TITUS
Rg-Veda: Rg-Veda-Samhita
Part No. 282
Previous part

Hymn: 48_(282) 
Verse: 1 
Halfverse: a    sadyó ha jātó vr̥ṣabʰáḥ kanī́naḥ prábʰartum āvad ándʰasaḥ sutásya /
   sadyó ha jātó vr̥ṣabʰáḥ kanī́naḥ
   sadyáḥ ha jātáḥ vr̥ṣabʰáḥ kanī́naḥ
   sadyó ha jātó vr̥ṣabʰáḥ kanī́naḥ

Halfverse: b    prábʰartum āvad ándʰasaḥ sutásya /
   prábʰartum āvat ándʰasaḥ sutásya /
   prábʰartum āvad ándʰasaḥ sutásya /

Halfverse: c    sādʰóḥ piba pratikāmáṃ yátʰā te rásāśiraḥ pratʰamáṃ somyásya //
   sādʰóḥ piba pratikāmáṃ yátʰā te
   sādʰóḥ piba pratikāmám yátʰā te
   sādʰóḥ piba pratikāmáṃ yátʰā te

Halfverse: d    rásāśiraḥ pratʰamáṃ somyásya //
   rásāśiraḥ pratʰamám somyásya //
   rásāśiraḥ pratʰamáṃ somiyásya //


Verse: 2 
Halfverse: a    yáj jā́yatʰās tád áhar asya kā́me 'ṃśóḥ pīyū́ṣam apibo giriṣṭʰā́m /
   yáj jā́yatʰās tád áhar asya kā́me
   yát jā́yatʰāḥ tát áhar asya kā́me
   yáj jā́yatʰās tád áhar asya kā́me

Halfverse: b    'ṃśóḥ pīyū́ṣam apibo giriṣṭʰā́m /
   aṃśóḥ pīyū́ṣam apibaḥ giriṣṭʰā́m /
   aṃśóḥ pīyū́ṣam apibo giriṣṭʰā́m /

Halfverse: c    táṃ te mātā́ pári yóṣā jánitrī maháḥ pitúr dáma ā́siñcad ágre //
   táṃ te mātā́ pári yóṣā jánitrī
   tám te mātā́ pári yóṣā jánitrī
   táṃ te mātā́ pári yóṣā jánitrī

Halfverse: d    maháḥ pitúr dáma ā́siñcad ágre //
   maháḥ pitúḥ dáme ā́ asiñcat ágre //
   maháḥ pitúr dáma ā́siñcad ágre //


Verse: 3 
Halfverse: a    upastʰā́ya mātáram ánnam aiṭṭa tigmám apaśyad abʰí sómam ū́dʰaḥ /
   upastʰā́ya mātáram ánnam aiṭṭa
   upastʰā́ya mātáram ánnam aiṭṭa
   upastʰā́ya mātáram ánnam aiṭṭa

Halfverse: b    tigmám apaśyad abʰí sómam ū́dʰaḥ /
   tigmám apaśyat abʰí sómam ū́dʰar /
   tigmám apaśyad abʰí sómam ū́dʰaḥ /

Halfverse: c    prayāváyann acarad gŕ̥tso anyā́n mahā́ni cakre purudʰápratīkaḥ //
   prayāváyann acarad gŕ̥tso anyā́n
   prayāváyan acarat gŕ̥tsaḥ anyā́n
   prayāváyann acarad gŕ̥tso anyā́n

Halfverse: d    mahā́ni cakre purudʰápratīkaḥ //
   mahā́ni cakre purudʰápratīkaḥ //
   mahā́ni cakre purudʰápratīkaḥ //


Verse: 4 
Halfverse: a    ugrás turāṣā́ḷ abʰíbʰūtyojā yatʰāvaśáṃ tanvàṃ cakra eṣáḥ /
   ugrás turāṣā́ḷ abʰíbʰūtyojā
   ugráḥ turāṣā́ṭ abʰíbʰūtyojāḥ
   ugrás turāṣā́ḷ abʰíbʰūtiojā

Halfverse: b    yatʰāvaśáṃ tanvàṃ cakra eṣáḥ /
   yatʰāvaśám tanvàm cakre eṣáḥ /
   yatʰāvaśáṃ tanúvaṃ cakra eṣáḥ /

Halfverse: c    tváṣṭāram índro janúṣābʰibʰū́yāmúṣyā sómam apibac camū́ṣu //
   tváṣṭāram índro janúṣābʰibʰū́ya_
   tváṣṭāram índraḥ janúṣā abʰibʰū́ya
   tváṣṭāram índro janúṣābʰibʰū́ya

Halfverse: d    _āmúṣyā sómam apibac camū́ṣu //
   āmúṣya+ sómam apibat camū́ṣu //
   āmúṣyā sómam apibac camū́ṣu //


Verse: 5 
Halfverse: a    śunáṃ huvema magʰávānam índram asmín bʰáre nŕ̥tamaṃ vā́jasātau /
   śunáṃ huvema magʰávānam índram
   śunám huvema magʰávānam índram
   śunáṃ huvema magʰávānam índram

Halfverse: b    asmín bʰáre nŕ̥tamaṃ vā́jasātau /
   asmín bʰáre nŕ̥tamam vā́jasātau /
   asmín bʰáre nŕ̥tamaṃ vā́jasātau /

Halfverse: c    śr̥ṇvántam ugrám ūtáye samátsu gʰnántaṃ vr̥trā́ṇi saṃjítaṃ dʰánānām //
   śr̥ṇvántam ugrám ūtáye samátsu
   śr̥ṇvántam ugrám ūtáye samátsu
   śr̥ṇvántam ugrám ūtáye samátsu

Halfverse: d    gʰnántaṃ vr̥trā́ṇi saṃjítaṃ dʰánānām //
   gʰnántam vr̥trā́ṇi saṃjítam dʰánānām //
   gʰnántaṃ vr̥trā́ṇi saṃjítaṃ dʰánānām //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.