TITUS
Rg-Veda: Rg-Veda-Samhita
Part No. 319
Previous part

Hymn: 23_(319) 
Verse: 1 
Halfverse: a    katʰā́ mahā́m avr̥dʰat kásya hótur yajñáṃ juṣāṇó abʰí sómam ū́dʰaḥ /
   katʰā́ mahā́m avr̥dʰat kásya hótur
   katʰā́ mahā́m avr̥dʰat kásya hótuḥ
   katʰā́ mahā́m avr̥dʰat kásya hótur

Halfverse: b    yajñáṃ juṣāṇó abʰí sómam ū́dʰaḥ /
   yajñám juṣāṇáḥ abʰí sómam ū́dʰar /
   yajñáṃ juṣāṇó abʰí sómam ū́dʰaḥ /

Halfverse: c    píbann uśānó juṣámāṇo ándʰo vavakṣá r̥ṣváḥ śucaté dʰánāya //
   píbann uśānó juṣámāṇo ándʰo
   píban uśānáḥ juṣámāṇaḥ ándʰaḥ
   píbann uśānó juṣámāṇo ándʰo

Halfverse: d    vavakṣá r̥ṣváḥ śucaté dʰánāya //
   vavakṣé r̥ṣváḥ śucaté dʰánāya //
   vavakṣá r̥ṣváḥ śucaté dʰánāya //


Verse: 2 
Halfverse: a    kó asya vīráḥ sadʰamā́dam āpa sám ānam̐śa sumatíbʰiḥ kó asya /
   kó asya vīráḥ sadʰamā́dam āpa
   káḥ asya vīráḥ sadʰamā́dam āpa
   kó asya vīráḥ sadʰamā́dam āpa

Halfverse: b    sám ānam̐śa sumatíbʰiḥ kó asya /
   sám ānaṃśa sumatíbʰiḥ káḥ asya /
   sám ānaṃśa sumatíbʰiḥ kó asya /

Halfverse: c    kád asya citráṃ cikite kád ūtī́ vr̥dʰé bʰuvac cʰaśamānásya yájyoḥ //
   kád asya citráṃ cikite kád ūtī́
   kát asya citrám cikite kát ūtī́
   kád asya citráṃ cikite kád ūtī́

Halfverse: d    vr̥dʰé bʰuvac cʰaśamānásya yájyoḥ //
   vr̥dʰé bʰuvat śaśamānásya yájyoḥ //
   vr̥dʰé bʰuvac cʰaśamānásya yájyoḥ //


Verse: 3 
Halfverse: a    katʰā́ śr̥ṇoti hūyámānam índraḥ katʰā́ śr̥ṇvánn ávasām asya veda /
   katʰā́ śr̥ṇoti hūyámānam índraḥ
   katʰā́ śr̥ṇoti hūyámānam índraḥ
   katʰā́ śr̥ṇoti hūyámānam índraḥ

Halfverse: b    katʰā́ śr̥ṇvánn ávasām asya veda /
   katʰā́ śr̥ṇván ávasām asya veda /
   katʰā́ śr̥ṇvánn ávasām asya veda /

Halfverse: c    kā́ asya pūrvī́r úpamātayo ha katʰaínam āhuḥ pápuriṃ jaritré //
   kā́ asya pūrvī́r úpamātayo ha
   kā́ḥ asya pūrvī́ḥ úpamātayaḥ ha
   kā́ asya pūrvī́r úpamātayo ha

Halfverse: d    katʰaínam āhuḥ pápuriṃ jaritré //
   katʰā́ enam āhuḥ pápurim jaritré //
   katʰaínam āhuḥ pápuriṃ jaritré //


Verse: 4 
Halfverse: a    katʰā́ sabā́dʰaḥ śaśamānó asya náśad abʰí dráviṇaṃ dī́dʰyānaḥ /
   katʰā́ sabā́dʰaḥ śaśamānó asya
   katʰā́ sabā́dʰaḥ śaśamānáḥ asya
   katʰā́ sabā́dʰaḥ śaśamānó asya

Halfverse: b    náśad abʰí dráviṇaṃ dī́dʰyānaḥ /
   náśat abʰí dráviṇam dī́dʰyānaḥ /
   náśad abʰí dráviṇaṃ dī́dʰiyānaḥ /

Halfverse: c    devó bʰuvan návedā ma r̥tā́nāṃ námo jagr̥bʰvā́m̐ abʰí yáj jújoṣat //
   devó bʰuvan návedā ma r̥tā́nāṃ
   deváḥ bʰuvat návedāḥ me r̥tā́nām
   devó bʰuvan návedā ma r̥tā́nāṃ

Halfverse: d    námo jagr̥bʰvā́m̐ abʰí yáj jújoṣat //
   námaḥ jagr̥bʰvā́n abʰí yát jújoṣat //
   námo jagr̥bʰvā́m̐ abʰí yáj jújoṣat //


Verse: 5 
Halfverse: a    katʰā́ kád asyā́ uṣáso vyùṣṭau devó mártasya sakʰyáṃ jujoṣa /
   katʰā́ kád asyā́ uṣáso vyùṣṭau
   katʰā́ kát asyā́ḥ uṣásaḥ vyùṣṭau
   katʰā́ kád asyā́ uṣáso víuṣṭau

Halfverse: b    devó mártasya sakʰyáṃ jujoṣa /
   deváḥ mártasya sakʰyám jujoṣa /
   devó mártasya sakʰiyáṃ jujoṣa /

Halfverse: c    katʰā́ kád asya sakʰyáṃ sákʰibʰyo yé asmin kā́maṃ suyújaṃ tatasré //
   katʰā́ kád asya sakʰyáṃ sákʰibʰyo
   katʰā́ kát asya sakʰyám sákʰibʰyaḥ
   katʰā́ kád asya sakʰiyáṃ sákʰibʰyo

Halfverse: d    yé asmin kā́maṃ suyújaṃ tatasré //
   yé asmin kā́mam suyújam tatasré //
   yé asmin kā́maṃ suyújaṃ tatasré //


Verse: 6 
Halfverse: a    kím ā́d ámatraṃ sakʰyáṃ sákʰibʰyaḥ kadā́ nú te bʰrātrám prá bravāma /
   kím ā́d ámatraṃ sakʰyáṃ sákʰibʰyaḥ
   kím ā́t ámatram sakʰyám sákʰibʰyaḥ
   kím ā́d ámatraṃ sakʰiyáṃ sákʰibʰyaḥ

Halfverse: b    kadā́ nú te bʰrātrám prá bravāma /
   kadā́ nú te bʰrātrám prá bravāma /
   kadā́ nú te bʰrātarám prá bravāma /

Halfverse: c    śriyé sudŕ̥śo vápur asya sárgāḥ svàr ṇá citrátamam iṣa ā́ góḥ //
   śriyé sudŕ̥śo vápur asya sárgāḥ
   śriyé sudŕ̥śaḥ vápuḥ asya sárgāḥ
   śriyé sudŕ̥śo vápur asya sárgāḥ

Halfverse: d    svàr ṇá citrátamam iṣa ā́ góḥ //
   svàr ná citrátamam iṣe ā́ góḥ //
   súvar ṇá citrátamam iṣa ā́ góḥ //


Verse: 7 
Halfverse: a    drúhaṃ jígʰām̐san dʰvarásam anindrā́ṃ tétikte tigmā́ tujáse ánīkā /
   drúhaṃ jígʰām̐san dʰvarásam anindrā́ṃ
   drúham jígʰāṃsan dʰvarásam anindrā́m
   drúhaṃ jígʰāṃsan dʰvarásam anindrā́ṃ

Halfverse: b    tétikte tigmā́ tujáse ánīkā /
   tétikte tigmā́ tujáse ánīkā /
   tétikte tigmā́ tujáse ánīkā /

Halfverse: c    r̥ṇā́ cid yátra r̥ṇayā́ na ugró dūré ájñātā uṣáso babādʰé //
   r̥ṇā́ cid yátra r̥ṇayā́ na ugró
   r̥ṇā́ cit yátra r̥ṇayā́ḥ naḥ ugráḥ
   r̥ṇā́ cid yátra r̥ṇayā́ na ugró

Halfverse: d    dūré ájñātā uṣáso babādʰé //
   dūré ájñātāḥ uṣásaḥ babādʰé //
   dūré ájñātā uṣáso babādʰé //


Verse: 8 
Halfverse: a    r̥tásya hí śurúdʰaḥ sánti pūrvī́r r̥tásya dʰītír vr̥jinā́ni hanti /
   r̥tásya hí śurúdʰaḥ sánti pūrvī́r
   r̥tásya hí śurúdʰaḥ sánti pūrvī́ḥ
   r̥tásya hí śurúdʰaḥ sánti pūrvī́r

Halfverse: b    r̥tásya dʰītír vr̥jinā́ni hanti /
   r̥tásya dʰītíḥ vr̥jinā́ni hanti /
   r̥tásya dʰītír vr̥jinā́ni hanti /

Halfverse: c    r̥tásya ślóko badʰirā́ tatarda kárṇā budʰānáḥ śucámāna āyóḥ //
   r̥tásya ślóko badʰirā́ tatarda
   r̥tásya ślókaḥ badʰirā́ tatarda
   r̥tásya ślóko badʰirā́ tatarda

Halfverse: d    kárṇā budʰānáḥ śucámāna āyóḥ //
   kárṇā budʰānáḥ śucámānaḥ āyóḥ //
   kárṇā budʰānáḥ śucámāna āyóḥ //


Verse: 9 
Halfverse: a    r̥tásya dr̥ḷʰā́ dʰarúṇāni santi purū́ṇi candrā́ vápuṣe vápūm̐ṣi /
   r̥tásya dr̥ḷʰā́ dʰarúṇāni santi
   r̥tásya dr̥ḷʰā́ dʰarúṇāni santi
   r̥tásya dr̥ḷʰā́ dʰarúṇāni santi

Halfverse: b    purū́ṇi candrā́ vápuṣe vápūm̐ṣi /
   purū́ṇi candrā́ vápuṣe vápūṃṣi /
   purū́ṇi candrā́ vápuṣe vápūṃṣi /

Halfverse: c    r̥téna dīrgʰám iṣaṇanta pŕ̥kṣa r̥téna gā́va r̥tám ā́ viveśuḥ //
   r̥téna dīrgʰám iṣaṇanta pŕ̥kṣa
   r̥téna dīrgʰám iṣaṇanta pŕ̥kṣaḥ
   r̥téna dīrgʰám iṣaṇanta pŕ̥kṣa

Halfverse: d    r̥téna gā́va r̥tám ā́ viveśuḥ //
   r̥téna gā́vaḥ r̥tám ā́ viveśuḥ //
   r̥téna gā́va r̥tám ā́ viveśuḥ //


Verse: 10 
Halfverse: a    r̥táṃ yemāná r̥tám íd vanoty r̥tásya śúṣmas turayā́ u gavyúḥ /
   r̥táṃ yemāná r̥tám íd vanoty
   r̥tám yemānáḥ r̥tám ít vanoti
   r̥táṃ yemāná r̥tám íd vanoti

Halfverse: b    r̥tásya śúṣmas turayā́ u gavyúḥ /
   r̥tásya śúṣmaḥ turayā́ḥ u gavyúḥ /
   r̥tásya śúṣmas turayā́ u gavyúḥ /

Halfverse: c    r̥tā́ya pr̥tʰvī́ bahulé gabʰīré r̥tā́ya dʰenū́ paramé duhāte //
   r̥tā́ya pr̥tʰvī́ bahulé gabʰīré
   r̥tā́ya pr̥tʰvī́ bahulé gabʰīré
   r̥tā́ya pr̥tʰvī́ bahulé gabʰīré

Halfverse: d    r̥tā́ya dʰenū́ paramé duhāte //
   r̥tā́ya dʰenū́ paramé duhāte //
   r̥tā́ya dʰenū́ paramé duhāte //


Verse: 11 
Halfverse: a    nū́ ṣṭutá indra nū́ gr̥ṇāná íṣaṃ jaritré nadyò ná pīpeḥ /
   nū́ ṣṭutá indra nū́ gr̥ṇāná
   nú+ stutáḥ indra nú+ gr̥ṇānáḥ
   nûú ṣṭutá indara nū́ gr̥ṇāná

Halfverse: b    íṣaṃ jaritré nadyò ná pīpeḥ /
   íṣam jaritré nadyàḥ ná pīpeḥ /
   íṣaṃ jaritré nadíyo ná pīpeḥ /

Halfverse: c    ákāri te harivo bráhma návyaṃ dʰiyā́ syāma ratʰyàḥ sadāsā́ḥ //
   ákāri te harivo bráhma návyaṃ
   ákāri te harivaḥ bráhma návyam
   ákāri te harivo bráhma návyaṃ

Halfverse: d    dʰiyā́ syāma ratʰyàḥ sadāsā́ḥ //
   dʰiyā́ syāma ratʰyàḥ sadāsā́ḥ //
   dʰiyā́ siyāma ratʰíyaḥ sadāsā́ḥ //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.