TITUS
Rg-Veda: Rg-Veda-Samhita
Part No. 308
Previous part

Hymn: 12_(308) 
Verse: 1 
Halfverse: a    yás tvā́m agna inádʰate yatásruk trís te ánnaṃ kr̥ṇávat sásminn áhan /
   yás tvā́m agna inádʰate yatásruk \!\
   yáḥ tvā́m agne inádʰate yatásruk
   yás tvā́m agna inádʰate yatásruk

Halfverse: b    trís te ánnaṃ kr̥ṇávat sásminn áhan /
   tríḥ te ánnam kr̥ṇávat sásmin áhan /
   trís te ánnaṃ kr̥ṇávat sásmin áhan /

Halfverse: c    sá sú dyumnaír abʰy àstu prasákṣat táva krátvā jātavedaś cikitvā́n //
   sá sú dyumnaír abʰy àstu prasákṣat
   sá sú dyumnaíḥ abʰí astu prasákṣat
   sá sú dyumnaír abʰí astu prasákṣat

Halfverse: d    táva krátvā jātavedaś cikitvā́n //
   táva krátvā jātavedaḥ cikitvā́n //
   táva krátvā jātavedaś cikitvā́n //


Verse: 2 
Halfverse: a    idʰmáṃ yás te jabʰárac cʰaśramāṇó mahó agne ánīkam ā́ saparyán /
   idʰmáṃ yás te jabʰárac cʰaśramāṇó
   idʰmám yáḥ te jabʰárat śaśramāṇáḥ
   idʰmáṃ yás te jabʰárac cʰaśramāṇó

Halfverse: b    mahó agne ánīkam ā́ saparyán /
   maháḥ agne ánīkam ā́ saparyán /
   mahó agne ánīkam ā́ saparyán /

Halfverse: c    sá idʰānáḥ práti doṣā́m uṣā́sam púṣyan rayíṃ sacate gʰnánn amítrān //
   sá idʰānáḥ práti doṣā́m uṣā́sam
   sáḥ \!\ idʰānáḥ práti doṣā́m uṣā́sam
   sá idʰānáḥ práti doṣā́m uṣā́sam

Halfverse: d    púṣyan rayíṃ sacate gʰnánn amítrān //
   púṣyan rayím sacate gʰnán amítrān //
   púṣyan rayíṃ sacate gʰnánn amítrān //


Verse: 3 
Halfverse: a    agnír īśe br̥hatáḥ kṣatríyasyāgnír vā́jasya paramásya rāyáḥ /
   agnír īśe br̥hatáḥ kṣatríyasya_ \!\
   agníḥ īśe br̥hatáḥ kṣatríyasya
   agnír īśe br̥hatáḥ kṣatríyasya

Halfverse: b    _agnír vā́jasya paramásya rāyáḥ /
   agníḥ vā́jasya paramásya rāyáḥ /
   agnír vā́jasya paramásya rāyáḥ /

Halfverse: c    dádʰāti rátnaṃ vidʰaté yáviṣṭʰo vy ā̀nuṣáṅ mártyāya svadʰā́vān //
   dádʰāti rátnaṃ vidʰaté yáviṣṭʰo
   dádʰāti rátnam vidʰaté yáviṣṭʰaḥ
   dádʰāti rátnaṃ vidʰaté yáviṣṭʰo

Halfverse: d    vy ā̀nuṣáṅ mártyāya svadʰā́vān //
   ví ānuṣák mártyāya svadʰā́vān //
   ví ānuṣáṅ mártiyāya svadʰā́vān //


Verse: 4 
Halfverse: a    yác cid dʰí te puruṣatrā́ yaviṣṭʰā́cittibʰiś cakr̥mā́ kác cid ā́gaḥ /
   yác cid dʰí te puruṣatrā́ yaviṣṭʰa_
   yát cit hí te puruṣatrā́ yaviṣṭʰa
   yác cid dʰí te puruṣatrā́ yaviṣṭʰa

Halfverse: b    _ácittibʰiś cakr̥mā́ kác cid ā́gaḥ /
   ácittibʰiḥ cakr̥má+ kát cit ā́gaḥ /
   ácittibʰiś cakr̥mā́ kác cid ā́gaḥ /

Halfverse: c    kr̥dʰī́ ṣv àsmā́m̐ áditer ánāgān vy énām̐si śiśratʰo víṣvag agne //
   kr̥dʰī́ ṣv àsmā́m̐ áditer ánāgān
   kr̥dʰí+ sú asmā́n áditeḥ ánāgān
   kr̥dʰī́ ṣú asmā́m̐ áditer ánāgān

Halfverse: d    vy énām̐si śiśratʰo víṣvag agne //
   ví énāṃsi śiśratʰaḥ víṣvak agne //
   ví énāṃsi śiśratʰo víṣvag agne //


Verse: 5 
Halfverse: a    maháś cid agna énaso abʰī́ka ūrvā́d devā́nām utá mártyānām /
   maháś cid agna énaso abʰī́ka
   maháḥ cit agne énasaḥ abʰī́ke
   maháś cid agna énaso abʰī́ka

Halfverse: b    ūrvā́d devā́nām utá mártyānām /
   ūrvā́t devā́nām utá mártyānām /
   ūrvā́d devā́nām utá mártiyānām /

Halfverse: c    mā́ te sákʰāyaḥ sádam íd riṣāma yácʰā tokā́ya tánayāya śáṃ yóḥ //
   mā́ te sákʰāyaḥ sádam íd riṣāma
   mā́ te sákʰāyaḥ sádam ít riṣāma
   mā́ te sákʰāyaḥ sádam íd riṣāma

Halfverse: d    yácʰā tokā́ya tánayāya śáṃ yóḥ //
   yácʰa+ tokā́ya tánayāya śám yóḥ //
   yácʰā tokā́ya tánayāya śáṃ yóḥ //


Verse: 6 
Halfverse: a    yátʰā ha tyád vasavo gauryàṃ cit padí ṣitā́m ámuñcatā yajatrāḥ /
   yátʰā ha tyád vasavo gauryàṃ cit
   yátʰā ha tyát vasavaḥ gauryàm cit
   yátʰā ha tyád vasavo gauríyaṃ cit

Halfverse: b    padí ṣitā́m ámuñcatā yajatrāḥ /
   padí sitā́m ámuñcata+ yajatrāḥ /
   padí ṣitā́m ámuñcatā yajatrāḥ /

Halfverse: c    evó ṣv àsmán muñcatā vy ám̐haḥ prá tāry agne prataráṃ na ā́yuḥ //
   evó ṣv àsmán muñcatā vy ám̐haḥ
   evá u sú asmát muñcata+ ví áṃhaḥ
   evó ṣú asmán muñcatā ví áṃhaḥ

Halfverse: d    prá tāry agne prataráṃ na ā́yuḥ //
   prá tāri agne pratarám naḥ ā́yuḥ //
   prá tāri agne prataráṃ na ā́yuḥ //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.