TITUS
Rg-Veda: Rg-Veda-Samhita
Part No. 296
Previous part

Hymn: 62_(296) 
Verse: 1 
Halfverse: a    imā́ u vām bʰr̥máyo mányamānā yuvā́vate ná tújyā abʰūvan /
   imā́ u vām bʰr̥máyo mányamānā
   imā́ḥ u vām bʰr̥máyaḥ mányamānāḥ
   imā́ u vām bʰr̥máyo mányamānā

Halfverse: b    yuvā́vate ná tújyā abʰūvan /
   yuvā́vate ná tújyāḥ abʰūvan /
   yuvā́vate ná tújiyā abʰūvan /

Halfverse: c    kvà tyád indrāvaruṇā yáśo vāṃ yéna smā sínam bʰáratʰaḥ sákʰibʰyaḥ //
   kvà tyád indrāvaruṇā yáśo vāṃ
   kvà tyát indrāvaruṇā yáśaḥ vām
   kúva tyád indrāvaruṇā yáśo vāṃ

Halfverse: d    yéna smā sínam bʰáratʰaḥ sákʰibʰyaḥ //
   yéna sma+ sínam bʰáratʰaḥ sákʰibʰyaḥ //
   yéna smā sínam bʰáratʰaḥ sákʰibʰyaḥ //


Verse: 2 
Halfverse: a    ayám u vām purutámo rayīyáñ cʰaśvattamám ávase johavīti /
   ayám u vām purutámo rayīyáñ
   ayám u vām purutámaḥ rayīyán
   ayám u vām purutámo rayīyáñ

Halfverse: b    cʰaśvattamám ávase johavīti /
   śaśvattamám ávase johavīti /
   cʰaśvattamám ávase johavīti /

Halfverse: c    sajóṣāv indrāvaruṇā marúdbʰir divā́ pr̥tʰivyā́ śr̥ṇutaṃ hávam me //
   sajóṣāv indrāvaruṇā marúdbʰir
   sajóṣau indrāvaruṇā marúdbʰiḥ
   sajóṣāv indrāvaruṇā marúdbʰir

Halfverse: d    divā́ pr̥tʰivyā́ śr̥ṇutaṃ hávam me //
   divā́ pr̥tʰivyā́ śr̥ṇutam hávam me //
   divā́ pr̥tʰivyā́ śr̥ṇutaṃ hávam me //


Verse: 3 
Halfverse: a    asmé tád indrāvaruṇā vásu ṣyād asmé rayír marutaḥ sárvavīraḥ /
   asmé tád indrāvaruṇā vásu ṣyād
   asmé tát indrāvaruṇā vásu syāt
   asmé tád indrāvaruṇā vásu ṣyād

Halfverse: b    asmé rayír marutaḥ sárvavīraḥ /
   asmé rayíḥ marutaḥ sárvavīraḥ /
   asmé rayír marutaḥ sárvavīraḥ /

Halfverse: c    asmā́n várūtrīḥ śaraṇaír avantv asmā́n hótrā bʰā́ratī dákṣiṇābʰiḥ //
   asmā́n várūtrīḥ śaraṇaír avantv
   asmā́n várūtrīḥ śaraṇaíḥ avantu
   asmā́n várūtrīḥ śaraṇaír avantu

Halfverse: d    asmā́n hótrā bʰā́ratī dákṣiṇābʰiḥ //
   asmā́n hótrā bʰā́ratī dákṣiṇābʰiḥ //
   asmā́n hótrā bʰā́ratī dákṣiṇābʰiḥ //


Verse: 4 
Halfverse: a    bŕ̥haspate juṣásva no havyā́ni viśvadevya /
   bŕ̥haspate juṣásva no
   bŕ̥haspate juṣásva naḥ
   bŕ̥haspate juṣásva no

Halfverse: b    havyā́ni viśvadevya /
   havyā́ni viśvadevya /
   havyā́ni viśvadeviya /

Halfverse: c    rā́sva rátnāni dāśúṣe //
   rā́sva rátnāni dāśúṣe //
   rā́sva rátnāni dāśúṣe //
   rā́sva rátnāni dāśúṣe //


Verse: 5 
Halfverse: a    śúcim arkaír bŕ̥haspátim adʰvaréṣu namasyata /
   śúcim arkaír bŕ̥haspátim
   śúcim arkaíḥ bŕ̥haspátim
   śúcim arkaír bŕ̥haspátim

Halfverse: b    adʰvaréṣu namasyata /
   adʰvaréṣu namasyata /
   adʰvaréṣu namasyata /

Halfverse: c    ánāmy ója ā́ cake //
   ánāmy ója ā́ cake //
   ánāmi ójaḥ ā́ cake //
   ánāmi ója ā́ cake //


Verse: 6 
Halfverse: a    vr̥ṣabʰáṃ carṣaṇīnā́ṃ viśvárūpam ádābʰyam /
   vr̥ṣabʰáṃ carṣaṇīnā́ṃ
   vr̥ṣabʰám carṣaṇīnā́m
   vr̥ṣabʰáṃ carṣaṇīnâáṃ

Halfverse: b    viśvárūpam ádābʰyam /
   viśvárūpam ádābʰyam /
   viśvárūpam ádābʰiyam /

Halfverse: c    bŕ̥haspátiṃ váreṇyam //
   bŕ̥haspátiṃ váreṇyam //
   bŕ̥haspátim váreṇyam //
   bŕ̥haspátiṃ váreṇiyam //


Verse: 7 
Halfverse: a    iyáṃ te pūṣann āgʰr̥ṇe suṣṭutír deva návyasī /
   iyáṃ te pūṣann āgʰr̥ṇe
   iyám te pūṣan āgʰr̥ṇe
   iyáṃ te pūṣann āgʰr̥ṇe

Halfverse: b    suṣṭutír deva návyasī /
   suṣṭutíḥ deva návyasī /
   suṣṭutír deva návyasī /

Halfverse: c    asmā́bʰis túbʰyaṃ śasyate //
   asmā́bʰis túbʰyaṃ śasyate //
   asmā́bʰiḥ túbʰyam śasyate //
   asmā́bʰis túbʰya ՙ śasyate //


Verse: 8 
Halfverse: a    tā́ṃ juṣasva gíram máma vājayántīm avā dʰíyam /
   tā́ṃ juṣasva gíram máma
   tā́m juṣasva gíram máma
   tā́ṃ juṣasva gíram máma

Halfverse: b    vājayántīm avā dʰíyam /
   vājayántīm ava+ dʰíyam /
   vājayántīm avā dʰíyam /

Halfverse: c    vadʰūyúr iva yóṣaṇām //
   vadʰūyúr iva yóṣaṇām //
   vadʰūyúḥ iva yóṣaṇām //
   vadʰūyúr iva yóṣaṇām //


Verse: 9 
Halfverse: a    yó víśvābʰí vipáśyati bʰúvanā sáṃ ca páśyati /
   yó víśvābʰí vipáśyati
   yáḥ víśvā abʰí vipáśyati
   yó víśvābʰí vipáśyati

Halfverse: b    bʰúvanā sáṃ ca páśyati /
   bʰúvanā sám ca páśyati /
   bʰúvanā sáṃ ca páśyati /

Halfverse: c    sá naḥ pūṣā́vitā́ bʰuvat //
   sá naḥ pūṣā́vitā́ bʰuvat //
   sá naḥ pūṣā́ avitā́ bʰuvat //
   sá naḥ pūṣā́vitā́ bʰuvat //


Verse: 10 
Halfverse: a    tát savitúr váreṇyam bʰárgo devásya dʰīmahi /
   tát savitúr váreṇyam
   tát savitúḥ váreṇyam
   tát savitúr váreṇiyam

Halfverse: b    bʰárgo devásya dʰīmahi /
   bʰárgaḥ devásya dʰīmahi /
   bʰárgo devásya dʰīmahi /

Halfverse: c    dʰíyo yó naḥ pracodáyāt //
   dʰíyo yó naḥ pracodáyāt //
   dʰíyaḥ yáḥ naḥ pracodáyāt //
   dʰíyo yó naḥ pracodáyāt //


Verse: 11 
Halfverse: a    devásya savitúr vayáṃ vājayántaḥ púraṃdʰyā /
   devásya savitúr vayáṃ
   devásya savitúḥ vayám
   devásya savitúr vayáṃ

Halfverse: b    vājayántaḥ púraṃdʰyā /
   vājayántaḥ púraṃdʰyā /
   vājayántaḥ púraṃdʰiyā /

Halfverse: c    bʰágasya rātím īmahe //
   bʰágasya rātím īmahe //
   bʰágasya rātím īmahe //
   bʰágasya rātím īmahe //


Verse: 12 
Halfverse: a    deváṃ náraḥ savitā́raṃ víprā yajñaíḥ suvr̥ktíbʰiḥ /
   deváṃ náraḥ savitā́raṃ
   devám náraḥ savitā́ram
   deváṃ náraḥ savitā́raṃ

Halfverse: b    víprā yajñaíḥ suvr̥ktíbʰiḥ /
   víprāḥ yajñaíḥ suvr̥ktíbʰiḥ /
   víprā yajñaíḥ suvr̥ktíbʰiḥ /

Halfverse: c    namasyánti dʰiyéṣitā́ḥ //
   namasyánti dʰiyéṣitā́ḥ //
   namasyánti dʰiyā́ iṣitā́ḥ //
   namasyánti dʰiyéṣitā́ḥ //


Verse: 13 
Halfverse: a    sómo jigāti gātuvíd devā́nām eti niṣkr̥tám /
   sómo jigāti gātuvíd
   sómaḥ jigāti gātuvít
   sómo jigāti gātuvíd

Halfverse: b    devā́nām eti niṣkr̥tám /
   devā́nām eti niṣkr̥tám /
   devā́nām eti niṣkr̥tám /

Halfverse: c    r̥tásya yónim āsádam //
   r̥tásya yónim āsádam //
   r̥tásya yónim āsádam //
   r̥tásya yónim āsádam //


Verse: 14 
Halfverse: a    sómo asmábʰyaṃ dvipáde cátuṣpade ca paśáve /
   sómo asmábʰyaṃ dvipáde
   sómaḥ asmábʰyam dvipáde
   sómo asmábʰyaṃ dvipáde

Halfverse: b    cátuṣpade ca paśáve /
   cátuṣpade ca paśáve /
   cátuṣpade ca paśáve /

Halfverse: c    anamīvā́ íṣas karat //
   anamīvā́ íṣas karat //
   anamīvā́ḥ íṣaḥ karat //
   anamīvā́ íṣas karat //


Verse: 15 
Halfverse: a    asmā́kam ā́yur vardʰáyann abʰímātīḥ sáhamānaḥ /
   asmā́kam ā́yur vardʰáyann
   asmā́kam ā́yuḥ vardʰáyan
   asmā́kam ā́yu ՙ vardʰáyann

Halfverse: b    abʰímātīḥ sáhamānaḥ /
   abʰímātīḥ sáhamānaḥ /
   abʰímātīḥ sáhamānaḥ /

Halfverse: c    sómaḥ sadʰástʰam ā́sadat //
   sómaḥ sadʰástʰam ā́sadat //
   sómaḥ sadʰástʰam ā́ asadat //
   sómaḥ sadʰástʰam ā́sadat //


Verse: 16 
Halfverse: a    ā́ no mitrāvaruṇā gʰr̥taír gávyūtim ukṣatam /
   ā́ no mitrāvaruṇā
   ā́ naḥ mitrāvaruṇā
   ā́ no mitrāvaruṇā

Halfverse: b    gʰr̥taír gávyūtim ukṣatam /
   gʰr̥taíḥ gávyūtim ukṣatam /
   gʰr̥taír gávyūtim ukṣatam /

Halfverse: c    mádʰvā rájāṃsi sukratū //
   mádʰvā rájāṃsi sukratū //
   mádʰvā rájāṃsi sukratū //
   mádʰvā rájāṃsi sukratū //


Verse: 17 
Halfverse: a    uruśáṃsā namovŕ̥dʰā mahnā́ dákṣasya rājatʰaḥ /
   uruśáṃsā namovŕ̥dʰā
   uruśáṃsā namovŕ̥dʰā
   uruśáṃsā namovŕ̥dʰā

Halfverse: b    mahnā́ dákṣasya rājatʰaḥ /
   mahnā́ dákṣasya rājatʰaḥ /
   mahnā́ dákṣasya rājatʰaḥ /

Halfverse: c    drā́gʰiṣṭʰābʰiḥ śucivratā //
   drā́gʰiṣṭʰābʰiḥ śucivratā //
   drā́gʰiṣṭʰābʰiḥ śucivratā //
   drā́gʰiṣṭʰābʰiḥ śucivratā //


Verse: 18 
Halfverse: a    gr̥ṇānā́ jamádagninā yónāv r̥tásya sīdatam /
   gr̥ṇānā́ jamádagninā
   gr̥ṇānā́ jamádagninā
   gr̥ṇānā́ jamádagninā

Halfverse: b    yónāv r̥tásya sīdatam /
   yónau r̥tásya sīdatam /
   yónāv r̥tásya sīdatam /

Halfverse: c    pātáṃ sómam r̥tāvr̥dʰā //
   pātáṃ sómam r̥tāvr̥dʰā //
   pātám sómam r̥tāvr̥dʰā //
   pātáṃ sómam r̥tāvr̥dʰā //





Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.