TITUS
Rg-Veda: Rg-Veda-Samhita
Part No. 287
Previous part

Hymn: 53_(287) 
Verse: 1 
Halfverse: a    índrāparvatā br̥hatā́ rátʰena vāmī́r íṣa ā́ vahataṃ suvī́rāḥ /
   índrāparvatā br̥hatā́ rátʰena
   índrāparvatā br̥hatā́ rátʰena
   índrāparvatā br̥hatā́ rátʰena

Halfverse: b    vāmī́r íṣa ā́ vahataṃ suvī́rāḥ /
   vāmī́ḥ íṣaḥ ā́ vahatam suvī́rāḥ /
   vāmī́r íṣa ā́ vahataṃ suvī́rāḥ /

Halfverse: c    vītáṃ havyā́ny adʰvaréṣu devā várdʰetʰāṃ gīrbʰír íḷayā mádantā //
   vītáṃ havyā́ny adʰvaréṣu devā
   vītám havyā́ni adʰvaréṣu devā
   vītáṃ havyā́ni adʰvaréṣu devā

Halfverse: d    várdʰetʰāṃ gīrbʰír íḷayā mádantā //
   várdʰetʰām gīrbʰíḥ íḷayā mádantā //
   várdʰetʰāṃ gīrbʰír íḷayā mádantā //


Verse: 2 
Halfverse: a    tíṣṭʰā sú kam magʰavan mā́ párā gāḥ sómasya nú tvā súṣutasya yakṣi /
   tíṣṭʰā sú kam magʰavan mā́ párā gāḥ
   tíṣṭʰa+ sú kam magʰavan mā́ párā gāḥ
   tíṣṭʰā sú kam magʰavan mā́ párā gāḥ

Halfverse: b    sómasya nú tvā súṣutasya yakṣi /
   sómasya nú tvā súṣutasya yakṣi /
   sómasya nú tvā súṣutasya yakṣi /

Halfverse: c    pitúr ná putráḥ sícam ā́ rabʰe ta índra svā́diṣṭʰayā girā́ śacīvaḥ //
   pitúr ná putráḥ sícam ā́ rabʰe ta
   pitúḥ ná putráḥ sícam ā́ rabʰe te
   pitúr ná putráḥ sícam ā́ rabʰe ta

Halfverse: d    índra svā́diṣṭʰayā girā́ śacīvaḥ //
   índra svā́diṣṭʰayā girā́ śacīvaḥ //
   índra svā́diṣṭʰayā girā́ śacīvaḥ //


Verse: 3 
Halfverse: a    śáṃsāvādʰvaryo práti me gr̥ṇīhī́ndrāya vā́haḥ kr̥ṇavāva júṣṭam /
   śáṃsāvādʰvaryo práti me gr̥ṇīhi_
   śáṃsāva adʰvaryo práti me gr̥ṇīhi
   śáṃsāvādʰvaryo práti me gr̥ṇīhi

Halfverse: b    _índrāya vā́haḥ kr̥ṇavāva júṣṭam /
   índrāya vā́haḥ kr̥ṇavāva júṣṭam /
   índrāya vā́haḥ kr̥ṇavāva júṣṭam /

Halfverse: c    édám barhír yájamānasya sīdā́tʰā ca bʰūd uktʰám índrāya śastám //
   édám barhír yájamānasya sīda_
   ā́ idám barhíḥ yájamānasya sīda
   édám barhír yájamānasya sīda

Halfverse: d    _átʰā ca bʰūd uktʰám índrāya śastám //
   átʰa+ ca bʰūt uktʰám índrāya śastám //
   átʰā ca bʰūd uktʰám índrāya śastám //


Verse: 4 
Halfverse: a    jāyéd ástam magʰavan séd u yónis tád ít tvā yuktā́ hárayo vahantu /
   jāyéd ástam magʰavan séd u yónis
   jāyā́ ít ástam magʰavan sā́ ít u yóniḥ
   jāyéd ástam magʰavan séd u yónis

Halfverse: b    tád ít tvā yuktā́ hárayo vahantu /
   tát ít tvā yuktā́ḥ hárayaḥ vahantu /
   tád ít tvā yuktā́ hárayo vahantu /

Halfverse: c    yadā́ kadā́ ca sunávāma sómam agníṣ ṭvā dūtó dʰanvāty ácʰa //
   yadā́ kadā́ ca sunávāma sómam
   yadā́ kadā́ ca sunávāma sómam
   yadā́ kadā́ ca sunávāma sómam

Halfverse: d    agníṣ ṭvā dūtó dʰanvāty ácʰa //
   agníḥ tvā dūtáḥ dʰanvāti ácʰa //
   agníṣ ṭvā dūtó dʰanuvāti ácʰa //


Verse: 5 
Halfverse: a    párā yāhi magʰavann ā́ ca yāhī́ndra bʰrātar ubʰayátrā te ártʰam /
   párā yāhi magʰavann ā́ ca yāhi_
   párā yāhi magʰavan ā́ ca yāhi
   párā yāhi magʰavann ā́ ca yāhi

Halfverse: b    _índra bʰrātar ubʰayátrā te ártʰam /
   índra bʰrātar ubʰayátra+ te ártʰam /
   índra bʰrātar ubʰayátrā te ártʰam /

Halfverse: c    yátrā rátʰasya br̥ható nidʰā́naṃ vimócanaṃ vājíno rā́sabʰasya //
   yátrā rátʰasya br̥ható nidʰā́naṃ
   yátra+ rátʰasya br̥hatáḥ nidʰā́nam
   yátrā rátʰasya br̥ható nidʰā́naṃ

Halfverse: d    vimócanaṃ vājíno rā́sabʰasya //
   vimócanam vājínaḥ rā́sabʰasya //
   vimócanaṃ vājíno rā́sabʰasya //


Verse: 6 
Halfverse: a    ápāḥ sómam ástam indra prá yāhi kalyāṇī́r jāyā́ suráṇaṃ gr̥hé te /
   ápāḥ sómam ástam indra prá yāhi
   ápāḥ sómam ástam indra prá yāhi
   ápāḥ sómam ástam indra prá yāhi

Halfverse: b    kalyāṇī́r jāyā́ suráṇaṃ gr̥hé te /
   kalyāṇī́ḥ jāyā́ suráṇam gr̥hé te /
   kalyāṇī́r jāyā́ suráṇaṃ gr̥hé te /

Halfverse: c    yátrā rátʰasya br̥ható nidʰā́naṃ vimócanaṃ vājíno dákṣiṇāvat //
   yátrā rátʰasya br̥ható nidʰā́naṃ
   yátra+ rátʰasya br̥hatáḥ nidʰā́nam
   yátrā rátʰasya br̥ható nidʰā́naṃ

Halfverse: d    vimócanaṃ vājíno dákṣiṇāvat //
   vimócanam vājínaḥ dákṣiṇāvat //
   vimócanaṃ vājíno dákṣiṇāvat //


Verse: 7 
Halfverse: a    imé bʰojā́ áṅgiraso vírūpā divás putrā́so ásurasya vīrā́ḥ /
   imé bʰojā́ áṅgiraso vírūpā
   imé bʰojā́ḥ áṅgirasaḥ vírūpāḥ
   imé bʰojā́ áṅgiraso vírūpā

Halfverse: b    divás putrā́so ásurasya vīrā́ḥ /
   diváḥ putrā́saḥ ásurasya vīrā́ḥ /
   divás putrā́so ásurasya vīrā́ḥ /

Halfverse: c    viśvā́mitrāya dádato magʰā́ni sahasrasāvé prá tiranta ā́yuḥ //
   viśvā́mitrāya dádato magʰā́ni
   viśvā́mitrāya dádataḥ magʰā́ni
   viśvā́mitrāya dádato magʰā́ni

Halfverse: d    sahasrasāvé prá tiranta ā́yuḥ //
   sahasrasāvé prá tirante ā́yuḥ //
   sahasrasāvé prá tiranta ā́yuḥ //


Verse: 8 
Halfverse: a    rūpáṃ-rūpam magʰávā bobʰavīti māyā́ḥ kr̥ṇvānás tanvàm pári svā́m /
   rūpáṃ-rūpam magʰávā bobʰavīti
   rūpáṃ-rūpam magʰávā bobʰavīti
   rūpáṃ-rūpam magʰávā bobʰavīti

Halfverse: b    māyā́ḥ kr̥ṇvānás tanvàm pári svā́m /
   māyā́ḥ kr̥ṇvānáḥ tanvàm pári svā́m /
   māyā́ḥ kr̥ṇvānás tanúvam pári svā́m /

Halfverse: c    trír yád diváḥ pári muhūrtám ā́gāt svaír mántrair ánr̥tupā r̥tā́vā //
   trír yád diváḥ pári muhūrtám ā́gāt
   tríḥ yát diváḥ pári muhūrtám ā́ ágāt
   trír yád diváḥ pári muhūrtám ā́gāt

Halfverse: d    svaír mántrair ánr̥tupā r̥tā́vā //
   svaíḥ mántraiḥ ánr̥tupāḥ r̥tā́vā //
   suvaír mántrair ánr̥tupā r̥tā́vā //


Verse: 9 
Halfverse: a    mahā́m̐ ŕ̥ṣir devajā́ devájūtó 'stabʰnāt síndʰum arṇaváṃ nr̥cákṣāḥ /
   mahā́m̐ ŕ̥ṣir devajā́ devájūtó
   mahā́n ŕ̥ṣiḥ devajā́ḥ devájūtaḥ
   mahā́m̐ ŕ̥ṣir devajā́ devájūto

Halfverse: b    'stabʰnāt síndʰum arṇaváṃ nr̥cákṣāḥ /
   ástabʰnāt síndʰum arṇavám nr̥cákṣāḥ /
   ástabʰnāt síndʰum arṇaváṃ nr̥cákṣāḥ /

Halfverse: c    viśvā́mitro yád ávahat sudā́sam ápriyāyata kuśikébʰir índraḥ //
   viśvā́mitro yád ávahat sudā́sam
   viśvā́mitraḥ yát ávahat sudā́sam
   viśvā́mitro yád ávahat sudā́sam

Halfverse: d    ápriyāyata kuśikébʰir índraḥ //
   ápriyāyata kuśikébʰiḥ índraḥ //
   ápriyāyata kuśikébʰir índraḥ //


Verse: 10 
Halfverse: a    haṃsā́ iva kr̥ṇutʰa ślókam ádribʰir mádanto gīrbʰír adʰvaré suté sácā /
   haṃsā́ iva kr̥ṇutʰa ślókam ádribʰir
   haṃsā́ḥ iva kr̥ṇutʰa ślókam ádribʰiḥ
   haṃsā́ iva kr̥ṇutʰa ślókam ádribʰir

Halfverse: b    mádanto gīrbʰír adʰvaré suté sácā /
   mádantaḥ gīrbʰíḥ adʰvaré suté sácā /
   mádanto gīrbʰír adʰvaré suté sácā /

Halfverse: c    devébʰir viprā r̥ṣayo nr̥cakṣaso ví pibadʰvaṃ kuśikāḥ somyám mádʰu //
   devébʰir viprā r̥ṣayo nr̥cakṣaso
   devébʰiḥ viprāḥ r̥ṣayaḥ nr̥cakṣasaḥ
   devébʰir viprā r̥ṣayo nr̥cakṣaso

Halfverse: d    ví pibadʰvaṃ kuśikāḥ somyám mádʰu //
   ví pibadʰvam kuśikāḥ somyám mádʰu //
   ví pibadʰvaṃ kuśikāḥ somiyám mádʰu //


Verse: 11 
Halfverse: a    úpa préta kuśikāś cetáyadʰvam áśvaṃ rāyé prá muñcatā sudā́saḥ /
   úpa préta kuśikāś cetáyadʰvam
   úpa prá ita kuśikāḥ cetáyadʰvam
   úpa préta kuśikāś cetáyadʰvam

Halfverse: b    áśvaṃ rāyé prá muñcatā sudā́saḥ /
   áśvam rāyé prá muñcata+ sudā́saḥ /
   áśvaṃ rāyé prá muñcatā sudā́saḥ /

Halfverse: c    rā́jā vr̥tráṃ jaṅgʰanat prā́g ápāg údag átʰā yajāte vára ā́ pr̥tʰivyā́ḥ //
   rā́jā vr̥tráṃ jaṅgʰanat prā́g ápāg údag
   rā́jā vr̥trám jaṅgʰanat prā́k ápāk údak
   rā́jā vr̥tráṃ jaṅgʰanat prā́g ápāg údag

Halfverse: d    átʰā yajāte vára ā́ pr̥tʰivyā́ḥ //
   átʰa+ yajāte váre ā́ pr̥tʰivyā́ḥ //
   átʰā yajāte vára ā́ pr̥tʰivyā́ḥ //


Verse: 12 
Halfverse: a    yá imé ródasī ubʰé ahám índram átuṣṭavam /
   yá imé ródasī ubʰé
   yáḥ imé ródasī ubʰé
   yá imé ródasī ubʰé

Halfverse: b    ahám índram átuṣṭavam /
   ahám índram átuṣṭavam /
   ahám índram átuṣṭavam /

Halfverse: c    viśvā́mitrasya rakṣati bráhmedám bʰā́rataṃ jánam //
   viśvā́mitrasya rakṣati
   viśvā́mitrasya rakṣati
   viśvā́mitrasya rakṣati

Halfverse: d    bráhmedám bʰā́rataṃ jánam //
   bráhma idám bʰā́ratam jánam //
   bráhmedám bʰā́rataṃ jánam //


Verse: 13 
Halfverse: a    viśvā́mitrā arāsata bráhméndrāya vajríṇe /
   viśvā́mitrā arāsata
   viśvā́mitrāḥ arāsata
   viśvā́mitrā arāsata

Halfverse: b    bráhméndrāya vajríṇe /
   bráhma índrāya vajríṇe /
   bráhma índrāya vajríṇe /

Halfverse: c    kárad ín naḥ surā́dʰasaḥ //
   kárad ín naḥ surā́dʰasaḥ //
   kárat ít naḥ surā́dʰasaḥ //
   kárad ín naḥ surā́dʰasaḥ //


Verse: 14 
Halfverse: a    kíṃ te kr̥ṇvanti kī́kaṭeṣu gā́vo nā́śíraṃ duhré ná tapanti gʰarmám /
   kíṃ te kr̥ṇvanti kī́kaṭeṣu gā́vo
   kím te kr̥ṇvanti kī́kaṭeṣu gā́vaḥ
   kíṃ te kr̥ṇvanti kī́kaṭeṣu gā́vo

Halfverse: b    nā́śíraṃ duhré ná tapanti gʰarmám /
   ná āśíram duhré ná tapanti gʰarmám /
   nā́śíraṃ duhré ná tapanti gʰarmám /

Halfverse: c    ā́ no bʰara prámagandasya védo naicāśākʰám magʰavan randʰayā naḥ //
   ā́ no bʰara prámagandasya védo
   ā́ naḥ bʰara prámagandasya védaḥ
   ā́ no bʰara prámagandasya védo

Halfverse: d    naicāśākʰám magʰavan randʰayā naḥ //
   naicāśākʰám magʰavan randʰaya+ naḥ //
   naicāśākʰám magʰavan randʰayā naḥ //


Verse: 15 
Halfverse: a    sasarparī́r ámatim bā́dʰamānā br̥hán mimāya jamádagnidattā /
   sasarparī́r ámatim bā́dʰamānā
   sasarparī́ḥ ámatim bā́dʰamānā
   sasarparī́r ámatim bā́dʰamānā

Halfverse: b    br̥hán mimāya jamádagnidattā /
   br̥hát mimāya jamádagnidattā /
   br̥hán mimāya jamádagnidattā /

Halfverse: c    ā́ sū́ryasya duhitā́ tatāna śrávo devéṣv amŕ̥tam ajuryám //
   ā́ sū́ryasya duhitā́ tatāna
   ā́ sū́ryasya duhitā́ tatāna
   ā́ sū́riyasya duhitā́ tatāna

Halfverse: d    śrávo devéṣv amŕ̥tam ajuryám //
   śrávaḥ devéṣu amŕ̥tam ajuryám //
   śrávo devéṣu amŕ̥tam ajuryám //


Verse: 16 
Halfverse: a    sasarparī́r abʰarat tū́yam ebʰyó 'dʰi śrávaḥ pā́ñcajanyāsu kr̥ṣṭíṣu /
   sasarparī́r abʰarat tū́yam ebʰyó
   sasarparī́ḥ abʰarat tū́yam ebʰyaḥ
   sasarparī́r abʰarat tū́yam ebʰyo

Halfverse: b    'dʰi śrávaḥ pā́ñcajanyāsu kr̥ṣṭíṣu /
   ádʰi śrávaḥ pā́ñcajanyāsu kr̥ṣṭíṣu /
   ádʰi śrávaḥ pā́ñcajanyāsu kr̥ṣṭíṣu /

Halfverse: c    sā́ pakṣyā̀ návyam ā́yur dádʰānā yā́m me palastijamadagnáyo dadúḥ //
   sā́ pakṣyā̀ návyam ā́yur dádʰānā
   sā́ pakṣyā̀ návyam ā́yuḥ dádʰānā
   sā́ pakṣíyā návyam ā́yur dádʰānā

Halfverse: d    yā́m me palastijamadagnáyo dadúḥ //
   yā́m me palastijamadagnáyaḥ dadúḥ //
   yā́m me palastijamadagnáyo dadúḥ //


Verse: 17 
Halfverse: a    stʰiraú gā́vau bʰavatāṃ vīḷúr ákṣo méṣā́ ví varhi mā́ yugáṃ ví śāri /
   stʰiraú gā́vau bʰavatāṃ vīḷúr ákṣo
   stʰiraú gā́vau bʰavatām vīḷúḥ ákṣaḥ
   stʰiraú gā́vau bʰavatāṃ vīḷúr ákṣo

Halfverse: b    méṣā́ ví varhi mā́ yugáṃ ví śāri /
   mā́ īṣā́ ví varhi mā́ yugám ví śāri /
   méṣā́ ví varhi mā́ yugáṃ ví śāri /

Halfverse: c    índraḥ pātalyè dadatāṃ śárītor áriṣṭaneme abʰí naḥ sacasva //
   índraḥ pātalyè dadatāṃ śárītor
   índraḥ pātalyè dadatām śárītoḥ
   índraḥ pātalyè dadatāṃ śárītor

Halfverse: d    áriṣṭaneme abʰí naḥ sacasva //
   áriṣṭaneme abʰí naḥ sacasva //
   áriṣṭaneme abʰí naḥ sacasva //


Verse: 18 
Halfverse: a    bálaṃ dʰehi tanū́ṣu no bálam indrānaḷútsu naḥ /
   bálaṃ dʰehi tanū́ṣu no
   bálam dʰehi tanū́ṣu naḥ
   bálaṃ dʰehi tanū́ṣu no

Halfverse: b    bálam indrānaḷútsu naḥ /
   bálam indra anaḷútsu naḥ /
   bálam indrānaḷútsu naḥ /

Halfverse: c    bálaṃ tokā́ya tánayāya jīváse tváṃ hí baladā́ ási //
   bálaṃ tokā́ya tánayāya jīváse
   bálam tokā́ya tánayāya jīváse
   bálaṃ tokā́ya tánayāya jīváse

Halfverse: d    tváṃ hí baladā́ ási //
   tvám hí baladā́ḥ ási //
   tuváṃ hí baladā́ ási //


Verse: 19 
Halfverse: a    abʰí vyayasva kʰadirásya sā́ram ójo dʰehi spandané śiṃśápāyām /
   abʰí vyayasva kʰadirásya sā́ram
   abʰí vyayasva kʰadirásya sā́ram
   abʰí vyayasva kʰadirásya sā́ram

Halfverse: b    ójo dʰehi spandané śiṃśápāyām /
   ójaḥ dʰehi spandané śiṃśápāyām /
   ójo dʰehi spandané śiṃśápāyām /

Halfverse: c    ákṣa vīḷo vīḷita vīḷáyasva mā́ yā́mād asmā́d áva jīhipo naḥ //
   ákṣa vīḷo vīḷita vīḷáyasva
   ákṣa vīḷo vīḷita vīḷáyasva
   ákṣa vīḷo vīḷita vīḷáyasva

Halfverse: d    mā́ yā́mād asmā́d áva jīhipo naḥ //
   mā́ yā́māt asmā́t áva jīhipaḥ naḥ //
   mā́ yā́mād asmā́d áva jīhipo naḥ //


Verse: 20 
Halfverse: a    ayám asmā́n vánaspátir mā́ ca hā́ mā́ ca rīriṣat /
   ayám asmā́n vánaspátir
   ayám asmā́n vánaspátiḥ
   ayám asmā́n vánaspátir

Halfverse: b    mā́ ca hā́ mā́ ca rīriṣat /
   mā́ ca hā́ḥ mā́ ca rīriṣat /
   mā́ ca hā́ mā́ ca rīriṣat /

Halfverse: c    svasty ā́ gr̥hébʰya ā́vasā́ ā́ vimócanāt //
   svasty ā́ gr̥hébʰya ā́_
   svastí ā́ gr̥hébʰyaḥ ā́
   suastí ā́ gr̥hébʰya ā́

Halfverse: d    _avasā́ ā́ vimócanāt //
   avasaí ā́ vimócanāt //
   ávasā ā́ vimócanāt //


Verse: 21 
Halfverse: a    índrotíbʰir bahulā́bʰir no adyá yāccʰreṣṭʰā́bʰir magʰavañ cʰūra jinva /
   índrotíbʰir bahulā́bʰir no adyá
   índra ūtíbʰiḥ bahulā́bʰiḥ naḥ adyá
   índrotíbʰir bahulā́bʰir no adyá

Halfverse: b    yāccʰreṣṭʰā́bʰir magʰavañ cʰūra jinva /
   yāccʰreṣṭʰā́bʰiḥ magʰavan śūra jinva /
   yāccʰreṣṭʰā́bʰir magʰavañ cʰūra jinva /

Halfverse: c    yó no dvéṣṭy ádʰaraḥ sás padīṣṭa yám u dviṣmás tám u prāṇó jahātu //
   yó no dvéṣṭy ádʰaraḥ sás padīṣṭa
   yáḥ naḥ dvéṣṭi ádʰaraḥ sáḥ padīṣṭa
   yó no dvéṣṭi ádʰaraḥ sás padīṣṭa

Halfverse: d    yám u dviṣmás tám u prāṇó jahātu //
   yám u dviṣmáḥ tám u prāṇáḥ jahātu //
   yám u dviṣmás tám u prāṇó jahātu //


Verse: 22 
Halfverse: a    paraśúṃ cid ví tapati śimbaláṃ cid ví vr̥ścati /
   paraśúṃ cid ví tapati
   paraśúm cit ví tapati
   paraśúṃ cid ví tapati

Halfverse: b    śimbaláṃ cid ví vr̥ścati /
   śimbalám cit ví vr̥ścati /
   śimbaláṃ cid ví vr̥ścati /

Halfverse: c    ukʰā́ cid indra yéṣantī práyastā pʰénam asyati //
   ukʰā́ cid indra yéṣantī
   ukʰā́ cit indra yéṣantī
   ukʰā́ cid indra yéṣantī

Halfverse: d    práyastā pʰénam asyati //
   práyastā pʰénam asyati //
   práyastā pʰénam asyati //


Verse: 23 
Halfverse: a    ná sā́yakasya cikite janāso lodʰáṃ nayanti páśu mányamānāḥ /
   ná sā́yakasya cikite janāso
   ná sā́yakasya cikite janāsaḥ
   ná sā́yakasya cikite janāso

Halfverse: b    lodʰáṃ nayanti páśu mányamānāḥ /
   lodʰám nayanti páśu mányamānāḥ /
   lodʰáṃ nayanti páśu mányamānāḥ /

Halfverse: c    nā́vājinaṃ vājínā hāsayanti ná gardabʰám puró áśvān nayanti //
   nā́vājinaṃ vājínā hāsayanti
   ná ávājinam vājínā hāsayanti
   nā́vājinaṃ vājínā hāsayanti

Halfverse: d    ná gardabʰám puró áśvān nayanti //
   ná gardabʰám puráḥ áśvāt nayanti //
   ná gardabʰám puró áśvān nayanti //


Verse: 24 
Halfverse: a    imá indra bʰaratásya putrā́ apapitváṃ cikitur ná prapitvám /
   imá indra bʰaratásya putrā́
   imé indra bʰaratásya putrā́ḥ
   imá indara bʰaratásya putrā́

Halfverse: b    apapitváṃ cikitur ná prapitvám /
   apapitvám cikituḥ ná prapitvám /
   apapitváṃ cikitur ná prapitvám /

Halfverse: c    hinvánty áśvam áraṇaṃ ná nítyaṃ jyā̀vājam pári ṇayanty ājaú //
   hinvánty áśvam áraṇaṃ ná nítyaṃ
   hinvánti áśvam áraṇam ná nítyam
   hinvánti áśvam áraṇaṃ ná nítyaṃ

Halfverse: d    jyā̀vājam pári ṇayanty ājaú //
   jyā̀vājam pári nayanti ājaú //
   jíyāvājam pári ṇayanti ājaú //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.