TITUS
Rg-Veda: Rg-Veda-Samhita
Part No. 310
Previous part

Hymn: 14_(310) 
Verse: 1 
Halfverse: a    práty agnír uṣáso jātávedā ákʰyad devó rócamānā máhobʰiḥ /
   práty agnír uṣáso jātávedā
   práti agníḥ uṣásaḥ jātávedāḥ
   práti agnír uṣáso jātávedā

Halfverse: b    ákʰyad devó rócamānā máhobʰiḥ /
   ákʰyat deváḥ rócamānā máhobʰiḥ /
   ákʰyad devó rócamānā máhobʰiḥ /

Halfverse: c    ā́ nāsatyorugāyā́ rátʰenemáṃ yajñám úpa no yātam ácʰa //
   ā́ nāsatyorugāyā́ rátʰena_
   ā́ nāsatyā urugāyā́ rátʰena
   ā́ nāsatyā urugāyā́ rátʰena

Halfverse: d    _imáṃ yajñám úpa no yātam ácʰa //
   imám yajñám úpa naḥ yātam ácʰa //
   imáṃ yajñám úpa no yātam ácʰa //


Verse: 2 
Halfverse: a    ūrdʰváṃ ketúṃ savitā́ devó aśrej jyótir víśvasmai bʰúvanāya kr̥ṇván /
   ūrdʰváṃ ketúṃ savitā́ devó aśrej
   ūrdʰvám ketúm savitā́ deváḥ aśret
   ūrdʰváṃ ketúṃ savitā́ devó aśrej

Halfverse: b    jyótir víśvasmai bʰúvanāya kr̥ṇván /
   jyótiḥ víśvasmai bʰúvanāya kr̥ṇván /
   jyótir víśvasmai bʰúvanāya kr̥ṇván /

Halfverse: c    ā́prā dyā́vāpr̥tʰivī́ antárikṣaṃ ví sū́ryo raśmíbʰiś cékitānaḥ //
   ā́prā dyā́vāpr̥tʰivī́ antárikṣaṃ
   ā́ aprāḥ dyā́vāpr̥tʰivī́ antárikṣam
   ā́prā dyā́vāpr̥tʰivī́ antárikṣaṃ

Halfverse: d    ví sū́ryo raśmíbʰiś cékitānaḥ //
   ví sū́ryaḥ raśmíbʰiḥ cékitānaḥ //
   ví sū́riyo raśmíbʰiś cékitānaḥ //


Verse: 3 
Halfverse: a    āváhanty aruṇī́r jyótiṣā́gān mahī́ citrā́ raśmíbʰiś cékitānā /
   āváhanty aruṇī́r jyótiṣā́gān
   āváhantī aruṇī́ḥ jyótiṣā ā́ agāt
   āváhanti aruṇī́r jyótiṣā́gān

Halfverse: b    mahī́ citrā́ raśmíbʰiś cékitānā /
   mahī́ citrā́ raśmíbʰiḥ cékitānā /
   mahī́ citrā́ raśmíbʰiś cékitānā /

Halfverse: c    prabodʰáyantī suvitā́ya devy ùṣā́ īyate suyújā rátʰena //
   prabodʰáyantī suvitā́ya devy
   prabodʰáyantī suvitā́ya devī́
   prabodʰáyantī suvitā́ya devī́

Halfverse: d    ùṣā́ īyate suyújā rátʰena //
   uṣā́ḥ īyate suyújā rátʰena //
   uṣā́ īyate suyújā rátʰena //


Verse: 4 
Halfverse: a    ā́ vāṃ váhiṣṭʰā ihá té vahantu rátʰā áśvāsa uṣáso vyùṣṭau /
   ā́ vāṃ váhiṣṭʰā ihá té vahantu
   ā́ vām váhiṣṭʰāḥ ihá té vahantu
   ā́ vāṃ váhiṣṭʰā ihá té vahantu

Halfverse: b    rátʰā áśvāsa \!\ uṣáso vyùṣṭau /
   rátʰāḥ áśvāsaḥ uṣásaḥ vyùṣṭau /
   rátʰā áśvāsa uṣáso víuṣṭau /

Halfverse: c    imé hí vām madʰupéyāya sómā asmín yajñé vr̥ṣaṇā mādayetʰām //
   imé hí vām madʰupéyāya sómā
   imé hí vām madʰupéyāya sómāḥ
   imé hí vām madʰupéyāya sómā

Halfverse: d    asmín yajñé vr̥ṣaṇā mādayetʰām //
   asmín yajñé vr̥ṣaṇā mādayetʰām //
   asmín yajñé vr̥ṣaṇā mādayetʰām //


Verse: 5 
Halfverse: a    ánāyato ánibaddʰaḥ katʰā́yáṃ nyàṅṅ uttānó 'va padyate ná /
   ánāyato ánibaddʰaḥ katʰā́yáṃ
   ánāyataḥ ánibaddʰaḥ katʰā́ ayám
   ánāyato ánibaddʰaḥ katʰā́yáṃ

Halfverse: b    nyàṅṅ uttānó 'va padyate ná /
   nyàṅ uttānáḥ áva padyate ná /
   níaṅṅ uttānó áva padyate ná /

Halfverse: c    \!\ káyā yāti svadʰáyā kó dadarśa divá skambʰáḥ sámr̥taḥ pāti nā́kam // \!\
   káyā yāti svadʰáyā kó dadarśa
   káyā yāti svadʰáyā káḥ dadarśa
   káyā yāti svadʰáyā kó dadarśa

Halfverse: d    divá skambʰáḥ sámr̥taḥ pāti nā́kam //
   diváḥ skambʰáḥ sámr̥taḥ pāti nā́kam //
   divá skambʰáḥ sámr̥taḥ pāti nā́kam //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.