TITUS
Rg-Veda: Rg-Veda-Samhita
Part No. 285
Previous part

Hymn: 51_(285) 
Verse: 1 
Halfverse: a    carṣaṇīdʰŕ̥tam magʰávānam uktʰyàm índraṃ gíro br̥hatī́r abʰy ànūṣata /
   carṣaṇīdʰŕ̥tam magʰávānam uktʰyàm
   carṣaṇīdʰŕ̥tam magʰávānam uktʰyàm
   carṣaṇīdʰŕ̥tam magʰávānam uktʰíyam

Halfverse: b    índraṃ gíro br̥hatī́r abʰy ànūṣata /
   índram gíraḥ br̥hatī́ḥ abʰí anūṣata /
   índraṃ gíro br̥hatī́r abʰy ànūṣata /

Halfverse: c    vāvr̥dʰānám puruhūtáṃ suvr̥ktíbʰir ámartyaṃ járamāṇaṃ divé-dive //
   vāvr̥dʰānám puruhūtáṃ suvr̥ktíbʰir
   vāvr̥dʰānám puruhūtám suvr̥ktíbʰiḥ
   vāvr̥dʰānám puruhūtáṃ suvr̥ktíbʰir

Halfverse: d    ámartyaṃ járamāṇaṃ divé-dive //
   ámartyam járamāṇam divé-dive //
   ámartiyaṃ járamāṇaṃ divé-dive //


Verse: 2 
Halfverse: a    śatákratum arṇaváṃ śākínaṃ náraṃ gíro ma índram úpa yanti viśvátaḥ /
   śatákratum arṇaváṃ śākínaṃ náraṃ
   śatákratum arṇavám śākínam náram
   śatákratum arṇaváṃ śākínaṃ náraṃ

Halfverse: b    gíro ma índram úpa yanti viśvátaḥ /
   gíraḥ me índram úpa yanti viśvátaḥ /
   gíro ma índram úpa yanti viśvátaḥ /

Halfverse: c    vājasánim pūrbʰídaṃ tū́rṇim aptúraṃ dʰāmasā́cam abʰiṣā́caṃ svarvídam //
   vājasánim pūrbʰídaṃ tū́rṇim aptúraṃ
   vājasánim pūrbʰídam tū́rṇim aptúram
   vājasánim pūrbʰídaṃ tū́rṇim aptúraṃ

Halfverse: d    dʰāmasā́cam abʰiṣā́caṃ svarvídam //
   dʰāmasā́cam abʰiṣā́cam svarvídam //
   dʰāmasā́cam abʰiṣā́caṃ suvarvídam //


Verse: 3 
Halfverse: a    ākaré vásor jaritā́ panasyate 'nehása stúbʰa índro duvasyati /
   ākaré vásor jaritā́ panasyate
   ākaré vásoḥ jaritā́ panasyate
   ākaré vásor jaritā́ panasyate

Halfverse: b    'nehása stúbʰa índro duvasyati /
   anehásaḥ stúbʰaḥ índraḥ duvasyati /
   anehása stúbʰa índro duvasyati /

Halfverse: c    vivásvataḥ sádana ā́ hí pipriyé satrāsā́ham abʰimātihánaṃ stuhi //
   vivásvataḥ sádana ā́ hí pipriyé
   vivásvataḥ sádane ā́ hí pipriyé
   vivásvataḥ sádana ā́ hí pipriyé

Halfverse: d    satrāsā́ham abʰimātihánaṃ stuhi //
   satrāsā́ham abʰimātihánam stuhi //
   satrāsā́ham abʰimātihánaṃ stuhi //


Verse: 4 
Halfverse: a    nr̥ṇā́m u tvā nŕ̥tamaṃ gīrbʰír uktʰaír abʰí prá vīrám arcatā sabā́dʰaḥ /
   nr̥ṇā́m u tvā nŕ̥tamaṃ gīrbʰír uktʰaír
   nr̥ṇā́m u tvā nŕ̥tamam gīrbʰíḥ uktʰaíḥ
   nr̥̄ṇā́m u tvā nŕ̥tamaṃ gīrbʰír uktʰaír

Halfverse: b    abʰí prá vīrám arcatā sabā́dʰaḥ /
   abʰí prá vīrám arcata+ sabā́dʰaḥ /
   abʰí prá vīrám arcatā sabā́dʰaḥ /

Halfverse: c    sáṃ sáhase purumāyó jihīte námo asya pradíva éka īśe //
   sáṃ sáhase purumāyó jihīte
   sám sáhase purumāyáḥ jihīte
   sáṃ sáhase purumāyó jihīte

Halfverse: d    námo asya pradíva éka īśe //
   námaḥ asya pradívaḥ ékaḥ īśe //
   námo asya pradíva éka īśe //


Verse: 5 
Halfverse: a    pūrvī́r asya niṣṣídʰo mártyeṣu purū́ vásūni pr̥tʰivī́ bibʰarti /
   pūrvī́r asya niṣṣídʰo mártyeṣu
   pūrvī́ḥ asya niṣṣídʰaḥ mártyeṣu
   pūrvī́r asya niṣṣídʰo mártiyeṣu

Halfverse: b    purū́ vásūni pr̥tʰivī́ bibʰarti /
   purú+ vásūni pr̥tʰivī́ bibʰarti /
   purū́ vásūni pr̥tʰivī́ bibʰarti /

Halfverse: c    índrāya dyā́va óṣadʰīr utā́po rayíṃ rakṣanti jīráyo vánāni //
   índrāya dyā́va óṣadʰīr utā́po
   índrāya dyā́vaḥ óṣadʰīḥ utá ā́paḥ
   índrāya dyā́va óṣadʰīr utā́po

Halfverse: d    rayíṃ rakṣanti jīráyo vánāni //
   rayím rakṣanti jīráyaḥ vánāni //
   rayíṃ rakṣanti jīráyo vánāni //


Verse: 6 
Halfverse: a    túbʰyam bráhmāṇi gíra indra túbʰyaṃ satrā́ dadʰire harivo juṣásva /
   túbʰyam bráhmāṇi gíra indra túbʰyaṃ
   túbʰyam bráhmāṇi gíraḥ indra túbʰyam
   túbʰyam bráhmāṇi gíra indra túbʰyaṃ

Halfverse: b    satrā́ dadʰire harivo juṣásva /
   satrā́ dadʰire harivaḥ juṣásva /
   satrā́ dadʰire harivo juṣásva /

Halfverse: c    bodʰy ā̀pír ávaso nū́tanasya sákʰe vaso jaritŕ̥bʰyo váyo dʰāḥ //
   bodʰy ā̀pír ávaso nū́tanasya
   bodʰí āpíḥ ávasaḥ nū́tanasya
   bodʰí āpír ávaso nū́tanasya

Halfverse: d    sákʰe vaso jaritŕ̥bʰyo váyo dʰāḥ //
   sákʰe vaso jaritŕ̥bʰyaḥ váyaḥ dʰāḥ //
   sákʰe vaso jaritŕ̥bʰyo váyo dʰāḥ //


Verse: 7 
Halfverse: a    índra marutva ihá pāhi sómaṃ yátʰā śāryāté ápibaḥ sutásya /
   índra marutva ihá pāhi sómaṃ
   índra marutvaḥ ihá pāhi sómam
   índra marutva ihá pāhi sómaṃ

Halfverse: b    yátʰā śāryāté ápibaḥ sutásya /
   yátʰā śāryāté ápibaḥ sutásya /
   yátʰā śāryāté ápibaḥ sutásya /

Halfverse: c    táva práṇītī táva śūra śármann ā́ vivāsanti kaváyaḥ suyajñā́ḥ //
   táva práṇītī táva śūra śármann
   táva práṇītī táva śūra śárman
   táva práṇītī táva śūra śármann

Halfverse: d    ā́ vivāsanti kaváyaḥ suyajñā́ḥ //
   ā́ vivāsanti kaváyaḥ suyajñā́ḥ //
   ā́ vivāsanti kaváyaḥ suyajñā́ḥ //


Verse: 8 
Halfverse: a    sá vāvaśāná ihá pāhi sómam marúdbʰir indra sákʰibʰiḥ sutáṃ naḥ /
   sá vāvaśāná ihá pāhi sómam
   sá vāvaśānáḥ ihá pāhi sómam
   sá vāvaśāná ihá pāhi sómam

Halfverse: b    marúdbʰir indra sákʰibʰiḥ sutáṃ naḥ /
   marúdbʰiḥ indra sákʰibʰiḥ sutám naḥ /
   marúdbʰir indra sákʰibʰiḥ sutáṃ naḥ /

Halfverse: c    jātáṃ yát tvā pári devā́ ábʰūṣan mahé bʰárāya puruhūta víśve //
   jātáṃ yát tvā pári devā́ ábʰūṣan
   jātám yát tvā pári devā́ḥ ábʰūṣan
   jātáṃ yát tvā pári devā́ ábʰūṣan

Halfverse: d    mahé bʰárāya puruhūta víśve //
   mahé bʰárāya puruhūta víśve //
   mahé bʰárāya puruhūta víśve //


Verse: 9 
Halfverse: a    aptū́rye maruta āpír eṣó 'mandann índram ánu dā́tivārāḥ /
   aptū́rye maruta āpír eṣó
   aptū́rye marutaḥ āpíḥ eṣáḥ
   aptū́riye maruta āpír eṣó

Halfverse: b    'mandann índram ánu dā́tivārāḥ /
   ámandan índram ánu dā́tivārāḥ /
   ámandann índram ánu dā́tivārāḥ /

Halfverse: c    tébʰiḥ sākám pibatu vr̥trakʰādáḥ sutáṃ sómaṃ dāśúṣaḥ své sadʰástʰe //
   tébʰiḥ sākám pibatu vr̥trakʰādáḥ
   tébʰiḥ sākám pibatu vr̥trakʰādáḥ
   tébʰiḥ sākám pibatu vr̥trakʰādáḥ

Halfverse: d    sutáṃ sómaṃ dāśúṣaḥ své sadʰástʰe //
   sutám sómam dāśúṣaḥ své sadʰástʰe //
   sutáṃ sómaṃ dāśúṣaḥ své sadʰástʰe //


Verse: 10 
Halfverse: a    idáṃ hy ánv ójasā sutáṃ rādʰānām pate /
   idáṃ hy ánv ójasā
   idám hí ánu ójasā
   idáṃ hí ánu ójasā

Halfverse: b    sutáṃ rādʰānām pate /
   sutám rādʰānām pate /
   sutáṃ rādʰānãam pate /

Halfverse: c    píbā tv àsyá girvaṇaḥ //
   píbā tv àsyá girvaṇaḥ //
   píba+ tú asyá girvaṇaḥ //
   píbā tú asyá girvaṇaḥ //


Verse: 11 
Halfverse: a    yás te ánu svadʰā́m ásat suté ní yacʰa tanvàm /
   yás te ánu svadʰā́m ásat
   yáḥ te ánu svadʰā́m ásat
   yás te ánu svadʰā́m ásat

Halfverse: b    suté ní yacʰa tanvàm /
   suté ní yacʰa tanvàm /
   suté ní yacʰa tanúvam /

Halfverse: c    sá tvā mamattu somyám //
   sá tvā mamattu somyám //
   sá tvā mamattu somyám //
   sá tvā mamattu somiyám //


Verse: 12 
Halfverse: a    prá te aśnotu kukṣyóḥ préndra bráhmaṇā śíraḥ /
   prá te aśnotu kukṣyóḥ
   prá te aśnotu kukṣyóḥ
   prá te aśnotu kukṣiyóḥ

Halfverse: b    préndra bráhmaṇā śíraḥ /
   prá indra bráhmaṇā śíraḥ /
   prá indra bráhmaṇā śíraḥ /

Halfverse: c    prá bāhū́ śūra rā́dʰase //
   prá bāhū́ śūra rā́dʰase //
   prá bāhū́ śūra rā́dʰase //
   prá bāhū́ śūra rā́dʰase //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.