TITUS
Rg-Veda: Rg-Veda-Samhita
Part No. 303
Previous part

Hymn: 7_(303) 
Verse: 1 
Halfverse: a    ayám ihá pratʰamó dʰāyi dʰātŕ̥bʰir hótā yájiṣṭʰo adʰvaréṣv ī́ḍyaḥ /
   ayám ihá pratʰamó dʰāyi dʰātŕ̥bʰir
   ayám ihá pratʰamáḥ dʰāyi dʰātŕ̥bʰiḥ
   ayám ihá pratʰamó dʰāyi dʰātŕ̥bʰir

Halfverse: b    hótā yájiṣṭʰo adʰvaréṣv ī́ḍyaḥ /
   hótā yájiṣṭʰaḥ adʰvaréṣu ī́ḍyaḥ /
   hótā yájiṣṭʰo adʰvaréṣu ī́ḍiyaḥ /

Halfverse: c    yám ápnavāno bʰŕ̥gavo virurucúr váneṣu citráṃ vibʰvàṃ viśé-viśe //
   yám ápnavāno bʰŕ̥gavo virurucúr
   yám ápnavānaḥ bʰŕ̥gavaḥ virurucúḥ
   yám ápnavāno bʰŕ̥gavo virurucúr

Halfverse: d    váneṣu citráṃ vibʰvàṃ viśé-viśe //
   váneṣu citrám vibʰvàm viśé-viśe //
   váneṣu citráṃ vibʰúvaṃ viśé-viśe //


Verse: 2 
Halfverse: a    ágne kadā́ ta ānuṣág bʰúvad devásya cétanam /
   ágne kadā́ ta ānuṣág
   ágne kadā́ te ānuṣák
   ágne kadā́ ta ānuṣág

Halfverse: b    bʰúvad devásya cétanam /
   bʰúvat devásya cétanam /
   bʰúvad devásya cétanam /

Halfverse: c    ádʰā hí tvā jagr̥bʰriré mártāso vikṣv ī́ḍyam //
   ádʰā hí tvā jagr̥bʰriré
   ádʰa+ hí tvā jagr̥bʰriré
   ádʰā hí tvā jagr̥bʰriré

Halfverse: d    mártāso vikṣv ī́ḍyam //
   mártāsaḥ vikṣú ī́ḍyam //
   mártāso vikṣú ī́ḍiyam //


Verse: 3 
Halfverse: a    r̥tā́vānaṃ vícetasam páśyanto dyā́m iva stŕ̥bʰiḥ /
   r̥tā́vānaṃ vícetasam
   r̥tā́vānam vícetasam
   r̥tā́vānaṃ vícetasam

Halfverse: b    páśyanto dyā́m iva stŕ̥bʰiḥ /
   páśyantaḥ dyā́m iva stŕ̥bʰiḥ /
   páśyanto dyā́m iva stŕ̥bʰiḥ /

Halfverse: c    víśveṣām adʰvarā́ṇāṃ haskartā́raṃ dáme-dame //
   víśveṣām adʰvarā́ṇāṃ
   víśveṣām adʰvarā́ṇām
   víśveṣām adʰvarā́ṇãaṃ

Halfverse: d    haskartā́raṃ dáme-dame //
   haskartā́ram dáme-dame //
   haskartā́raṃ dáme-dame //


Verse: 4 
Halfverse: a    āśúṃ dūtáṃ vivásvato víśvā yáś carṣaṇī́r abʰí /
   āśúṃ dūtáṃ vivásvato
   āśúm dūtám vivásvataḥ
   āśúṃ dūtáṃ vivásvato

Halfverse: b    víśvā yáś carṣaṇī́r abʰí /
   víśvāḥ yáḥ carṣaṇī́ḥ abʰí /
   víśvā yáś carṣaṇī́r abʰí /

Halfverse: c    ā́ jabʰruḥ ketúm āyávo bʰŕ̥gavāṇaṃ viśé-viśe //
   ā́ jabʰruḥ ketúm āyávo
   ā́ jabʰruḥ ketúm āyávaḥ
   ā́ jabʰruḥ ketúm āyávo

Halfverse: d    bʰŕ̥gavāṇaṃ viśé-viśe //
   bʰŕ̥gavāṇam viśé-viśe //
   bʰŕ̥gavāṇaṃ viśé-viśe //


Verse: 5 
Halfverse: a    tám īṃ hótāram ānuṣák cikitvā́m̐saṃ ní ṣedire /
   tám īṃ hótāram ānuṣák
   tám īm hótāram ānuṣák
   tám īṃ hótāram ānuṣák

Halfverse: b    cikitvā́m̐saṃ ní ṣedire /
   cikitvā́ṃsam ní sedire /
   cikitvā́ṃsaṃ ní ṣedire /

Halfverse: c    raṇvám pāvakáśociṣaṃ yájiṣṭʰaṃ saptá dʰā́mabʰiḥ //
   raṇvám pāvakáśociṣaṃ
   raṇvám pāvakáśociṣam
   raṇvám pavākáśociṣaṃ

Halfverse: d    yájiṣṭʰaṃ saptá dʰā́mabʰiḥ //
   yájiṣṭʰam saptá dʰā́mabʰiḥ //
   yájiṣṭʰaṃ saptá dʰā́mabʰiḥ //


Verse: 6 
Halfverse: a    táṃ śáśvatīṣu mātŕ̥ṣu vána ā́ vītám áśritam /
   táṃ śáśvatīṣu mātŕ̥ṣu
   tám śáśvatīṣu mātŕ̥ṣu
   táṃ śáśvatīṣu mātŕ̥ṣu

Halfverse: b    vána ā́ vītám áśritam /
   váne ā́ vītám áśritam /
   vána ā́ vītám áśritam /

Halfverse: c    citráṃ sántaṃ gúhā hitáṃ suvédaṃ kūcidartʰínam //
   citráṃ sántaṃ gúhā hitáṃ
   citrám sántam gúhā hitám
   citráṃ sántaṃ gúhā hitáṃ

Halfverse: d    suvédaṃ kūcidartʰínam //
   suvédam kūcidartʰínam //
   suvédaṃ kūcidartʰínam //


Verse: 7 
Halfverse: a    sasásya yád víyutā sásminn ū́dʰann r̥tásya dʰā́man raṇáyanta devā́ḥ /
   sasásya yád víyutā sásminn ū́dʰann
   sasásya yát víyutā sásmin ū́dʰan
   sasásya yád víyutā sásminn ū́dʰann

Halfverse: b    r̥tásya dʰā́man raṇáyanta devā́ḥ /
   r̥tásya dʰā́man raṇáyanta devā́ḥ /
   r̥tásya dʰā́man raṇáyanta devā́ḥ /

Halfverse: c    mahā́m̐ agnír námasā rātáhavyo vér adʰvarā́ya sádam íd r̥tā́vā //
   mahā́m̐ agnír námasā rātáhavyo
   mahā́n agníḥ námasā rātáhavyaḥ
   mahā́m̐ agnír námasā rātáhavyo

Halfverse: d    vér adʰvarā́ya \!\ sádam íd r̥tā́vā //
   véḥ adʰvarā́ya sádam ít r̥tā́vā //
   vér adʰvarā́ya sádam íd r̥tā́vā //


Verse: 8 
Halfverse: a    vér adʰvarásya dūtyā̀ni vidvā́n ubʰé antā́ ródasī saṃcikitvā́n /
   vér adʰvarásya dūtyā̀ni vidvā́n
   véḥ adʰvarásya dūtyā̀ni vidvā́n
   vér adʰvarásya dūtíyāni vidvā́n

Halfverse: b    ubʰé antā́ ródasī saṃcikitvā́n /
   ubʰé antár ródasī saṃcikitvā́n /
   ubʰé antā́ ródasī saṃcikitvā́n /

Halfverse: c    dūtá īyase pradíva urāṇó vidúṣṭaro divá āródʰanāni //
   dūtá īyase pradíva urāṇó
   dūtáḥ īyase pradívaḥ urāṇáḥ
   dūtá īyase pradíva urāṇó

Halfverse: d    vidúṣṭaro divá āródʰanāni //
   vidúṣṭaraḥ diváḥ āródʰanāni //
   vidúṣṭaro divá āródʰanāni //


Verse: 9 
Halfverse: a    kr̥ṣṇáṃ ta éma rúśataḥ puró bʰā́ś cariṣṇv àrcír vápuṣām íd ékam /
   kr̥ṣṇáṃ ta éma rúśataḥ puró bʰā́ś
   kr̥ṣṇám te éma rúśataḥ puráḥ bʰā́ḥ
   kr̥ṣṇáṃ ta éma rúśataḥ puró bʰā́ś

Halfverse: b    cariṣṇv àrcír vápuṣām íd ékam /
   cariṣṇú arcíḥ vápuṣām ít ékam /
   cariṣṇú arcír vápuṣām íd ékam /

Halfverse: c    yád ápravītā dádʰate ha gárbʰaṃ sadyáś cij jātó bʰávasī́d u dūtáḥ //
   yád ápravītā dádʰate ha gárbʰaṃ
   yát ápravītā dádʰate ha gárbʰam
   yád ápravītā dádʰate ha gárbʰaṃ

Halfverse: d    sadyáś cij jātó bʰávasī́d u dūtáḥ //
   sadyáḥ cit jātáḥ bʰávasi ít u dūtáḥ //
   sadyáś cij jātó bʰávasī́d u dūtáḥ //


Verse: 10 
Halfverse: a    sadyó jātásya dádr̥śānam ójo yád asya vā́to anuvā́ti śocíḥ /
   sadyó jātásya dádr̥śānam ójo
   sadyáḥ jātásya dádr̥śānam ójaḥ
   sadyó jātásya dádr̥śānam ójo

Halfverse: b    yád asya vā́to anuvā́ti śocíḥ /
   yát asya vā́taḥ anuvā́ti śocíḥ /
   yád asya vā́to anuvā́ti śocíḥ /

Halfverse: c    vr̥ṇákti tigmā́m ataséṣu jihvā́ṃ stʰirā́ cid ánnā dayate ví jámbʰaiḥ //
   vr̥ṇákti tigmā́m ataséṣu jihvā́ṃ
   vr̥ṇákti tigmā́m ataséṣu jihvā́m
   vr̥ṇákti tigmā́m ataséṣu jihvā́ṃ

Halfverse: d    stʰirā́ cid ánnā dayate ví jámbʰaiḥ //
   stʰirā́ cit ánnā dayate ví jámbʰaiḥ //
   stʰirā́ cid ánnā dayate ví jámbʰaiḥ //


Verse: 11 
Halfverse: a    tr̥ṣú yád ánnā tr̥ṣúṇā vavákṣa tr̥ṣúṃ dūtáṃ kr̥ṇute yahvó agníḥ /
   tr̥ṣú yád ánnā tr̥ṣúṇā vavákṣa
   tr̥ṣú yát ánnā tr̥ṣúṇā vavákṣa
   tr̥ṣú yád ánnā tr̥ṣúṇā vavákṣa

Halfverse: b    tr̥ṣúṃ dūtáṃ kr̥ṇute yahvó agníḥ /
   tr̥ṣúm dūtám kr̥ṇute yahváḥ agníḥ /
   tr̥ṣúṃ dūtáṃ kr̥ṇute yahvó agníḥ /

Halfverse: c    vā́tasya meḷíṃ sacate nijū́rvann āśúṃ ná vājayate hinvé árvā //
   vā́tasya meḷíṃ sacate nijū́rvann
   vā́tasya meḷím sacate nijū́rvan
   vā́tasya meḷíṃ sacate nijū́rvann

Halfverse: d    āśúṃ ná vājayate hinvé árvā //
   āśúm ná vājayate hinvé árvā //
   āśúṃ ná vājayate hinvé árvā //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.