TITUS
Rg-Veda: Rg-Veda-Samhita
Part No. 300
Previous part

Hymn: 4_(300) 
Verse: 1 
Halfverse: a    kr̥ṇuṣvá pā́jaḥ prásitiṃ ná pr̥tʰvī́ṃ yāhí rā́jevā́mavām̐ íbʰena /
   kr̥ṇuṣvá pā́jaḥ prásitiṃ ná pr̥tʰvī́ṃ
   kr̥ṇuṣvá pā́jaḥ prásitim ná pr̥tʰvī́m
   kr̥ṇuṣvá pā́jaḥ prásitiṃ ná pr̥tʰvī́ṃ

Halfverse: b    yāhí rā́jevā́mavām̐ íbʰena /
   yāhí rā́jā iva ámavān íbʰena /
   yāhí rā́jeva ámavām̐ íbʰena /

Halfverse: c    tr̥ṣvī́m ánu prásitiṃ drūṇānó 'stāsi vídʰya rakṣásas tápiṣṭʰaiḥ //
   tr̥ṣvī́m ánu prásitiṃ drūṇānó
   tr̥ṣvī́m ánu prásitim drūṇānáḥ
   tr̥ṣvī́m ánu ? prásitiṃ druṇānó !

Halfverse: d    'stāsi vídʰya rakṣásas tápiṣṭʰaiḥ //
   ástā asi vídʰya rakṣásaḥ tápiṣṭʰaiḥ //
   ástāsi vídʰya rakṣásas tápiṣṭʰaiḥ //


Verse: 2 
Halfverse: a    táva bʰramā́sa āśuyā́ patanty ánu spr̥śa dʰr̥ṣatā́ śóśucānaḥ /
   táva bʰramā́sa āśuyā́ patanty
   táva bʰramā́saḥ āśuyā́ patanti
   táva bʰramā́sa āśuyā́ patanti

Halfverse: b    ánu spr̥śa dʰr̥ṣatā́ śóśucānaḥ /
   ánu spr̥śa dʰr̥ṣatā́ śóśucānaḥ /
   ánu spr̥śa dʰr̥ṣatā́ śóśucānaḥ /

Halfverse: c    tápūm̐ṣy agne juhvā̀ pataṃgā́n ásaṃdito ví sr̥ja víṣvag ulkā́ḥ //
   tápūm̐ṣy agne juhvā̀ pataṃgā́n
   tápūṃṣi agne juhvā̀ pataṃgā́n
   tápūṃṣi agne juhúvā pataṃgā́n

Halfverse: d    ásaṃdito ví sr̥ja víṣvag ulkā́ḥ //
   ásaṃditaḥ ví sr̥ja víṣvak ulkā́ḥ //
   ásaṃdito ví sr̥ja víṣvag ulkā́ḥ //


Verse: 3 
Halfverse: a    práti spáśo ví sr̥ja tū́rṇitamo bʰávā pāyúr viśó asyā́ ádabdʰaḥ /
   práti spáśo ví sr̥ja tū́rṇitamo
   práti spáśaḥ ví sr̥ja tū́rṇitamaḥ
   práti spáśo ví sr̥ja tū́rṇitamo

Halfverse: b    bʰávā pāyúr viśó asyā́ ádabdʰaḥ /
   bʰáva+ pāyúḥ viśáḥ asyā́ḥ ádabdʰaḥ /
   bʰávā pāyúr viśó asyā́ ádabdʰaḥ /

Halfverse: c    yó no dūré agʰáśam̐so yó ánty ágne mā́kiṣ ṭe vyátʰir ā́ dadʰarṣīt //
   yó no dūré agʰáśam̐so yó ánty
   yáḥ naḥ dūré agʰáśaṃsaḥ yáḥ ánti
   yó no dūré agʰáśaṃso yó ánti

Halfverse: d    ágne mā́kiṣ ṭe vyátʰir ā́ dadʰarṣīt //
   ágne mā́kiḥ te vyátʰiḥ ā́ dadʰarṣīt //
   ágne mā́kiṣ ṭe vyátʰir ā́ dadʰarṣīt //


Verse: 4 
Halfverse: a    úd agne tiṣṭʰa práty ā́ tanuṣva ny àmítrām̐ oṣatāt tigmahete /
   úd agne tiṣṭʰa práty ā́ tanuṣva
   út agne tiṣṭʰa práti ā́ tanuṣva
   úd agne tiṣṭʰa práti ā́ tanuṣva

Halfverse: b    ny àmítrām̐ oṣatāt tigmahete /
   ní amítrān oṣatāt tigmahete /
   ní amítrām̐ oṣatāt tigmahete /

Halfverse: c    yó no árātiṃ samidʰāna cakré nīcā́ táṃ dʰakṣy atasáṃ ná śúṣkam //
   yó no árātiṃ samidʰāna cakré
   yáḥ naḥ árātim samidʰāna cakré
   yó no árātiṃ samidʰāna cakré

Halfverse: d    nīcā́ táṃ dʰakṣy atasáṃ ná śúṣkam //
   nīcā́ tám dʰakṣi atasám ná śúṣkam //
   nīcā́ táṃ dʰakṣi atasáṃ ná śúṣkam //


Verse: 5 
Halfverse: a    ūrdʰvó bʰava práti vidʰyā́dʰy asmád āvíṣ kr̥ṇuṣva daívyāny agne /
   ūrdʰvó bʰava práti vidʰyā́dʰy asmád
   ūrdʰváḥ bʰava práti vidʰya ádʰi asmát
   ūrdʰvó bʰava práti vidʰyā́dʰi asmád

Halfverse: b    āvíṣ kr̥ṇuṣva daívyāny agne /
   āvíḥ kr̥ṇuṣva daívyāni agne /
   āvíṣ kr̥ṇuṣva daíviyāni agne /

Halfverse: c    áva stʰirā́ tanuhi yātujū́nāṃ jāmím ájāmim prá mr̥ṇīhi śátrūn //
   áva stʰirā́ tanuhi yātujū́nāṃ
   áva stʰirā́ tanuhi yātujū́nām
   áva stʰirā́ tanuhi yātujū́nāṃ

Halfverse: d    jāmím ájāmim prá mr̥ṇīhi śátrūn //
   jāmím ájāmim prá mr̥ṇīhi śátrūn //
   jāmím ájāmim prá mr̥ṇīhi śátrūn //


Verse: 6 
Halfverse: a    sá te jānāti sumatíṃ yaviṣṭʰa yá ī́vate bráhmaṇe gātúm aírat /
   sá te jānāti sumatíṃ yaviṣṭʰa
   sá te jānāti sumatím yaviṣṭʰa
   sá te jānāti sumatíṃ yaviṣṭʰa

Halfverse: b    yá ī́vate bráhmaṇe gātúm aírat /
   yáḥ ī́vate bráhmaṇe gātúm aírat /
   yá ī́vate bráhmaṇe gātúm aírat /

Halfverse: c    víśvāny asmai sudínāni rāyó dyumnā́ny aryó ví dúro abʰí dyaut //
   víśvāny asmai sudínāni rāyó
   víśvāni asmai sudínāni rāyáḥ
   víśvāni asmai sudínāni rāyó

Halfverse: d    dyumnā́ny aryó ví dúro abʰí dyaut //
   dyumnā́ni aryáḥ ví dúraḥ abʰí dyaut //
   dyumnā́ni aryó ví dúro abʰí dyaut //


Verse: 7 
Halfverse: a    séd agne astu subʰágaḥ sudā́nur yás tvā nítyena havíṣā yá uktʰaíḥ /
   séd agne astu subʰágaḥ sudā́nur
   sá ít agne astu subʰágaḥ sudā́nuḥ
   séd agne astu subʰágaḥ sudā́nur

Halfverse: b    yás tvā nítyena havíṣā yá uktʰaíḥ /
   yáḥ tvā nítyena havíṣā yáḥ uktʰaíḥ /
   yás tvā nítyena havíṣā yá uktʰaíḥ /

Halfverse: c    píprīṣati svá ā́yuṣi duroṇé víśvéd asmai sudínā sā́sad iṣṭíḥ //
   píprīṣati svá ā́yuṣi duroṇé
   píprīṣati své ā́yuṣi duroṇé
   píprīṣati svá ā́yuṣi duroṇé

Halfverse: d    víśvéd asmai sudínā sā́sad iṣṭíḥ //
   víśvā ít asmai sudínā sā́ asat iṣṭíḥ //
   víśvéd asmai sudínā sā́sad iṣṭíḥ //


Verse: 8 
Halfverse: a    árcāmi te sumatíṃ gʰóṣy arvā́k sáṃ te vāvā́tā jaratām iyáṃ gī́ḥ /
   árcāmi te sumatíṃ gʰóṣy arvā́k
   árcāmi te sumatím gʰóṣi arvā́k
   árcāmi te sumatíṃ gʰóṣi arvā́k

Halfverse: b    sáṃ te vāvā́tā jaratām iyáṃ gī́ḥ /
   sám te vāvā́tā jaratām iyám gī́ḥ /
   sáṃ te vāvā́tā jaratām iyáṃ gī́ḥ /

Halfverse: c    sváśvās tvā surátʰā marjayemāsmé kṣatrā́ṇi dʰārayer ánu dyū́n //
   sváśvās tvā surátʰā marjayema_
   sváśvāḥ tvā surátʰāḥ marjayema
   suáśvās tvā surátʰā marjayema

Halfverse: d    _asmé kṣatrā́ṇi dʰārayer ánu dyū́n //
   asmé kṣatrā́ṇi dʰārayeḥ ánu dyū́n //
   asmé kṣatrā́ṇi dʰārayer ánu dyū́n //


Verse: 9 
Halfverse: a    ihá tvā bʰū́ry ā́ cared úpa tmán dóṣāvastar dīdivā́m̐sam ánu dyū́n /
   ihá tvā bʰū́ry ā́ cared úpa tmán
   ihá tvā bʰū́ri ā́ caret úpa tmán
   ihá tvā bʰū́ri ā́ cared úpa tmán

Halfverse: b    dóṣāvastar dīdivā́m̐sam ánu dyū́n /
   dóṣāvastar dīdivā́ṃsam ánu dyū́n /
   dóṣāvastar dīdivā́ṃsam ánu dyū́n /

Halfverse: c    krī́ḷantas tvā sumánasaḥ sapemābʰí dyumnā́ tastʰivā́m̐so jánānām //
   krī́ḷantas tvā sumánasaḥ sapema_
   krī́ḷantaḥ tvā sumánasaḥ sapema
   krī́ḷantas tvā sumánasaḥ sapema

Halfverse: d    _abʰí dyumnā́ tastʰivā́m̐so jánānām //
   abʰí dyumnā́ tastʰivā́ṃsaḥ jánānām //
   abʰí dyumnā́ tastʰivā́ṃso jánānām //


Verse: 10 
Halfverse: a    yás tvā sváśvaḥ suhiraṇyó agna upayā́ti vásumatā rátʰena /
   yás tvā sváśvaḥ suhiraṇyó agna
   yáḥ tvā sváśvaḥ suhiraṇyáḥ agne
   yás tvā suáśvaḥ suhiraṇyó agna

Halfverse: b    upayā́ti vásumatā rátʰena /
   upayā́ti vásumatā rátʰena /
   upayā́ti vásumatā rátʰena /

Halfverse: c    tásya trātā́ bʰavasi tásya sákʰā yás ta ātitʰyám ānuṣág jújoṣat //
   tásya trātā́ bʰavasi tásya sákʰā
   tásya trātā́ bʰavasi tásya sákʰā
   tásya trātā́ bʰavasi tásya sákʰā

Halfverse: d    yás ta ātitʰyám ānuṣág jújoṣat //
   yáḥ te ātitʰyám ānuṣák jújoṣat //
   yás ta ātitʰyám ānuṣág jújoṣat //


Verse: 11 
Halfverse: a    mahó rujāmi bandʰútā vácobʰis tán mā pitúr gótamād ánv iyāya /
   mahó rujāmi bandʰútā vácobʰis
   maháḥ rujāmi bandʰútā vácobʰiḥ
   mahó rujāmi bandʰútā vácobʰis

Halfverse: b    tán mā pitúr gótamād ánv iyāya /
   tát mā pitúḥ gótamāt ánu iyāya /
   tán mā pitúr gótamād ánv iyāya /

Halfverse: c    tváṃ no asyá vácasaś cikiddʰi hótar yaviṣṭʰa sukrato dámūnāḥ //
   tváṃ no asyá vácasaś cikiddʰi
   tvám naḥ asyá vácasaḥ cikiddʰi
   tuváṃ no asyá vácasaś cikiddʰi

Halfverse: d    hótar yaviṣṭʰa sukrato dámūnāḥ //
   hótar yaviṣṭʰa sukrato dámūnāḥ //
   hótar yaviṣṭʰa sukrato dámūnāḥ //


Verse: 12 
Halfverse: a    ásvapnajas taráṇayaḥ suśévā átandrāso 'vr̥kā́ áśramiṣṭʰāḥ /
   ásvapnajas taráṇayaḥ suśévā
   ásvapnajaḥ taráṇayaḥ suśévāḥ
   ásvapnajas taráṇayaḥ suśévā

Halfverse: b    átandrāso 'vr̥kā́ áśramiṣṭʰāḥ /
   átandrāsaḥ avr̥kā́ḥ áśramiṣṭʰāḥ /
   átandrāso avr̥kā́ áśramiṣṭʰāḥ /

Halfverse: c    té pāyávaḥ sadʰryàñco niṣádyā́gne táva naḥ pāntv amūra //
   té pāyávaḥ sadʰryàñco niṣádya_
   té pāyávaḥ sadʰryàñcaḥ niṣádya
   té pāyávaḥ sadʰríañco niṣádya

Halfverse: d    _ágne táva naḥ pāntv amūra //
   ágne táva naḥ pāntu amūra //
   ágne táva naḥ pãantu amūra //


Verse: 13 
Halfverse: a    yé pāyávo māmateyáṃ te agne páśyanto andʰáṃ duritā́d árakṣan /
   yé pāyávo māmateyáṃ te agne
   yé pāyávaḥ māmateyám te agne
   yé pāyávo māmateyáṃ te agne

Halfverse: b    páśyanto andʰáṃ duritā́d árakṣan /
   páśyantaḥ andʰám duritā́t árakṣan /
   páśyanto andʰáṃ duritā́d árakṣan /

Halfverse: c    rarákṣa tā́n sukŕ̥to viśvávedā dípsanta íd ripávo nā́ha debʰuḥ //
   rarákṣa tā́n sukŕ̥to viśvávedā
   rarákṣa tā́n sukŕ̥taḥ viśvávedāḥ
   rarákṣa tā́n sukŕ̥to viśvávedā

Halfverse: d    dípsanta íd ripávo nā́ha debʰuḥ //
   dípsantaḥ ít ripávaḥ ná áha debʰuḥ //
   dípsanta íd ripávo nā́ha debʰuḥ //


Verse: 14 
Halfverse: a    tváyā vayáṃ sadʰanyàs tvótās táva práṇīty aśyāma vā́jān /
   tváyā vayáṃ sadʰanyàs tvótās
   tváyā vayám sadʰanyàḥ tvótāḥ
   tváyā vayáṃ sadʰaníyas tuvótās

Halfverse: b    táva práṇīty aśyāma vā́jān /
   táva práṇītī aśyāma vā́jān /
   táva práṇīti aśiyāma vā́jān /

Halfverse: c    ubʰā́ śám̐sā sūdaya satyatāte 'nuṣṭʰuyā́ kr̥ṇuhy ahrayāṇa //
   ubʰā́ śám̐sā sūdaya satyatāte
   ubʰā́ śáṃsā sūdaya satyatāte
   ubʰā́ śáṃsā sūdaya satyatāte

Halfverse: d    'nuṣṭʰuyā́ kr̥ṇuhy ahrayāṇa //
   anuṣṭʰuyā́ kr̥ṇuhi ahrayāṇa //
   anuṣṭʰuyā́ kr̥ṇuhi ahrayāṇa //


Verse: 15 
Halfverse: a    ayā́ te agne samídʰā vidʰema práti stómaṃ śasyámānaṃ gr̥bʰāya /
   ayā́ te agne samídʰā vidʰema
   ayā́ te agne samídʰā vidʰema
   ayā́ te agne samídʰā vidʰema

Halfverse: b    práti stómaṃ śasyámānaṃ gr̥bʰāya /
   práti stómam śasyámānam gr̥bʰāya /
   práti stómaṃ śasyámānaṃ gr̥bʰāya /

Halfverse: c    dáhāśáso rakṣásaḥ pāhy àsmā́n druhó nidó mitramaho avadyā́t //
   dáhāśáso rakṣásaḥ pāhy àsmā́n
   dáha aśásaḥ rakṣásaḥ pāhí asmā́n
   dáhāśáso rakṣásaḥ pāhí asmā́n

Halfverse: d    druhó nidó mitramaho avadyā́t //
   druháḥ nidáḥ mitramahaḥ avadyā́t //
   druhó nidó mitramaho avadyā́t //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.