TITUS
Rg-Veda: Rg-Veda-Samhita
Part No. 297
Previous part

Book: 4    4
Hymn: 1_(297) 


Verse: 1 
Halfverse: a    tvā́ṃ hy àgne sádam ít samanyávo devā́so devám aratíṃ nyerirá íti krátvā nyeriré /
   tvā́ṃ hy àgne sádam ít samanyávo
   tvā́m hí agne sádam ít samanyávaḥ
   tuvā́ṃ hí agne sádam ít samanyávo

Halfverse: b    devā́so devám aratíṃ nyerirá
   devā́saḥ devám aratím nyeriré
   devā́so devám aratíṃ nierirá

Halfverse: c    íti krátvā nyeriré /
   íti krátvā nyeriré /
   íti krátvā nieriré /

Halfverse: d    ámartyaṃ yajata mártyeṣv ā́ devám ā́devaṃ janata prácetasaṃ víśvam ā́devaṃ janata prácetasam //
   ámartyaṃ yajata mártyeṣv ā́
   ámartyam yajata mártyeṣu ā́
   ámartiyaṃ yajata mártiyeṣu ā́

Halfverse: e    devám ā́devaṃ janata prácetasaṃ
   devám ā́devam janata prácetasam
   devám ā́devaṃ janata prácetasaṃ

Halfverse: f    víśvam ā́devaṃ janata prácetasam //
   víśvam ā́devam janata prácetasam //
   víśvam ā́devaṃ janata prácetasam //


Verse: 2 
Halfverse: a    sá bʰrā́taraṃ váruṇam agna ā́ vavr̥tsva devā́m̐ ácʰā sumatī́ yajñávanasaṃ jyéṣṭʰaṃ yajñávanasam /
   sá bʰrā́taraṃ váruṇam agna ā́ vavr̥tsva
   sá bʰrā́taram váruṇam agne ā́ vavr̥tsva
   sá bʰrā́taraṃ váruṇam agna ā́ vavr̥tsva

Halfverse: b    devā́m̐ ácʰā sumatī́ yajñávanasaṃ
   devā́n ácʰa+ sumatī́ yajñávanasam
   devā́m̐ ácʰā sumatī́ yajñávanasaṃ

Halfverse: c    jyéṣṭʰaṃ yajñávanasam /
   jyéṣṭʰam yajñávanasam /
   jyáyiṣṭʰaṃ yajñávanasam /

Halfverse: d    r̥tā́vānam ādityáṃ carṣaṇīdʰŕ̥taṃ rā́jānaṃ carṣaṇīdʰŕ̥tam //
   r̥tā́vānam ādityáṃ carṣaṇīdʰŕ̥taṃ
   r̥tā́vānam ādityám carṣaṇīdʰŕ̥tam
   r̥tā́vānam ādityáṃ carṣaṇīdʰŕ̥taṃ

Halfverse: e    rā́jānaṃ carṣaṇīdʰŕ̥tam //
   rā́jānam carṣaṇīdʰŕ̥tam //
   rā́jānaṃ carṣaṇīdʰŕ̥tam //


Verse: 3 
Halfverse: a    sákʰe sákʰāyam abʰy ā́ vavr̥tsvāśúṃ ná cakráṃ rátʰyeva rám̐hyāsmábʰyaṃ dasma rám̐hyā /
   sákʰe sákʰāyam abʰy ā́ vavr̥tsva_
   sákʰe sákʰāyam abʰí ā́ vavr̥tsva
   sákʰe sákʰāyam abʰí ā́ vavr̥tsuva

Halfverse: b    _āśúṃ ná cakráṃ rátʰyeva rám̐hyā_
   āśúm ná cakrám rátʰyā iva ráṃhyā
   āśúṃ ná cakráṃ rátʰiyeva ráṃhiyā

Halfverse: c    _asmábʰyaṃ dasma rám̐hyā /
   asmábʰyam dasma ráṃhyā /
   asmábʰyaṃ dasma ráṃhiyā /

Halfverse: d    ágne mr̥ḷīkáṃ váruṇe sácā vido marútsu viśvábʰānuṣu /
   ágne mr̥ḷīkáṃ váruṇe sácā vido
   ágne mr̥ḷīkám váruṇe sácā vidaḥ
   ágne mr̥ḷīkáṃ váruṇe sácā vido

Halfverse: e    marútsu viśvábʰānuṣu /
   marútsu viśvábʰānuṣu /
   marútsu viśvábʰānuṣu /

Halfverse: f    tokā́ya tujé śuśucāna śáṃ kr̥dʰy asmábʰyaṃ dasma śáṃ kr̥dʰi //
   tokā́ya tujé śuśucāna śáṃ kr̥dʰy
   tokā́ya tujé śuśucāna śám kr̥dʰi
   tokā́ya tujé śuśucāna śáṃ kr̥dʰi

Halfverse: g    asmábʰyaṃ dasma śáṃ kr̥dʰi //
   asmábʰyam dasma śám kr̥dʰi //
   asmábʰyaṃ dasma śáṃ kr̥dʰi //


Verse: 4 
Halfverse: a    tváṃ no agne váruṇasya vidvā́n devásya héḷó 'va yāsisīṣṭʰāḥ /
   tváṃ no agne váruṇasya vidvā́n
   tvám naḥ agne váruṇasya vidvā́n
   tuváṃ no agne váruṇasya vidvā́n

Halfverse: b    devásya héḷó 'va yāsisīṣṭʰāḥ /
   devásya héḷaḥ áva yāsisīṣṭʰāḥ /
   devásya héḷo áva yāsisīṣṭʰāḥ /

Halfverse: c    yájiṣṭʰo váhnitamaḥ śóśucāno víśvā dvéṣām̐si prá mumugdʰy asmát //
   yájiṣṭʰo váhnitamaḥ śóśucāno
   yájiṣṭʰaḥ váhnitamaḥ śóśucānaḥ
   yájiṣṭʰo váhnitamaḥ śóśucāno

Halfverse: d    víśvā dvéṣām̐si prá mumugdʰy asmát //
   víśvā dvéṣāṃsi prá mumugdʰi asmát //
   víśvā dvéṣāṃsi prá mumugdʰi asmát //


Verse: 5 
Halfverse: a    sá tváṃ no agne 'vamó bʰavotī́ nédiṣṭʰo asyā́ uṣáso vyùṣṭau /
   sá tváṃ no agne 'vamó bʰavotī́
   sá tvám naḥ agne avamáḥ bʰava ūtī́
   sá tváṃ no agne avamó bʰavotī́

Halfverse: b    nédiṣṭʰo asyā́ uṣáso vyùṣṭau /
   nédiṣṭʰaḥ asyā́ḥ uṣásaḥ vyùṣṭau /
   nédiṣṭʰo asyā́ uṣáso víuṣṭau /

Halfverse: c    áva yakṣva no váruṇaṃ rárāṇo vīhí mr̥ḷīkáṃ suhávo na edʰi //
   áva yakṣva no váruṇaṃ rárāṇo
   áva yakṣva naḥ váruṇam rárāṇaḥ
   áva yakṣva no váruṇaṃ rárāṇo

Halfverse: d    vīhí mr̥ḷīkáṃ suhávo na edʰi //
   vīhí mr̥ḷīkám suhávaḥ naḥ edʰi //
   vīhí mr̥ḷīkáṃ suhávo na edʰi //


Verse: 6 
Halfverse: a    asyá śréṣṭʰā subʰágasya saṃdŕ̥g devásya citrátamā mártyeṣu /
   asyá śréṣṭʰā subʰágasya saṃdŕ̥g
   asyá śréṣṭʰā subʰágasya saṃdŕ̥k
   asyá śráyiṣṭʰā subʰágasya saṃdŕ̥g

Halfverse: b    devásya citrátamā mártyeṣu /
   devásya citrátamā mártyeṣu /
   devásya citrátamā mártiyeṣu /

Halfverse: c    śúci gʰr̥táṃ ná taptám ágʰnyāyā spārhā́ devásya mam̐háneva dʰenóḥ //
   śúci gʰr̥táṃ ná taptám ágʰnyāyā
   śúci gʰr̥tám ná taptám ágʰnyāyāḥ
   śúci gʰr̥táṃ ná taptám ágʰniyāyā

Halfverse: d    spārhā́ devásya mam̐háneva dʰenóḥ //
   spārhā́ devásya maṃhánā iva dʰenóḥ //
   spārhā́ devásya maṃháneva dʰenóḥ //


Verse: 7 
Halfverse: a    trír asya tā́ paramā́ santi satyā́ spārhā́ devásya jánimāny agnéḥ /
   trír asya tā́ paramā́ santi satyā́
   tríḥ asya tā́ paramā́ santi satyā́
   trír asya tā́ paramā́ santi satyā́

Halfverse: b    spārhā́ devásya jánimāny agnéḥ /
   spārhā́ devásya jánimāni agnéḥ /
   spārhā́ devásya jánimāni agnéḥ /

Halfverse: c    ananté antáḥ párivīta ā́gāc cʰúciḥ śukró aryó rórucānaḥ //
   ananté antáḥ párivīta ā́gāc
   ananté antár párivītaḥ ā́ agāt
   ananté antáḥ párivīta ā́gāc

Halfverse: d    cʰúciḥ śukró aryó rórucānaḥ //
   śúciḥ śukráḥ aryáḥ rórucānaḥ //
   cʰúciḥ śukró ariyó rórucānaḥ //


Verse: 8 
Halfverse: a    sá dūtó víśvéd abʰí vaṣṭi sádmā hótā híraṇyaratʰo ráṃsujihvaḥ
   sá dūtó víśvéd abʰí vaṣṭi sádmā
   sá dūtáḥ víśvā ít abʰí vaṣṭi sádma+
   sá dūtó víśvéd abʰí vaṣṭi sádmā

Halfverse: b    hótā híraṇyaratʰo ráṃsujihvaḥ /
   hótā híraṇyaratʰaḥ ráṃsujihvaḥ /
   hótā híraṇyaratʰo ráṃsujihvaḥ /

Halfverse: c    rohídaśvo vapuṣyò vibʰā́vā sádā raṇváḥ pitumátīva saṃsát //
   rohídaśvo vapuṣyò vibʰā́vā
   rohídaśvaḥ vapuṣyàḥ vibʰā́vā
   rohídaśvo vapuṣíyo vibʰā́vā

Halfverse: d    sádā raṇváḥ pitumátīva saṃsát //
   sádā raṇváḥ pitumátī iva saṃsát //
   sádā raṇváḥ pitumátīva saṃsát //


Verse: 9 
Halfverse: a    sá cetayan mánuṣo yajñábandʰuḥ prá tám mahyā́ raśanáyā nayanti
   sá cetayan mánuṣo yajñábandʰuḥ
   sá cetayat mánuṣaḥ yajñábandʰuḥ
   sá cetayan mánuṣo yajñábandʰuḥ

Halfverse: b    prá tám mahyā́ raśanáyā nayanti /
   prá tám mahyā́ raśanáyā nayanti /
   prá tám mahyā́ raśanáyā nayanti /

Halfverse: c    sá kṣety asya dúryāsu sā́dʰan devó mártasya sadʰanitvám āpa //
   sá kṣety asya dúryāsu sā́dʰan
   sá kṣeti asya dúryāsu sā́dʰan
   sá kṣeti asya dúriyāsu sā́dʰan

Halfverse: d    devó mártasya sadʰanitvám āpa //
   deváḥ mártasya sadʰanitvám āpa //
   devó mártasya sadʰanitvám āpa //


Verse: 10 
Halfverse: a    sá tū́ no agnír nayatu prajānánn ácʰā rátnaṃ devábʰaktaṃ yád asya /
   sá tū́ no agnír nayatu prajānánn
   sá tú+ naḥ agníḥ nayatu prajānán
   sá tū́ no agnír nayatu prajānánn

Halfverse: b    ácʰā rátnaṃ devábʰaktaṃ yád asya /
   ácʰa+ rátnam devábʰaktam yát asya /
   ácʰā rátnaṃ devábʰaktaṃ yád asya /

Halfverse: c    dʰiyā́ yád víśve amŕ̥tā ákr̥ṇvan dyaúṣ pitā́ janitā́ satyám ukṣan //
   dʰiyā́ yád víśve amŕ̥tā ákr̥ṇvan
   dʰiyā́ yát víśve amŕ̥tāḥ ákr̥ṇvan
   dʰiyā́ yád víśve amŕ̥tā ákr̥ṇvan

Halfverse: d    dyaúṣ pitā́ janitā́ satyám ukṣan //
   dyaúḥ pitā́ janitā́ satyám ukṣan //
   diyaúṣ pitā́ janitā́ satyám ukṣan //


Verse: 11 
Halfverse: a    sá jāyata pratʰamáḥ pastyā̀su mahó budʰné rájaso asyá yónau /
   sá jāyata pratʰamáḥ pastyā̀su
   sá jāyata pratʰamáḥ pastyā̀su
   sá jāyata pratʰamáḥ pastíyāsu

Halfverse: b    mahó budʰné rájaso asyá yónau /
   maháḥ budʰné rájasaḥ asyá yónau /
   mahó budʰné rájaso asyá yónau /

Halfverse: c    apā́d aśīrṣā́ guhámāno ántāyóyuvāno vr̥ṣabʰásya nīḷé //
   apā́d aśīrṣā́ guhámāno ántā_
   apā́t aśīrṣā́ guhámānaḥ ántā
   apā́d aśīrṣā́ guhámāno ántā

Halfverse: d    _āyóyuvāno vr̥ṣabʰásya nīḷé //
   āyóyuvānaḥ vr̥ṣabʰásya nīḷé //
   ā́yóyuvāno vr̥ṣabʰásya nīḷé //


Verse: 12 
Halfverse: a    prá śárdʰa ārta pratʰamáṃ vipanyám̐ r̥tásya yónā vr̥ṣabʰásya nīḷé /
   prá śárdʰa ārta pratʰamáṃ vipanyám̐
   prá śárdʰaḥ ārta pratʰamám vipanyā́
   prá śárdʰa ārta pratʰamáṃ vipanyā́m̐

Halfverse: b    r̥tásya yónā vr̥ṣabʰásya nīḷé /
   r̥tásya yónā vr̥ṣabʰásya nīḷé /
   r̥tásya yónā vr̥ṣabʰásya nīḷé /

Halfverse: c    spārhó yúvā vapuṣyò vibʰā́vā saptá priyā́so 'janayanta vŕ̥ṣṇe //
   spārhó yúvā vapuṣyò vibʰā́vā
   spārháḥ yúvā vapuṣyàḥ vibʰā́vā
   spārhó yúvā vapuṣíyo vibʰā́vā

Halfverse: d    saptá priyā́so 'janayanta vŕ̥ṣṇe //
   saptá priyā́saḥ janayanta ! vŕ̥ṣṇe //
   saptá priyā́so 'janayanta vŕ̥ṣṇe //


Verse: 13 
Halfverse: a    asmā́kam átra pitáro manuṣyā̀ abʰí prá sedur r̥tám āśuṣāṇā́ḥ /
   asmā́kam átra pitáro manuṣyā̀
   asmā́kam átra pitáraḥ manuṣyā̀ḥ
   asmā́kam átra pitáro manuṣyā̀

Halfverse: b    abʰí prá sedur r̥tám āśuṣāṇā́ḥ /
   abʰí prá seduḥ r̥tám āśuṣāṇā́ḥ /
   abʰí prá sedur r̥tám āśuṣāṇā́ḥ /

Halfverse: c    áśmavrajāḥ sudúgʰā vavré antár úd usrā́ ājann uṣáso huvānā́ḥ //
   áśmavrajāḥ sudúgʰā vavré antár
   áśmavrajāḥ sudúgʰāḥ vavré antár
   áśmavrajāḥ sudúgʰā vavré antár

Halfverse: d    úd usrā́ ājann uṣáso huvānā́ḥ //
   út usrā́ḥ ājan uṣásaḥ huvānā́ḥ //
   úd usrā́ ājann uṣáso huvānā́ḥ //


Verse: 14 
Halfverse: a    té marmr̥jata dadr̥vā́m̐so ádriṃ tád eṣām anyé abʰíto ví vocan /
   té marmr̥jata dadr̥vā́m̐so ádriṃ
   té marmr̥jata dadr̥vā́ṃsaḥ ádrim
   té marmr̥jata dadr̥vā́ṃso ádriṃ

Halfverse: b    tád eṣām anyé abʰíto ví vocan /
   tát eṣām anyé abʰítaḥ ví vocan /
   tád eṣām anyé abʰíto ví vocan /

Halfverse: c    paśváyantrāso abʰí kārám arcan vidánta jyótiś cakr̥pánta dʰībʰíḥ //
   paśváyantrāso abʰí kārám arcan
   paśváyantrāsaḥ abʰí kārám arcan
   paśváyantrāso abʰí kārám arcan

Halfverse: d    vidánta jyótiś cakr̥pánta dʰībʰíḥ //
   vidánta jyótiḥ cakr̥pánta dʰībʰíḥ //
   vidánta jyótiś cakr̥pánta dʰībʰíḥ //


Verse: 15 
Halfverse: a    té gavyatā́ mánasā dr̥dʰrám ubdʰáṃ gā́ yemānám pári ṣántam ádrim /
   té gavyatā́ mánasā dr̥dʰrám ubdʰáṃ
   té gavyatā́ mánasā dr̥dʰrám ubdʰám
   té gavyatā́ mánasā dr̥dʰrám ubdʰáṃ

Halfverse: b    gā́ yemānám pári ṣántam ádrim /
   gā́ḥ yemānám pári sántam ádrim /
   gâá yemānám pári ṣántam ádrim /

Halfverse: c    dr̥ḷʰáṃ náro vácasā daívyena vrajáṃ gómantam uśíjo ví vavruḥ //
   dr̥ḷʰáṃ náro vácasā daívyena
   dr̥ḷʰám náraḥ vácasā daívyena
   dr̥ḷʰáṃ náro vácasā daíviyena

Halfverse: d    vrajáṃ gómantam uśíjo ví vavruḥ //
   vrajám gómantam uśíjaḥ ví vavruḥ //
   vrajáṃ gómantam uśíjo ví vavruḥ //


Verse: 16 
Halfverse: a    té manvata pratʰamáṃ nā́ma dʰenós tríḥ saptá mātúḥ paramā́ṇi vindan /
   té manvata pratʰamáṃ nā́ma dʰenós
   té manvata pratʰamám nā́ma dʰenóḥ
   té manvata pratʰamáṃ nā́ma dʰenós

Halfverse: b    tríḥ saptá mātúḥ paramā́ṇi vindan /
   tríḥ saptá mātúḥ paramā́ṇi vindan /
   tríḥ saptá mātúḥ paramā́ṇi vindan /

Halfverse: c    táj jānatī́r abʰy ànūṣata vrā́ āvír bʰuvad aruṇī́r yaśásā góḥ //
   táj jānatī́r abʰy ànūṣata vrā́
   tát jānatī́ḥ abʰí anūṣata vrā́ḥ
   táj jānatī́r abʰí anūṣata vrā́

Halfverse: d    āvír bʰuvad aruṇī́r yaśásā góḥ //
   āvíḥ bʰuvat aruṇī́ḥ yaśásā góḥ //
   āvír bʰuvad aruṇī́r yaśásā góḥ //


Verse: 17 
Halfverse: a    néśat támo dúdʰitaṃ rócata dyaúr úd devyā́ uṣáso bʰānúr arta /
   néśat támo dúdʰitaṃ rócata dyaúr
   néśat támaḥ dúdʰitam rócata dyaúḥ
   néśat támo dúdʰitaṃ rócata dyaúr

Halfverse: b    úd devyā́ uṣáso bʰānúr arta /
   út devyā́ḥ uṣásaḥ bʰānúḥ arta /
   úd deviyā́ uṣáso bʰānúr arta /

Halfverse: c    ā́ sū́ryo br̥hatás tiṣṭʰad ájrām̐ r̥jú márteṣu vr̥jinā́ ca páśyan //
   ā́ sū́ryo br̥hatás tiṣṭʰad ájrām̐
   ā́ sū́ryaḥ br̥hatáḥ tiṣṭʰat ájrān
   ā́ sū́riyo br̥hatás tiṣṭʰad ájrām̐

Halfverse: d    r̥jú márteṣu vr̥jinā́ ca páśyan //
   r̥jú márteṣu vr̥jinā́ ca páśyan //
   r̥jú márteṣu vr̥jinā́ ca páśyan //


Verse: 18 
Halfverse: a    ā́d ít paścā́ bubudʰānā́ vy àkʰyann ā́d íd rátnaṃ dʰārayanta dyúbʰaktam /
   ā́d ít paścā́ bubudʰānā́ vy àkʰyann
   ā́t ít paścā́ bubudʰānā́ḥ ví akʰyan
   ā́d ít paścā́ bubudʰānā́ ví akʰyann

Halfverse: b    ā́d íd rátnaṃ dʰārayanta dyúbʰaktam /
   ā́t ít rátnam dʰārayanta dyúbʰaktam /
   ā́d íd rátnaṃ dʰārayanta dyúbʰaktam /

Halfverse: c    víśve víśvāsu dúryāsu devā́ mítra dʰiyé varuṇa satyám astu //
   víśve víśvāsu dúryāsu devā́
   víśve víśvāsu dúryāsu devā́ḥ
   víśve víśvāsu dúriyāsu devā́

Halfverse: d    mítra dʰiyé varuṇa satyám astu //
   mítra dʰiyé varuṇa satyám astu //
   mítra dʰiyé varuṇa satyám astu //


Verse: 19 
Halfverse: a    ácʰā voceya śuśucānám agníṃ hótāraṃ viśvábʰarasaṃ yájiṣṭʰam /
   ácʰā voceya śuśucānám agníṃ
   ácʰa+ voceya śuśucānám agním
   ácʰā voceya śuśucānám agníṃ

Halfverse: b    hótāraṃ viśvábʰarasaṃ yájiṣṭʰam /
   hótāram viśvábʰarasam yájiṣṭʰam /
   hótāraṃ viśvábʰarasaṃ yájiṣṭʰam /

Halfverse: c    śúcy ū́dʰo atr̥ṇan ná gávām ándʰo ná pūtám páriṣiktam am̐śóḥ //
   śúcy ū́dʰo atr̥ṇan ná gávām
   śúci ū́dʰaḥ atr̥ṇat ná gávām
   śúci ū́dʰo atr̥ṇan ná gávām

Halfverse: d    ándʰo ná pūtám páriṣiktam am̐śóḥ //
   ándʰaḥ ná pūtám páriṣiktam aṃśóḥ //
   ándʰo ná pūtám páriṣiktam aṃśóḥ //


Verse: 20 
Halfverse: a    víśveṣām áditir yajñíyānāṃ víśveṣām átitʰir mā́nuṣāṇām /
   víśveṣām áditir yajñíyānāṃ \!\
   víśveṣām áditiḥ yajñíyānām
   víśveṣãam áditir yājñíyānāṃ

Halfverse: b    víśveṣām átitʰir mā́nuṣāṇām /
   víśveṣām átitʰiḥ mā́nuṣāṇām /
   víśveṣãam átitʰir mā́nuṣāṇām /

Halfverse: c    agnír devā́nām áva āvr̥ṇānáḥ sumr̥ḷīkó bʰavatu jātávedāḥ //
   agnír devā́nām áva āvr̥ṇānáḥ
   agníḥ devā́nām ávaḥ āvr̥ṇānáḥ
   agnír devā́nām áva āvr̥ṇānáḥ

Halfverse: d    sumr̥ḷīkó bʰavatu jātávedāḥ //
   sumr̥ḷīkáḥ bʰavatu jātávedāḥ //
   sumr̥ḷīkó bʰavatu jātávedāḥ //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.