TITUS
Rg-Veda: Rg-Veda-Samhita
Part No. 322
Previous part

Hymn: 26_(322) 
Verse: 1 
Halfverse: a    ahám mánur abʰavaṃ sū́ryaś cāháṃ kakṣī́vām̐ ŕ̥ṣir asmi vípraḥ /
   ahám mánur abʰavaṃ sū́ryaś ca_
   ahám mánuḥ abʰavam sū́ryaḥ ca
   ahám mánur abʰavaṃ sū́riyaś ca

Halfverse: b    _aháṃ kakṣī́vām̐ ŕ̥ṣir asmi vípraḥ /
   ahám kakṣī́vān ŕ̥ṣiḥ asmi vípraḥ /
   aháṃ kakṣī́vām̐ ŕ̥ṣir asmi vípraḥ /

Halfverse: c    aháṃ kútsam ārjuneyáṃ ny r̥̀ñje 'háṃ kavír uśánā páśyatā mā //
   aháṃ kútsam ārjuneyáṃ ny r̥̀ñje
   ahám kútsam ārjuneyám ní r̥ñje
   aháṃ kútsam ārjuneyáṃ ní r̥ñje

Halfverse: d    'háṃ kavír uśánā páśyatā mā //
   ahám kavíḥ uśánā páśyata+ mā //
   aháṃ kavír uśánā páśyatā mā //


Verse: 2 
Halfverse: a    ahám bʰū́mim adadām ā́ryāyāháṃ vr̥ṣṭíṃ dāśúṣe mártyāya /
   ahám bʰū́mim adadām ā́ryāya_
   ahám bʰū́mim adadām ā́ryāya
   ahám bʰū́mim adadām ā́riyāya

Halfverse: b    _aháṃ vr̥ṣṭíṃ \!\ dāśúṣe mártyāya /
   ahám vr̥ṣṭím dāśúṣe mártyāya /
   aháṃ vr̥ṣṭíṃ dāśúṣe mártiyāya /

Halfverse: c    ahám apó anayaṃ vāvaśānā́ máma devā́so ánu kétam āyan //
   ahám apó anayaṃ vāvaśānā́
   ahám apáḥ anayam vāvaśānā́ḥ
   ahám apó anayaṃ vāvaśānā́

Halfverse: d    máma devā́so ánu kétam āyan //
   máma devā́saḥ ánu kétam āyan //
   máma devā́so ánu kétam āyan //


Verse: 3 
Halfverse: a    ahám púro mandasānó vy aìraṃ náva sākáṃ navatī́ḥ śámbarasya /
   ahám púro mandasānó vy aìraṃ
   ahám púraḥ mandasānáḥ ví airam
   ahám púro mandasānó ví airaṃ

Halfverse: b    náva sākáṃ navatī́ḥ śámbarasya /
   náva sākám navatī́ḥ śámbarasya /
   náva sākáṃ navatī́ḥ śámbarasya /

Halfverse: c    śatatamáṃ veśyàṃ sarvátātā dívodāsam atitʰigváṃ yád ā́vam //
   śatatamáṃ veśyàṃ sarvátātā
   śatatamám veśyàm sarvátātā
   śatatamáṃ veśíyaṃ sarvátātā

Halfverse: d    dívodāsam atitʰigváṃ yád ā́vam //
   dívodāsam atitʰigvám yát ā́vam //
   dívodāsam atitʰigváṃ yád ā́vam //


Verse: 4 
Halfverse: a    prá sú ṣá víbʰyo maruto vír astu prá śyenáḥ śyenébʰya āśupátvā /
   prá sú ṣá víbʰyo maruto vír astu
   prá sú sá víbʰyaḥ marutaḥ víḥ astu
   prá sú ṣá víbʰyo maruto vír astu

Halfverse: b    prá śyenáḥ śyenébʰya āśupátvā /
   prá śyenáḥ śyenébʰyaḥ āśupátvā /
   prá śyenáḥ śyenébʰiya āśupátvā /

Halfverse: c    acakráyā yát svadʰáyā suparṇó havyám bʰáran mánave devájuṣṭam //
   acakráyā yát svadʰáyā suparṇó
   acakráyā yát svadʰáyā suparṇáḥ
   acakráyā yát svadʰáyā suparṇó

Halfverse: d    havyám bʰáran mánave devájuṣṭam //
   havyám bʰárat mánave devájuṣṭam //
   havyám bʰáran mánave devájuṣṭam //


Verse: 5 
Halfverse: a    bʰárad yádi vír áto vévijānaḥ patʰórúṇā mánojavā asarji /
   bʰárad yádi vír áto vévijānaḥ
   bʰárat yádi víḥ átaḥ vévijānaḥ
   bʰárad yádi vír áto vévijānaḥ

Halfverse: b    patʰórúṇā mánojavā asarji /
   patʰā́ urúṇā mánojavāḥ asarji /
   patʰórúṇā mánojavā asarji /

Halfverse: c    tū́yaṃ yayau mádʰunā somyénotá śrávo vivide śyenó átra //
   tū́yaṃ yayau mádʰunā somyéna_
   tū́yam yayau mádʰunā somyéna
   tū́yaṃ yayau mádʰunā somiyéna

Halfverse: d    _utá śrávo vivide śyenó átra //
   utá śrávaḥ vivide śyenáḥ átra //
   utá śrávo vivide śyenó átra //


Verse: 6 
Halfverse: a    r̥jīpī́ śyenó dádamāno am̐śúm parāvátaḥ śakunó mandrám mádam /
   r̥jīpī́ śyenó dádamāno am̐śúm
   r̥jīpī́ śyenáḥ dádamānaḥ aṃśúm
   r̥jīpī́ śyenó dádamāno aṃśúm

Halfverse: b    parāvátaḥ śakunó mandrám mádam /
   parāvátaḥ śakunáḥ mandrám mádam /
   parāvátaḥ śakunó mandrám mádam /

Halfverse: c    sómam bʰarad dādr̥hāṇó devā́vān divó amúṣmād úttarād ādā́ya //
   sómam bʰarad dādr̥hāṇó devā́vān
   sómam bʰarat dādr̥hāṇáḥ devā́vān
   sómam bʰarad dādr̥hāṇó devā́vān

Halfverse: d    divó amúṣmād úttarād ādā́ya //
   diváḥ amúṣmāt úttarāt ādā́ya //
   divó amúṣmād úttarād ādā́ya //


Verse: 7 
Halfverse: a    ādā́ya śyenó abʰarat sómaṃ sahásraṃ savā́m̐ ayútaṃ ca sākám /
   ādā́ya śyenó abʰarat sómaṃ
   ādā́ya śyenáḥ abʰarat sómam
   ādā́ya śyenó abʰarat sómaṃ

Halfverse: b    sahásraṃ savā́m̐ ayútaṃ ca sākám /
   sahásram savā́n ayútam ca sākám /
   sahásraṃ savā́m̐ ayútaṃ ca sākám /

Halfverse: c    átrā púraṃdʰir ajahād árātīr máde sómasya mūrā́ ámūraḥ //
   átrā púraṃdʰir ajahād árātīr
   átra+ púraṃdʰiḥ ajahāt árātīḥ
   átrā púraṃdʰir ajahād árātīr

Halfverse: d    máde sómasya mūrā́ ámūraḥ //
   máde sómasya mūrā́ḥ ámūraḥ //
   máde sómasya mūrā́ ámūraḥ //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.