TITUS
Rg-Veda: Rg-Veda-Samhita
Part No. 309
Previous part

Hymn: 13_(309) 
Verse: 1 
Halfverse: a    práty agnír uṣásām ágram akʰyad vibʰātīnā́ṃ sumánā ratnadʰéyam /
   práty agnír uṣásām ágram akʰyad
   práti agníḥ uṣásām ágram akʰyat
   práti agnír uṣásām ágram akʰyad

Halfverse: b    vibʰātīnā́ṃ sumánā ratnadʰéyam /
   vibʰātīnā́m sumánāḥ ratnadʰéyam /
   vibʰātīnā́ṃ sumánā ratnadʰéyam /

Halfverse: c    yātám aśvinā sukŕ̥to duroṇám út sū́ryo jyótiṣā devá eti //
   yātám aśvinā sukŕ̥to duroṇám
   yātám aśvinā sukŕ̥taḥ duroṇám
   yātám aśvinā sukŕ̥to duroṇám

Halfverse: d    út sū́ryo jyótiṣā devá eti //
   út sū́ryaḥ jyótiṣā deváḥ eti //
   út sū́riyo jyótiṣā devá eti //


Verse: 2 
Halfverse: a    ūrdʰvám bʰānúṃ savitā́ devó aśred drapsáṃ dávidʰvad gaviṣó ná sátvā /
   ūrdʰvám bʰānúṃ savitā́ devó aśred
   ūrdʰvám bʰānúm savitā́ deváḥ aśret
   ūrdʰvám bʰānúṃ savitā́ devó aśred

Halfverse: b    drapsáṃ dávidʰvad gaviṣó ná sátvā /
   drapsám dávidʰvat gaviṣáḥ ná sátvā /
   drapsáṃ dávidʰvad gaviṣó ná sátvā /

Halfverse: c    ánu vratáṃ váruṇo yanti mitró yát sū́ryaṃ divy ā̀roháyanti //
   ánu vratáṃ váruṇo yanti mitró
   ánu vratám váruṇaḥ yanti mitráḥ
   ánu vratáṃ váruṇo yanti mitró

Halfverse: d    yát sū́ryaṃ divy ā̀roháyanti //
   yát sū́ryam diví āroháyanti //
   yát sū́riyaṃ diví āroháyanti //


Verse: 3 
Halfverse: a    yáṃ sīm ákr̥ṇvan támase vipŕ̥ce dʰruvákṣemā ánavasyanto ártʰam/
   yáṃ sīm ákr̥ṇvan támase vipŕ̥ce
   yám sīm ákr̥ṇvan támase vipŕ̥ce
   yáṃ sīm ákr̥ṇvan támase vipŕ̥ce

Halfverse: b    dʰruvákṣemā ánavasyanto ártʰam /
   dʰruvákṣemāḥ ánavasyantaḥ ártʰam /
   dʰruvákṣemā ánavasyanto ártʰam /

Halfverse: c    táṃ sū́ryaṃ harítaḥ saptá yahvī́ spáśaṃ víśvasya jágato vahanti //
   táṃ sū́ryaṃ harítaḥ saptá yahvī́
   tám sū́ryam harítaḥ saptá yahvī́ḥ
   táṃ sū́riyaṃ harítaḥ saptá yahvī́

Halfverse: d    spáśaṃ víśvasya jágato vahanti //
   spáśam víśvasya jágataḥ vahanti //
   spáśaṃ víśvasya jágato vahanti //


Verse: 4 
Halfverse: a    váhiṣṭʰebʰir viháran yāsi tántum avavyáyann ásitaṃ deva vásma /
   váhiṣṭʰebʰir viháran yāsi tántum
   váhiṣṭʰebʰiḥ viháran yāsi tántum
   váhiṣṭʰebʰir viháran yāsi tántum

Halfverse: b    avavyáyann ásitaṃ deva vásma /
   avavyáyan ásitam deva vásma /
   avavyáyann ásitaṃ deva vásma /

Halfverse: c    dávidʰvato raśmáyaḥ sū́ryasya cármevā́vādʰus támo apsv àntáḥ //
   dávidʰvato raśmáyaḥ sū́ryasya
   dávidʰvataḥ raśmáyaḥ sū́ryasya
   dávidʰvato raśmáyaḥ sū́riyasya

Halfverse: d    cármevā́vādʰus támo apsv àntáḥ //
   cárma iva áva adʰuḥ támaḥ apsú antár //
   cármevā́vādʰus támo apsú antáḥ //


Verse: 5 
Halfverse: a    ánāyato ánibaddʰaḥ katʰā́yáṃ nyàṅṅ uttānó 'va padyate ná /
   ánāyato ánibaddʰaḥ katʰā́yáṃ
   ánāyataḥ ánibaddʰaḥ katʰā́ ayám
   ánāyato ánibaddʰaḥ katʰā́yáṃ

Halfverse: b    nyàṅṅ uttānó 'va padyate ná /
   nyàṅ uttānáḥ áva padyate ná /
   níaṅṅ uttānó áva padyate ná /

Halfverse: c    káyā yāti svadʰáyā kó dadarśa divá skambʰáḥ sámr̥taḥ pāti nā́kam //
   káyā yāti svadʰáyā kó dadarśa
   káyā yāti svadʰáyā káḥ dadarśa
   káyā yāti svadʰáyā kó dadarśa

Halfverse: d    divá skambʰáḥ sámr̥taḥ pāti nā́kam //
   diváḥ skambʰáḥ sámr̥taḥ pāti nā́kam //
   divá skambʰáḥ sámr̥taḥ pāti nā́kam //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.