TITUS
Rg-Veda: Rg-Veda-Samhita
Part No. 305
Previous part

Hymn: 9_(305) 
Verse: 1 
Halfverse: a    ágne mr̥ḷá mahā́m̐ asi yá īm ā́ devayúṃ jánam /
   ágne mr̥ḷá mahā́m̐ asi
   ágne mr̥ḷá mahā́n asi
   ágne mr̥ḷá mahā́m̐ asi

Halfverse: b    yá īm ā́ devayúṃ jánam /
   yáḥ īm ā́ devayúm jánam /
   yá īm ā́ devayúṃ jánam /

Halfverse: c    iyétʰa barhír āsádam //
   iyétʰa barhír āsádam //
   iyétʰa barhíḥ āsádam //
   iyétʰa barhír āsádam //


Verse: 2 
Halfverse: a    sá mā́nuṣīṣu dūḷábʰo vikṣú prāvī́r ámartyaḥ /
   sá mā́nuṣīṣu dūḷábʰo
   sá mā́nuṣīṣu dūḷábʰaḥ
   sá mā́nuṣīṣu dūḷábʰo

Halfverse: b    vikṣú prāvī́r ámartyaḥ /
   vikṣú prāvī́ḥ ámartyaḥ /
   vikṣú prāvī́r ámartiyaḥ /

Halfverse: c    dūtó víśveṣām bʰuvat //
   dūtó víśveṣām bʰuvat //
   dūtáḥ víśveṣām bʰuvat //
   dūtó víśveṣãam bʰuvat //


Verse: 3 
Halfverse: a    sá sádma pári ṇīyate hótā mandró díviṣṭiṣu /
   sá sádma pári ṇīyate
   sá sádma pári nīyate
   sá sádma pári ṇīyate

Halfverse: b    hótā mandró díviṣṭiṣu /
   hótā mandráḥ díviṣṭiṣu /
   hótā mandró díviṣṭiṣu /

Halfverse: c    utá pótā ní ṣīdati //
   utá pótā ní ṣīdati //
   utá pótā ní sīdati //
   utá pótā ní ṣīdati //


Verse: 4 
Halfverse: a    utá gnā́ agnír adʰvará utó gr̥hápatir dáme /
   utá gnā́ agnír adʰvará
   utá gnā́ḥ agníḥ adʰvaré
   utá gnā́ agnír adʰvará

Halfverse: b    utó gr̥hápatir dáme /
   utá u gr̥hápatiḥ dáme /
   utó gr̥hápatir dáme /

Halfverse: c    utá brahmā́ ní ṣīdati //
   utá brahmā́ ní ṣīdati //
   utá brahmā́ ní sīdati //
   utá brahmā́ ní ṣīdati //


Verse: 5 
Halfverse: a    véṣi hy àdʰvarīyatā́m upavaktā́ jánānām /
   véṣi hy àdʰvarīyatā́m
   véṣi hí adʰvarīyatā́m
   véṣi hí adʰvarīyatā́m

Halfverse: b    upavaktā́ jánānām /
   upavaktā́ jánānām /
   upavaktā́ jánānãam //

Halfverse: c    havyā́ ca mā́nuṣāṇām //
   havyā́ ca mā́nuṣāṇām //
   havyā́ ca mā́nuṣāṇām //
   havyā́ ca mā́nuṣāṇãam /


Verse: 6 
Halfverse: a    véṣī́d v asya dūtyàṃ yásya jújoṣo adʰvarám /
   véṣī́d v asya dūtyàṃ
   véṣi ít u asya dūtyàm
   véṣī́d u asya dūtíyaṃ

Halfverse: b    yásya jújoṣo adʰvarám /
   yásya jújoṣaḥ adʰvarám /
   yásya jújoṣo adʰvarám //

Halfverse: c    havyám mártasya vóḷʰave //
   havyám mártasya vóḷʰave //
   havyám mártasya vóḷʰave //
   havyám mártasya vóḷʰave /


Verse: 7 
Halfverse: a    asmā́kaṃ joṣy adʰvarám asmā́kaṃ yajñám aṅgiraḥ /
   asmā́kaṃ joṣy adʰvarám
   asmā́kam joṣi adʰvarám
   asmā́kaṃ joṣi adʰvarám

Halfverse: b    asmā́kaṃ yajñám aṅgiraḥ /
   asmā́kam yajñám aṅgiraḥ /
   asmā́kaṃ yajñám aṅgiraḥ /

Halfverse: c    asmā́kaṃ śr̥ṇudʰī hávam //
   asmā́kaṃ śr̥ṇudʰī hávam //
   asmā́kam śr̥ṇudʰi+ hávam //
   asmā́kaṃ śr̥ṇudʰī hávam //


Verse: 8 
Halfverse: a    pári te dūḷábʰo rátʰo 'smā́m̐ aśnotu viśvátaḥ /
   pári te dūḷábʰo rátʰo
   pári te dūḷábʰaḥ rátʰaḥ
   pári te dūḷábʰo rátʰo

Halfverse: b    'smā́m̐ aśnotu viśvátaḥ /
   asmā́n aśnotu viśvátaḥ /
   asmā́m̐ aśnotu viśvátaḥ /

Halfverse: c    yéna rákṣasi dāśúṣaḥ //
   yéna rákṣasi dāśúṣaḥ //
   yéna rákṣasi dāśúṣaḥ //
   yéna rákṣasi dāśúṣaḥ //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.