TITUS
Rg-Veda: Rg-Veda-Samhita
Part No. 316
Previous part

Hymn: 20_(316) 
Verse: 1 
Halfverse: a    ā́ na índro dūrā́d ā́ na āsā́d abʰiṣṭikŕ̥d ávase yāsad ugráḥ /
   ā́ na índro dūrā́d ā́ na āsā́d
   ā́ naḥ índraḥ dūrā́t ā́ naḥ āsā́t
   ā́ na índro dūrâád ā́ na āsā́d

Halfverse: b    abʰiṣṭikŕ̥d ávase yāsad ugráḥ /
   abʰiṣṭikŕ̥t ávase yāsat ugráḥ /
   abʰiṣṭikŕ̥d ávase yāsad ugráḥ /

Halfverse: c    ójiṣṭʰebʰir nr̥pátir vájrabāhuḥ saṃgé samátsu turváṇiḥ pr̥tanyū́n //
   ójiṣṭʰebʰir nr̥pátir vájrabāhuḥ
   ójiṣṭʰebʰiḥ nr̥pátiḥ vájrabāhuḥ
   ójiṣṭʰebʰir nr̥pátir vájrabāhuḥ

Halfverse: d    saṃgé samátsu turváṇiḥ pr̥tanyū́n //
   saṃgé samátsu turváṇiḥ pr̥tanyū́n //
   saṃgé samátsu turváṇiḥ pr̥tanyū́n //


Verse: 2 
Halfverse: a    ā́ na índro háribʰir yātv ácʰārvācīnó 'vase rā́dʰase ca /
   ā́ na índro háribʰir yātv ácʰa_
   ā́ naḥ índraḥ háribʰiḥ yātu ácʰa
   ā́ na índro háribʰir yātu ácʰa

Halfverse: b    _arvācīnó 'vase rā́dʰase ca /
   arvācīnáḥ ávase rā́dʰase ca /
   arvācīnó ávase rā́dʰase ca /

Halfverse: c    tíṣṭʰāti vajrī́ magʰávā virapśī́máṃ yajñám ánu no vā́jasātau //
   tíṣṭʰāti vajrī́ magʰávā virapśī́_
   tíṣṭʰāti vajrī́ magʰávā virapśī́
   tíṣṭʰāti vajrī́ magʰávā virapśī́

Halfverse: d    _imáṃ yajñám ánu no vā́jasātau //
   imám yajñám ánu naḥ vā́jasātau //
   imáṃ yajñám ánu no vā́jasātau //


Verse: 3 
Halfverse: a    imáṃ yajñáṃ tvám asmā́kam indra puró dádʰat saniṣyasi krátuṃ naḥ /
   imáṃ yajñáṃ tvám asmā́kam indra
   imám yajñám tvám asmā́kam indra
   imáṃ yajñáṃ tuvám asmā́kam indra

Halfverse: b    puró dádʰat saniṣyasi krátuṃ naḥ /
   puráḥ dádʰat saniṣyasi krátum naḥ /
   puró dádʰat saniṣyasi krátuṃ naḥ /

Halfverse: c    śvagʰnī́va vajrin sanáye dʰánānāṃ tváyā vayám aryá ājíṃ jayema //
   śvagʰnī́va vajrin sanáye dʰánānāṃ
   śvagʰnī́ iva vajrin sanáye dʰánānām
   śvagʰnī́va vajrin sanáye dʰánānāṃ

Halfverse: d    tváyā vayám aryá ājíṃ jayema //
   tváyā vayám aryáḥ ājím jayema //
   tváyā vayám aryá ājíṃ jayema //


Verse: 4 
Halfverse: a    uśánn u ṣú ṇaḥ sumánā upāké sómasya nú súṣutasya svadʰāvaḥ /
   uśánn u ṣú ṇaḥ sumánā upāké
   uśán u sú naḥ sumánāḥ upāké
   uśánn u ṣú ṇaḥ sumánā upāké

Halfverse: b    sómasya nú súṣutasya svadʰāvaḥ /
   sómasya nú súṣutasya svadʰāvaḥ /
   sómasya nú súṣutasya svadʰāvaḥ /

Halfverse: c    pā́ indra prátibʰr̥tasya mádʰvaḥ sám ándʰasā mamadaḥ pr̥ṣṭʰyèna //
   pā́ indra prátibʰr̥tasya mádʰvaḥ
   pā́ḥ indra prátibʰr̥tasya mádʰvaḥ
   pâá indra prátibʰr̥tasya mádʰvaḥ

Halfverse: d    sám ándʰasā mamadaḥ pr̥ṣṭʰyèna //
   sám ándʰasā mamadaḥ pr̥ṣṭʰyèna //
   sám ándʰasā mamadaḥ pr̥ṣṭʰíyena //


Verse: 5 
Halfverse: a    ví yó rarapśá ŕ̥ṣibʰir návebʰir vr̥kṣó ná pakváḥ sŕ̥ṇyo ná jétā /
   ví yó rarapśá ŕ̥ṣibʰir návebʰir
   ví yáḥ rarapśé ŕ̥ṣibʰiḥ návebʰiḥ
   ví yó rarapśá ŕ̥ṣibʰir návebʰir

Halfverse: b    vr̥kṣó ná pakváḥ sŕ̥ṇyo ná jétā /
   vr̥kṣáḥ ná pakváḥ sŕ̥ṇyaḥ ná jétā /
   vr̥kṣó ná pakváḥ sŕ̥ṇiyo ná jétā /

Halfverse: c    máryo ná yóṣām abʰí mányamānó 'cʰā vivakmi puruhūtám índram //
   máryo ná yóṣām abʰí mányamānó
   máryaḥ ná yóṣām abʰí mányamānaḥ
   máryo ná yóṣām abʰí mányamāno

Halfverse: d    'cʰā vivakmi puruhūtám índram //
   ácʰa+ vivakmi puruhūtám índram //
   ácʰā vivakmi puruhūtám índram //


Verse: 6 
Halfverse: a    girír ná yáḥ svátavām̐ r̥ṣvá índraḥ sanā́d evá sáhase jātá ugráḥ /
   girír ná yáḥ svátavām̐ r̥ṣvá índraḥ
   giríḥ ná yáḥ svátavān r̥ṣváḥ índraḥ
   girír ná yáḥ svátavām̐ r̥ṣvá índraḥ

Halfverse: b    sanā́d evá sáhase jātá ugráḥ /
   sanā́t evá sáhase jātáḥ ugráḥ /
   sanā́d evá sáhase jātá ugráḥ /

Halfverse: c    ā́dartā vájraṃ stʰáviraṃ ná bʰīmá udnéva kóśaṃ vásunā nyr̥̀ṣṭam //
   ā́dartā vájraṃ stʰáviraṃ ná bʰīmá
   ā́dartā vrajám* stʰáviram ná bʰīmáḥ
   ā́dartā vájraṃ stʰáviraṃ ná bʰīmá

Halfverse: d    udnéva kóśaṃ vásunā nyr̥̀ṣṭam //
   udnā́ iva kóśam vásunā nyr̥̀ṣṭam //
   udnéva kóśaṃ vásunā nír̥ṣṭam //


Verse: 7 
Halfverse: a    ná yásya vartā́ janúṣā nv ásti ná rā́dʰasa āmarītā́ magʰásya /
   ná yásya vartā́ janúṣā nv ásti
   ná yásya vartā́ janúṣā nú ásti
   ná yásya vartā́ janúṣā nu ásti

Halfverse: b    ná rā́dʰasa āmarītā́ magʰásya /
   ná rā́dʰasaḥ āmarītā́ magʰásya /
   ná rā́dʰasa āmarītā́ magʰásya /

Halfverse: c    udvāvr̥ṣāṇás taviṣīva ugrāsmábʰyaṃ daddʰi puruhūta rāyáḥ //
   udvāvr̥ṣāṇás taviṣīva ugra_
   udvāvr̥ṣāṇáḥ taviṣīvaḥ ugra
   udvāvr̥ṣāṇás taviṣīva ugra

Halfverse: d    _asmábʰyaṃ daddʰi puruhūta rāyáḥ //
   asmábʰyam daddʰi puruhūta rāyáḥ //
   asmábʰyaṃ daddʰi puruhūta rāyáḥ //


Verse: 8 
Halfverse: a    ī́kṣe rāyáḥ kṣáyasya carṣaṇīnā́m utá vrajám apavartā́si gónām /
   ī́kṣe rāyáḥ kṣáyasya carṣaṇīnā́m
   ī́kṣe rāyáḥ kṣáyasya carṣaṇīnā́m
   ī́kṣe rāyáḥ kṣáyasya carṣaṇīnā́m

Halfverse: b    utá vrajám apavartā́si gónām /
   utá vrajám apavartā́ asi gónām /
   utá vrajám apavartā́si gónām /

Halfverse: c    śikṣānaráḥ samitʰéṣu prahā́vān vásvo rāśím abʰinetā́si bʰū́rim //
   śikṣānaráḥ samitʰéṣu prahā́vān
   śikṣānaráḥ samitʰéṣu prahā́vān
   śikṣānaráḥ samitʰéṣu prahā́vān

Halfverse: d    vásvo rāśím abʰinetā́si bʰū́rim //
   vásvaḥ rāśím abʰinetā́ asi bʰū́rim //
   vásvo rāśím abʰinetā́si bʰū́rim //


Verse: 9 
Halfverse: a    káyā tác cʰr̥ṇve śácyā śáciṣṭʰo yáyā kr̥ṇóti múhu kā́ cid r̥ṣváḥ /
   káyā tác cʰr̥ṇve śácyā śáciṣṭʰo
   káyā tát śr̥ṇve śácyā śáciṣṭʰaḥ
   káyā tác cʰr̥ṇve śáciyā śáciṣṭʰo

Halfverse: b    yáyā kr̥ṇóti múhu kā́ cid r̥ṣváḥ /
   yáyā kr̥ṇóti múhu kā́ cit r̥ṣváḥ /
   yáyā kr̥ṇóti múhu kā́ cid r̥ṣváḥ /

Halfverse: c    purú dāśúṣe vícayiṣṭʰo ám̐hó 'tʰā dadʰāti dráviṇaṃ jaritré //
   purú dāśúṣe vícayiṣṭʰo ám̐hó
   purú dāśúṣe vícayiṣṭʰaḥ áṃhaḥ
   purú dāśúṣe vícayiṣṭʰo áṃho

Halfverse: d    'tʰā dadʰāti dráviṇaṃ jaritré //
   átʰa+ dadʰāti dráviṇam jaritré //
   átʰā dadʰāti dráviṇaṃ jaritré //


Verse: 10 
Halfverse: a    mā́ no mardʰīr ā́ bʰarā daddʰí tán naḥ prá dāśúṣe dā́tave bʰū́ri yát te /
   mā́ no mardʰīr ā́ bʰarā daddʰí tán naḥ
   mā́ naḥ mardʰīḥ ā́ bʰara+ daddʰí tát naḥ
   mā́ no mardʰīr ā́ bʰarā daddʰí tán naḥ

Halfverse: b    prá dāśúṣe dā́tave bʰū́ri yát te /
   prá dāśúṣe dā́tave bʰū́ri yát te /
   prá dāśúṣe dā́tave bʰū́ri yát te /

Halfverse: c    návye deṣṇé śasté asmín ta uktʰé prá bravāma vayám indra stuvántaḥ //
   návye deṣṇé śasté asmín ta uktʰé
   návye deṣṇé śasté asmín te uktʰé
   návye deṣṇé śasté asmín ta uktʰé

Halfverse: d    prá bravāma vayám indra stuvántaḥ //
   prá bravāma vayám indra stuvántaḥ //
   prá bravāma vayám indra stuvántaḥ //


Verse: 11 
Halfverse: a    nū́ ṣṭutá indra nū́ gr̥ṇāná íṣaṃ jaritré nadyò ná pīpeḥ /
   nū́ ṣṭutá indra nū́ gr̥ṇāná
   nú+ stutáḥ indra nú+ gr̥ṇānáḥ
   nûú ṣṭutá indara nū́ gr̥ṇāná

Halfverse: b    íṣaṃ jaritré nadyò ná pīpeḥ /
   íṣam jaritré nadyàḥ ná pīpeḥ /
   íṣaṃ jaritré nadíyo ná pīpeḥ /

Halfverse: c    ákāri te harivo bráhma návyaṃ dʰiyā́ syāma ratʰyàḥ sadāsā́ḥ //
   ákāri te harivo bráhma návyaṃ
   ákāri te harivaḥ bráhma návyam
   ákāri te harivo bráhma návyaṃ

Halfverse: d    dʰiyā́ syāma ratʰyàḥ sadāsā́ḥ //
   dʰiyā́ syāma ratʰyàḥ sadāsā́ḥ //
   dʰiyā́ siyāma ratʰíyaḥ sadāsā́ḥ //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.