TITUS
Rg-Veda: Rg-Veda-Samhita
Part No. 292
Previous part

Hymn: 58_(292) 
Verse: 1 
Halfverse: a    dʰenúḥ pratnásya kā́myaṃ dúhānāntáḥ putráś carati dákṣiṇāyāḥ /
   dʰenúḥ pratnásya kā́myaṃ dúhānā_
   dʰenúḥ pratnásya kā́myam dúhānā
   dʰenúḥ pratnásya kā́miyaṃ dúhānā

Halfverse: b    _antáḥ putráś carati dákṣiṇāyāḥ /
   antár putráḥ carati dákṣiṇāyāḥ /
   antáḥ putráś carati dákṣiṇāyāḥ /

Halfverse: c    ā́ dyotaníṃ vahati śubʰráyāmoṣása stómo aśvínāv ajīgaḥ //
   ā́ dyotaníṃ vahati śubʰráyāmā_
   ā́ dyotaním vahati śubʰráyāmā
   ā́ dyotaníṃ vahati śubʰráyāmā

Halfverse: d    _uṣása stómo aśvínāv ajīgaḥ //
   uṣásaḥ stómaḥ aśvínau ajīgar //
   uṣása stómo aśvínāv ajīgaḥ //


Verse: 2 
Halfverse: a    suyúg vahanti práti vām r̥ténordʰvā́ bʰavanti pitáreva médʰāḥ /
   suyúg vahanti práti vām r̥téna_
   suyúk vahanti práti vām r̥téna
   suyúg vahanti práti vām r̥téna

Halfverse: b    _ūrdʰvā́ bʰavanti pitáreva médʰāḥ /
   ūrdʰvā́ḥ bʰavanti pitárā iva médʰāḥ /
   ūrdʰvā́ bʰavanti pitáreva médʰāḥ /

Halfverse: c    járetʰām asmád ví paṇér manīṣā́ṃ yuvór ávaś cakr̥mā́ yātam arvā́k //
   járetʰām asmád ví paṇér manīṣā́ṃ
   járetʰām asmát ví paṇéḥ manīṣā́m
   járetʰām asmád ví paṇér manīṣā́ṃ

Halfverse: d    yuvór ávaś cakr̥mā́ yātam arvā́k //
   yuvóḥ ávaḥ cakr̥ma ā́ yātam arvā́k //
   yuvór ávaś cakr̥mā́ yātam arvā́k //


Verse: 3 
Halfverse: a    suyúgbʰir áśvaiḥ suvŕ̥tā rátʰena dásrāv imáṃ śr̥ṇutaṃ ślókam ádreḥ /
   suyúgbʰir áśvaiḥ suvŕ̥tā rátʰena
   suyúgbʰiḥ áśvaiḥ suvŕ̥tā rátʰena
   suyúgbʰir áśvaiḥ suvŕ̥tā rátʰena

Halfverse: b    dásrāv imáṃ śr̥ṇutaṃ ślókam ádreḥ /
   dásrau imám śr̥ṇutam ślókam ádreḥ /
   dásrāv imáṃ śr̥ṇutaṃ ślókam ádreḥ /

Halfverse: c    kím aṅgá vām práty ávartiṃ gámiṣṭʰāhúr víprāso aśvinā purājā́ḥ //
   kím aṅgá vām práty ávartiṃ gámiṣṭʰā_
   kím aṅgá vām práti ávartim gámiṣṭʰā
   kím aṅgá vām práty ávartiṃ gámiṣṭʰā

Halfverse: d    _āhúr víprāso aśvinā purājā́ḥ //
   āhúḥ víprāsaḥ aśvinā purājā́ḥ //
   āhúr víprāso aśvinā purājā́ḥ //


Verse: 4 
Halfverse: a    ā́ manyetʰām ā́ gataṃ kác cid évair víśve jánāso aśvínā havante /
   ā́ manyetʰām ā́ gataṃ kác cid évair
   ā́ manyetʰām ā́ gatam kát cit évaiḥ
   ā́ manyetʰām ā́ gataṃ kác cid évair

Halfverse: b    víśve jánāso aśvínā havante /
   víśve jánāsaḥ aśvínā havante /
   víśve jánāso aśvínā havante /

Halfverse: c    imā́ hí vāṃ gór̥jīkā mádʰūni prá mitrā́so ná dadúr usró ágre //
   imā́ hí vāṃ gór̥jīkā mádʰūni
   imā́ hí vām gór̥jīkā mádʰūni
   imā́ hí vāṃ gór̥jīkā mádʰūni

Halfverse: d    prá mitrā́so ná dadúr usró ágre //
   prá mitrā́saḥ ná dadúḥ usráḥ ágre //
   prá mitrā́so ná dadúr usró ágre //


Verse: 5 
Halfverse: a    tiráḥ purū́ cid aśvinā rájāṃsy āṅgūṣó vām magʰavānā jáneṣu /
   tiráḥ purū́ cid aśvinā rájāṃsy
   tiráḥ purú+ cit aśvinā rájāṃsi
   tiráḥ purū́ cid aśvinā rájāṃsi

Halfverse: b    āṅgūṣó vām magʰavānā jáneṣu /
   āṅgūṣáḥ vām magʰavānā jáneṣu /
   āṅgūṣó vām magʰavānā jáneṣu /

Halfverse: c    éhá yātam patʰíbʰir devayā́nair dásrāv imé vāṃ nidʰáyo mádʰūnām //
   éhá yātam patʰíbʰir devayā́nair
   ā́ ihá yātam patʰíbʰiḥ devayā́naiḥ
   éhá yātam patʰíbʰir devayā́nair

Halfverse: d    dásrāv imé vāṃ nidʰáyo mádʰūnām //
   dásrau imé vām nidʰáyaḥ mádʰūnām //
   dásrāv imé vāṃ nidʰáyo mádʰūnām //


Verse: 6 
Halfverse: a    purāṇám ókaḥ sakʰyáṃ śiváṃ vāṃ yuvór narā dráviṇaṃ jahnā́vyām /
   purāṇám ókaḥ sakʰyáṃ śiváṃ vāṃ
   purāṇám ókaḥ sakʰyám śivám vām
   purāṇám ókaḥ sakʰiyáṃ śiváṃ vāṃ

Halfverse: b    yuvór narā dráviṇaṃ jahnā́vyām /
   yuvóḥ narā dráviṇam jahnā́vyām /
   yuvór narā dráviṇaṃ jahnā́viyām /

Halfverse: c    púnaḥ kr̥ṇvānā́ḥ sakʰyā́ śivā́ni mádʰvā madema sahá nū́ samānā́ḥ //
   púnaḥ kr̥ṇvānā́ḥ sakʰyā́ śivā́ni
   púnar kr̥ṇvānā́ḥ sakʰyā́ śivā́ni
   púnaḥ kr̥ṇvānā́ḥ sakʰiyā́ śivā́ni

Halfverse: d    mádʰvā madema sahá nū́ samānā́ḥ //
   mádʰvā madema sahá nú+ samānā́ḥ //
   mádʰvā madema sahá nū́ samānā́ḥ //


Verse: 7 
Halfverse: a    áśvinā vāyúnā yuváṃ sudakṣā niyúdbʰiṣ ca sajóṣasā yuvānā /
   áśvinā vāyúnā yuváṃ sudakṣā
   áśvinā vāyúnā yuvám sudakṣā
   áśvinā vāyúnā yuváṃ sudakṣā

Halfverse: b    niyúdbʰiṣ ca sajóṣasā yuvānā /
   niyúdbʰiḥ ca sajóṣasā yuvānā /
   niyúdbʰiṣ ca sajóṣasā yuvānā /

Halfverse: c    nā́satyā tiróahnyaṃ juṣāṇā́ sómam pibatam asrídʰā sudānū //
   nā́satyā tiróahnyaṃ juṣāṇā́
   nā́satyā tiróahnyam juṣāṇā́
   nā́satyā tiróahniyaṃ juṣāṇā́

Halfverse: d    sómam pibatam asrídʰā sudānū //
   sómam pibatam asrídʰā sudānū //
   sómam pibatam asrídʰā sudānū //


Verse: 8 
Halfverse: a    áśvinā pári vām íṣaḥ purūcī́r īyúr gīrbʰír yátamānā ámr̥dʰrāḥ /
   áśvinā pári vām íṣaḥ purūcī́r
   áśvinā pári vām íṣaḥ purūcī́ḥ
   áśvinā pári vām íṣaḥ purūcī́r

Halfverse: b    īyúr gīrbʰír yátamānā ámr̥dʰrāḥ /
   īyúḥ gīrbʰíḥ yátamānāḥ ámr̥dʰrāḥ /
   īyúr gīrbʰír yátamānā ámr̥dʰrāḥ /

Halfverse: c    rátʰo ha vām r̥tajā́ ádrijūtaḥ pári dyā́vāpr̥tʰivī́ yāti sadyáḥ //
   rátʰo ha vām r̥tajā́ ádrijūtaḥ
   rátʰaḥ ha vām r̥tajā́ḥ ádrijūtaḥ
   rátʰo ha vām r̥tajā́ ádrijūtaḥ

Halfverse: d    pári dyā́vāpr̥tʰivī́ yāti sadyáḥ //
   pári dyā́vāpr̥tʰivī́ yāti sadyáḥ //
   pári dyā́vāpr̥tʰivī́ yāti sadyáḥ //


Verse: 9 
Halfverse: a    áśvinā madʰuṣúttamo yuvā́kuḥ sómas tám pātam ā́ gataṃ duroṇé /
   áśvinā madʰuṣúttamo yuvā́kuḥ
   áśvinā madʰuṣúttamaḥ yuvā́kuḥ
   áśvinā madʰuṣúttamo yuvā́kuḥ

Halfverse: b    sómas tám pātam ā́ gataṃ duroṇé /
   sómaḥ tám pātam ā́ gatam duroṇé /
   sómas tám pātam ā́ gataṃ duroṇé /

Halfverse: c    rátʰo ha vām bʰū́ri várpaḥ kárikrat sutā́vato niṣkr̥tám ā́gamiṣṭʰaḥ //
   rátʰo ha vām bʰū́ri várpaḥ kárikrat
   rátʰaḥ ha vām bʰū́ri várpaḥ kárikrat
   rátʰo ha vām bʰū́ri várpaḥ kárikrat

Halfverse: d    sutā́vato niṣkr̥tám ā́gamiṣṭʰaḥ //
   sutā́vataḥ niṣkr̥tám ā́gamiṣṭʰaḥ //
   sutā́vato niṣkr̥tám ā́gamiṣṭʰaḥ //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.