TITUS
Rg-Veda: Rg-Veda-Samhita
Part No. 311
Previous part

Hymn: 15_(311) 
Verse: 1 
Halfverse: a    agnír hótā no adʰvaré vājī́ sán pári ṇīyate /
   agnír hótā no adʰvaré
   agníḥ hótā naḥ adʰvaré
   agnír hótā no adʰvaré

Halfverse: b    vājī́ sán pári ṇīyate /
   vājī́ sán pári nīyate /
   vājī́ sán pári ṇīyate /

Halfverse: c    devó devéṣu yajñíyaḥ //
   devó devéṣu yajñíyaḥ //
   deváḥ devéṣu yajñíyaḥ //
   devó devéṣu yajñíyaḥ //


Verse: 2 
Halfverse: a    pári triviṣṭy àdʰvaráṃ yā́ty agnī́ ratʰī́r iva /
   pári triviṣṭy àdʰvaráṃ \!\
   pári triviṣṭí adʰvarám
   pári triviṣṭí adʰvaráṃ

Halfverse: b    yā́ty agnī́ ratʰī́r iva /
   yāti agníḥ ratʰī́ḥ iva /
   yā́ti agnī́ ratʰī́r iva /

Halfverse: c    ā́ devéṣu práyo dádʰat //
   ā́ devéṣu práyo dádʰat //
   ā́ devéṣu práyaḥ dádʰat //
   ā́ devéṣu práyo dádʰat //


Verse: 3 
Halfverse: a    pári vā́japatiḥ kavír agnír havyā́ny akramīt /
   pári vā́japatiḥ kavír
   pári vā́japatiḥ kavíḥ
   pári vā́japatiḥ kavír

Halfverse: b    agnír havyā́ny akramīt /
   agníḥ havyā́ni akramīt /
   agnír havyā́ni akramīt /

Halfverse: c    dádʰad rátnāni dāśúṣe //
   dádʰad rátnāni dāśúṣe //
   dádʰat rátnāni dāśúṣe //
   dádʰad rátnāni dāśúṣe //


Verse: 4 
Halfverse: a    ayáṃ yáḥ sŕ̥ñjaye puró daivavāté samidʰyáte /
   ayáṃ yáḥ sŕ̥ñjaye puró
   ayám yáḥ sŕ̥ñjaye puráḥ
   ayáṃ yáḥ sŕ̥ñjaye puró

Halfverse: b    daivavāté samidʰyáte /
   daivavāté samidʰyáte /
   daivavāté samidʰyáte /

Halfverse: c    dyumā́m̐ amitradámbʰanaḥ //
   dyumā́m̐ amitradámbʰanaḥ //
   dyumā́n amitradámbʰanaḥ //
   dyumā́m̐ amitradámbʰanaḥ //


Verse: 5 
Halfverse: a    ásya gʰā vīrá ī́vato 'gnér īśīta mártyaḥ /
   ásya gʰā vīrá ī́vato
   ásya gʰa+ vīráḥ ī́vataḥ
   ásya gʰā vīrá ī́vato

Halfverse: b    'gnér īśīta mártyaḥ /
   agnéḥ īśīta mártyaḥ /
   agnér īśīta mártiyaḥ /

Halfverse: c    tigmájambʰasya mīḷʰúṣaḥ //
   tigmájambʰasya mīḷʰúṣaḥ //
   tigmájambʰasya mīḷʰúṣaḥ //
   tigmájambʰasya mīḷʰúṣaḥ //


Verse: 6 
Halfverse: a    tám árvantaṃ ná sānasím aruṣáṃ ná diváḥ śíśum /
   tám árvantaṃ ná sānasím
   tám árvantam ná sānasím
   tám árvantaṃ ná sānasím

Halfverse: b    aruṣáṃ ná diváḥ śíśum /
   aruṣám ná diváḥ śíśum /
   aruṣáṃ ná diváḥ śíśum /

Halfverse: c    marmr̥jyánte divé-dive //
   marmr̥jyánte divé-dive //
   marmr̥jyánte divé-dive //
   marmr̥jyánte divé-dive //


Verse: 7 
Halfverse: a    bódʰad yán mā háribʰyāṃ kumāráḥ sāhadevyáḥ /
   bódʰad yán mā háribʰyāṃ
   bódʰat yát mā háribʰyām
   bódʰad yán mā háribʰyāṃ

Halfverse: b    kumāráḥ sāhadevyáḥ /
   kumāráḥ sāhadevyáḥ /
   kumāráḥ sāhadeviyáḥ /

Halfverse: c    ácʰā ná hūtá úd aram //
   ácʰā ná hūtá úd aram //
   ácʰa+ ná hūtáḥ út aram //
   ácʰā ná hūtá úd aram //


Verse: 8 
Halfverse: a    utá tyā́ yajatā́ hárī kumārā́t sāhadevyā́t /
   utá tyā́ yajatā́ hárī
   utá tyā́ yajatā́ hárī
   utá tyā́ yajatā́ hárī

Halfverse: b    kumārā́t sāhadevyā́t /
   kumārā́t sāhadevyā́t /
   kumārā́t sāhadeviyā́t /

Halfverse: c    práyatā sadyá ā́ dade //
   práyatā sadyá ā́ dade //
   práyatā sadyáḥ ā́ dade //
   práyatā sadyá ā́ dade //


Verse: 9 
Halfverse: a    eṣá vāṃ devāv aśvinā kumāráḥ sāhadevyáḥ /
   eṣá vāṃ devāv aśvinā
   eṣá vām devau aśvinā
   eṣá vāṃ devāv aśvinā

Halfverse: b    kumāráḥ sāhadevyáḥ /
   kumāráḥ sāhadevyáḥ /
   kumāráḥ sāhadeviyáḥ /

Halfverse: c    dīrgʰā́yur astu sómakaḥ //
   dīrgʰā́yur astu sómakaḥ //
   dīrgʰā́yuḥ astu sómakaḥ //
   dīrgʰā́yur astu sómakaḥ //


Verse: 10 
Halfverse: a    táṃ yuváṃ devāv aśvinā kumāráṃ sāhadevyám /
   táṃ yuváṃ devāv aśvinā
   tám yuvám devau aśvinā
   táṃ yuváṃ devāv aśvinā

Halfverse: b    kumāráṃ sāhadevyám /
   kumārám sāhadevyám /
   kumāráṃ sāhadeviyám /

Halfverse: c    dīrgʰā́yuṣaṃ kr̥ṇotana //
   dīrgʰā́yuṣaṃ kr̥ṇotana //
   dīrgʰā́yuṣam kr̥ṇotana //
   dīrgʰā́yuṣaṃ kr̥ṇotana //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.