TITUS
Rg-Veda: Rg-Veda-Samhita
Part No. 304
Previous part

Hymn: 8_(304) 
Verse: 1 
Halfverse: a    dūtáṃ vo viśvávedasaṃ havyavā́ham ámartyam /
   dūtáṃ vo viśvávedasaṃ
   dūtám vaḥ viśvávedasam
   dūtáṃ vo viśvávedasaṃ

Halfverse: b    havyavā́ham ámartyam /
   havyavā́ham ámartyam /
   havyavā́ham ámartiyam /

Halfverse: c    yájiṣṭʰam r̥ñjase girā́ //
   yájiṣṭʰam r̥ñjase girā́ //
   yájiṣṭʰam r̥ñjase girā́ //
   yájiṣṭʰam r̥ñjase girā́ //


Verse: 2 
Halfverse: a    sá hí védā vásudʰitim mahā́m̐ āródʰanaṃ diváḥ /
   sá hí védā vásudʰitim
   sá hí véda+ vásudʰitim
   sá hí védā vásudʰitim

Halfverse: b    mahā́m̐ āródʰanaṃ diváḥ /
   mahā́n āródʰanam diváḥ /
   mahā́m̐ āródʰanaṃ diváḥ /

Halfverse: c    sá devā́m̐ éhá vakṣati //
   sá devā́m̐ éhá vakṣati //
   sá devā́n ā́ ihá vakṣati //
   sá devā́m̐ éhá vakṣati //


Verse: 3 
Halfverse: a    sá veda devá ānámaṃ devā́m̐ r̥tāyaté dáme /
   sá veda devá ānámaṃ
   sá veda deváḥ ānámam
   sá veda devá ānámaṃ

Halfverse: b    devā́m̐ r̥tāyaté dáme /
   devā́n r̥tāyaté dáme /
   devā́m̐ r̥tāyaté dáme /

Halfverse: c    dā́ti priyā́ṇi cid vásu //
   dā́ti priyā́ṇi cid vásu //
   dā́ti priyā́ṇi cit vásu //
   dā́ti priyā́ṇi cid vásu //


Verse: 4 
Halfverse: a    sá hótā séd u dūtyàṃ cikitvā́m̐ antár īyate /
   sá hótā séd u dūtyàṃ
   sá hótā sá ít u dūtyàm
   sá hótā séd u dūtíyaṃ

Halfverse: b    cikitvā́m̐ antár īyate /
   cikitvā́n antár īyate /
   cikitvā́m̐ antár īyate /

Halfverse: c    vidvā́m̐ āródʰanaṃ diváḥ //
   vidvā́m̐ āródʰanaṃ divá //
   vidvā́n āródʰanam diváḥ //
   vidvā́m̐ āródʰanaṃ diváḥ //


Verse: 5 
Halfverse: a    té syāma yé agnáye dadāśúr havyádātibʰiḥ /
   té syāma yé agnáye
   té syāma yé agnáye
   té siyāma yé agnáye

Halfverse: b    dadāśúr havyádātibʰiḥ /
   dadāśúḥ havyádātibʰiḥ /
   dadāśúr havyádātibʰiḥ /

Halfverse: c    yá īm púṣyanta indʰaté //
   yá īm púṣyanta indʰaté //
   yé īm púṣyantaḥ indʰaté //
   yá īm púṣyanta indʰaté //


Verse: 6 
Halfverse: a    té rāyā́ té suvī́ryaiḥ sasavā́m̐so ví śr̥ṇvire /
   té rāyā́ té suvī́ryaiḥ
   té rāyā́ té suvī́ryaiḥ
   té rāyā́ té suvī́riyaiḥ

Halfverse: b    sasavā́m̐so ví śr̥ṇvire /
   sasavā́ṃsaḥ ví śr̥ṇvire /
   sasavā́ṃso ví śr̥ṇvire /

Halfverse: c    yé agnā́ dadʰiré dúvaḥ //
   yé agnā́ dadʰiré dúvaḥ //
   yé agnā́ dadʰiré dúvaḥ //
   yé agnā́ dadʰiré dúvaḥ //


Verse: 7 
Halfverse: a    asmé rā́yo divé-dive sáṃ carantu puruspŕ̥haḥ /
   asmé rā́yo divé-dive
   asmé rā́yaḥ divé-dive
   asmé rā́yo divé-dive

Halfverse: b    sáṃ carantu puruspŕ̥haḥ /
   sám carantu puruspŕ̥haḥ /
   sáṃ carantu puruspŕ̥haḥ /

Halfverse: c    asmé vā́jāsa īratām //
   asmé vā́jāsa īratām //
   asmé vā́jāsaḥ īratām //
   asmé vā́jāsa īratām //


Verse: 8 
Halfverse: a    sá vípraś carṣaṇīnā́ṃ śávasā mā́nuṣāṇām /
   sá vípraś carṣaṇīnā́ṃ
   sá vípraḥ carṣaṇīnā́m
   sá vípraś carṣaṇīnâáṃ

Halfverse: b    śávasā mā́nuṣāṇām /
   śávasā mā́nuṣāṇām /
   śávasā mā́nuṣāṇãam /

Halfverse: c    áti kṣipréva vidʰyati //
   áti kṣipréva vidʰyati //
   áti kṣiprā́ iva vidʰyati //
   áti kṣipréva vidʰyati //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.