dʰat píbadʰyai //
   adʰvaryúbʰiḥ práyatam mádʰvo ágram
   adʰvaryúbʰiḥ práyatam mádʰvaḥ ágram
   adʰvaryúbʰiḥ práyatam mádʰvo ágram

Halfverse: d    índro mádāya práti dʰat píbadʰyai
   índraḥ mádāya práti dʰat píbadʰyai
   índro mádāya práti dʰat píbadʰyai

Halfverse: e    śū́ro mádāya práti dʰat píbadʰyai //
   śū́raḥ mádāya práti dʰat píbadʰyai //
   śū́ro mádāya práti dʰat píbadʰyai //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.