TITUS
Rg-Veda: Rg-Veda-Samhita
Part No. 320
Previous part

Hymn: 24_(320) 
Verse: 1 
Halfverse: a    kā́ suṣṭutíḥ śávasaḥ sūnúm índram arvācīnáṃ rā́dʰasa ā́ vavartat /
   kā́ suṣṭutíḥ śávasaḥ sūnúm índram
   kā́ suṣṭutíḥ śávasaḥ sūnúm índram
   kā́ suṣṭutíḥ śávasaḥ sūnúm índram

Halfverse: b    arvācīnáṃ rā́dʰasa ā́ vavartat /
   arvācīnám rā́dʰase ā́ vavartat /
   arvācīnáṃ rā́dʰasa ā́ vavartat /

Halfverse: c    dadír hí vīró gr̥ṇaté vásūni sá gópatir niṣṣídʰāṃ no janāsaḥ //
   dadír hí vīró gr̥ṇaté vásūni
   dadíḥ hí vīráḥ gr̥ṇaté vásūni
   dadír hí vīró gr̥ṇaté vásūni

Halfverse: d    sá gópatir niṣṣídʰāṃ no janāsaḥ //
   sá gópatiḥ niṣṣídʰām naḥ janāsaḥ //
   sá gópatir niṣṣídʰāṃ no janāsaḥ //


Verse: 2 
Halfverse: a    sá vr̥trahátye hávyaḥ sá ī́ḍyaḥ sá súṣṭuta índraḥ satyárādʰāḥ /
   sá vr̥trahátye hávyaḥ sá ī́ḍyaḥ
   sá vr̥trahátye hávyaḥ sáḥ \!\ ī́ḍyaḥ
   sá vr̥trahátye háviyaḥ sá ī́ḍyaḥ

Halfverse: b    sá súṣṭuta índraḥ satyárādʰāḥ /
   sá súṣṭutaḥ índraḥ satyárādʰāḥ /
   sá súṣṭuta índaraḥ satyárādʰāḥ /

Halfverse: c    sá yā́mann ā́ magʰávā mártyāya brahmaṇyaté súṣvaye várivo dʰāt //
   sá yā́mann ā́ magʰávā mártyāya
   sá yā́man ā́ magʰávā mártyāya
   sá yā́mann ā́ magʰávā mártiyāya

Halfverse: d    brahmaṇyaté súṣvaye várivo dʰāt //
   brahmaṇyaté súṣvaye várivaḥ dʰāt //
   brahmaṇyaté súṣvaye várivo dʰāt //


Verse: 3 
Halfverse: a    tám ín náro ví hvayante samīké ririkvā́m̐sas tanvàḥ kr̥ṇvata trā́m /
   tám ín náro ví hvayante samīké
   tám ít náraḥ ví hvayante samīké
   tám ín náro ví hvayante samīké

Halfverse: b    ririkvā́m̐sas tanvàḥ kr̥ṇvata trā́m /
   ririkvā́ṃsaḥ tanvàḥ kr̥ṇvata trā́m /
   ririkvā́ṃsas tanúvaḥ kr̥ṇvata trā́m /

Halfverse: c    mitʰó yát tyāgám ubʰáyāso ágman náras tokásya tánayasya sātaú //
   mitʰó yát \!\ tyāgám ubʰáyāso ágman
   mitʰáḥ yát tyāgám ubʰáyāsaḥ ágman
   mitʰó yát tyāgám ubʰáyāso ágman

Halfverse: d    náras tokásya tánayasya sātaú //
   náraḥ tokásya tánayasya sātaú //
   náras tokásya tánayasya sātaú //


Verse: 4 
Halfverse: a    kratūyánti kṣitáyo yóga ugrāśuṣāṇā́so mitʰó árṇasātau /
   kratūyánti kṣitáyo yóga ugra_
   kratūyánti kṣitáyaḥ yóge ugra
   kratūyánti kṣitáyo yóga ugra

Halfverse: b    _āśuṣāṇā́so mitʰó árṇasātau /
   āśuṣāṇā́saḥ mitʰáḥ árṇasātau /
   āśuṣāṇā́so mitʰó árṇasātau /

Halfverse: c    sáṃ yád víśó 'vavr̥tranta yudʰmā́ ā́d ín néma indrayante abʰī́ke //
   sáṃ yád víśó 'vavr̥tranta yudʰmā́
   sám yát víśaḥ ávavr̥tranta yudʰmā́ḥ
   sáṃ yád víśo ávavr̥tranta yudʰmā́

Halfverse: d    ā́d ín néma indrayante abʰī́ke //
   ā́t ít néme indrayante abʰī́ke //
   ā́d ín néma indrayante abʰī́ke //


Verse: 5 
Halfverse: a    ā́d íd dʰa néma indriyáṃ yajanta ā́d ít paktíḥ puroḷā́śaṃ riricyāt /
   ā́d íd dʰa néma indriyáṃ yajanta
   ā́t ít ha néme indriyám yajante
   ā́d íd dʰa néma indriyáṃ yajanta

Halfverse: b    ā́d ít paktíḥ puroḷā́śaṃ riricyāt /
   ā́t ít paktíḥ puroḷā́śam riricyāt /
   ā́d ít paktíḥ puroḷā́śaṃ riricyāt /

Halfverse: c    ā́d ít sómo ví papr̥cyād ásuṣvīn ā́d íj jujoṣa vr̥ṣabʰáṃ yájadʰyai //
   ā́d ít sómo ví papr̥cyād ásuṣvīn
   ā́t ít sómaḥ ví papr̥cyāt ásuṣvīn
   ā́d ít sómo ví papr̥cyād ásuṣvīn

Halfverse: d    ā́d íj jujoṣa vr̥ṣabʰáṃ yájadʰyai //
   ā́t ít jujoṣa vr̥ṣabʰám yájadʰyai //
   ā́d íj jujoṣa vr̥ṣabʰáṃ yájadʰyai //


Verse: 6 
Halfverse: a    kr̥ṇóty asmai várivo yá ittʰéndrāya sómam uśaté sunóti /
   kr̥ṇóty asmai várivo yá ittʰā́_
   kr̥ṇóti asmai várivaḥ yáḥ ittʰā́
   kr̥ṇóti asmai várivo yá ittʰā́

Halfverse: b    _índrāya sómam uśaté sunóti /
   índrāya sómam uśaté sunóti /
   índrāya sómam uśaté sunóti /

Halfverse: c    sadʰrīcī́nena mánasā́vivenan tám ít sákʰāyaṃ kr̥ṇute samátsu //
   sadʰrīcī́nena mánasā́vivenan
   sadʰrīcī́nena mánasā ávivenan
   sadʰrīcī́nena mánasā́vivenam

Halfverse: d    tám ít sákʰāyaṃ kr̥ṇute samátsu //
   tám ít sákʰāyam kr̥ṇute samátsu //
   tám ít sákʰāyaṃ kr̥ṇute samátsu //


Verse: 7 
Halfverse: a    yá índrāya sunávat sómam adyá pácāt paktī́r utá bʰr̥jjā́ti dʰānā́ḥ /
   yá índrāya sunávat sómam adyá
   yáḥ índrāya sunávat sómam adyá
   yá índrāya sunávat sómam adyá

Halfverse: b    pácāt paktī́r utá bʰr̥jjā́ti dʰānā́ḥ /
   pácāt paktī́ḥ utá bʰr̥jjā́ti dʰānā́ḥ /
   pácāt paktī́r utá bʰr̥jjā́ti dʰānā́ḥ /

Halfverse: c    práti manāyór ucátʰāni háryan tásmin dadʰad vŕ̥ṣaṇaṃ śúṣmam índraḥ //
   práti manāyór ucátʰāni háryan
   práti manāyóḥ ucátʰāni háryan
   práti manāyór ucátʰāni háryan

Halfverse: d    tásmin dadʰad vŕ̥ṣaṇaṃ śúṣmam índraḥ //
   tásmin dadʰat vŕ̥ṣaṇam śúṣmam índraḥ //
   tásmin dadʰad vŕ̥ṣaṇaṃ śúṣmam índraḥ //


Verse: 8 
Halfverse: a    yadā́ samaryáṃ vy áced ŕ̥gʰāvā dīrgʰáṃ yád ājím abʰy ákʰyad aryáḥ /
   yadā́ samaryáṃ vy áced ŕ̥gʰāvā
   yadā́ samaryám ví ácet ŕ̥gʰāvā
   yadā́ samaryáṃ ví áced ŕ̥gʰāvā

Halfverse: b    dīrgʰáṃ yád ājím abʰy ákʰyad aryáḥ /
   dīrgʰám yát ājím abʰí ákʰyat aryáḥ /
   dīrgʰáṃ yád ājím abʰí ákʰyad aryáḥ /

Halfverse: c    ácikradad vŕ̥ṣaṇam pátny ácʰā duroṇá ā́ níśitaṃ somasúdbʰiḥ //
   ácikradad vŕ̥ṣaṇam pátny ácʰā
   ácikradat vŕ̥ṣaṇam pátnī ácʰa+
   ácikradad vŕ̥ṣaṇam pátnī ácʰā

Halfverse: d    duroṇá ā́ níśitaṃ somasúdbʰiḥ //
   duroṇé ā́ níśitam somasúdbʰiḥ //
   duroṇá ā́ níśitaṃ somasúdbʰiḥ //


Verse: 9 
Halfverse: a    bʰū́yasā vasnám acarat kánīyó 'vikrīto akāniṣam púnar yán /
   bʰū́yasā vasnám acarat kánīyó
   bʰū́yasā vasnám acarat kánīyaḥ
   bʰū́yasā vasnám acarat kánīyo

Halfverse: b    'vikrīto akāniṣam púnar yán /
   ávikrītaḥ akāniṣam púnar yán /
   ávikrīto akāniṣam púnar yán /

Halfverse: c    sá bʰū́yasā kánīyo nā́rirecīd dīnā́ dákṣā ví duhanti prá vāṇám //
   sá bʰū́yasā kánīyo nā́rirecīd
   sá bʰū́yasā kánīyaḥ ná arirecīt
   sá bʰū́yasā kánīyo nā́rirecīd

Halfverse: d    dīnā́ dákṣā ví duhanti prá vāṇám //
   dīnā́ḥ dákṣāḥ ví duhanti prá vāṇám //
   dīnā́ dákṣā ví duhanti prá vāṇám //


Verse: 10 
Halfverse: a    ká imáṃ daśábʰir máméndraṃ krīṇāti dʰenúbʰiḥ /
   ká imáṃ daśábʰir máma_
   káḥ imám daśábʰiḥ máma
   ká imáṃ daśábʰir máma

Halfverse: b    _índraṃ krīṇāti dʰenúbʰiḥ /
   índram krīṇāti dʰenúbʰiḥ /
   índraṃ krīṇāti dʰenúbʰiḥ /

Halfverse: c    yadā́ vr̥trā́ṇi jáṅgʰanad átʰainam me púnar dadat //
   yadā́ vr̥trā́ṇi jáṅgʰanad
   yadā́ vr̥trā́ṇi jáṅgʰanat
   yadā́ vr̥trā́ṇi jáṅgʰanad

Halfverse: d    átʰainam me púnar dadat //
   átʰa enam me púnar dadat //
   átʰainam me púnar dadat //


Verse: 11 
Halfverse: a    nū́ ṣṭutá indra nū́ gr̥ṇāná íṣaṃ jaritré nadyò ná pīpeḥ /
   nū́ ṣṭutá indra nū́ gr̥ṇāná
   nú+ stutáḥ indra nú+ gr̥ṇānáḥ
   nûú ṣṭutá indara nū́ gr̥ṇāná

Halfverse: b    íṣaṃ jaritré nadyò ná pīpeḥ /
   íṣam jaritré nadyàḥ ná pīpeḥ /
   íṣaṃ jaritré nadíyo ná pīpeḥ /

Halfverse: c    ákāri te harivo bráhma návyaṃ dʰiyā́ syāma ratʰyàḥ sadāsā́ḥ //
   ákāri te harivo bráhma návyaṃ
   ákāri te harivaḥ bráhma návyam
   ákāri te harivo bráhma návyaṃ

Halfverse: d    dʰiyā́ syāma ratʰyàḥ sadāsā́ḥ //
   dʰiyā́ syāma ratʰyàḥ sadāsā́ḥ //
   dʰiyā́ siyāma ratʰíyaḥ sadāsā́ḥ //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.