TITUS
Rg-Veda: Rg-Veda-Samhita
Part No. 290
Previous part

Hymn: 56_(290) 
Verse: 1 
Halfverse: a    ná tā́ minanti māyíno ná dʰī́rā vratā́ devā́nām pratʰamā́ dʰruvā́ṇi /
   ná tā́ minanti māyíno ná dʰī́rā
   ná tā́ minanti māyínaḥ ná dʰī́rāḥ
   ná tā́ minanti māyíno ná dʰī́rā

Halfverse: b    vratā́ devā́nām pratʰamā́ dʰruvā́ṇi /
   vratā́ devā́nām pratʰamā́ dʰruvā́ṇi /
   vratā́ devā́nām pratʰamā́ dʰruvā́ṇi /

Halfverse: c    ná ródasī adrúhā vedyā́bʰir ná párvatā nináme tastʰivā́ṃsaḥ //
   ná ródasī adrúhā vedyā́bʰir
   ná ródasī adrúhā vedyā́bʰiḥ
   ná ródasī adrúhā vediyā́bʰir

Halfverse: d    ná párvatā nináme tastʰivā́ṃsaḥ //
   ná párvatāḥ nináme tastʰivā́ṃsaḥ //
   ná párvatā nináme tastʰivā́ṃsaḥ //


Verse: 2 
Halfverse: a    ṣáḍ bʰārā́m̐ éko ácaran bibʰarty r̥táṃ várṣiṣṭʰam úpa gā́va ā́guḥ /
   ṣáḍ bʰārā́m̐ éko ácaran bibʰarty
   ṣáṭ bʰārā́n ékaḥ ácaran bibʰarti
   ṣáḍ bʰārā́m̐ éko ácaran bibʰarti

Halfverse: b    r̥táṃ várṣiṣṭʰam úpa gā́va ā́guḥ /
   r̥tám várṣiṣṭʰam úpa gā́vaḥ ā́ aguḥ /
   r̥táṃ várṣiṣṭʰam úpa gā́va ā́guḥ /

Halfverse: c    tisró mahī́r úparās tastʰur átyā gúhā dvé níhite dárśy ékā //
   tisró mahī́r úparās tastʰur átyā
   tisráḥ mahī́ḥ úparāḥ tastʰuḥ átyāḥ
   tisró mahī́r úparās tastʰur átyā

Halfverse: d    gúhā dvé níhite dárśy ékā //
   gúhā dvé níhite dárśi ékā //
   gúhā duvé níhite dárśi ékā //


Verse: 3 
Halfverse: a    tripājasyó vr̥ṣabʰó viśvárūpa utá tryudʰā́ purudʰá prajā́vān /
   tripājasyó vr̥ṣabʰó viśvárūpa
   tripājasyáḥ vr̥ṣabʰáḥ viśvárūpaḥ
   tripājasyó vr̥ṣabʰó viśvárūpa

Halfverse: b    utá tryudʰā́ purudʰá prajā́vān /
   utá tryudʰā́ purudʰá prajā́vān /
   utá triudʰā́ purudʰá prajā́vān /

Halfverse: c    tryanīkáḥ patyate mā́hināvān sá retodʰā́ vr̥ṣabʰáḥ śáśvatīnām //
   tryanīkáḥ patyate mā́hināvān
   tryanīkáḥ patyate mā́hināvān
   trianīkáḥ patyate mā́hināvān

Halfverse: d    sá retodʰā́ vr̥ṣabʰáḥ śáśvatīnām //
   sá retodʰā́ḥ vr̥ṣabʰáḥ śáśvatīnām //
   sá retodʰā́ vr̥ṣabʰáḥ śáśvatīnām //


Verse: 4 
Halfverse: a    abʰī́ka āsām padavī́r abodʰy ādityā́nām ahve cā́ru nā́ma /
   abʰī́ka āsām padavī́r abodʰy
   abʰī́ke āsām padavī́ḥ abodʰi
   abʰī́ka āsām padavī́r abodʰi

Halfverse: b    ādityā́nām ahve cā́ru nā́ma /
   ādityā́nām ahve cā́ru nā́ma /
   ādityā́nām ahuve cā́ru nā́ma /

Halfverse: c    ā́paś cid asmā aramanta devī́ḥ pŕ̥tʰag vrájantīḥ pári ṣīm avr̥ñjan //
   ā́paś cid asmā aramanta devī́ḥ
   ā́paḥ cit asmai aramanta devī́ḥ
   ā́paś cid asmā aramanta devī́ḥ

Halfverse: d    pŕ̥tʰag vrájantīḥ pári ṣīm avr̥ñjan //
   pŕ̥tʰak vrájantīḥ pári sīm avr̥ñjan //
   pŕ̥tʰag vrájantīḥ pári ṣīm avr̥ñjan //


Verse: 5 
Halfverse: a    trī́ ṣadʰástʰā sindʰavas tríḥ kavīnā́m utá trimātā́ vidátʰeṣu samrā́ṭ /
   trī́ ṣadʰástʰā sindʰavas tríḥ kavīnā́m
   trī́ sadʰástʰā sindʰavaḥ tríḥ kavīnā́m
   trī́ ṣadʰástʰā sindʰavas tríḥ kavīnā́m

Halfverse: b    utá trimātā́ vidátʰeṣu samrā́ṭ /
   utá trimātā́ vidátʰeṣu samrā́ṭ /
   utá trimātā́ vidátʰeṣu samrā́ṭ /

Halfverse: c    r̥tā́varīr yóṣaṇās tisró ápyās trír ā́ divó vidátʰe pátyamānāḥ //
   r̥tā́varīr yóṣaṇās tisró ápyās
   r̥tā́varīḥ yóṣaṇāḥ tisráḥ ápyāḥ
   r̥tā́varīr yóṣaṇās tisró ápyās

Halfverse: d    trír ā́ divó vidátʰe pátyamānāḥ //
   tríḥ ā́ diváḥ vidátʰe pátyamānāḥ //
   trír ā́ divó vidátʰe pátyamānāḥ //


Verse: 6 
Halfverse: a    trír ā́ diváḥ savitar vā́ryāṇi divé-diva ā́ suva trír no áhnaḥ /
   trír ā́ diváḥ savitar vā́ryāṇi
   tríḥ ā́ diváḥ savitar vā́ryāṇi
   trír ā́ diváḥ savitar vā́riyāṇi

Halfverse: b    divé-diva ā́ suva trír no áhnaḥ /
   divé-dive ā́ suva tríḥ naḥ áhnaḥ /
   divé-diva ā́ suva trír no áhnaḥ /

Halfverse: c    tridʰā́tu rāyá ā́ suvā vásūni bʰága trātar dʰiṣaṇe sātáye dʰāḥ //
   tridʰā́tu rāyá ā́ suvā vásūni
   tridʰā́tu rāyáḥ ā́ suva+ vásūni
   tridʰā́tu rāyá ā́ suvā vásūni

Halfverse: d    bʰága trātar dʰiṣaṇe sātáye dʰāḥ //
   bʰága trātar dʰiṣaṇe sātáye dʰāḥ //
   bʰága trātar dʰiṣaṇe sātáye dʰāḥ //


Verse: 7 
Halfverse: a    trír ā́ diváḥ savitā́ soṣavīti rā́jānā mitrā́váruṇā supāṇī́ /
   trír ā́ diváḥ savitā́ soṣavīti
   tríḥ ā́ diváḥ savitā́ soṣavīti
   trír ā́ diváḥ savitā́ soṣavīti

Halfverse: b    rā́jānā mitrā́váruṇā supāṇī́ /
   rā́jānā mitrā́váruṇā supāṇī́ /
   rā́jānā mitrā́váruṇā supāṇī́ /

Halfverse: c    ā́paś cid asya ródasī cid urvī́ rátnam bʰikṣanta savitúḥ savā́ya //
   ā́paś cid asya ródasī cid urvī́
   ā́paḥ cit asya ródasī cit urvī́
   ā́paś cid asya ródasī cid urvī́

Halfverse: d    rátnam bʰikṣanta savitúḥ savā́ya //
   rátnam bʰikṣanta savitúḥ savā́ya //
   rátnam bʰikṣanta savitúḥ savā́ya //


Verse: 8 
Halfverse: a    trír uttamā́ dūṇáśā rocanā́ni tráyo rājanty ásurasya vīrā́ḥ /
   trír uttamā́ dūṇáśā rocanā́ni
   tríḥ uttamā́ dūṇáśā rocanā́ni
   trír uttamā́ dūṇáśā rocanā́ni

Halfverse: b    tráyo rājanty ásurasya vīrā́ḥ /
   tráyaḥ rājanti ásurasya vīrā́ḥ /
   tráyo rājanti ásurasya vīrā́ḥ /

Halfverse: c    r̥tā́vāna iṣirā́ dūḷábʰāsas trír ā́ divó vidátʰe santu devā́ḥ //
   r̥tā́vāna iṣirā́ dūḷábʰāsas
   r̥tā́vānaḥ iṣirā́ḥ dūḷábʰāsaḥ
   r̥tā́vāna iṣirā́ dūḷábʰāsas

Halfverse: d    trír ā́ divó vidátʰe santu devā́ḥ //
   tríḥ ā́ diváḥ vidátʰe santu devā́ḥ //
   trír ā́ divó vidátʰe santu devā́ḥ //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.