TITUS
Rg-Veda: Rg-Veda-Samhita
Part No. 314
Previous part

Hymn: 18_(314) 
Verse: 1 
Halfverse: a    ayám pántʰā ánuvittaḥ purāṇó yáto devā́ udájāyanta víśve /
   ayám pántʰā ánuvittaḥ purāṇó
   ayám pántʰāḥ ánuvittaḥ purāṇáḥ
   ayám pántʰā ánuvittaḥ purāṇó

Halfverse: b    yáto devā́ udájāyanta víśve /
   yátaḥ devā́ḥ udájāyanta víśve /
   yáto devā́ udájāyanta víśve /

Halfverse: c    átaś cid ā́ janiṣīṣṭa právr̥ddʰo mā́ mātáram amuyā́ páttave kaḥ //
   átaś cid ā́ janiṣīṣṭa právr̥ddʰo
   átaḥ cit ā́ janiṣīṣṭa právr̥ddʰaḥ
   átaś cid ā́ janiṣīṣṭa právr̥ddʰo

Halfverse: d    mā́ mātáram amuyā́ páttave kaḥ //
   mā́ mātáram amuyā́ páttave kar //
   mā́ mātáram amuyā́ páttave kaḥ //


Verse: 2 
Halfverse: a    nā́hám áto nír ayā durgáhaitát tiraścátā pārśvā́n nír gamāṇi /
   nā́hám áto nír ayā durgáhaitát
   ná ahám átaḥ níḥ ayā ! durgáhā etát
   nā́hám áto nír ayā durgáhaitát

Halfverse: b    tiraścátā pārśvā́n nír gamāṇi /
   tiraścátā pārśvā́t níḥ gamāni /
   tiraścátā pārśuvā́n nír gamāṇi /

Halfverse: c    bahū́ni me ákr̥tā kártvāni yúdʰyai tvena sáṃ tvena pr̥cʰai //
   bahū́ni me ákr̥tā kártvāni
   bahū́ni me ákr̥tā kártvāni
   bahū́ni me ákr̥tā kártuvāni

Halfverse: d    yúdʰyai tvena sáṃ tvena pr̥cʰai //
   yúdʰyai tvena sám tvena pr̥cʰai //
   yúdʰyai tuvena sáṃ tuvena pr̥cʰai //


Verse: 3 
Halfverse: a    parāyatī́m mātáram ánv acaṣṭa ná nā́nu gāny ánu nū́ gamāni /
   parāyatī́m mātáram ánv acaṣṭa
   parāyatī́m mātáram ánu acaṣṭa
   parāyatī́m mātáram ánv acaṣṭa

Halfverse: b    ná nā́nu gāny ánu nū́ gamāni /
   ná ná ánu gāni ánu nú+ gamāni /
   ná nā́nu gāni ánu nū́ gamāni /

Halfverse: c    tváṣṭur gr̥hé apibat sómam índraḥ śatadʰanyàṃ camvòḥ sutásya //
   tváṣṭur gr̥hé apibat sómam índraḥ
   tváṣṭuḥ gr̥hé apibat sómam índraḥ
   tváṣṭur gr̥hé apibat sómam índraḥ

Halfverse: d    śatadʰanyàṃ camvòḥ sutásya //
   śatadʰanyàm camvòḥ sutásya //
   śatadʰaníyaṃ camúvoḥ sutásya //


Verse: 4 
Halfverse: a    kíṃ sá ŕ̥dʰak kr̥ṇavad yáṃ sahásram māsó jabʰā́ra śarádaś ca pūrvī́ḥ /
   kíṃ sá ŕ̥dʰak kr̥ṇavad yáṃ sahásram
   kím sáḥ \!\ ŕ̥dʰak kr̥ṇavat yám sahásram
   kíṃ sá ŕ̥dʰak kr̥ṇavad yáṃ sahásram

Halfverse: b    māsó jabʰā́ra śarádaś ca pūrvī́ḥ /
   māsáḥ jabʰā́ra śarádaḥ ca pūrvī́ḥ /
   māsó jabʰā́ra śarádaś ca pūrvī́ḥ /

Halfverse: c    nahī́ nv àsya pratimā́nam ásty antár jātéṣūtá yé jánitvāḥ //
   nahī́ nv àsya pratimā́nam ásty
   nahí+ nú asya pratimā́nam ásti
   nahī́ nú asya pratimā́nam ásti

Halfverse: d    antár jātéṣūtá yé jánitvāḥ //
   antár jātéṣu utá yé jánitvāḥ //
   antár jātéṣu utá yé jánitvāḥ //


Verse: 5 
Halfverse: a    avadyám iva mányamānā gúhākar índram mātā́ vīryèṇā nyr̥̀ṣṭam /
   avadyám iva mányamānā gúhākar
   avadyám iva mányamānā gúhā akar
   avadyám 'va ՙ mányamānā gúhākar

Halfverse: b    índram mātā́ vīryèṇā nyr̥̀ṣṭam /
   índram mātā́ vīryèṇa+ nyr̥̀ṣṭam /
   índram mātā́ vīríyeṇā nír̥ṣṭam /

Halfverse: c    átʰód astʰāt svayám átkaṃ vásāna ā́ ródasī apr̥ṇāj jā́yamānaḥ //
   átʰód astʰāt svayám átkaṃ vásāna
   átʰa út astʰāt svayám átkam vásānaḥ
   átʰód astʰāt svayám átkaṃ vásāna

Halfverse: d    ā́ ródasī apr̥ṇāj jā́yamānaḥ //
   ā́ ródasī apr̥ṇāt jā́yamānaḥ //
   ā́ ródasī apr̥ṇāj jā́yamānaḥ //


Verse: 6 
Halfverse: a    etā́ arṣanty alalābʰávantīr r̥tā́varīr iva saṃkróśamānāḥ /
   etā́ arṣanty alalābʰávantīr
   etā́ḥ arṣanti alalābʰávantīḥ
   etā́ arṣanti alalābʰávantīr

Halfverse: b    r̥tā́varīr iva saṃkróśamānāḥ /
   r̥tā́varīḥ iva saṃkróśamānāḥ /
   r̥tā́varīr iva saṃkróśamānāḥ /

Halfverse: c    etā́ ví pr̥cʰa kím idám bʰananti kám ā́po ádrim paridʰíṃ rujanti //
   etā́ ví pr̥cʰa kím idám bʰananti
   etā́ḥ ví pr̥cʰa kím idám bʰananti
   etā́ ví pr̥cʰa kím idám bʰananti

Halfverse: d    kám ā́po ádrim paridʰíṃ rujanti //
   kám ā́paḥ ádrim paridʰím rujanti //
   kám ā́po ádrim paridʰíṃ rujanti //


Verse: 7 
Halfverse: a    kím u ṣvid asmai nivído bʰananténdrasyāvadyáṃ didʰiṣanta ā́paḥ /
   kím u ṣvid asmai nivído bʰananta_
   kím u svit asmai nivídaḥ bʰananta
   kím u ṣvid asmai nivído bʰananta

Halfverse: b    _índrasyāvadyáṃ didʰiṣanta ā́paḥ /
   índrasya avadyám didʰiṣante ā́paḥ /
   índrasyāvadyáṃ didʰiṣanta ā́paḥ /

Halfverse: c    mámaitā́n putró mahatā́ vadʰéna vr̥tráṃ jagʰanvā́m̐ asr̥jad ví síndʰūn //
   mámaitā́n putró mahatā́ vadʰéna
   máma etā́n putráḥ mahatā́ vadʰéna
   mámaitā́n putró mahatā́ vadʰéna

Halfverse: d    vr̥tráṃ jagʰanvā́m̐ asr̥jad ví síndʰūn //
   vr̥trám jagʰanvā́n asr̥jat ví síndʰūn //
   vr̥tráṃ jagʰanvā́m̐ asr̥jad ví síndʰūn //


Verse: 8 
Halfverse: a    mámac caná tvā yuvatíḥ parā́sa mámac caná tvā kuṣávā jagā́ra /
   mámac caná tvā yuvatíḥ parā́sa
   mámat caná tvā yuvatíḥ parā́sa
   mámac caná tvā yuvatíḥ parā́sa

Halfverse: b    mámac caná tvā kuṣávā jagā́ra /
   mámat caná tvā kuṣávā jagā́ra /
   mámac caná tvā kuṣávā jagā́ra /

Halfverse: c    mámac cid ā́paḥ śíśave mamr̥ḍyur mámac cid índraḥ sáhasód atiṣṭʰat //
   mámac cid ā́paḥ śíśave mamr̥ḍyur
   mámat cit ā́paḥ śíśave mamr̥ḍyuḥ
   mámac cid ā́paḥ śíśave mamr̥ḍyur

Halfverse: d    mámac cid índraḥ sáhasód atiṣṭʰat //
   mámat cit índraḥ sáhasā út atiṣṭʰat //
   mámac cid índraḥ sáhasód atiṣṭʰat //


Verse: 9 
Halfverse: a    mámac caná te magʰavan vyàm̐so nivividʰvā́m̐ ápa hánū jagʰā́na /
   mámac caná te magʰavan vyàm̐so
   mámat caná te magʰavan vyàṃsaḥ
   mámac caná te magʰavan víaṃso

Halfverse: b    nivividʰvā́m̐ ápa hánū jagʰā́na /
   nivividʰvā́n ápa hánū jagʰā́na /
   nivividʰvā́m̐ ápa hánū jagʰā́na /

Halfverse: c    ádʰā níviddʰa úttaro babʰūvā́ñ cʰíro dāsásya sám piṇag vadʰéna //
   ádʰā níviddʰa úttaro babʰūvā́ñ
   ádʰa+ níviddʰaḥ úttaraḥ babʰūvā́n
   ádʰā níviddʰa úttaro babʰūvā́ñ

Halfverse: d    cʰíro dāsásya sám piṇag \!\ vadʰéna //
   śíraḥ dāsásya sám piṇak vadʰéna //
   cʰíro dāsásya sám piṇag vadʰéna //


Verse: 10 
Halfverse: a    gr̥ṣṭíḥ sasūva stʰáviraṃ tavāgā́m anādʰr̥ṣyáṃ vr̥ṣabʰáṃ túmram índram /
   gr̥ṣṭíḥ sasūva stʰáviraṃ tavāgā́m
   gr̥ṣṭíḥ sasūva stʰáviram tavāgā́m
   gr̥ṣṭíḥ sasūva stʰáviraṃ tavāgā́m

Halfverse: b    anādʰr̥ṣyáṃ vr̥ṣabʰáṃ túmram índram /
   anādʰr̥ṣyám vr̥ṣabʰám túmram índram /
   anādʰr̥ṣyáṃ vr̥ṣabʰáṃ túmram índram /

Halfverse: c    árīḷʰaṃ vatsáṃ carátʰāya mātā́ svayáṃ gātúṃ tanvà icʰámānam //
   árīḷʰaṃ vatsáṃ carátʰāya mātā́
   árīḷʰam vatsám carátʰāya mātā́
   árīḷʰaṃ vatsáṃ carátʰāya mātā́

Halfverse: d    svayáṃ gātúṃ tanvà icʰámānam //
   svayám gātúm tanvè icʰámānam //
   svayáṃ gātúṃ tanúva icʰámānam //


Verse: 11 
Halfverse: a    utá mātā́ mahiṣám ánv avenad amī́ tvā jahati putra devā́ḥ /
   utá mātā́ mahiṣám ánv avenad
   utá mātā́ mahiṣám ánu avenat
   utá mātā́ mahiṣám ánv avenad

Halfverse: b    amī́ tvā jahati putra devā́ḥ /
   amī́ tvā jahati putra devā́ḥ /
   amī́ tuvā jahati putra devā́ḥ /

Halfverse: c    átʰābravīd vr̥trám índro haniṣyán sákʰe viṣṇo vitaráṃ ví kramasva //
   átʰābravīd vr̥trám índro haniṣyán
   átʰa abravīt vr̥trám índraḥ haniṣyán
   átʰābravīd vr̥trám índro haniṣyán

Halfverse: d    sákʰe viṣṇo vitaráṃ ví kramasva //
   sákʰe viṣṇo vitarám ví kramasva //
   sákʰe viṣṇo vitaráṃ ví kramasva //


Verse: 12 
Halfverse: a    kás te mātáraṃ vidʰávām acakrac cʰayúṃ kás tvā́m ajigʰām̐sac cárantam /
   kás te mātáraṃ vidʰávām acakrac
   káḥ te mātáram vidʰávām acakrat
   kás te mātáraṃ vidʰávām acakrac

Halfverse: b    cʰayúṃ kás tvā́m ajigʰām̐sac cárantam /
   śayúm káḥ tvā́m ajigʰāṃsat cárantam /
   cʰayúṃ kás tvā́m ajigʰāṃsac cárantam /

Halfverse: c    kás te devó ádʰi mārḍīká āsīd yát prā́kṣiṇāḥ pitáram pādagŕ̥hya //
   kás te devó ádʰi mārḍīká āsīd
   káḥ te deváḥ ádʰi mārḍīké āsīt
   kás te devó ádʰi mārḍīká āsīd

Halfverse: d    yát prā́kṣiṇāḥ pitáram pādagŕ̥hya //
   yát prá ákṣiṇāḥ pitáram pādagŕ̥hya //
   yát prā́kṣiṇāḥ pitáram pādagŕ̥hya //


Verse: 13 
Halfverse: a    ávartyā śúna āntrā́ṇi pece ná devéṣu vivide marḍitā́ram /
   ávartyā śúna āntrā́ṇi pece
   ávartyā śúnaḥ āntrā́ṇi pece
   ávartiyā śúna āntrā́ṇi pece

Halfverse: b    ná devéṣu vivide marḍitā́ram /
   ná devéṣu vivide marḍitā́ram /
   ná devéṣu vivide marḍitā́ram /

Halfverse: c    ápaśyaṃ jāyā́m ámahīyamānām ádʰā me śyenó mádʰv ā́ jabʰāra //
   ápaśyaṃ jāyā́m ámahīyamānām
   ápaśyam jāyā́m ámahīyamānām
   ápaśyaṃ jāyā́m ámahīyamānām

Halfverse: d    ádʰā me śyenó mádʰv ā́ jabʰāra //
   ádʰa+ me śyenáḥ mádʰu ā́ jabʰāra //
   ádʰā me śyenó mádʰu ā́ jabʰāra //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.