TITUS
Rg-Veda: Rg-Veda-Samhita
Part No. 299
Previous part

Hymn: 3_(299) 
Verse: 1 
Halfverse: a    ā́ vo rā́jānam adʰvarásya rudráṃ hótāraṃ satyayájaṃ ródasyoḥ /
   ā́ vo rā́jānam adʰvarásya rudráṃ
   ā́ vaḥ rā́jānam adʰvarásya rudrám
   ā́ vo rā́jānam adʰvarásya rudráṃ

Halfverse: b    hótāraṃ satyayájaṃ ródasyoḥ /
   hótāram satyayájam ródasyoḥ /
   hótāraṃ satyayájaṃ ródasīyoḥ /

Halfverse: c    agním purā́ tanayitnór acíttād dʰíraṇyarūpam ávase kr̥ṇudʰvam //
   agním purā́ tanayitnór acíttād
   agním purā́ tanayitnóḥ acíttāt
   agním purā́ tanayitnór acíttād

Halfverse: d    dʰíraṇyarūpam \!\ ávase kr̥ṇudʰvam //
   híraṇyarūpam ávase kr̥ṇudʰvam //
   dʰíranyarūpam ávase kr̥ṇudʰvam //


Verse: 2 
Halfverse: a    ayáṃ yóniś cakr̥mā́ yáṃ vayáṃ te jāyéva pátya uśatī́ suvā́sāḥ /
   ayáṃ yóniś cakr̥mā́ yáṃ vayáṃ te
   ayám yóniḥ cakr̥má+ yám vayám te
   ayáṃ yóniś cakr̥mā́ yáṃ vayáṃ te

Halfverse: b    jāyéva pátya uśatī́ suvā́sāḥ /
   jāyā́ iva pátye uśatī́ suvā́sāḥ /
   jāyéva pátya uśatī́ suvā́sāḥ /

Halfverse: c    arvācīnáḥ párivīto ní ṣīdemā́ u te svapāka pratīcī́ḥ //
   arvācīnáḥ párivīto ní ṣīda_
   arvācīnáḥ párivītaḥ ní sīda
   arvācīnáḥ párivīto ní ṣīda

Halfverse: d    _imā́ u te svapāka pratīcī́ḥ //
   imā́ḥ u te svapāka pratīcī́ḥ //
   imā́ u te suapāka pratīcī́ḥ //


Verse: 3 
Halfverse: a    āśr̥ṇvaté ádr̥pitāya mánma nr̥cákṣase sumr̥ḷīkā́ya vedʰaḥ /
   āśr̥ṇvaté ádr̥pitāya mánma
   āśr̥ṇvaté ádr̥pitāya mánma
   āśr̥ṇvaté ádr̥pitāya mánma

Halfverse: b    nr̥cákṣase sumr̥ḷīkā́ya vedʰaḥ /
   nr̥cákṣase sumr̥ḷīkā́ya vedʰaḥ /
   nr̥cákṣase sumr̥ḷīkā́ya vedʰaḥ /

Halfverse: c    devā́ya śastím amŕ̥tāya śam̐sa grā́veva sótā madʰuṣúd yám īḷé //
   devā́ya śastím amŕ̥tāya śam̐sa
   devā́ya śastím amŕ̥tāya śaṃsa
   devā́ya śastím amŕ̥tāya śaṃsa

Halfverse: d    grā́veva sótā madʰuṣúd yám īḷé //
   grā́vā iva sótā madʰuṣút yám īḷé //
   grā́veva sótā madʰuṣúd yám īḷé //


Verse: 4 
Halfverse: a    tváṃ cin naḥ śámyā agne asyā́ r̥tásya bodʰy r̥tacit svādʰī́ḥ /
   tváṃ cin naḥ śámyā agne asyā́
   tvám cit naḥ śámyāḥ ! agne asyā́ḥ
   tuváṃ cin naḥ śámiyā agne asyā́

Halfverse: b    r̥tásya bodʰy r̥tacit svādʰī́ḥ /
   r̥tásya bodʰi r̥tacit svādʰī́ḥ /
   r̥tásya bodʰi r̥tacit suādʰī́ḥ /

Halfverse: c    kadā́ ta uktʰā́ sadʰamā́dyāni kadā́ bʰavanti sakʰyā́ gr̥hé te //
   kadā́ ta uktʰā́ sadʰamā́dyāni
   kadā́ te uktʰā́ sadʰamā́dyāni
   kadā́ ta uktʰā́ sadʰamā́diyāni

Halfverse: d    kadā́ bʰavanti sakʰyā́ gr̥hé te //
   kadā́ bʰavanti sakʰyā́ gr̥hé te //
   kadā́ bʰavanti sakʰiyā́ gr̥hé te //


Verse: 5 
Halfverse: a    katʰā́ ha tád váruṇāya tvám agne katʰā́ divé garhase kán na ā́gaḥ /
   katʰā́ ha tád váruṇāya tvám agne
   katʰā́ ha tát váruṇāya tvám agne
   katʰā́ ha tád váruṇāya tvám agne

Halfverse: b    katʰā́ divé garhase kán na ā́gaḥ /
   katʰā́ divé garhase kát naḥ ā́gaḥ /
   katʰā́ divé garhase kán na ā́gaḥ /

Halfverse: c    katʰā́ mitrā́ya mīḷʰúṣe pr̥tʰivyaí brávaḥ kád aryamṇé kád bʰágāya //
   katʰā́ mitrā́ya mīḷʰúṣe pr̥tʰivyaí
   katʰā́ mitrā́ya mīḷʰúṣe pr̥tʰivyaí
   katʰā́ mitrā́ya mīḷʰúṣe pr̥tʰivyaí

Halfverse: d    brávaḥ kád aryamṇé kád bʰágāya //
   brávaḥ kát aryamṇé kát bʰágāya //
   brávaḥ kád aryamaṇé kád bʰágāya //


Verse: 6 
Halfverse: a    kád dʰíṣṇyāsu vr̥dʰasānó agne kád vā́tāya prátavase śubʰaṃyé /
   kád dʰíṣṇyāsu vr̥dʰasānó agne
   kát dʰíṣṇyāsu vr̥dʰasānáḥ agne
   kád dʰíṣṇiyāsu vr̥dʰasānó agne

Halfverse: b    kád vā́tāya prátavase śubʰaṃyé /
   kát vā́tāya prátavase śubʰaṃyé /
   kád vā́tāya prátavase śubʰaṃyé /

Halfverse: c    párijmane nā́satyāya kṣé brávaḥ kád agne rudrā́ya nr̥gʰné //
   párijmane nā́satyāya kṣé
   párijmane nā́satyāya kṣé
   párijmane nā́satiyāya kṣé

Halfverse: d    brávaḥ kád agne rudrā́ya nr̥gʰné //
   brávaḥ kát agne rudrā́ya nr̥gʰné //
   brávaḥ kád agne rudarā́ya nr̥gʰné //


Verse: 7 
Halfverse: a    katʰā́ mahé puṣṭimbʰarā́ya pūṣṇé kád rudrā́ya súmakʰāya havirdé /
   katʰā́ mahé puṣṭimbʰarā́ya pūṣṇé
   katʰā́ mahé puṣṭimbʰarā́ya pūṣṇé
   katʰā́ mahé puṣṭimbʰarā́ya pūṣṇé

Halfverse: b    kád rudrā́ya súmakʰāya havirdé /
   kát rudrā́ya súmakʰāya havirdé /
   kád rudrā́ya súmakʰāya havirdé /

Halfverse: c    kád víṣṇava urugāyā́ya réto brávaḥ kád agne śárave br̥hatyaí //
   kád víṣṇava urugāyā́ya réto
   kát víṣṇave urugāyā́ya rétaḥ
   kád víṣṇava urugāyā́ya réto

Halfverse: d    brávaḥ kád agne śárave br̥hatyaí //
   brávaḥ kát agne śárave br̥hatyaí //
   brávaḥ kád agne śárave br̥hatyaí //


Verse: 8 
Halfverse: a    katʰā́ śárdʰāya marútām r̥tā́ya katʰā́ sūré br̥haté pr̥cʰyámānaḥ /
   katʰā́ śárdʰāya marútām r̥tā́ya
   katʰā́ śárdʰāya marútām r̥tā́ya
   katʰā́ śárdʰāya marútām r̥tā́ya

Halfverse: b    katʰā́ sūré br̥haté pr̥cʰyámānaḥ /
   katʰā́ sūré br̥haté pr̥cʰyámānaḥ /
   katʰā́ sūré br̥haté pr̥cʰyámānaḥ /

Halfverse: c    práti bravó 'ditaye turā́ya sā́dʰā divó jātavedaś cikitvā́n //
   práti bravó 'ditaye turā́ya
   práti bravaḥ áditaye turā́ya
   práti bravo áditaye turā́ya

Halfverse: d    sā́dʰā divó jātavedaś cikitvā́n //
   sā́dʰa+ diváḥ jātavedaḥ cikitvā́n //
   sā́dʰā divó jātavedaś cikitvā́n //


Verse: 9 
Halfverse: a    r̥téna r̥táṃ níyatam īḷa ā́ gór āmā́ sácā mádʰumat pakvám agne /
   r̥téna r̥táṃ níyatam īḷa ā́ gór
   r̥téna r̥tám níyatam īḷe ā́ góḥ
   r̥téna rtáṃ níyatam īḷa ā́ gór

Halfverse: b    āmā́ sácā mádʰumat pakvám agne /
   āmā́ sácā mádʰumat pakvám agne /
   āmā́ sácā mádʰumat pakvám agne /

Halfverse: c    kr̥ṣṇā́ satī́ rúśatā dʰāsínaiṣā́ jā́maryeṇa páyasā pīpāya //
   kr̥ṣṇā́ satī́ rúśatā dʰāsínaiṣā́
   kr̥ṣṇā́ satī́ rúśatā dʰāsínā eṣā́
   kr̥ṣṇā́ satī́ rúśatā dʰāsínaiṣā́

Halfverse: d    jā́maryeṇa páyasā pīpāya //
   jā́maryeṇa páyasā pīpāya //
   jā́maryeṇa ? páyasā pipāya ՙ //


Verse: 10 
Halfverse: a    r̥téna hí ṣmā vr̥ṣabʰáś cid aktáḥ púmām̐ agníḥ páyasā pr̥ṣṭʰyèna /
   r̥téna hí ṣmā vr̥ṣabʰáś cid aktáḥ
   r̥téna hí sma+ vr̥ṣabʰáḥ cit aktáḥ
   r̥téna hí ṣmā vr̥ṣabʰáś cid aktáḥ

Halfverse: b    púmām̐ agníḥ páyasā pr̥ṣṭʰyèna /
   púmān agníḥ páyasā pr̥ṣṭʰyèna /
   púmām̐ agníḥ páyasā pr̥ṣṭʰíyena /

Halfverse: c    áspandamāno acarad vayodʰā́ vŕ̥ṣā śukráṃ duduhe pŕ̥śnir ū́dʰaḥ //
   áspandamāno acarad vayodʰā́
   áspandamānaḥ acarat vayodʰā́ḥ
   áspandamāno acarad vayodʰā́

Halfverse: d    vŕ̥ṣā śukráṃ duduhe pŕ̥śnir ū́dʰaḥ //
   vŕ̥ṣā śukrám duduhe pŕ̥śniḥ ū́dʰar //
   vŕ̥ṣā śukráṃ duduhe pŕ̥śnir ū́dʰaḥ //


Verse: 11 
Halfverse: a    r̥ténā́driṃ vy àsan bʰidántaḥ sám áṅgiraso navanta góbʰiḥ /
   r̥ténā́driṃ vy àsan bʰidántaḥ
   r̥téna ádrim ví asan bʰidántaḥ
   r̥téna ádriṃ ví asan bʰidántaḥ

Halfverse: b    sám áṅgiraso navanta góbʰiḥ /
   sám áṅgirasaḥ navanta góbʰiḥ /
   sám áṅgiraso navanta góbʰiḥ /

Halfverse: c    śunáṃ náraḥ pári ṣadann uṣā́sam āvíḥ svàr abʰavaj jāté agnaú //
   śunáṃ náraḥ pári ṣadann uṣā́sam
   śunám náraḥ pári sadan uṣā́sam
   śunáṃ náraḥ pári ṣadann uṣā́sam

Halfverse: d    āvíḥ svàr abʰavaj jāté agnaú //
   āvíḥ svàr abʰavat jāté agnaú //
   āvíḥ súvar abʰavaj jāté agnaú //


Verse: 12 
Halfverse: a    r̥téna devī́r amŕ̥tā ámr̥ktā árṇobʰir ā́po mádʰumadbʰir agne /
   r̥téna devī́r amŕ̥tā ámr̥ktā
   r̥téna devī́ḥ amŕ̥tāḥ ámr̥ktāḥ
   r̥téna devī́r amŕ̥tā ámr̥ktā

Halfverse: b    árṇobʰir ā́po mádʰumadbʰir agne /
   árṇobʰiḥ ā́paḥ mádʰumadbʰiḥ agne /
   árṇobʰir ā́po mádʰumadbʰir agne /

Halfverse: c    vājī́ ná sárgeṣu prastubʰānáḥ prá sádam ít srávitave dadʰanyuḥ //
   vājī́ ná sárgeṣu prastubʰānáḥ
   vājī́ ná sárgeṣu prastubʰānáḥ
   vājī́ ná ? sárgeṣu prastubʰānáḥ

Halfverse: d    prá sádam ít srávitave dadʰanyuḥ //
   prá sádam ít srávitave dadʰanyuḥ //
   prá sádam ít srávitave dadʰanyuḥ //


Verse: 13 
Halfverse: a    mā́ kásya yakṣáṃ sádam íd dʰuró gā mā́ veśásya praminató mā́péḥ /
   mā́ kásya yakṣáṃ sádam íd dʰuró gā
   mā́ kásya yakṣám sádam ít huráḥ gāḥ
   mā́ kásya yakṣáṃ sádam íd dʰuró gā

Halfverse: b    mā́ veśásya praminató mā́péḥ /
   mā́ veśásya praminatáḥ mā́ āpéḥ /
   mā́ veśásya praminató mā́ āpéḥ /

Halfverse: c    mā́ bʰrā́tur agne ánr̥jor r̥ṇáṃ ver mā́ sákʰyur dákṣaṃ ripór bʰujema //
   mā́ bʰrā́tur agne ánr̥jor r̥ṇáṃ ver
   mā́ bʰrā́tuḥ agne ánr̥joḥ r̥ṇám veḥ
   mā́ bʰrā́tur agne ánr̥jor r̥ṇáṃ ver

Halfverse: d    mā́ sákʰyur dákṣaṃ ripór bʰujema //
   mā́ sákʰyuḥ dákṣam ripóḥ bʰujema //
   mā́ sákʰyur dákṣaṃ ripór bʰujema //


Verse: 14 
Halfverse: a    rákṣā ṇo agne táva rákṣaṇebʰī rārakṣāṇáḥ sumakʰa prīṇānáḥ /
   rákṣā ṇo agne táva rákṣaṇebʰī
   rákṣa+ naḥ agne táva rákṣaṇebʰiḥ
   rákṣā ṇo agne táva rákṣaṇebʰī

Halfverse: b    rārakṣāṇáḥ sumakʰa prīṇānáḥ \!\ /
   rārakṣāṇáḥ sumakʰa prīṇānáḥ /
   rārakṣāṇáḥ ? sumakʰa priṇānáḥ ՙ /

Halfverse: c    práti ṣpʰura ví ruja vīḍv ám̐ho jahí rákṣo máhi cid vāvr̥dʰānám //
   práti ṣpʰura ví ruja vīḍv ám̐ho
   práti spʰura ví ruja vīḷú áṃhaḥ
   práti ṣpʰura ví ruja vīḍu áṃho

Halfverse: d    jahí rákṣo máhi cid vāvr̥dʰānám //
   jahí rákṣaḥ máhi cit vāvr̥dʰānám //
   jahí rákṣo máhi cid vāvr̥dʰānám //


Verse: 15 
Halfverse: a    ebʰír bʰava sumánā agne arkaír imā́n spr̥śa mánmabʰiḥ śūra vā́jān /
   ebʰír bʰava sumánā agne arkaír
   ebʰíḥ bʰava sumánāḥ agne arkaíḥ
   ebʰír bʰava sumánā agne arkaír

Halfverse: b    imā́n spr̥śa mánmabʰiḥ śūra vā́jān /
   imā́n spr̥śa mánmabʰiḥ śūra vā́jān /
   imā́n spr̥śa mánmabʰiḥ śūra vā́jān /

Halfverse: c    utá bráhmāṇy aṅgiro juṣasva sáṃ te śastír devávātā jareta //
   utá bráhmāṇy aṅgiro juṣasva
   utá bráhmāṇi aṅgiraḥ juṣasva
   utá bráhmāṇi aṅgiro juṣasva

Halfverse: d    sáṃ te śastír devávātā jareta //
   sám te śastíḥ devávātā jareta //
   sáṃ te śastír devávātā jareta //


Verse: 16 
Halfverse: a    etā́ víśvā vidúṣe túbʰyaṃ vedʰo nītʰā́ny agne niṇyā́ vácām̐si /
   etā́ víśvā vidúṣe túbʰyaṃ vedʰo
   etā́ víśvā vidúṣe túbʰyam vedʰaḥ
   etā́ víśvā vidúṣe túbʰyaṃ vedʰo

Halfverse: b    nītʰā́ny agne niṇyā́ vácām̐si /
   nītʰā́ni agne niṇyā́ vácāṃsi /
   nītʰā́ni agne niṇiyā́ vácāṃsi /

Halfverse: c    nivácanā kaváye kā́vyāny áśam̐siṣam matíbʰir vípra uktʰaíḥ //
   nivácanā kaváye kā́vyāny
   nivácanā kaváye kā́vyāni
   nivácanā kaváye kā́viyāni

Halfverse: d    áśam̐siṣam matíbʰir vípra uktʰaíḥ //
   áśaṃsiṣam matíbʰiḥ vípraḥ uktʰaíḥ //
   áśaṃsiṣam matíbʰir vípra uktʰaíḥ //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.