TITUS
Rg-Veda: Rg-Veda-Samhita
Part No. 293
Previous part

Hymn: 59_(293) 
Verse: 1 
Halfverse: a    mitró jánān yātayati bruvāṇó mitró dādʰāra pr̥tʰivī́m utá dyā́m /
   mitró jánān yātayati bruvāṇó
   mitráḥ jánān yātayati bruvāṇáḥ
   mitró jánān yātayati bruvāṇó

Halfverse: b    mitró dādʰāra pr̥tʰivī́m utá dyā́m /
   mitráḥ dādʰāra pr̥tʰivī́m utá dyā́m /
   mitró dādʰāra pr̥tʰivī́m utá dyā́m /

Halfverse: c    mitráḥ kr̥ṣṭī́r ánimiṣābʰí caṣṭe mitrā́ya havyáṃ gʰr̥távaj juhota //
   mitráḥ kr̥ṣṭī́r ánimiṣābʰí caṣṭe
   mitráḥ kr̥ṣṭī́ḥ ánimiṣā abʰí caṣṭe
   mitráḥ kr̥ṣṭī́r ánimiṣābʰí caṣṭe

Halfverse: d    mitrā́ya havyáṃ gʰr̥távaj juhota //
   mitrā́ya havyám gʰr̥távat juhota //
   mitrā́ya havyáṃ gʰr̥távaj juhota //


Verse: 2 
Halfverse: a    prá sá mitra márto astu práyasvān yás ta āditya śíkṣati vraténa /
   prá sá mitra márto astu práyasvān
   prá sá mitra mártaḥ astu práyasvān
   prá sá mitra márto astu práyasvān

Halfverse: b    yás ta āditya śíkṣati vraténa /
   yáḥ te āditya śíkṣati vraténa /
   yás ta āditya śíkṣati vraténa /

Halfverse: c    ná hanyate ná jīyate tvóto naínam áṃho aśnoty ántito ná dūrā́t //
   ná hanyate ná jīyate tvóto
   ná hanyate ná jīyate tvótaḥ
   ná hanyate ná jīyate tuvóto

Halfverse: d    naínam áṃho aśnoty ántito ná dūrā́t //
   ná enam áṃhaḥ aśnoti ántitaḥ ná dūrā́t //
   naínam áṃho aśnoty ántito ná dūrā́t //


Verse: 3 
Halfverse: a    anamīvā́sa íḷayā mádanto mitájñavo várimann ā́ pr̥tʰivyā́ḥ /
   anamīvā́sa íḷayā mádanto
   anamīvā́saḥ íḷayā mádantaḥ
   anamīvā́sa íḷayā mádanto

Halfverse: b    mitájñavo várimann ā́ pr̥tʰivyā́ḥ /
   mitájñavaḥ váriman ā́ pr̥tʰivyā́ḥ /
   mitájñavo várimann ā́ pr̥tʰivyā́ḥ /

Halfverse: c    ādityásya vratám upakṣiyánto vayám mitrásya sumataú syāma //
   ādityásya vratám upakṣiyánto
   ādityásya vratám upakṣiyántaḥ
   ādityásya vratám upakṣiyánto

Halfverse: d    vayám mitrásya sumataú syāma //
   vayám mitrásya sumataú syāma //
   vayám mitrásya sumataú siyāma //


Verse: 4 
Halfverse: a    ayám mitró namasyàḥ suśévo rā́jā sukṣatró ajaniṣṭa vedʰā́ḥ /
   ayám mitró namasyàḥ suśévo
   ayám mitráḥ namasyàḥ suśévaḥ
   ayám mitró namasíyaḥ suśévo

Halfverse: b    rā́jā sukṣatró ajaniṣṭa vedʰā́ḥ /
   rā́jā sukṣatráḥ ajaniṣṭa vedʰā́ḥ /
   rā́jā sukṣatró ajaniṣṭa vedʰā́ḥ /

Halfverse: c    tásya vayáṃ sumataú yajñíyasyā́pi bʰadré saumanasé syāma //
   tásya vayáṃ sumataú yajñíyasya_
   tásya vayám sumataú yajñíyasya
   tásya vayáṃ sumataú yajñíyasya

Halfverse: d    _ápi bʰadré saumanasé syāma //
   ápi bʰadré saumanasé syāma //
   ápi bʰadré saumanasé siyāma //


Verse: 5 
Halfverse: a    mahā́m̐ ādityó námasopasádyo yātayájjano gr̥ṇaté suśévaḥ /
   mahā́m̐ ādityó námasopasádyo
   mahā́n ādityáḥ námasā upasádyaḥ
   mahā́m̐ ādityó námasopasádyo

Halfverse: b    yātayájjano gr̥ṇaté suśévaḥ /
   yātayájjanaḥ gr̥ṇaté suśévaḥ /
   yātayájjano gr̥ṇaté suśévaḥ /

Halfverse: c    tásmā etát pányatamāya júṣṭam agnaú mitrā́ya havír ā́ juhota //
   tásmā etát pányatamāya júṣṭam
   tásmai etát pányatamāya júṣṭam
   tásmā etát pányatamāya júṣṭam

Halfverse: d    agnaú mitrā́ya havír ā́ juhota //
   agnaú mitrā́ya havíḥ ā́ juhota //
   agnaú mitrā́ya havír ā́ juhota //


Verse: 6 
Halfverse: a    mitrásya carṣaṇīdʰŕ̥tó 'vo devásya sānasí /
   mitrásya carṣaṇīdʰŕ̥tó
   mitrásya carṣaṇīdʰŕ̥taḥ
   mitrásya carṣaṇīdʰŕ̥to

Halfverse: b    'vo devásya sānasí /
   ávaḥ devásya sānasí /
   ávo devásya sānasí /

Halfverse: c    dyumnáṃ citráśravastamam //
   dyumnáṃ citráśravastamam //
   dyumnám citráśravastamam //
   dyumnáṃ citráśravastamam //


Verse: 7 
Halfverse: a    abʰí yó mahinā́ dívam mitró babʰū́va saprátʰāḥ /
   abʰí yó mahinā́ dívam
   abʰí yáḥ mahinā́ dívam
   abʰí yó mahinā́ dívam

Halfverse: b    mitró babʰū́va saprátʰāḥ /
   mitráḥ babʰū́va saprátʰāḥ /
   mitró babʰū́va saprátʰāḥ /

Halfverse: c    abʰí śrávobʰiḥ pr̥tʰivī́m //
   abʰí śrávobʰiḥ pr̥tʰivī́m //
   abʰí śrávobʰiḥ pr̥tʰivī́m //
   abʰí śrávobʰiḥ pr̥tʰivī́m //


Verse: 8 
Halfverse: a    mitrā́ya páñca yemire jánā abʰíṣṭiśavase /
   mitrā́ya páñca yemire
   mitrā́ya páñca yemire
   mitrā́ya páñca yemire

Halfverse: b    jánā abʰíṣṭiśavase /
   jánāḥ abʰíṣṭiśavase /
   jánā abʰíṣṭiśavase /

Halfverse: c    sá devā́n víśvān bibʰarti //
   sá devā́n víśvān bibʰarti //
   sá devā́n víśvān bibʰarti //
   sá devā́n víśvān bibʰarti //


Verse: 9 
Halfverse: a    mitró devéṣv āyúṣu jánāya vr̥ktábarhiṣe /
   mitró devéṣv āyúṣu
   mitráḥ devéṣu āyúṣu
   mitró devéṣu āyúṣu

Halfverse: b    jánāya vr̥ktábarhiṣe /
   jánāya vr̥ktábarhiṣe /
   jánāya vr̥ktábarhiṣe /

Halfverse: c    íṣa iṣṭávratā akaḥ //
   íṣa iṣṭávratā akaḥ //
   íṣaḥ iṣṭávratāḥ akar //
   íṣa iṣṭávratā akaḥ //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.