TITUS
Rg-Veda: Rg-Veda-Samhita
Part No. 313
Previous part

Hymn: 17_(313) 
Verse: 1 
Halfverse: a    tvám mahā́m̐ indra túbʰyaṃ ha kṣā́ ánu kṣatrám mam̐hánā manyata dyaúḥ /
   tvám mahā́m̐ indra túbʰyaṃ ha kṣā́
   tvám mahā́n indra túbʰyam ha kṣā́ḥ
   tuvám mahā́m̐ indara túbʰya ՙ ha kṣā́

Halfverse: b    ánu kṣatrám mam̐hánā manyata dyaúḥ /
   ánu kṣatrám maṃhánā manyata dyaúḥ /
   ánu kṣatrám maṃhánā manyata dyaúḥ /

Halfverse: c    tváṃ vr̥tráṃ śávasā jagʰanvā́n sr̥jáḥ síndʰūm̐r áhinā jagrasānā́n //
   tváṃ vr̥tráṃ śávasā jagʰanvā́n
   tvám vr̥trám śávasā jagʰanvā́n
   tuváṃ vr̥tráṃ ? śávasā jagʰanvā́n

Halfverse: d    sr̥jáḥ síndʰūm̐r áhinā jagrasānā́n //
   sr̥jáḥ síndʰūn áhinā jagrasānā́n //
   sr̥jáḥ síndʰūm̐r áhinā jagrasānā́n //


Verse: 2 
Halfverse: a    táva tviṣó jániman rejata dyaú réjad bʰū́mir bʰiyásā svásya manyóḥ /
   táva tviṣó jániman rejata dyaú_
   táva tviṣáḥ jániman rejata dyaúḥ
   táva tviṣó jániman rejata dyaú

Halfverse: b    _réjad bʰū́mir bʰiyásā svásya manyóḥ /
   éjat ! bʰū́miḥ bʰiyásā svásya manyóḥ /
   réjad bʰū́mir bʰiyásā svásya manyóḥ /

Halfverse: c    r̥gʰāyánta subʰvàḥ párvatāsa ā́rdan dʰánvāni saráyanta ā́paḥ //
   r̥gʰāyánta subʰvàḥ párvatāsa
   r̥gʰāyánta subʰvàḥ párvatāsaḥ
   r̥gʰāyánta subʰúvaḥ párvatāsa

Halfverse: d    ā́rdan dʰánvāni saráyanta ā́paḥ //
   ā́rdan dʰánvāni saráyante ā́paḥ //
   ā́rdan dʰánvāni saráyanta ā́paḥ //


Verse: 3 
Halfverse: a    bʰinád giríṃ śávasā vájram iṣṇánn āviṣkr̥ṇvānáḥ sahasāná ójaḥ /
   bʰinád giríṃ śávasā vájram iṣṇánn
   bʰinát girím śávasā vájram iṣṇán
   bʰinád giríṃ śávasā vájram iṣṇánn

Halfverse: b    āviṣkr̥ṇvānáḥ sahasāná ójaḥ /
   āviṣkr̥ṇvānáḥ sahasānáḥ ójaḥ /
   āviṣkr̥ṇvānáḥ sahasāná ójaḥ /

Halfverse: c    vádʰīd vr̥tráṃ vájreṇa mandasānáḥ sárann ā́po jávasā hatávr̥ṣṇīḥ //
   vádʰīd vr̥tráṃ vájreṇa mandasānáḥ
   vádʰīt vr̥trám vájreṇa mandasānáḥ
   vádʰīd vr̥tráṃ vájreṇa mandasānáḥ

Halfverse: d    sárann ā́po jávasā hatávr̥ṣṇīḥ //
   sáran ā́paḥ jávasā hatávr̥ṣṇīḥ //
   sárann ā́po jávasā hatávr̥ṣṇīḥ //


Verse: 4 
Halfverse: a    suvī́ras te janitā́ manyata dyaúr índrasya kartā́ svápastamo bʰūt /
   suvī́ras te janitā́ manyata dyaúr
   suvī́raḥ te janitā́ manyata dyaúḥ
   suvī́ras te janitā́ manyata dyaúr

Halfverse: b    índrasya kartā́ svápastamo bʰūt /
   índrasya kartā́ svápastamaḥ bʰūt /
   índrasya kartā́ suapastamo bʰūt /

Halfverse: c    yá īṃ jajā́na svaryàṃ suvájram ánapacyutaṃ sádaso ná bʰū́ma //
   yá īṃ jajā́na svaryàṃ suvájram
   yáḥ īm jajā́na svaryàm suvájram
   yá īṃ jajā́na svaríyaṃ suvájram

Halfverse: d    ánapacyutaṃ sádaso ná bʰū́ma //
   ánapacyutam sádasaḥ ná bʰū́ma //
   ánapacyutaṃ sádaso ná bʰū́ma //


Verse: 5 
Halfverse: a    yá éka íc cyāváyati prá bʰū́mā rā́jā kr̥ṣṭīnā́m puruhūtá índraḥ /
   yá éka íc \!\ cyāváyati prá bʰū́mā
   yáḥ ékaḥ ít cyāváyati prá bʰū́ma+
   yá éka íc cyāváyati prá bʰū́mā

Halfverse: b    rā́jā kr̥ṣṭīnā́m puruhūtá índraḥ /
   rā́jā kr̥ṣṭīnā́m puruhūtáḥ índraḥ /
   rā́jā kr̥ṣṭīnā́m puruhūtá índraḥ /

Halfverse: c    satyám enam ánu víśve madanti rātíṃ devásya gr̥ṇató magʰónaḥ //
   satyám enam ánu víśve madanti
   satyám enam ánu víśve madanti
   satyám enam ánu víśve madanti

Halfverse: d    rātíṃ devásya gr̥ṇató magʰónaḥ //
   rātím devásya gr̥ṇatáḥ magʰónaḥ //
   rātíṃ devásya gr̥ṇató magʰónaḥ //


Verse: 6 
Halfverse: a    satrā́ sómā abʰavann asya víśve satrā́ mádāso br̥ható mádiṣṭʰāḥ /
   satrā́ sómā abʰavann asya víśve
   satrā́ sómāḥ abʰavan asya víśve
   satrā́ sómā abʰavann asya víśve

Halfverse: b    satrā́ mádāso br̥ható mádiṣṭʰāḥ /
   satrā́ mádāsaḥ br̥hatáḥ mádiṣṭʰāḥ /
   satrā́ mádāso br̥ható mádiṣṭʰāḥ /

Halfverse: c    satrā́bʰavo vásupatir vásūnāṃ dátre víśvā adʰitʰā indra kr̥ṣṭī́ḥ //
   satrā́bʰavo vásupatir vásūnāṃ
   satrā́ abʰavaḥ vásupatiḥ vásūnām
   satrā́bʰavo vásupatir vásūnāṃ

Halfverse: d    dátre víśvā adʰitʰā indra kr̥ṣṭī́ḥ //
   dátre víśvāḥ adʰitʰāḥ indra kr̥ṣṭī́ḥ //
   dátre víśvā adʰitʰā indra kr̥ṣṭī́ḥ //


Verse: 7 
Halfverse: a    tvám ádʰa pratʰamáṃ jā́yamānó 'me víśvā adʰitʰā indra kr̥ṣṭī́ḥ /
   tvám ádʰa pratʰamáṃ jā́yamānó
   tvám ádʰa pratʰamám jā́yamānaḥ
   tuvám ádʰa pratʰamáṃ jā́yamāno

Halfverse: b    'me víśvā adʰitʰā indra kr̥ṣṭī́ḥ /
   áme víśvāḥ adʰitʰāḥ indra kr̥ṣṭī́ḥ /
   áme víśvā adʰitʰā indra kr̥ṣṭī́ḥ /

Halfverse: c    tvám práti praváta āśáyānam áhiṃ vájreṇa magʰavan ví vr̥ścaḥ //
   tvám práti praváta āśáyānam
   tvám práti pravátaḥ āśáyānam
   tuvám práti praváta āśáyānam

Halfverse: d    áhiṃ vájreṇa magʰavan ví vr̥ścaḥ //
   áhim vájreṇa magʰavan ví vr̥ścaḥ //
   áhiṃ vájreṇa magʰavan ví vr̥ścaḥ //


Verse: 8 
Halfverse: a    satrāháṇaṃ dā́dʰr̥ṣiṃ túmram índram mahā́m apāráṃ vr̥ṣabʰáṃ suvájram /
   satrāháṇaṃ dā́dʰr̥ṣiṃ túmram índram
   satrāháṇam dā́dʰr̥ṣim túmram índram
   satrāháṇaṃ dā́dʰr̥ṣiṃ túmram índram

Halfverse: b    mahā́m apāráṃ vr̥ṣabʰáṃ suvájram /
   mahā́m apārám vr̥ṣabʰám suvájram /
   mahā́m apāráṃ vr̥ṣabʰáṃ suvájram /

Halfverse: c    hántā yó vr̥tráṃ sánitotá vā́jaṃ dā́tā magʰā́ni magʰávā surā́dʰāḥ //
   hántā yó vr̥tráṃ sánitotá vā́jaṃ
   hántā yáḥ vr̥trám sánitā utá vā́jam
   hántā yó vr̥tráṃ sánitotá vā́jaṃ

Halfverse: d    dā́tā magʰā́ni magʰávā surā́dʰāḥ //
   dā́tā magʰā́ni magʰávā surā́dʰāḥ //
   dā́tā magʰā́ni magʰávā surā́dʰāḥ //


Verse: 9 
Halfverse: a    ayáṃ vŕ̥taś cātayate samīcī́r yá ājíṣu magʰávā śr̥ṇvá ékaḥ /
   ayáṃ vŕ̥taś cātayate samīcī́r
   ayám vŕ̥taḥ cātayate samīcī́ḥ
   ayáṃ vŕ̥taś cātayate samīcī́r

Halfverse: b    yá ājíṣu magʰávā śr̥ṇvá ékaḥ /
   yáḥ ājíṣu magʰávā śr̥ṇvé ékaḥ /
   yá ājíṣu magʰávā śr̥ṇvá ékaḥ /

Halfverse: c    ayáṃ vā́jam bʰarati yáṃ sanóty asyá priyā́saḥ sakʰyé syāma //
   ayáṃ vā́jam bʰarati yáṃ sanóty
   ayám vā́jam bʰarati yám sanóti
   ayáṃ vā́jam bʰarati yáṃ sanóti

Halfverse: d    asyá priyā́saḥ sakʰyé syāma //
   asyá priyā́saḥ sakʰyé syāma //
   asyá priyā́saḥ sakʰiyé siyāma //


Verse: 10 
Halfverse: a    ayáṃ śr̥ṇve ádʰa jáyann utá gʰnánn ayám utá prá kr̥ṇute yudʰā́ gā́ḥ /
   ayáṃ śr̥ṇve ádʰa jáyann utá gʰnánn
   ayám śr̥ṇve ádʰa jáyan utá gʰnán
   ayáṃ śr̥ṇve ádʰa jáyann utá gʰnánn

Halfverse: b    ayám utá prá kr̥ṇute yudʰā́ gā́ḥ /
   ayám utá prá kr̥ṇute yudʰā́ gā́ḥ /
   ayám utá prá kr̥ṇute yudʰā́ gā́ḥ /

Halfverse: c    yadā́ satyáṃ kr̥ṇuté manyúm índro víśvaṃ dr̥ḷʰám bʰayata éjad asmāt //
   yadā́ satyáṃ kr̥ṇuté manyúm índro
   yadā́ satyám kr̥ṇuté manyúm índraḥ
   yadā́ satyáṃ kr̥ṇuté manyúm índro

Halfverse: d    víśvaṃ dr̥ḷʰám bʰayata éjad asmāt //
   víśvam dr̥ḷʰám bʰayate éjat asmāt //
   víśvaṃ dr̥ḷʰám bʰayata éjad asmāt //


Verse: 11 
Halfverse: a    sám índro gā́ ajayat sáṃ híraṇyā sám aśviyā́ magʰávā yó ha pūrvī́ḥ /
   sám índro gā́ ajayat sáṃ híraṇyā
   sám índraḥ gā́ḥ ajayat sám híraṇyā
   sám índro gā́ ajayat sáṃ híraṇyā

Halfverse: b    sám aśviyā́ magʰávā yó ha pūrvī́ḥ /
   sám aśviyā́ magʰávā yáḥ ha pūrvī́ḥ /
   sám aśviyā́ magʰávā yó ha pūrvī́ḥ /

Halfverse: c    ebʰír nŕ̥bʰir nŕ̥tamo asya śākaí rāyó vibʰaktā́ sambʰaráś ca vásvaḥ //
   ebʰír nŕ̥bʰir nŕ̥tamo asya śākaí
   ebʰíḥ nŕ̥bʰiḥ nŕ̥tamaḥ asya śākaíḥ
   ebʰír nŕ̥bʰir nŕ̥tamo asya śākaí

Halfverse: d    rāyó vibʰaktā́ sambʰaráś ca vásvaḥ //
   rāyáḥ vibʰaktā́ sambʰaráḥ ca vásvaḥ //
   rāyó vibʰaktā́ sambʰaráś ca vásvaḥ //


Verse: 12 
Halfverse: a    kíyat svid índro ádʰy eti mātúḥ kíyat pitúr janitúr yó jajā́na /
   kíyat svid índro ádʰy eti mātúḥ
   kíyat svit índraḥ ádʰi eti mātúḥ
   kíyat svid índro ádʰi eti mātúḥ

Halfverse: b    kíyat pitúr janitúr yó jajā́na /
   kíyat pitúḥ janitúḥ yáḥ jajā́na /
   kíyat pitúr janitúr yó jajā́na /

Halfverse: c    yó asya śúṣmam muhukaír íyarti vā́to ná jūtá stanáyadbʰir abʰraíḥ //
   yó asya śúṣmam muhukaír íyarti
   yáḥ asya śúṣmam muhukaíḥ íyarti
   yó asya śúṣmam muhukaír íyarti

Halfverse: d    vā́to ná jūtá stanáyadbʰir abʰraíḥ //
   vā́taḥ ná jūtáḥ stanáyadbʰiḥ abʰraíḥ //
   vā́to ná jūtá stanáyadbʰir abʰraíḥ //


Verse: 13 
Halfverse: a    kṣiyántaṃ tvam ákṣiyantaṃ kr̥ṇotī́yarti reṇúm magʰávā samóham /
   kṣiyántaṃ tvam ákṣiyantaṃ kr̥ṇoti_
   kṣiyántam tvam ákṣiyantam kr̥ṇoti
   kṣiyántaṃ tvam ákṣiyantaṃ kr̥ṇoti

Halfverse: b    _íyarti reṇúm magʰávā samóham /
   íyarti reṇúm magʰávā samóham /
   íyarti reṇúm magʰávā samóham /

Halfverse: c    vibʰañjanúr aśánimām̐ iva dyaúr utá stotā́ram magʰávā vásau dʰāt //
   vibʰañjanúr aśánimām̐ iva dyaúr
   vibʰañjanúḥ aśánimān iva dyaúḥ
   vibʰañjanúr aśánimām̐ iva dyaúr

Halfverse: d    utá stotā́ram magʰávā vásau dʰāt //
   utá stotā́ram magʰávā vásau dʰāt //
   utá stotā́ram magʰávā vásau dʰāt //


Verse: 14 
Halfverse: a    ayáṃ cakrám iṣaṇat sū́ryasya ny étaśaṃ rīramat sasr̥māṇám /
   ayáṃ cakrám iṣaṇat sū́ryasya
   ayám cakrám iṣaṇat sū́ryasya
   ayáṃ cakrám iṣaṇat sū́riyasya

Halfverse: b    ny étaśaṃ rīramat sasr̥māṇám /
   ní étaśam rīramat sasr̥māṇám /
   ní étaśaṃ rīramat sasr̥māṇám /

Halfverse: c    ā́ kr̥ṣṇá īṃ juhurāṇó jigʰarti tvacó budʰné rájaso asyá yónau //
   ā́ kr̥ṣṇá īṃ juhurāṇó jigʰarti
   ā́ kr̥ṣṇáḥ īm juhurāṇáḥ jigʰarti
   ā́ kr̥ṣṇá īṃ juhurāṇó jigʰarti

Halfverse: d    tvacó budʰné rájaso asyá yónau //
   tvacáḥ budʰné rájasaḥ asyá yónau //
   tvacó budʰné rájaso asyá yónau //


Verse: 15 
Halfverse: a    ásiknyāṃ yájamāno ná hótā //
   ásiknyāṃ yájamāno ná hótā //
   ásiknyām yájamānaḥ ná hótā //
   ásikniyāṃ yájamāno ná hótā //


Verse: 16 
Halfverse: a    gavyánta índraṃ sakʰyā́ya víprā aśvāyánto vŕ̥ṣaṇaṃ vājáyantaḥ /
   gavyánta índraṃ sakʰyā́ya víprā
   gavyántaḥ índram sakʰyā́ya víprāḥ
   gavyánta índraṃ sakʰiyā́ya víprā

Halfverse: b    aśvāyánto vŕ̥ṣaṇaṃ vājáyantaḥ /
   aśvāyántaḥ vŕ̥ṣaṇam vājáyantaḥ /
   aśvāyánto vŕ̥ṣaṇaṃ vājáyantaḥ /

Halfverse: c    janīyánto janidā́m ákṣitotim ā́ cyāvayāmo 'vaté ná kóśam //
   janīyánto janidā́m ákṣitotim
   janīyántaḥ janidā́m ákṣitotim
   janīyánto janidā́m ákṣitotim

Halfverse: d    ā́ cyāvayāmo 'vaté ná kóśam //
   ā́ cyāvayāmaḥ avaté ná kóśam //
   ā́ cyāvayāmo avaté ná kóśam //


Verse: 17 
Halfverse: a    trātā́ no bodʰi dádr̥śāna āpír abʰikʰyātā́ marḍitā́ somyā́nām /
   trātā́ no bodʰi dádr̥śāna āpír
   trātā́ naḥ bodʰi dádr̥śānaḥ āpíḥ
   trātā́ no bodʰi dádr̥śāna āpír

Halfverse: b    abʰikʰyātā́ marḍitā́ somyā́nām /
   abʰikʰyātā́ marḍitā́ somyā́nām /
   abʰikʰyātā́ marḍitā́ somiyā́nām /

Halfverse: c    sákʰā pitā́ pitŕ̥tamaḥ pitr̥̄ṇā́ṃ kártem ulokám uśaté vayodʰā́ḥ //
   sákʰā pitā́ pitŕ̥tamaḥ pitr̥̄ṇā́ṃ
   sákʰā pitā́ pitŕ̥tamaḥ pitr̥̄ṇā́m
   sákʰā pitā́ pitŕ̥tamaḥ pitr̥̄ṇā́ṃ

Halfverse: d    kártem ulokám \!\ uśaté vayodʰā́ḥ //
   kártā īm ulokám ! uśaté vayodʰā́ḥ //
   kártem ulokám uśaté vayodʰā́ḥ //


Verse: 18 
Halfverse: a    sakʰīyatā́m avitā́ bodʰi sákʰā gr̥ṇāná indra stuvaté váyo dʰāḥ /
   sakʰīyatā́m avitā́ bodʰi sákʰā
   sakʰīyatā́m avitā́ bodʰi sákʰā
   sakʰīyatā́m avitā́ bodʰi sákʰā

Halfverse: b    gr̥ṇāná indra stuvaté váyo dʰāḥ /
   gr̥ṇānáḥ indra stuvaté váyaḥ dʰāḥ /
   gr̥ṇāná indra stuvaté váyo dʰāḥ /

Halfverse: c    vayáṃ hy ā́ te cakr̥mā́ sabā́dʰa ābʰíḥ śámībʰir maháyanta indra //
   vayáṃ hy ā́ te cakr̥mā́ sabā́dʰa
   vayám hí ā́ te cakr̥má+ sabā́dʰaḥ
   vayáṃ hí ā́ te cakr̥mā́ sabā́dʰa

Halfverse: d    ābʰíḥ śámībʰir maháyanta indra //
   ābʰíḥ śámībʰiḥ maháyantaḥ indra //
   ābʰíḥ śámībʰir maháyanta indra //


Verse: 19 
Halfverse: a    stutá índro magʰávā yád dʰa vr̥trā́ bʰū́rīṇy éko apratī́ni hanti /
   stutá índro magʰávā yád dʰa vr̥trā́
   stutáḥ índraḥ magʰávā yát ha vr̥trā́
   stutá índro magʰávā yád dʰa vr̥trā́

Halfverse: b    bʰū́rīṇy éko apratī́ni hanti /
   bʰū́rīṇi ékaḥ apratī́ni hanti /
   bʰū́rīṇi éko apratī́ni hanti /

Halfverse: c    asyá priyó jaritā́ yásya śárman nákir devā́ vāráyante ná mártāḥ //
   asyá priyó jaritā́ yásya śárman
   asyá priyáḥ jaritā́ yásya śárman
   asyá priyó jaritā́ yásya śárman

Halfverse: d    nákir devā́ vāráyante ná mártāḥ //
   nákiḥ devā́ḥ vāráyante ná mártāḥ //
   nákir devā́ vāráyante ná mártāḥ //


Verse: 20 
Halfverse: a    evā́ na índro magʰávā virapśī́ kárat satyā́ carṣaṇīdʰŕ̥d anarvā́ /
   evā́ na índro magʰávā virapśī́
   evá+ naḥ índraḥ magʰávā virapśī́
   evā́ na índro magʰávā virapśī́

Halfverse: b    kárat satyā́ carṣaṇīdʰŕ̥d anarvā́ /
   kárat satyā́ carṣaṇīdʰŕ̥t anarvā́ /
   kárat satyā́ carṣaṇīdʰŕ̥d anarvā́ /

Halfverse: c    tváṃ rā́jā janúṣāṃ dʰehy asmé ádʰi śrávo mā́hinaṃ yáj jaritré //
   tváṃ rā́jā janúṣāṃ dʰehy asmé
   tvám rā́jā janúṣām dʰehi asmé
   tuváṃ rā́jā janúṣāṃ dʰehi asmé

Halfverse: d    ádʰi śrávo mā́hinaṃ yáj jaritré //
   ádʰi śrávaḥ mā́hinam yát jaritré //
   ádʰi śrávo mā́hinaṃ yáj jaritré //


Verse: 21 
Halfverse: a    nū́ ṣṭutá indra nū́ gr̥ṇāná íṣaṃ jaritré nadyò ná pīpeḥ /
   nū́ ṣṭutá indra nū́ gr̥ṇāná
   nú+ stutáḥ indra nú+ gr̥ṇānáḥ
   nûú ṣṭutá indara nū́ gr̥ṇāná

Halfverse: b    íṣaṃ jaritré nadyò ná pīpeḥ /
   íṣam jaritré nadyàḥ ná pīpeḥ /
   íṣaṃ jaritré nadíyo ná pīpeḥ /

Halfverse: c    ákāri te harivo bráhma návyaṃ dʰiyā́ syāma ratʰyàḥ sadāsā́ḥ //
   ákāri te harivo bráhma návyaṃ
   ákāri te harivaḥ bráhma návyam
   ákāri te harivo bráhma návyaṃ

Halfverse: d    dʰiyā́ syāma ratʰyàḥ sadāsā́ḥ //
   dʰiyā́ syāma ratʰyàḥ sadāsā́ḥ //
   dʰiyā́ siyāma ratʰíyaḥ sadāsā́ḥ //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.