TITUS
Rg-Veda: Rg-Veda-Samhita
Part No. 317
Previous part

Hymn: 21_(317) 
Verse: 1 
Halfverse: a    ā́ yātv índró 'vasa úpa na ihá stutáḥ sadʰamā́d astu śū́raḥ /
   ā́ yātv índró 'vasa úpa na
   ā́ yātu índraḥ ávase úpa naḥ
   ā́ yātu índro ávasa úpa na

Halfverse: b    ihá stutáḥ sadʰamā́d astu śū́raḥ /
   ihá stutáḥ sadʰamā́t astu śū́raḥ /
   ihá stutáḥ sadʰamā́d astu śū́raḥ /

Halfverse: c    vāvr̥dʰānás táviṣīr yásya pūrvī́r dyaúr ná kṣatrám abʰíbʰūti púṣyāt //
   vāvr̥dʰānás táviṣīr yásya pūrvī́r
   vāvr̥dʰānáḥ táviṣīḥ yásya pūrvī́ḥ
   vāvr̥dʰānás táviṣīr yásya pūrvī́r

Halfverse: d    dyaúr ná kṣatrám abʰíbʰūti púṣyāt //
   dyaúḥ ná kṣatrám abʰíbʰūti púṣyāt //
   diyaúr ná kṣatrám abʰíbʰūti púṣyāt //


Verse: 2 
Halfverse: a    tásyéd ihá stavatʰa vŕ̥ṣṇyāni tuvidyumnásya tuvirā́dʰaso nŕ̥̄n /
   tásyéd ihá stavatʰa vŕ̥ṣṇyāni
   tásya ít ihá stavatʰa vŕ̥ṣṇyāni
   tásyéd ihá stavatʰa vŕ̥ṣṇiyāni

Halfverse: b    tuvidyumnásya tuvirā́dʰaso nŕ̥̄n /
   tuvidyumnásya tuvirā́dʰasaḥ nŕ̥̄n /
   tuvidyumnásya tuvirā́dʰaso nŕ̥̄n /

Halfverse: c    yásya krátur vidatʰyò ná samrā́ṭ sāhvā́n tárutro abʰy ásti kr̥ṣṭī́ḥ //
   yásya krátur vidatʰyò ná samrā́ṭ
   yásya krátuḥ vidatʰyàḥ ná samrā́ṭ
   yásya krátur vidatʰíyo ná samrā́ṭ

Halfverse: d    sāhvā́n tárutro abʰy ásti kr̥ṣṭī́ḥ //
   sāhvā́n tárutraḥ abʰí ásti kr̥ṣṭī́ḥ //
   sāhvā́n tárutro abʰí ásti kr̥ṣṭī́ḥ //


Verse: 3 
Halfverse: a    ā́ yātv índro divá ā́ pr̥tʰivyā́ makṣū́ samudrā́d utá vā púrīṣāt /
   ā́ yātv índro divá ā́ pr̥tʰivyā́
   ā́ yātu índraḥ diváḥ ā́ pr̥tʰivyā́ḥ
   ā́ yātu índro divá ā́ pr̥tʰivyā́

Halfverse: b    makṣū́ samudrā́d utá vā púrīṣāt /
   makṣú+ samudrā́t utá vā púrīṣāt /
   makṣū́ samudrā́d utá vā púrīṣāt /

Halfverse: c    svàrṇarād ávase no marútvān parāváto vā sádanād r̥tásya //
   svàrṇarād ávase no marútvān
   svàrṇarāt ávase naḥ marútvān
   súvarṇarād ávase no marútvān

Halfverse: d    parāváto vā sádanād r̥tásya //
   parāvátaḥ vā sádanāt r̥tásya //
   parāváto vā sádanād r̥tásya //


Verse: 4 
Halfverse: a    stʰūrásya rāyó br̥ható yá ī́śe tám u ṣṭavāma vidátʰeṣv índram /
   stʰūrásya rāyó br̥ható yá ī́śe
   stʰūrásya rāyáḥ br̥hatáḥ yáḥ ī́śe
   stʰūrásya rāyó br̥ható yá ī́śe

Halfverse: b    tám u ṣṭavāma vidátʰeṣv índram /
   tám u stavāma vidátʰeṣu índram /
   tám u ṣṭavāma vidátʰeṣu índram /

Halfverse: c    yó vāyúnā jáyati gómatīṣu prá dʰr̥ṣṇuyā́ náyati vásyo ácʰa //
   yó vāyúnā jáyati gómatīṣu
   yáḥ vāyúnā jáyati gómatīṣu
   yó vāyúnā jáyati gómatīṣu

Halfverse: d    prá dʰr̥ṣṇuyā́ náyati vásyo ácʰa //
   prá dʰr̥ṣṇuyā́ náyati vásyaḥ ácʰa //
   prá dʰr̥ṣṇuyā́ náyati vásyo ácʰa //


Verse: 5 
Halfverse: a    úpa yó námo námasi stabʰāyánn íyarti vā́caṃ janáyan yájadʰyai /
   úpa yó námo námasi stabʰāyánn
   úpa yáḥ námaḥ námasi stabʰāyán
   úpa yó námo námasi stabʰāyánn

Halfverse: b    íyarti vā́caṃ janáyan yájadʰyai /
   íyarti vā́cam janáyan yájadʰyai /
   íyarti vā́caṃ janáyan yájadʰyai /

Halfverse: c    r̥ñjasānáḥ puruvā́ra uktʰaír éndraṃ kr̥ṇvīta sádaneṣu hótā //
   r̥ñjasānáḥ puruvā́ra uktʰaír
   r̥ñjasānáḥ puruvā́raḥ uktʰaíḥ
   r̥ñjasānáḥ ? puruvā́ra uktʰaír

Halfverse: d    éndraṃ kr̥ṇvīta sádaneṣu hótā //
   ā́ índram kr̥ṇvīta sádaneṣu hótā //
   éndraṃ kr̥ṇvīta sádaneṣu hótā //


Verse: 6 
Halfverse: a    dʰiṣā́ yádi dʰiṣaṇyántaḥ saraṇyā́n sádanto ádrim auśijásya góhe /
   dʰiṣā́ yádi dʰiṣaṇyántaḥ saraṇyā́n
   dʰiṣā́ yádi dʰiṣaṇyántaḥ saraṇyā́n
   dʰiṣā́ yádi dʰiṣaṇyántaḥ saraṇyā́n

Halfverse: b    sádanto ádrim auśijásya góhe /
   sádantaḥ ádrim auśijásya góhe /
   sádanto ádrim auśijásya góhe /

Halfverse: c    ā́ duróṣāḥ pāstyásya hótā yó no mahā́n saṃváraṇeṣu váhniḥ //
   ā́ duróṣāḥ pāstyásya hótā
   ā́ duróṣāḥ pāstyásya hótā
   ā́ duróṣāḥ ? pāstiyásya hótā

Halfverse: d    yó no mahā́n saṃváraṇeṣu váhniḥ //
   yáḥ naḥ mahā́n saṃváraṇeṣu váhniḥ //
   yó no mahā́n saṃváraṇeṣu váhniḥ //


Verse: 7 
Halfverse: a    satrā́ yád īm bʰārvarásya vŕ̥ṣṇaḥ síṣakti śúṣma stuvaté bʰárāya /
   satrā́ yád īm bʰārvarásya vŕ̥ṣṇaḥ
   satrā́ yát īm bʰārvarásya vŕ̥ṣṇaḥ
   satrā́ yád īm ? bʰārvarásya vŕ̥ṣṇaḥ

Halfverse: b    síṣakti śúṣma stuvaté bʰárāya /
   síṣakti śúṣmaḥ stuvaté bʰárāya /
   síṣakti śúṣma stuvaté bʰárāya /

Halfverse: c    gúhā yád īm auśijásya góhe prá yád dʰiyé prā́yase mádāya //
   gúhā yád īm auśijásya góhe
   gúhā yát īm auśijásya góhe
   gúhā yád īm ? auśijásya góhe

Halfverse: d    prá yád dʰiyé prā́yase mádāya //
   prá yát dʰiyé prá áyase mádāya //
   prá yád dʰiyé prá áyase mádāya //


Verse: 8 
Halfverse: a    ví yád várām̐si párvatasya vr̥ṇvé páyobʰir jinvé apā́ṃ jávām̐si /
   ví yád várām̐si párvatasya vr̥ṇvé
   ví yát várāṃsi párvatasya vr̥ṇvé
   ví yád várāṃsi párvatasya vr̥ṇvé

Halfverse: b    páyobʰir jinvé apā́ṃ jávām̐si /
   páyobʰiḥ jinvé apā́m jávāṃsi /
   páyobʰir jinvé apâáṃ jávāṃsi /

Halfverse: c    vidád gaurásya gavayásya góhe yádī vā́jāya sudʰyò váhanti //
   vidád gaurásya gavayásya góhe
   vidát gaurásya gavayásya góhe
   vidád gaurásya gavayásya góhe

Halfverse: d    yádī vā́jāya sudʰyò váhanti //
   yádi+ vā́jāya sudʰyàḥ váhanti //
   yádī vā́jāya sudʰíyo váhanti //


Verse: 9 
Halfverse: a    bʰadrā́ te hástā súkr̥totá pāṇī́ prayantā́rā stuvaté rā́dʰa indra /
   bʰadrā́ te hástā súkr̥totá pāṇī́
   bʰadrā́ te hástā súkr̥tā utá pāṇī́
   bʰadrā́ te hástā súkr̥totá pāṇī́

Halfverse: b    prayantā́rā stuvaté rā́dʰa indra /
   prayantā́rā stuvaté rā́dʰaḥ indra /
   prayantā́rā stuvaté rā́dʰa indra /

Halfverse: c    kā́ te níṣattiḥ kím u nó mamatsi kíṃ nód-ud u harṣase dā́tavā́ u //
   kā́ te níṣattiḥ kím u nó mamatsi
   kā́ te níṣattiḥ kím u ná u mamatsi
   kā́ te níṣattiḥ kím u nó mamatsi

Halfverse: d    kíṃ nód-ud u harṣase dā́tavā́ u //
   kím ná úd-ut u harṣase dā́tavaí u //
   kíṃ nód-ud u harṣase dā́tavā́ u //


Verse: 10 
Halfverse: a    evā́ vásva índraḥ satyáḥ samrā́ḍ ḍʰántā vr̥tráṃ várivaḥ pūráve kaḥ /
   evā́ vásva índraḥ satyáḥ samrā́ḍ
   evá+ vásvaḥ índraḥ satyáḥ samrā́ṭ
   evā́ vásva índaraḥ satyáḥ samrā́ḍ

Halfverse: b    ḍʰántā vr̥tráṃ várivaḥ pūráve kaḥ /
   hántā vr̥trám várivaḥ pūráve kar /
   ḍʰántā vr̥tráṃ várivaḥ pūráve kaḥ /

Halfverse: c    púruṣṭuta krátvā naḥ śagdʰi rāyó bʰakṣīyá té 'vaso daívyasya //
   púruṣṭuta krátvā naḥ śagdʰi rāyó
   púruṣṭuta krátvā naḥ śagdʰi rāyáḥ
   púruṣṭuta krátvā naḥ śagdʰi rāyó

Halfverse: d    bʰakṣīyá té 'vaso daívyasya //
   bʰakṣīyá te ávasaḥ daívyasya //
   bʰakṣīyá te ávaso daíviyasya //


Verse: 11 
Halfverse: a    nū́ ṣṭutá indra nū́ gr̥ṇāná íṣaṃ jaritré nadyò ná pīpeḥ /
   nū́ ṣṭutá indra nū́ gr̥ṇāná
   nú+ stutáḥ indra nú+ gr̥ṇānáḥ
   nûú ṣṭutá indara nū́ gr̥ṇāná

Halfverse: b    íṣaṃ jaritré nadyò ná pīpeḥ /
   íṣam jaritré nadyàḥ ná pīpeḥ /
   íṣaṃ jaritré nadíyo ná pīpeḥ /

Halfverse: c    ákāri te harivo bráhma návyaṃ dʰiyā́ syāma ratʰyàḥ sadāsā́ḥ //
   ákāri te harivo bráhma návyaṃ
   ákāri te harivaḥ bráhma návyam
   ákāri te harivo bráhma návyaṃ

Halfverse: d    dʰiyā́ syāma ratʰyàḥ sadāsā́ḥ //
   dʰiyā́ syāma ratʰyàḥ sadāsā́ḥ //
   dʰiyā́ siyāma ratʰíyaḥ sadāsā́ḥ //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.