TITUS
Rg-Veda: Rg-Veda-Samhita
Part No. 280
Previous part

Hymn: 46_(280) 
Verse: 1 
Halfverse: a    yudʰmásya te vr̥ṣabʰásya svarā́ja ugrásya yū́na stʰávirasya gʰŕ̥ṣveḥ /
   yudʰmásya te vr̥ṣabʰásya svarā́ja
   yudʰmásya te vr̥ṣabʰásya svarā́jaḥ
   yudʰmásya te vr̥ṣabʰásya svarā́ja

Halfverse: b    ugrásya yū́na stʰávirasya gʰŕ̥ṣveḥ /
   ugrásya yū́naḥ stʰávirasya gʰŕ̥ṣveḥ /
   ugrásya yū́na stʰávirasya gʰŕ̥ṣveḥ /

Halfverse: c    ájūryato vajríṇo vīryā̀ṇī́ndra śrutásya maható mahā́ni //
   ájūryato vajríṇo vīryā̀ṇi_
   ájūryataḥ vajríṇaḥ vīryā̀ṇi
   ájūryato vajríṇo vīríyāṇi

Halfverse: d    _índra śrutásya maható mahā́ni //
   índra śrutásya mahatáḥ mahā́ni //
   índra śrutásya maható mahā́ni //


Verse: 2 
Halfverse: a    mahā́m̐ asi mahiṣa vŕ̥ṣṇyebʰir dʰanaspŕ̥d ugra sáhamāno anyā́n /
   mahā́m̐ asi mahiṣa vŕ̥ṣṇyebʰir
   mahā́n asi mahiṣa vŕ̥ṣṇyebʰiḥ
   mahā́m̐ asi mahiṣa vŕ̥ṣṇiyebʰir

Halfverse: b    dʰanaspŕ̥d ugra sáhamāno anyā́n /
   dʰanaspŕ̥t ugra sáhamānaḥ anyā́n /
   dʰanaspŕ̥d ugra sáhamāno anyā́n /

Halfverse: c    éko víśvasya bʰúvanasya rā́jā sá yodʰáyā ca kṣayáyā ca jánān //
   éko víśvasya bʰúvanasya rā́jā
   ékaḥ víśvasya bʰúvanasya rā́jā
   éko víśvasya bʰúvanasya rā́jā

Halfverse: d    sá yodʰáyā ca kṣayáyā ca jánān //
   sá yodʰáya+ ca kṣayáya+ ca jánān //
   sá yodʰáyā ca kṣayáyā ca jánān //


Verse: 3 
Halfverse: a    prá mā́trābʰī ririce rócamānaḥ prá devébʰir viśváto ápratītaḥ /
   prá mā́trābʰī ririce rócamānaḥ
   prá mā́trābʰiḥ ririce rócamānaḥ
   prá mā́trābʰī ririce rócamānaḥ

Halfverse: b    prá devébʰir viśváto ápratītaḥ /
   prá devébʰiḥ viśvátaḥ ápratītaḥ /
   prá devébʰir viśváto ápratītaḥ /

Halfverse: c    prá majmánā divá índraḥ pr̥tʰivyā́ḥ prórór mahó antárikṣād r̥jīṣī́ //
   prá majmánā divá índraḥ pr̥tʰivyā́ḥ
   prá majmánā diváḥ índraḥ pr̥tʰivyā́ḥ
   prá majmánā divá índraḥ pr̥tʰivyā́ḥ

Halfverse: d    prórór mahó antárikṣād r̥jīṣī́ //
   prá uróḥ maháḥ antárikṣāt r̥jīṣī́ //
   prórór mahó antárikṣād r̥jīṣī́ //


Verse: 4 
Halfverse: a    urúṃ gabʰīráṃ janúṣābʰy ùgráṃ viśvávyacasam avatám matīnā́m /
   urúṃ gabʰīráṃ janúṣābʰy ùgráṃ
   urúm gabʰīrám janúṣā abʰí ugrám
   urúṃ gabʰīráṃ janúṣābʰí ugráṃ

Halfverse: b    viśvávyacasam avatám matīnā́m /
   viśvávyacasam avatám matīnā́m /
   viśvávyacasam avatám matīnā́m /

Halfverse: c    índraṃ sómāsaḥ pradívi sutā́saḥ samudráṃ ná sraváta ā́ viśanti //
   índraṃ sómāsaḥ pradívi sutā́saḥ
   índram sómāsaḥ pradívi sutā́saḥ
   índraṃ sómāsaḥ pradívi sutā́saḥ

Halfverse: d    samudráṃ ná sraváta ā́ viśanti //
   samudrám ná sravátaḥ ā́ viśanti //
   samudráṃ ná sraváta ā́ viśanti //


Verse: 5 
Halfverse: a    yáṃ sómam indra pr̥tʰivī́dyā́vā gárbʰaṃ ná mātā́ bibʰr̥tás tvāyā́ /
   yáṃ sómam indra pr̥tʰivī́dyā́vā
   yám sómam indra pr̥tʰivī́dyā́vā
   yáṃ sómam indra pr̥tʰivī́diyā́vā

Halfverse: b    gárbʰaṃ ná mātā́ bibʰr̥tás tvāyā́ /
   gárbʰam ná mātā́ bibʰr̥táḥ tvāyā́ /
   gárbʰaṃ ná mātā́ bibʰr̥tás tuvāyā́ /

Halfverse: c    táṃ te hinvanti tám u te mr̥janty adʰvaryávo vr̥ṣabʰa pā́tavā́ u //
   táṃ te hinvanti tám u te mr̥janty
   tám te hinvanti tám u te mr̥janti
   táṃ te hinvanti tám u te mr̥janti

Halfverse: d    adʰvaryávo vr̥ṣabʰa pā́tavā́ u //
   adʰvaryávaḥ vr̥ṣabʰa pā́tavaí u //
   adʰvaryávo vr̥ṣabʰa pā́tavā́ u //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.