TITUS
Rg-Veda: Rg-Veda-Samhita
Part No. 283
Previous part

Hymn: 49_(283) 
Verse: 1 
Halfverse: a    śáṃsā mahā́m índraṃ yásmin víśvā ā́ kr̥ṣṭáyaḥ somapā́ḥ kā́mam ávyan /
   śáṃsā mahā́m índraṃ yásmin víśvā
   śáṃsa+ mahā́m índram yásmin víśvāḥ
   śáṃsā mahā́m índaraṃ yásmi ՙ víśvā

Halfverse: b    ā́ kr̥ṣṭáyaḥ somapā́ḥ kā́mam ávyan /
   ā́ kr̥ṣṭáyaḥ somapā́ḥ kā́mam ávyan /
   ā́ kr̥ṣṭáyaḥ somapā́ḥ kā́mam ávyan /

Halfverse: c    yáṃ sukrátuṃ dʰiṣáṇe vibʰvataṣṭáṃ gʰanáṃ vr̥trā́ṇāṃ janáyanta devā́ḥ //
   yáṃ sukrátuṃ dʰiṣáṇe vibʰvataṣṭáṃ
   yám sukrátum dʰiṣáṇe vibʰvataṣṭám
   yáṃ sukrátuṃ dʰiṣáṇe vibʰvataṣṭáṃ

Halfverse: d    gʰanáṃ vr̥trā́ṇāṃ janáyanta devā́ḥ //
   gʰanám vr̥trā́ṇām janáyanta devā́ḥ //
   gʰanáṃ vr̥trā́ṇāṃ janáyanta devā́ḥ //


Verse: 2 
Halfverse: a    yáṃ nú nákiḥ pŕ̥tanāsu svarā́jaṃ dvitā́ tárati nŕ̥tamaṃ hariṣṭʰā́m /
   yáṃ nú nákiḥ pŕ̥tanāsu svarā́jaṃ
   yám nú nákiḥ pŕ̥tanāsu svarā́jam
   yáṃ nú nákiḥ pŕ̥tanāsu svarā́jaṃ

Halfverse: b    dvitā́ tárati nŕ̥tamaṃ hariṣṭʰā́m /
   dvitā́ tárati nŕ̥tamam hariṣṭʰā́m /
   dvitā́ tárati nŕ̥tamaṃ hariṣṭʰā́m /

Halfverse: c    inátamaḥ sátvabʰir yó ha śūṣaíḥ pr̥tʰujráyā aminād ā́yur dásyoḥ //
   inátamaḥ sátvabʰir yó ha śūṣaíḥ
   inátamaḥ sátvabʰiḥ yáḥ ha śūṣaíḥ
   inátamaḥ sátvabʰir yó ha śūṣaíḥ

Halfverse: d    pr̥tʰujráyā aminād ā́yur dásyoḥ //
   pr̥tʰujráyāḥ amināt ā́yuḥ dásyoḥ //
   pr̥tʰujráyā aminād ā́yu ՙ dásyoḥ //


Verse: 3 
Halfverse: a    sahā́vā pr̥tsú taráṇir nā́rvā vyānaśī́ ródasī mehánāvān /
   sahā́vā pr̥tsú taráṇir nā́rvā
   sahā́vā pr̥tsú taráṇiḥ ná árvā
   sahā́vā pr̥tsú taráṇir ná árvā

Halfverse: b    vyānaśī́ ródasī mehánāvān /
   vyānaśíḥ ródasī mehánāvān /
   viānaśī́ ródasī mehánāvān /

Halfverse: c    bʰágo ná kāré hávyo matīnā́m pitéva cā́ruḥ suhávo vayodʰā́ḥ //
   bʰágo ná kāré hávyo matīnā́m
   bʰágaḥ ná kāré hávyaḥ matīnā́m
   bʰágo ná kāré háviyo matīnā́m

Halfverse: d    pitéva cā́ruḥ suhávo vayodʰā́ḥ //
   pitā́ iva cā́ruḥ suhávaḥ vayodʰā́ḥ //
   pitéva cā́ruḥ suhávo vayodʰā́ḥ //


Verse: 4 
Halfverse: a    dʰartā́ divó rájasas pr̥ṣṭá ūrdʰvó rátʰo ná vāyúr vásubʰir niyútvān /
   dʰartā́ divó rájasas pr̥ṣṭá ūrdʰvó
   dʰartā́ diváḥ rájasaḥ pr̥ṣṭáḥ ūrdʰváḥ
   dʰartā́ divó rájasas pr̥ṣṭá ūrdʰvó

Halfverse: b    rátʰo ná vāyúr vásubʰir niyútvān /
   rátʰaḥ ná vāyúḥ vásubʰiḥ niyútvān /
   rátʰo ná vāyúr vásubʰir niyútvān /

Halfverse: c    kṣapā́ṃ vastā́ janitā́ sū́ryasya víbʰaktā bʰāgáṃ dʰiṣáṇeva vā́jam //
   kṣapā́ṃ vastā́ janitā́ sū́ryasya
   kṣapā́m vastā́ janitā́ sū́ryasya
   kṣapā́ṃ vastā́ janitā́ sū́riyasya

Halfverse: d    víbʰaktā bʰāgáṃ dʰiṣáṇeva vā́jam //
   víbʰaktā bʰāgám dʰiṣáṇā iva vā́jam //
   víbʰaktā bʰāgáṃ dʰiṣáṇeva vā́jam //


Verse: 5 
Halfverse: a    śunáṃ huvema magʰávānam índram asmín bʰáre nŕ̥tamaṃ vā́jasātau /
   śunáṃ huvema magʰávānam índram
   śunám huvema magʰávānam índram
   śunáṃ huvema magʰávānam índram

Halfverse: b    asmín bʰáre nŕ̥tamaṃ vā́jasātau /
   asmín bʰáre nŕ̥tamam vā́jasātau /
   asmín bʰáre nŕ̥tamaṃ vā́jasātau /

Halfverse: c    śr̥ṇvántam ugrám ūtáye samátsu gʰnántaṃ vr̥trā́ṇi saṃjítaṃ dʰánānām //
   śr̥ṇvántam ugrám ūtáye samátsu
   śr̥ṇvántam ugrám ūtáye samátsu
   śr̥ṇvántam ugrám ūtáye samátsu

Halfverse: d    gʰnántaṃ vr̥trā́ṇi saṃjítaṃ dʰánānām //
   gʰnántam vr̥trā́ṇi saṃjítam dʰánānām //
   gʰnántaṃ vr̥trā́ṇi saṃjítaṃ dʰánānām //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.