TITUS
Rg-Veda: Rg-Veda-Samhita
Part No. 298
Previous part

Hymn: 2_(298) 
Verse: 1 
Halfverse: a    yó mártyeṣv amŕ̥ta r̥tā́vā devó devéṣv aratír nidʰā́yi /
   yó mártyeṣv amŕ̥ta r̥tā́vā
   yáḥ mártyeṣu amŕ̥taḥ r̥tā́vā
   yó mártiyeṣu amŕ̥ta r̥tā́vā

Halfverse: b    devó devéṣv aratír nidʰā́yi /
   deváḥ devéṣu aratíḥ nidʰā́yi /
   devó devéṣu aratír nidʰā́yi /

Halfverse: c    hótā yájiṣṭʰo mahnā́ śucádʰyai havyaír agnír mánuṣa īrayádʰyai //
   hótā yájiṣṭʰo mahnā́ śucádʰyai
   hótā yájiṣṭʰaḥ mahnā́ śucádʰyai
   hótā yájiṣṭʰo mahinā́ ՙ śucádʰyai

Halfverse: d    havyaír agnír mánuṣa īrayádʰyai //
   havyaíḥ agníḥ mánuṣaḥ īrayádʰyai //
   havyaír agnír mánuṣa īrayádʰyai //


Verse: 2 
Halfverse: a    ihá tváṃ sūno sahaso no adyá jātó jātā́m̐ ubʰáyām̐ antár agne /
   ihá tváṃ sūno sahaso no adyá
   ihá tvám sūno sahasaḥ naḥ adyá
   ihá tváṃ sūno sahaso no adyá

Halfverse: b    jātó jātā́m̐ ubʰáyām̐ antár agne /
   jātáḥ jātā́n ubʰáyān antár agne /
   jātó jātā́m̐ ubʰáyām̐ antár agne /

Halfverse: c    dūtá īyase yuyujāná r̥ṣva r̥jumuṣkā́n vŕ̥ṣaṇaḥ śukrā́m̐ś ca //
   dūtá īyase yuyujāná r̥ṣva
   dūtáḥ īyase yuyujānáḥ r̥ṣva
   dūtá īyase yuyujāná r̥ṣva

Halfverse: d    r̥jumuṣkā́n vŕ̥ṣaṇaḥ śukrā́m̐ś ca //
   r̥jumuṣkā́n vŕ̥ṣaṇaḥ śukrā́n ca //
   r̥jumuṣkā́n vŕ̥ṣaṇaḥ śukrâáṃś ca //


Verse: 3 
Halfverse: a    átyā vr̥dʰasnū́ róhitā gʰr̥tásnū r̥tásya manye mánasā jáviṣṭʰā /
   átyā vr̥dʰasnū́ róhitā gʰr̥tásnū
   átyā vr̥dʰasnū́ róhitā gʰr̥tásnū
   átyā vr̥dʰasnū́ róhitā gʰr̥tásnū

Halfverse: b    r̥tásya manye mánasā jáviṣṭʰā /
   r̥tásya manye mánasā jáviṣṭʰā /
   r̥tásya manye mánasā jáviṣṭʰā /

Halfverse: c    antár īyase aruṣā́ yujānó yuṣmā́m̐ś ca devā́n víśa ā́ ca mártān //
   antár īyase aruṣā́ yujānó
   antár īyase aruṣā́ yujānáḥ
   antár īyase aruṣā́ yujānó

Halfverse: d    yuṣmā́m̐ś ca devā́n víśa ā́ ca mártān //
   yuṣmā́n ca devā́n víśaḥ ā́ ca mártān //
   yuṣmā́ṃś ca devā́n víśa ā́ ca mártān //


Verse: 4 
Halfverse: a    aryamáṇaṃ váruṇam mitrám eṣām índrāvíṣṇū marúto aśvínotá /
   aryamáṇaṃ váruṇam mitrám eṣām
   aryamáṇam váruṇam mitrám eṣām
   aryamáṇaṃ váruṇam mitrám eṣām

Halfverse: b    índrāvíṣṇū marúto aśvínotá /
   índrāvíṣṇū marútaḥ aśvínā utá /
   índrāvíṣṇū marúto aśvínotá /

Halfverse: c    sváśvo agne surátʰaḥ surā́dʰā éd u vaha suhavíṣe jánāya //
   sváśvo agne surátʰaḥ surā́dʰā
   sváśvaḥ agne surátʰaḥ surā́dʰāḥ
   suáśvo agne surátʰaḥ surā́dʰā

Halfverse: d    éd u vaha suhavíṣe jánāya //
   ā́ ít u vaha suhavíṣe jánāya //
   éd u vaha suhavíṣe jánāya //


Verse: 5 
Halfverse: a    gómām̐ agné 'vimām̐ aśvī́ yajñó nr̥vátsakʰā sádam íd apramr̥ṣyáḥ /
   gómām̐ agné 'vimām̐ aśvī́ yajñó
   gómān agne ávimān aśvī́ yajñáḥ
   gómām̐ agne ávimām̐ aśvī́ yajñó

Halfverse: b    nr̥vátsakʰā sádam íd apramr̥ṣyáḥ /
   nr̥vátsakʰā sádam ít apramr̥ṣyáḥ /
   nr̥vátsakʰā sádam íd apramr̥ṣyáḥ /

Halfverse: c    íḷāvām̐ eṣó asura prajā́vān dīrgʰó rayíḥ pr̥tʰubudʰnáḥ sabʰā́vān //
   íḷāvām̐ eṣó asura prajā́vān
   íḷāvān eṣáḥ asura prajā́vān
   íḷāvām̐ eṣó asura prajā́vān

Halfverse: d    dīrgʰó rayíḥ pr̥tʰubudʰnáḥ sabʰā́vān //
   dīrgʰáḥ rayíḥ pr̥tʰubudʰnáḥ sabʰā́vān //
   dīrgʰó rayíḥ pr̥tʰubudʰnáḥ sabʰā́vān //


Verse: 6 
Halfverse: a    yás ta idʰmáṃ jabʰárat siṣvidānó mūrdʰā́naṃ vā tatápate tvāyā́ /
   yás ta idʰmáṃ jabʰárat siṣvidānó
   yáḥ te idʰmám jabʰárat siṣvidānáḥ
   yás ta idʰmáṃ jabʰárat siṣvidānó

Halfverse: b    mūrdʰā́naṃ vā tatápate tvāyā́ /
   mūrdʰā́nam vā tatápate tvāyā́ /
   mūrdʰā́naṃ vā tatápate tuvāyā́ /

Halfverse: c    bʰúvas tásya svátavām̐ḥ pāyúr agne víśvasmāt sīm agʰāyatá uruṣya //
   bʰúvas tásya svátavām̐ḥ pāyúr agne
   bʰúvaḥ tásya svátavān pāyúḥ agne
   bʰúvas tásya svátavām̐ḥ pāyúr agne

Halfverse: d    víśvasmāt sīm agʰāyatá uruṣya //
   víśvasmāt sīm agʰāyatáḥ uruṣya //
   víśvasmāt sīm agʰāyatá uruṣya //


Verse: 7 
Halfverse: a    yás te bʰárād ánniyate cid ánnaṃ niśíṣan mandrám átitʰim udī́rat /
   yás te bʰárād ánniyate cid ánnaṃ
   yáḥ te bʰárāt ánniyate cit ánnam
   yás te bʰárād ánniyate cid ánnaṃ

Halfverse: b    niśíṣan mandrám átitʰim udī́rat /
   niśíṣan mandrám átitʰim udī́rat /
   niśíṣan mandrám átitʰim udī́rat /

Halfverse: c    ā́ devayúr inádʰate duroṇé tásmin rayír dʰruvó astu dā́svān //
   ā́ devayúr inádʰate duroṇé
   ā́ devayúḥ inádʰate duroṇé
   ā́ devayúr inádʰate duroṇé

Halfverse: d    tásmin rayír dʰruvó astu dā́svān //
   tásmin rayíḥ dʰruváḥ astu dā́svān //
   tásmin rayír dʰruvó astu dâásvān //


Verse: 8 
Halfverse: a    yás tvā doṣā́ yá uṣási praśám̐sāt priyáṃ vā tvā kr̥ṇávate havíṣmān /
   yás tvā doṣā́ yá uṣási praśám̐sāt
   yáḥ tvā doṣā́ yáḥ uṣási praśáṃsāt
   yás tvā doṣā́ yá uṣási praśáṃsāt

Halfverse: b    priyáṃ vā tvā kr̥ṇávate havíṣmān /
   priyám vā tvā kr̥ṇávate havíṣmān /
   priyáṃ vā tvā kr̥ṇávate havíṣmān /

Halfverse: c    áśvo ná své dáma ā́ hemyā́vān tám ám̐hasaḥ pīparo dāśvā́m̐sam //
   áśvo ná své dáma ā́ hemyā́vān
   áśvaḥ ná své dáme ā́ hemyā́vān
   áśvo ná své dáma ā́ hemiyā́vān

Halfverse: d    tám ám̐hasaḥ pīparo dāśvā́m̐sam //
   tám áṃhasaḥ pīparaḥ dāśvā́ṃsam //
   tám áṃhasaḥ pīparo dāśuvā́ṃsam //


Verse: 9 
Halfverse: a    yás túbʰyam agne amŕ̥tāya dā́śad dúvas tvé kr̥ṇávate yatásruk /
   yás túbʰyam agne amŕ̥tāya dā́śad
   yáḥ túbʰyam agne amŕ̥tāya dā́śat
   yás túbʰyam agne amŕ̥tāya dā́śad

Halfverse: b    dúvas tvé kr̥ṇávate yatásruk /
   dúvaḥ tvé kr̥ṇávate yatásruk /
   dúvas tuvé kr̥ṇávate yatásruk /

Halfverse: c    ná sá rāyā́ śaśamānó ví yoṣan naínam ám̐haḥ pári varad agʰāyóḥ //
   ná sá rāyā́ śaśamānó ví \!\ yoṣan
   ná sá rāyā́ śaśamānáḥ ví yoṣat
   ná sá rāyā́ śaśamānó ví yoṣan

Halfverse: d    naínam ám̐haḥ pári varad agʰāyóḥ //
   ná enam áṃhaḥ pári varat agʰāyóḥ //
   naínam áṃhaḥ pári varad agʰāyóḥ //


Verse: 10 
Halfverse: a    yásya tvám agne adʰvaráṃ jújoṣo devó mártasya súdʰitaṃ rárāṇaḥ /
   yásya tvám agne adʰvaráṃ jújoṣo
   yásya tvám agne adʰvarám jújoṣaḥ
   yásya tvám agne adʰvaráṃ jújoṣo

Halfverse: b    devó mártasya súdʰitaṃ rárāṇaḥ /
   deváḥ mártasya súdʰitam rárāṇaḥ /
   devó mártasya súdʰitaṃ rárāṇaḥ /

Halfverse: c    prītéd asad dʰótrā sā́ yaviṣṭʰā́sāma yásya vidʰató vr̥dʰā́saḥ //
   prītéd asad dʰótrā sā́ yaviṣṭʰa_
   prītā́ ít asat hótrā sā́ yaviṣṭʰa
   prītéd asad dʰótarā sā́ yaviṣṭʰa

Halfverse: d    _ásāma yásya vidʰató vr̥dʰā́saḥ //
   ásāma yásya vidʰatáḥ vr̥dʰā́saḥ //
   ásāma yásya vidʰató vr̥dʰā́saḥ //


Verse: 11 
Halfverse: a    cíttim ácittiṃ cinavad ví vidvā́n pr̥ṣṭʰéva vītā́ vr̥jinā́ ca mártān /
   cíttim ácittiṃ cinavad ví vidvā́n
   cíttim ácittim cinavat ví vidvā́n
   cíttim ácittiṃ cinavad ví vidvā́n

Halfverse: b    pr̥ṣṭʰéva vītā́ vr̥jinā́ ca mártān /
   pr̥ṣṭʰā́ iva vītā́ vr̥jinā́ ca mártān /
   pr̥ṣṭʰéva vītā́ vr̥jinā́ ca mártān /

Halfverse: c    rāyé ca naḥ svapatyā́ya deva dítiṃ ca rā́svā́ditim uruṣya //
   rāyé ca naḥ svapatyā́ya deva
   rāyé ca naḥ svapatyā́ya deva
   rāyé ca naḥ suapatyā́ya deva

Halfverse: d    dítiṃ ca rā́svā́ditim uruṣya //
   dítim ca rā́sva áditim uruṣya //
   dítiṃ ca rā́sva áditim uruṣya //


Verse: 12 
Halfverse: a    kavíṃ śaśāsuḥ kaváyó 'dabdʰā nidʰāráyanto dúryāsv āyóḥ /
   kavíṃ śaśāsuḥ kaváyó 'dabdʰā
   kavím śaśāsuḥ kaváyaḥ ádabdʰāḥ
   kavíṃ śaśāsuḥ kaváyo ádabdʰā

Halfverse: b    nidʰāráyanto dúryāsv āyóḥ /
   nidʰāráyantaḥ dúryāsu āyóḥ /
   nidʰāráyanto dúriyāsu āyóḥ /

Halfverse: c    átas tváṃ dŕ̥śyām̐ agna etā́n paḍbʰíḥ paśyer ádbʰutām̐ aryá évaiḥ //
   átas tváṃ dŕ̥śyām̐ agna etā́n
   átaḥ tvám dŕ̥śyān agne etā́n
   átas tuváṃ dŕ̥śiyām̐ agna etā́n

Halfverse: d    paḍbʰíḥ paśyer ádbʰutām̐ aryá évaiḥ //
   paḍbʰíḥ paśyeḥ ádbʰutān aryáḥ évaiḥ //
   paḍbʰíḥ paśyer ádbʰutām̐ aryá évaiḥ //


Verse: 13 
Halfverse: a    tvám agne vāgʰáte supráṇītiḥ sutásomāya vidʰaté yaviṣṭʰa /
   tvám agne vāgʰáte supráṇītiḥ
   tvám agne vāgʰáte supráṇītiḥ
   tuvám agne vāgʰáte supráṇītiḥ

Halfverse: b    sutásomāya vidʰaté yaviṣṭʰa /
   sutásomāya vidʰaté yaviṣṭʰa /
   sutásomāya vidʰaté yaviṣṭʰa /

Halfverse: c    rátnam bʰara śaśamānā́ya gʰr̥ṣve pr̥tʰú ścandrám ávase carṣaṇiprā́ḥ //
   rátnam bʰara śaśamānā́ya gʰr̥ṣve
   rátnam bʰara śaśamānā́ya gʰr̥ṣve
   rátnam bʰara śaśamānā́ya gʰr̥ṣve

Halfverse: d    pr̥tʰú ścandrám ávase carṣaṇiprā́ḥ //
   pr̥tʰú ścandrám ávase carṣaṇiprā́ḥ //
   pr̥tʰú ścandrám ávase carṣaṇiprā́ḥ //


Verse: 14 
Halfverse: a    ádʰā ha yád vayám agne tvāyā́ paḍbʰír hástebʰiś cakr̥mā́ tanū́bʰiḥ /
   ádʰā ha yád vayám agne tvāyā́
   ádʰa+ ha yát vayám agne tvāyā́
   ádʰā ha yád vayám agne tuvāyā́

Halfverse: b    paḍbʰír hástebʰiś cakr̥mā́ tanū́bʰiḥ /
   paḍbʰíḥ hástebʰiḥ cakr̥má+ tanū́bʰiḥ /
   paḍbʰír hástebʰiś cakr̥mā́ tanū́bʰiḥ /

Halfverse: c    rátʰaṃ ná kránto ápasā bʰuríjor r̥táṃ yemuḥ sudʰyà āśuṣāṇā́ḥ //
   rátʰaṃ ná kránto ápasā bʰuríjor
   rátʰam ná krántaḥ ápasā bʰuríjoḥ
   rátʰaṃ ná kránto ápasā bʰuríjor

Halfverse: d    r̥táṃ yemuḥ sudʰyà āśuṣāṇā́ḥ //
   r̥tám yemuḥ sudʰyàḥ āśuṣāṇā́ḥ //
   r̥táṃ yemuḥ sudʰíya āśuṣāṇā́ḥ //


Verse: 15 
Halfverse: a    ádʰā mātúr uṣásaḥ saptá víprā jā́yemahi pratʰamā́ vedʰáso nŕ̥̄n /
   ádʰā mātúr uṣásaḥ saptá víprā
   ádʰa+ mātúḥ uṣásaḥ saptá víprāḥ
   ádʰā mātúr uṣásaḥ saptá víprā

Halfverse: b    jā́yemahi pratʰamā́ vedʰáso nŕ̥̄n /
   jā́yemahi pratʰamā́ḥ vedʰásaḥ nŕ̥̄n /
   jā́yemahi pratʰamā́ vedʰáso nŕ̥̄n /

Halfverse: c    divás putrā́ áṅgiraso bʰavemā́driṃ rujema dʰanínaṃ śucántaḥ //
   divás putrā́ áṅgiraso bʰavema_
   diváḥ putrā́ḥ áṅgirasaḥ bʰavema
   divás putrā́ áṅgiraso bʰavema

Halfverse: d    _ádriṃ rujema dʰanínaṃ śucántaḥ //
   ádrim rujema dʰanínam śucántaḥ //
   ádriṃ rujema dʰanínaṃ śucántaḥ //


Verse: 16 
Halfverse: a    ádʰā yátʰā naḥ pitáraḥ párāsaḥ pratnā́so agna r̥tám āśuṣāṇā́ḥ /
   ádʰā yátʰā naḥ pitáraḥ párāsaḥ
   ádʰa+ yátʰā naḥ pitáraḥ párāsaḥ
   ádʰā yátʰā naḥ pitáraḥ párāsaḥ

Halfverse: b    pratnā́so agna r̥tám āśuṣāṇā́ḥ /
   pratnā́saḥ agne r̥tám āśuṣāṇā́ḥ /
   pratnā́so agna r̥tám āśuṣāṇā́ḥ /

Halfverse: c    śúcī́d ayan dī́dʰitim uktʰaśā́saḥ kṣā́mā bʰindánto aruṇī́r ápa vran //
   śúcī́d ayan dī́dʰitim uktʰaśā́saḥ
   śúci ít ayan dī́dʰitim uktʰaśā́saḥ
   śúcī́d ayan dī́dʰitim uktʰaśā́saḥ

Halfverse: d    kṣā́mā bʰindánto aruṇī́r ápa vran //
   kṣā́ma+ bʰindántaḥ aruṇī́ḥ ápa vran //
   kṣā́mā bʰindánto aruṇī́r ápa vran //


Verse: 17 
Halfverse: a    sukármāṇaḥ surúco devayántó 'yo ná devā́ jánimā dʰámantaḥ /
   sukármāṇaḥ surúco devayántó
   sukármāṇaḥ surúcaḥ devayántaḥ
   sukármāṇaḥ surúco devayánto

Halfverse: b    'yo ná devā́ jánimā dʰámantaḥ /
   áyaḥ ná devā́ḥ jánima+ dʰámantaḥ /
   áyo ná devā́ jánimā dʰámantaḥ /

Halfverse: c    śucánto agníṃ vavr̥dʰánta índram ūrváṃ gávyam pariṣádanto agman //
   śucánto agníṃ vavr̥dʰánta índram
   śucántaḥ agním vavr̥dʰántaḥ índram
   śucánto agníṃ vavr̥dʰánta índram

Halfverse: d    ūrváṃ gávyam pariṣádanto agman //
   ūrvám gávyam pariṣádantaḥ agman //
   ūrváṃ gávyam pariṣádanto agman //


Verse: 18 
Halfverse: a    ā́ yūtʰéva kṣumáti paśvó akʰyad devā́nāṃ yáj jánimā́nty ugra /
   ā́ yūtʰéva kṣumáti paśvó akʰyad
   ā́ yūtʰā́ iva kṣumáti paśváḥ akʰyat
   ā́ yūtʰéva kṣumáti paśvó akʰyad

Halfverse: b    devā́nāṃ yáj jánimā́nty ugra /
   devā́nām yát jánima ánti ugra /
   devā́nāṃ yáj jánima ánti ugra /

Halfverse: c    mártānāṃ cid urváśīr akr̥pran vr̥dʰé cid aryá úparasyāyóḥ //
   mártānāṃ cid urváśīr akr̥pran
   mártānām cit urváśīḥ akr̥pran
   mártānãaṃ cid urváśīr akr̥pran

Halfverse: d    vr̥dʰé cid aryá úparasyāyóḥ //
   vr̥dʰé cit aryáḥ úparasya āyóḥ //
   vr̥dʰé cid aryá úparasya āyóḥ //


Verse: 19 
Halfverse: a    ákarma te svápaso abʰūma r̥tám avasrann uṣáso vibʰātī́ḥ /
   ákarma te svápaso abʰūma
   ákarma te svápasaḥ abʰūma
   ákarma te suápaso abʰūma

Halfverse: b    r̥tám avasrann uṣáso vibʰātī́ḥ /
   r̥tám avasran uṣásaḥ vibʰātī́ḥ /
   r̥tám avasrann uṣáso vibʰātī́ḥ /

Halfverse: c    ánūnam agním purudʰā́ suścandráṃ devásya mármr̥jataś cā́ru cákṣuḥ //
   ánūnam agním purudʰā́ suścandráṃ
   ánūnam agním purudʰā́ suścandrám
   ánūnam agním purudʰā́ suścandráṃ

Halfverse: d    devásya mármr̥jataś cā́ru cákṣuḥ //
   devásya mármr̥jataḥ cā́ru cákṣuḥ //
   devásya mármr̥jataś cā́ru cákṣuḥ //


Verse: 20 
Halfverse: a    etā́ te agna ucátʰāni vedʰó 'vocāma kaváye tā́ juṣasva /
   etā́ te agna ucátʰāni vedʰó
   etā́ te agne ucátʰāni vedʰaḥ
   etā́ te agna ucátʰāni vedʰo

Halfverse: b    'vocāma kaváye tā́ juṣasva /
   ávocāma kaváye tā́ juṣasva /
   ávocāma kaváye tā́ juṣasva /

Halfverse: c    úc cʰocasva kr̥ṇuhí vásyaso no mahó rāyáḥ puruvāra prá yandʰi //
   úc cʰocasva kr̥ṇuhí vásyaso no
   út śocasva kr̥ṇuhí vásyasaḥ naḥ
   úc cʰocasva kr̥ṇuhí vásyaso no

Halfverse: d    mahó rāyáḥ puruvāra prá yandʰi //
   maháḥ rāyáḥ puruvāra prá yandʰi //
   mahó rāyáḥ puruvāra prá yandʰi //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.