TITUS
Rg-Veda: Rg-Veda-Samhita
Part No. 284
Previous part

Hymn: 50_(284) 
Verse: 1 
Halfverse: a    índraḥ svā́hā pibatu yásya sóma āgátyā túmro vr̥ṣabʰó marútvān /
   índraḥ svā́hā pibatu yásya sóma
   índraḥ svā́hā pibatu yásya sómaḥ
   índraḥ svā́hā pibatu yásya sóma

Halfverse: b    āgátyā túmro vr̥ṣabʰó marútvān /
   āgátya+ túmraḥ vr̥ṣabʰáḥ marútvān /
   āgátyā túmro vr̥ṣabʰó marútvān /

Halfverse: c    óruvyácāḥ pr̥ṇatām ebʰír ánnair ā́sya havís tanvàḥ kā́mam r̥dʰyāḥ //
   óruvyácāḥ pr̥ṇatām ebʰír ánnair
   ā́ uruvyácāḥ pr̥ṇatām ebʰíḥ ánnaiḥ
   óruvyácāḥ pr̥ṇatām ebʰír ánnair

Halfverse: d    ā́sya havís tanvàḥ kā́mam r̥dʰyāḥ //
   ā́ asya havíḥ tanvàḥ kā́mam r̥dʰyāḥ //
   ā́sya havís tanúvaḥ kā́mam r̥dʰyāḥ //


Verse: 2 
Halfverse: a    ā́ te saparyū́ javáse yunajmi yáyor ánu pradívaḥ śruṣṭím ā́vaḥ /
   ā́ te saparyū́ javáse yunajmi
   ā́ te saparyū́ javáse yunajmi
   ā́ te saparyū́ javáse yunajmi

Halfverse: b    yáyor ánu pradívaḥ śruṣṭím ā́vaḥ /
   yáyoḥ ánu pradívaḥ śruṣṭím ā́vaḥ /
   yáyor ánu pradívaḥ śruṣṭím ā́vaḥ /

Halfverse: c    ihá tvā dʰeyur hárayaḥ suśipra píbā tv àsyá súṣutasya cā́roḥ //
   ihá tvā dʰeyur hárayaḥ suśipra
   ihá tvā dʰeyuḥ hárayaḥ suśipra
   ihá tvā dʰeyur hárayaḥ suśipra

Halfverse: d    píbā tv àsyá súṣutasya cā́roḥ //
   píba+ tú asyá súṣutasya cā́roḥ //
   píbā tú asyá súṣutasya cā́roḥ //


Verse: 3 
Halfverse: a    góbʰir mimikṣúṃ dadʰire supārám índraṃ jyaíṣṭʰyāya dʰā́yase gr̥ṇānā́ḥ /
   góbʰir mimikṣúṃ dadʰire supārám
   góbʰiḥ mimikṣúm dadʰire supārám
   góbʰir mimikṣúṃ dadʰire supārám

Halfverse: b    índraṃ jyaíṣṭʰyāya dʰā́yase gr̥ṇānā́ḥ /
   índram jyaíṣṭʰyāya dʰā́yase gr̥ṇānā́ḥ /
   índraṃ jyaíṣṭʰyāya dʰā́yase gr̥ṇānā́ḥ /

Halfverse: c    mandānáḥ sómam papivā́m̐ r̥jīṣin sám asmábʰyam purudʰā́ gā́ iṣaṇya //
   mandānáḥ sómam papivā́m̐ r̥jīṣin
   mandānáḥ sómam papivā́n r̥jīṣin
   mandānáḥ sómam papivā́m̐ r̥jīṣin

Halfverse: d    sám asmábʰyam purudʰā́ gā́ iṣaṇya //
   sám asmábʰyam purudʰā́ gā́ḥ iṣaṇya //
   sám asmábʰyam purudʰā́ gā́ iṣaṇya //


Verse: 4 
Halfverse: a    imáṃ kā́mam mandayā góbʰir áśvaiś candrávatā rā́dʰasā paprátʰaś ca /
   imáṃ kā́mam mandayā góbʰir áśvaiś
   imám kā́mam mandaya+ góbʰiḥ áśvaiḥ
   imáṃ kā́mam mandayā góbʰir áśvaiś

Halfverse: b    candrávatā rā́dʰasā paprátʰaś ca /
   candrávatā rā́dʰasā paprátʰaḥ ca /
   candrávatā rā́dʰasā paprátʰaś ca /

Halfverse: c    svaryávo matíbʰis túbʰyaṃ víprā índrāya vā́haḥ kuśikā́so akran //
   svaryávo matíbʰis túbʰyaṃ víprā
   svaryávaḥ matíbʰiḥ túbʰyam víprāḥ
   suvaryávo matíbʰis túbʰya ՙ víprā

Halfverse: d    índrāya vā́haḥ kuśikā́so akran //
   índrāya vā́haḥ kuśikā́saḥ akran //
   índrāya vā́haḥ kuśikā́so akran //


Verse: 5 
Halfverse: a    śunáṃ huvema magʰávānam índram asmín bʰáre nŕ̥tamaṃ vā́jasātau /
   śunáṃ huvema magʰávānam índram
   śunám huvema magʰávānam índram
   śunáṃ huvema magʰávānam índram

Halfverse: b    asmín bʰáre nŕ̥tamaṃ vā́jasātau /
   asmín bʰáre nŕ̥tamam vā́jasātau /
   asmín bʰáre nŕ̥tamaṃ vā́jasātau /

Halfverse: c    śr̥ṇvántam ugrám ūtáye samátsu gʰnántaṃ vr̥trā́ṇi saṃjítaṃ dʰánānām //
   śr̥ṇvántam ugrám ūtáye samátsu
   śr̥ṇvántam ugrám ūtáye samátsu
   śr̥ṇvántam ugrám ūtáye samátsu

Halfverse: d    gʰnántaṃ vr̥trā́ṇi saṃjítaṃ dʰánānām //
   gʰnántam vr̥trā́ṇi saṃjítam dʰánānām //
   gʰnántaṃ vr̥trā́ṇi saṃjítaṃ dʰánānām //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.