TITUS
Rg-Veda: Rg-Veda-Samhita
Part No. 301
Previous part

Hymn: 5_(301) 
Verse: 1 
Halfverse: a    vaiśvānarā́ya mīḷʰúṣe sajóṣāḥ katʰā́ dāśemāgnáye br̥hád bʰā́ḥ /
   vaiśvānarā́ya mīḷʰúṣe sajóṣāḥ
   vaiśvānarā́ya mīḷʰúṣe sajóṣāḥ
   vaiśvānarā́ya mīḷʰúṣe sajóṣāḥ

Halfverse: b    katʰā́ dāśemāgnáye br̥hád bʰā́ḥ /
   katʰā́ dāśema agnáye br̥hát bʰā́ḥ /
   katʰā́ dāśema agnáye br̥hád bʰā́ḥ /

Halfverse: c    ánūnena br̥hatā́ vakṣátʰenópa stabʰāyad upamín ná ródʰaḥ //
   ánūnena br̥hatā́ vakṣátʰena_
   ánūnena br̥hatā́ vakṣátʰena
   ánūnena br̥hatā́ vakṣátʰena

Halfverse: d    _úpa stabʰāyad upamín ná ródʰaḥ //
   úpa stabʰāyat upamít ná ródʰaḥ //
   úpa stabʰāyad upamín ná ródʰaḥ //


Verse: 2 
Halfverse: a    mā́ nindata yá imā́m máhyaṃ rātíṃ devó dadaú mártyāya svadʰā́vān /
   mā́ nindata yá imā́m máhyaṃ rātíṃ
   mā́ nindata yáḥ imā́m máhyam rātím
   mā́ nindata yá imā́m máhya ՙ rātíṃ

Halfverse: b    devó dadaú mártyāya svadʰā́vān /
   deváḥ dadaú mártyāya svadʰā́vān /
   devó dadaú mártiyāya svadʰā́vān /

Halfverse: c    pā́kāya gŕ̥tso amŕ̥to vícetā vaiśvānaró nŕ̥tamo yahvó agníḥ //
   pā́kāya gŕ̥tso amŕ̥to vícetā
   pā́kāya gŕ̥tsaḥ amŕ̥taḥ vícetāḥ
   pā́kāya gŕ̥tso amŕ̥to vícetā

Halfverse: d    vaiśvānaró nŕ̥tamo yahvó agníḥ //
   vaiśvānaráḥ nŕ̥tamaḥ yahváḥ agníḥ //
   vaiśvānaró nŕ̥tamo yahvó agníḥ //


Verse: 3 
Halfverse: a    sā́ma dvibárhā máhi tigmábʰr̥ṣṭiḥ sahásraretā vr̥ṣabʰás túviṣmān /
   sā́ma dvibárhā máhi tigmábʰr̥ṣṭiḥ
   sā́ma dvibárhāḥ máhi tigmábʰr̥ṣṭiḥ
   sā́ma dvibárhā máhi tigmábʰr̥ṣṭiḥ

Halfverse: b    sahásraretā vr̥ṣabʰás túviṣmān /
   sahásraretāḥ vr̥ṣabʰáḥ túviṣmān /
   sahásraretā vr̥ṣabʰás túviṣmān /

Halfverse: c    padáṃ ná gór ápagūḷʰaṃ vividvā́n agnír máhyam préd u vocan manīṣā́m //
   padáṃ ná gór ápagūḷʰaṃ vividvā́n
   padám ná góḥ ápagūḷʰam vividvā́n
   padáṃ ná gór ápagūḷʰaṃ vividvā́n

Halfverse: d    agnír máhyam préd u vocan manīṣā́m //
   agníḥ máhyam prá ít u vocat manīṣā́m //
   agnír máhyam préd u vocan manīṣā́m //


Verse: 4 
Halfverse: a    prá tā́m̐ agnír babʰasat tigmájambʰas tápiṣṭʰena śocíṣā yáḥ surā́dʰāḥ /
   prá tā́m̐ agnír babʰasat tigmájambʰas
   prá tā́n agníḥ babʰasat tigmájambʰaḥ
   prá tā́m̐ agnír babʰasat tigmájambʰas

Halfverse: b    tápiṣṭʰena śocíṣā yáḥ surā́dʰāḥ /
   tápiṣṭʰena śocíṣā yáḥ surā́dʰāḥ /
   tápiṣṭʰena śocíṣā yáḥ surā́dʰāḥ /

Halfverse: c    prá yé minánti váruṇasya dʰā́ma priyā́ mitrásya cétato dʰruvā́ṇi //
   prá yé minánti váruṇasya dʰā́ma
   prá yé minánti váruṇasya dʰā́ma
   prá yé minánti váruṇasya dʰā́ma

Halfverse: d    priyā́ mitrásya cétato dʰruvā́ṇi //
   priyā́ mitrásya cétataḥ dʰruvā́ṇi //
   priyā́ mitrásya cétato dʰruvā́ṇi //


Verse: 5 
Halfverse: a    abʰrātáro ná yóṣaṇo vyántaḥ patirípo ná jánayo durévāḥ /
   abʰrātáro ná yóṣaṇo vyántaḥ
   abʰrātáraḥ ná yóṣaṇaḥ vyántaḥ
   abʰrātáro ná yóṣaṇo viántaḥ

Halfverse: b    patirípo ná jánayo durévāḥ /
   patirípaḥ ná jánayaḥ durévāḥ /
   patirípo ná jánayo durévāḥ /

Halfverse: c    pāpā́saḥ sánto anr̥tā́ asatyā́ idám padám ajanatā gabʰīrám //
   pāpā́saḥ sánto anr̥tā́ asatyā́
   pāpā́saḥ sántaḥ anr̥tā́ḥ asatyā́ḥ
   pāpā́saḥ sánto anr̥tā́ asatyā́

Halfverse: d    idám padám ajanatā gabʰīrám //
   idám padám ajanata+ gabʰīrám //
   idám padám ajanatā gabʰīrám //


Verse: 6 
Halfverse: a    idám me agne kíyate pāvakā́minate gurúm bʰāráṃ ná mánma /
   idám me agne kíyate pāvaka_
   idám me agne kíyate pāvaka
   idám me agne kíyate pavāka

Halfverse: b    _áminate gurúm bʰāráṃ ná mánma /
   áminate gurúm bʰārám ná mánma /
   áminate gurúm bʰāráṃ ná mánma /

Halfverse: c    br̥hád dadʰātʰa dʰr̥ṣatā́ gabʰīráṃ yahvám pr̥ṣṭʰám práyasā saptádʰātu //
   br̥hád dadʰātʰa dʰr̥ṣatā́ gabʰīráṃ
   br̥hát dadʰātʰa dʰr̥ṣatā́ gabʰīrám
   br̥hád dadʰātʰa dʰr̥ṣatā́ gabʰīráṃ

Halfverse: d    yahvám pr̥ṣṭʰám práyasā saptádʰātu //
   yahvám pr̥ṣṭʰám práyasā saptádʰātu //
   yahvám pr̥ṣṭʰám práyasā saptádʰātu //


Verse: 7 
Halfverse: a    tám ín nv èvá samanā́ samānám abʰí krátvā punatī́ dʰītír aśyāḥ /
   tám ín nv èvá samanā́ samānám
   tám ít nú evá samanā́ samānám
   tám ín nú evá samanā́ samānám

Halfverse: b    abʰí krátvā punatī́ dʰītír aśyāḥ /
   abʰí krátvā punatī́ dʰītíḥ aśyāḥ /
   abʰí krátvā punatī́ dʰītír aśyāḥ /

Halfverse: c    sasásya cármann ádʰi cā́ru pŕ̥śner ágre rupá ā́rupitaṃ jábāru //
   sasásya cármann ádʰi cā́ru pŕ̥śner
   sasásya cárman ádʰi cā́ru pŕ̥śneḥ
   sasásya cármann ádʰi cā́ru pŕ̥śner

Halfverse: d    ágre rupá ā́rupitaṃ jábāru //
   ágre rupáḥ ā́rupitam jábāru //
   ágre rupá ā́rupitaṃ jábāru //


Verse: 8 
Halfverse: a    pravā́cyaṃ vácasaḥ kím me asyá gúhā hitám úpa niṇíg vadanti /
   pravā́cyaṃ vácasaḥ kím me asyá
   pravā́cyam vácasaḥ kím me asyá
   pravā́ciyaṃ vácasaḥ kím me asyá

Halfverse: b    gúhā hitám úpa niṇíg vadanti /
   gúhā hitám úpa niṇík vadanti /
   gúhā hitám úpa niṇíg vadanti /

Halfverse: c    yád usríyāṇām ápa vā́r iva vrán pā́ti priyáṃ rupó ágram padáṃ véḥ //
   yád usríyāṇām ápa vā́r iva vrán
   yát usríyāṇām ápa vā́r iva vrán
   yád usríyāṇām ápa vā́r iva vrán

Halfverse: d    pā́ti priyáṃ rupó ágram padáṃ \!\ véḥ //
   pā́ti priyám rupáḥ ágram padám véḥ //
   pā́ti priyáṃ rupó ágram padáṃ véḥ //


Verse: 9 
Halfverse: a    idám u tyán máhi mahā́m ánīkaṃ yád usríyā sácata pūrvyáṃ gaúḥ /
   idám u tyán máhi mahā́m ánīkaṃ
   idám u tyát máhi mahā́m ánīkam
   idám u tyán máhi mahā́m ánīkaṃ

Halfverse: b    yád usríyā sácata pūrvyáṃ gaúḥ /
   yát usríyā sácata pūrvyám gaúḥ /
   yád usríyā sácata pūrviyáṃ gaúḥ /

Halfverse: c    r̥tásya padé ádʰi dī́dyānaṃ gúhā ragʰuṣyád ragʰuyád viveda //
   r̥tásya padé ádʰi dī́dyānaṃ
   r̥tásya padé ádʰi dī́dyānam
   r̥tásya padé ádʰi dī́diyānaṃ

Halfverse: d    gúhā ragʰuṣyád ragʰuyád viveda //
   gúhā ragʰuṣyát ragʰuyát viveda //
   gúhā ragʰuṣyád ragʰuyád viveda //


Verse: 10 
Halfverse: a    ádʰa dyutānáḥ pitróḥ sácāsā́manuta gúhyaṃ cā́ru pŕ̥śneḥ /
   ádʰa dyutānáḥ pitróḥ sácāsā́_
   ádʰa dyutānáḥ pitróḥ sácā āsā́
   ádʰa dyutānáḥ pitaróḥ sácāsā́

Halfverse: b    _ámanuta gúhyaṃ cā́ru pŕ̥śneḥ /
   ámanuta gúhyam cā́ru pŕ̥śneḥ /
   ámanuta gúhiyaṃ cā́ru pŕ̥śneḥ /

Halfverse: c    mātúṣ padé paramé ánti ṣád gór vŕ̥ṣṇaḥ śocíṣaḥ práyatasya jihvā́ //
   mātúṣ padé paramé ánti ṣád gór
   mātúḥ padé paramé ánti sát góḥ
   mātúṣ padé paramé ánti ṣád gór

Halfverse: d    vŕ̥ṣṇaḥ śocíṣaḥ práyatasya jihvā́ //
   vŕ̥ṣṇaḥ śocíṣaḥ práyatasya jihvā́ //
   vŕ̥ṣṇaḥ śocíṣaḥ práyatasya jihvā́ //


Verse: 11 
Halfverse: a    r̥táṃ voce námasā pr̥cʰyámānas távāśásā jātavedo yádīdám /
   r̥táṃ voce námasā pr̥cʰyámānas
   r̥tám voce námasā pr̥cʰyámānaḥ
   r̥táṃ voce námasā pr̥cʰyámānas

Halfverse: b    távāśásā jātavedo yádīdám /
   táva āśásā jātavedaḥ yádi idám /
   távāśásā jātavedo yádīdám /

Halfverse: c    tvám asyá kṣayasi yád dʰa víśvaṃ diví yád u dráviṇaṃ yát pr̥tʰivyā́m //
   tvám asyá kṣayasi yád dʰa víśvaṃ
   tvám asyá kṣayasi yát ha víśvam
   tuvám asyá kṣayasi yád dʰa víśvaṃ

Halfverse: d    diví yád u dráviṇaṃ yát pr̥tʰivyā́m //
   diví yát u dráviṇam yát pr̥tʰivyā́m //
   diví yád u dráviṇaṃ yát pr̥tʰivyā́m //


Verse: 12 
Halfverse: a    kíṃ no asyá dráviṇaṃ kád dʰa rátnaṃ ví no voco jātavedaś cikitvā́n /
   kíṃ no asyá dráviṇaṃ kád dʰa rátnaṃ
   kím naḥ asyá dráviṇam kát ha rátnam
   kíṃ no asyá dráviṇaṃ kád dʰa rátnaṃ

Halfverse: b    ví no voco jātavedaś cikitvā́n /
   ví naḥ vocaḥ jātavedaḥ cikitvā́n /
   ví no voco jātavedaś cikitvā́n /

Halfverse: c    gúhā́dʰvanaḥ paramáṃ yán no asyá réku padáṃ ná nidānā́ áganma //
   gúhā́dʰvanaḥ paramáṃ yán no asyá
   gúhā ádʰvanaḥ paramám yát naḥ asyá
   gúhā́dʰvanaḥ paramáṃ yán no asyá

Halfverse: d    réku padáṃ ná nidānā́ áganma //
   réku padám ná nidānā́ḥ áganma //
   réku padáṃ ná nidānā́ áganma //


Verse: 13 
Halfverse: a    kā́ maryā́dā vayúnā kád dʰa vāmám ácʰā gamema ragʰávo ná vā́jam /
   kā́ maryā́dā vayúnā kád dʰa vāmám
   kā́ maryā́dā vayúnā kát ha vāmám
   kā́ maryā́dā vayúnā kád dʰa vāmám

Halfverse: b    ácʰā gamema ragʰávo ná vā́jam /
   ácʰa+ gamema ragʰávaḥ ná vā́jam /
   ácʰā gamema ragʰávo ná vā́jam /

Halfverse: c    kadā́ no devī́r amŕ̥tasya pátnīḥ sū́ro várṇena tatanann uṣā́saḥ //
   kadā́ no devī́r amŕ̥tasya pátnīḥ
   kadā́ naḥ devī́ḥ amŕ̥tasya pátnīḥ
   kadā́ no devī́r amŕ̥tasya pátnīḥ

Halfverse: d    sū́ro várṇena tatanann uṣā́saḥ //
   sū́raḥ várṇena tatanan uṣā́saḥ //
   sū́ro várṇena tatanann uṣā́saḥ //


Verse: 14 
Halfverse: a    aniréṇa vácasā pʰalgvèna pratī́tyena kr̥dʰúnātr̥pā́saḥ /
   aniréṇa vácasā pʰalgvèna
   aniréṇa vácasā pʰalgvèna
   aniréṇa vácasā pʰalgúvena

Halfverse: b    pratī́tyena kr̥dʰúnātr̥pā́saḥ /
   pratī́tyena kr̥dʰúnā atr̥pā́saḥ /
   pratī́tiyena kr̥dʰúnātr̥pā́saḥ /

Halfverse: c    ádʰā té agne kím ihā́ vadanty anāyudʰā́sa ā́satā sacantām //
   ádʰā té agne kím ihā́ vadanty
   ádʰa+ té agne kím ihá+ vadanti
   ádʰā té agne kím ihā́ vadanti

Halfverse: d    anāyudʰā́sa ā́satā sacantām //
   anāyudʰā́saḥ ā́satā sacantām //
   anāyudʰā́sa ā́satā sacantām //


Verse: 15 
Halfverse: a    asyá śriyé samidʰānásya vŕ̥ṣṇo vásor ánīkaṃ dáma ā́ ruroca /
   asyá śriyé samidʰānásya vŕ̥ṣṇo
   asyá śriyé samidʰānásya vŕ̥ṣṇaḥ
   asyá śriyé samidʰānásya vŕ̥ṣṇo

Halfverse: b    vásor ánīkaṃ dáma ā́ ruroca /
   vásoḥ ánīkam dáme ā́ ruroca /
   vásor ánīkaṃ dáma ā́ ruroca /

Halfverse: c    rúśad vásānaḥ sudŕ̥śīkarūpaḥ kṣitír ná rāyā́ puruvā́ro adyaut //
   rúśad vásānaḥ sudŕ̥śīkarūpaḥ
   rúśat vásānaḥ sudŕ̥śīkarūpaḥ
   rúśad vásānaḥ sudŕ̥śīkarūpaḥ

Halfverse: d    kṣitír ná rāyā́ puruvā́ro adyaut //
   kṣitíḥ ná rāyā́ puruvā́raḥ adyaut //
   kṣitír ná rāyā́ puruvā́ro adyaut //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.