TITUS
Rg-Veda: Rg-Veda-Samhita
Part No. 302
Previous part

Hymn: 6_(302) 
Verse: 1 
Halfverse: a    ūrdʰvá ū ṣú ṇo adʰvarasya hotar ágne tíṣṭʰa devátātā yájīyān /
   ūrdʰvá ū ṣú ṇo adʰvarasya hotar
   ūrdʰváḥ u+ sú naḥ adʰvarasya hotar
   ūrdʰvá ū ṣú ṇo adʰvarasya hotar

Halfverse: b    ágne tíṣṭʰa devátātā yájīyān /
   ágne tíṣṭʰa devátātā yájīyān /
   ágne tíṣṭʰa devátātā yájīyān /

Halfverse: c    tváṃ hí víśvam abʰy ási mánma prá vedʰásaś cit tirasi manīṣā́m //
   tváṃ hí víśvam abʰy ási mánma
   tvám hí víśvam abʰí ási mánma
   tuváṃ hí víśvam abʰí ási mánma

Halfverse: d    prá vedʰásaś cit tirasi manīṣā́m //
   prá vedʰásaḥ cit tirasi manīṣā́m //
   prá vedʰásaś cit tirasi manīṣā́m //


Verse: 2 
Halfverse: a    ámūro hótā ny àsādi vikṣv àgnír mandró vidátʰeṣu prácetāḥ /
   ámūro hótā ny àsādi vikṣv
   ámūraḥ hótā ní asādi vikṣú
   ámūro hótā ní asādi vikṣú

Halfverse: b    àgnír mandró vidátʰeṣu prácetāḥ /
   agníḥ mandráḥ vidátʰeṣu prácetāḥ /
   agnír mandró vidátʰeṣu prácetāḥ /

Halfverse: c    ūrdʰvám bʰānúṃ savitévāśren méteva dʰūmáṃ stabʰāyad úpa dyā́m //
   ūrdʰvám bʰānúṃ savitévāśren
   ūrdʰvám bʰānúm savitā́ iva aśret
   ūrdʰuvám bʰānúṃ savitéva aśren

Halfverse: d    méteva dʰūmáṃ stabʰāyad \!\ úpa dyā́m //
   métā iva dʰūmám stabʰāyat úpa dyā́m //
   méteva dʰūmáṃ stabʰāyad úpa dyā́m //


Verse: 3 
Halfverse: a    yatā́ sujūrṇī́ rātínī gʰr̥tā́cī pradakṣiṇíd devátātim urāṇáḥ /
   yatā́ sujūrṇī́ rātínī gʰr̥tā́cī
   yatā́ sujūrṇī́ rātínī gʰr̥tā́cī
   yatā́ sujūrṇī́ rātínī gʰr̥tā́cī

Halfverse: b    pradakṣiṇíd devátātim urāṇáḥ /
   pradakṣiṇít devátātim urāṇáḥ /
   pradakṣiṇíd devátātim urāṇáḥ /

Halfverse: c    úd u svárur navajā́ nā́kráḥ paśvó anakti súdʰitaḥ sumékaḥ //
   úd u svárur navajā́ nā́kráḥ
   út u sváruḥ navajā́ḥ ná akráḥ
   úd u svárur ? navajā́ ná akráḥ

Halfverse: d    paśvó anakti súdʰitaḥ sumékaḥ //
   paśváḥ anakti súdʰitaḥ sumékaḥ //
   paśvó anakti súdʰitaḥ sumékaḥ //


Verse: 4 
Halfverse: a    stīrṇé barhíṣi samidʰāné agnā́ ūrdʰvó adʰvaryúr jujuṣāṇó astʰāt /
   stīrṇé barhíṣi samidʰāné agnā́
   stīrṇé barhíṣi samidʰāné agnaú
   stīrṇé barhíṣi samidʰāné agnā́

Halfverse: b    ūrdʰvó adʰvaryúr jujuṣāṇó astʰāt /
   ūrdʰváḥ adʰvaryúḥ jujuṣāṇáḥ astʰāt /
   ūrdʰvó adʰvaryúr jujuṣāṇó astʰāt /

Halfverse: c    páry agníḥ paśupā́ ná hótā triviṣṭy èti pradíva urāṇáḥ //
   páry agníḥ paśupā́ ná hótā
   pári agníḥ paśupā́ḥ ná hótā
   pári agníḥ paśupâá ná hótā

Halfverse: d    triviṣṭy èti pradíva urāṇáḥ //
   triviṣṭí eti pradívaḥ urāṇáḥ //
   triviṣṭí eti pradíva urāṇáḥ //


Verse: 5 
Halfverse: a    pári tmánā mitádrur eti hótāgnír mandró mádʰuvacā r̥tā́vā /
   pári tmánā mitádrur eti hótā_
   pári tmánā mitádruḥ eti hótā
   pári tmánā mitádrur eti hótā

Halfverse: b    _agnír mandró mádʰuvacā r̥tā́vā /
   agníḥ mandráḥ mádʰuvacāḥ r̥tā́vā /
   agnír mandró mádʰuvacā r̥tā́vā /

Halfverse: c    drávanty asya vājíno ná śókā bʰáyante víśvā bʰúvanā yád ábʰrāṭ //
   drávanty asya vājíno ná śókā
   drávanti asya vājínaḥ ná śókāḥ
   drávanti asya vājíno ná śókā

Halfverse: d    bʰáyante víśvā bʰúvanā yád ábʰrāṭ //
   bʰáyante víśvā bʰúvanā yát ábʰrāṭ //
   bʰáyante víśvā bʰúvanā yád ábʰrāṭ //


Verse: 6 
Halfverse: a    bʰadrā́ te agne svanīka saṃdŕ̥g gʰorásya sató víṣuṇasya cā́ruḥ /
   bʰadrā́ te agne svanīka saṃdŕ̥g
   bʰadrā́ te agne svanīka saṃdŕ̥k
   bʰadrā́ te agne suanīka saṃdŕ̥g

Halfverse: b    gʰorásya sató víṣuṇasya cā́ruḥ /
   gʰorásya satáḥ víṣuṇasya cā́ruḥ /
   gʰorásya sató víṣuṇasya cā́ruḥ /

Halfverse: c    ná yát te śocís támasā váranta ná dʰvasmā́nas tanvī̀ répa ā́ dʰuḥ //
   ná yát te śocís támasā váranta
   ná yát te śocíḥ támasā váranta
   ná yát te śocís támasā váranta

Halfverse: d    ná dʰvasmā́nas tanvī̀ répa ā́ dʰuḥ //
   ná dʰvasmā́naḥ tanvì+ répaḥ ā́ dʰuḥ //
   ná dʰvasmā́nas tanúvī répa ā́ dʰuḥ //


Verse: 7 
Halfverse: a    ná yásya sā́tur jánitor ávāri ná mātárāpitárā nū́ cid iṣṭaú /
   ná yásya sā́tur jánitor ávāri
   ná yásya sā́tuḥ jánitoḥ ávāri
   ná yásya sā́tur jánitor ávāri

Halfverse: b    ná mātárāpitárā nū́ cid iṣṭaú /
   ná mātárāpitárā nú+ cit iṣṭaú /
   ná mātárāpitárā nū́ cid iṣṭaú /

Halfverse: c    ádʰā mitró ná súdʰitaḥ pāvakò 'gnír dīdāya mā́nuṣīṣu vikṣú //
   ádʰā mitró ná súdʰitaḥ pāvakò
   ádʰa+ mitráḥ ná súdʰitaḥ pāvakáḥ
   ádʰā mitró ná súdʰitaḥ pavākó

Halfverse: d    'gnír dīdāya mā́nuṣīṣu vikṣú \!\ //
   agníḥ dīdāya mā́nuṣīṣu vikṣú //
   agnír dīdāya mā́nuṣīṣu vikṣú //


Verse: 8 
Halfverse: a    dvír yám páñca jī́janan saṃvásānāḥ svásāro agním mā́nuṣīṣu vikṣú /
   dvír yám páñca jī́janan saṃvásānāḥ
   dvíḥ yám páñca jī́janan saṃvásānāḥ
   dvír yám páñca jī́janan saṃvásānāḥ

Halfverse: b    svásāro agním mā́nuṣīṣu vikṣú /
   svásāraḥ agním mā́nuṣīṣu vikṣú /
   svásāro agním mā́nuṣīṣu vikṣú /

Halfverse: c    uṣarbúdʰam atʰaryò ná dántaṃ śukráṃ svā́sam paraśúṃ ná tigmám //
   uṣarbúdʰam atʰaryò ná dántaṃ
   uṣarbúdʰam atʰaryàḥ ná dántam
   uṣarbúdʰam atʰaríyo ná dántaṃ

Halfverse: d    śukráṃ svā́sam paraśúṃ ná tigmám //
   śukrám svā́sam paraśúm ná tigmám //
   śukráṃ suā́sam paraśúṃ ná tigmám //


Verse: 9 
Halfverse: a    táva tyé agne haríto gʰr̥tasnā́ róhitāsa r̥jváñcaḥ sváñcaḥ /
   táva tyé agne haríto gʰr̥tasnā́
   táva tyé agne harítaḥ gʰr̥tasnā́ḥ
   táva tyé agne haríto gʰr̥tasnā́

Halfverse: b    róhitāsa r̥jváñcaḥ sváñcaḥ /
   róhitāsaḥ r̥jváñcaḥ sváñcaḥ /
   róhitāsa r̥juáñcaḥ suáñcaḥ /

Halfverse: c    aruṣā́so vŕ̥ṣaṇa r̥jumuṣkā́ ā́ devátātim ahvanta dasmā́ḥ //
   aruṣā́so vŕ̥ṣaṇa r̥jumuṣkā́
   aruṣā́saḥ vŕ̥ṣaṇaḥ r̥jumuṣkā́ḥ
   aruṣā́so vŕ̥ṣaṇa r̥jumuṣkā́

Halfverse: d    ā́ devátātim ahvanta dasmā́ḥ //
   ā́ devátātim ahvanta dasmā́ḥ //
   ā́ devátātim ahuvanta dasmā́ḥ //


Verse: 10 
Halfverse: a    yé ha tyé te sáhamānā ayā́sas tveṣā́so agne arcáyaś cáranti /
   yé ha tyé te sáhamānā ayā́sas
   yé ha tyé te sáhamānāḥ ayā́saḥ
   yé ha tyé te sáhamānā ayā́sas

Halfverse: b    tveṣā́so agne arcáyaś cáranti /
   tveṣā́saḥ agne arcáyaḥ cáranti /
   tveṣā́so agne arcáyaś cáranti /

Halfverse: c    śyenā́so ná duvasanā́so ártʰaṃ tuviṣvaṇáso mā́rutaṃ ná śárdʰaḥ //
   śyenā́so ná duvasanā́so ártʰaṃ
   śyenā́saḥ ná duvasanā́saḥ ártʰam
   śyenā́so ná duvasanā́so ártʰaṃ

Halfverse: d    tuviṣvaṇáso mā́rutaṃ ná śárdʰaḥ //
   tuviṣvaṇásaḥ mā́rutam ná śárdʰaḥ //
   tuviṣvaṇáso mā́rutaṃ ná śárdʰaḥ //


Verse: 11 
Halfverse: a    ákāri bráhma samidʰāna túbʰyaṃ śám̐sāty uktʰáṃ yájate vy ū̀ dʰāḥ /
   ákāri bráhma samidʰāna túbʰyaṃ
   ákāri bráhma samidʰāna túbʰyam
   ákāri bráhma samidʰāna túbʰyaṃ

Halfverse: b    śám̐sāty uktʰáṃ yájate vy ū̀ dʰāḥ /
   śáṃsāti uktʰám yájate ví u+ dʰāḥ /
   śáṃsāti uktʰáṃ yájate ví ū dʰāḥ /

Halfverse: c    hótāram agním mánuṣo ní ṣedur namasyánta uśíjaḥ śám̐sam āyóḥ //
   hótāram agním mánuṣo ní ṣedur
   hótāram agním mánuṣaḥ ní seduḥ
   hótāram agním mánuṣo ní ṣedur

Halfverse: d    namasyánta uśíjaḥ śám̐sam āyóḥ //
   namasyántaḥ uśíjaḥ śáṃsam āyóḥ //
   namasyánta uśíjaḥ śáṃsam āyóḥ //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.