TITUS
Rg-Veda: Rg-Veda-Samhita
Part No. 281
Previous part

Hymn: 47_(281) 
Verse: 1 
Halfverse: a    marútvām̐ indra vr̥ṣabʰó ráṇāya píbā sómam anuṣvadʰám mádāya /
   marútvām̐ indra vr̥ṣabʰó ráṇāya
   marútvān indra vr̥ṣabʰáḥ ráṇāya
   marútvām̐ indra vr̥ṣabʰó ráṇāya

Halfverse: b    píbā sómam anuṣvadʰám mádāya /
   píba+ sómam anuṣvadʰám mádāya /
   píbā sómam anuṣvadʰám mádāya /

Halfverse: c    ā́ siñcasva jaṭʰáre mádʰva ūrmíṃ tváṃ rā́jāsi pradívaḥ sutā́nām //
   ā́ siñcasva jaṭʰáre mádʰva ūrmíṃ
   ā́ siñcasva jaṭʰáre mádʰvaḥ ūrmím
   ā́ siñcasva jaṭʰáre mádʰva ūrmíṃ

Halfverse: d    tváṃ rā́jāsi pradívaḥ sutā́nām //
   tvám rā́jā asi pradívaḥ sutā́nām //
   tuváṃ rā́jāsi pradívaḥ sutā́nām //


Verse: 2 
Halfverse: a    sajóṣā indra ságaṇo marúdbʰiḥ sómam piba vr̥trahā́ śūra vidvā́n /
   sajóṣā indra ságaṇo marúdbʰiḥ
   sajóṣāḥ indra ságaṇaḥ marúdbʰiḥ
   sajóṣā indra ságaṇo marúdbʰiḥ

Halfverse: b    sómam piba vr̥trahā́ śūra vidvā́n /
   sómam piba vr̥trahā́ śūra vidvā́n /
   sómam piba vr̥trahā́ śūra vidvā́n /

Halfverse: c    jahí śátrūm̐r ápa mŕ̥dʰo nudasvā́tʰā́bʰayaṃ kr̥ṇuhi viśváto naḥ //
   jahí śátrūm̐r ápa mŕ̥dʰo nudasva_
   jahí śátrūn ápa mŕ̥dʰaḥ nudasva
   jahí śátrūm̐r ápa mŕ̥dʰo nudasva

Halfverse: d    _átʰā́bʰayaṃ kr̥ṇuhi viśváto naḥ //
   átʰa ábʰayam kr̥ṇuhi viśvátaḥ naḥ //
   átʰā́bʰayaṃ kr̥ṇuhi viśváto naḥ //


Verse: 3 
Halfverse: a    utá r̥túbʰir r̥tupāḥ pāhi sómam índra devébʰiḥ sákʰibʰiḥ sutáṃ naḥ /
   utá r̥túbʰir r̥tupāḥ pāhi sómam
   utá r̥túbʰiḥ r̥tupāḥ pāhi sómam
   utá rtúbʰir r̥tupāḥ pāhi sómam

Halfverse: b    índra devébʰiḥ sákʰibʰiḥ sutáṃ naḥ /
   índra devébʰiḥ sákʰibʰiḥ sutám naḥ /
   índra devébʰiḥ sákʰibʰiḥ sutáṃ naḥ /

Halfverse: c    yā́m̐ ā́bʰajo marúto yé tvā́nv áhan vr̥trám ádadʰus túbʰyam ójaḥ //
   yā́m̐ ā́bʰajo marúto yé tvā́nv
   yā́n ā́ ábʰajaḥ marútaḥ yé tvā ánu
   yā́m̐ ā́bʰajo marúto yé tuvā́nu

Halfverse: d    áhan vr̥trám ádadʰus túbʰyam ójaḥ //
   áhan vr̥trám ádadʰuḥ túbʰyam ójaḥ //
   áhan vr̥trám ádadʰus túbʰyam ójaḥ //


Verse: 4 
Halfverse: a    yé tvāhihátye magʰavann ávardʰan yé śāmbaré harivo yé gáviṣṭau /
   yé tvāhihátye magʰavann ávardʰan
   yé tvā ahihátye magʰavan ávardʰan
   yé tvāhihátye magʰavann ávardʰan

Halfverse: b    yé śāmbaré harivo yé gáviṣṭau /
   yé śāmbaré harivaḥ yé gáviṣṭau /
   yé śāmbaré harivo yé gáviṣṭau /

Halfverse: c    yé tvā nūnám anumádanti víprāḥ píbendra sómaṃ ságaṇo marúdbʰiḥ //
   yé tvā nūnám anumádanti víprāḥ
   yé tvā nūnám anumádanti víprāḥ
   yé tvā nūnám anumádanti víprāḥ

Halfverse: d    píbendra sómaṃ ságaṇo marúdbʰiḥ //
   píba indra sómam ságaṇaḥ marúdbʰiḥ //
   píbendra sómaṃ ságaṇo marúdbʰiḥ //


Verse: 5 
Halfverse: a    marútvantaṃ vr̥ṣabʰáṃ vāvr̥dʰānám ákavāriṃ divyáṃ śāsám índram /
   marútvantaṃ vr̥ṣabʰáṃ vāvr̥dʰānám
   marútvantam vr̥ṣabʰám vāvr̥dʰānám
   marútvantaṃ vr̥ṣabʰáṃ vāvr̥dʰānám

Halfverse: b    ákavāriṃ divyáṃ śāsám índram /
   ákavārim divyám śāsám índram /
   ákavāriṃ diviyáṃ śāsám índram /

Halfverse: c    viśvāsā́ham ávase nū́tanāyográṃ sahodā́m ihá táṃ huvema //
   viśvāsā́ham ávase nū́tanāya_
   viśvāsā́ham ávase nū́tanāya
   viśvāsā́ham ávase nū́tanāya

Halfverse: d    _ugráṃ sahodā́m ihá táṃ huvema //
   ugrám sahodā́m ihá tám huvema //
   ugráṃ sahodā́m ihá táṃ huvema //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.