TITUS
Rg-Veda: Rg-Veda-Samhita
Part No. 279
Previous part

Hymn: 45_(279) 
Verse: 1 
Halfverse: a    ā́ mandraír indra háribʰir yāhí mayū́raromabʰiḥ /
   ā́ mandraír indra háribʰir
   ā́ mandraíḥ indra háribʰiḥ
   ā́ mandraír indra háribʰir

Halfverse: b    yāhí mayū́raromabʰiḥ /
   yāhí mayū́raromabʰiḥ /
   yāhí mayū́raromabʰiḥ /

Halfverse: c    mā́ tvā ké cin ní yaman víṃ ná \!\ pāśínó 'ti dʰánveva tā́m̐ ihi //
   mā́ tvā ké cin ní yaman víṃ ná pāśínó
   mā́ tvā ké cit ní yaman vím ná pāśínaḥ
   mā́ tvā ké cin ní yaman víṃ ná \!\ pāśíno

Halfverse: d    'ti dʰánveva tā́m̐ ihi //
   áti dʰánva iva tā́n ihi //
   áti dʰánveva tā́m̐ ihi //


Verse: 2 
Halfverse: a    vr̥trakʰādó valaṃrujáḥ purā́ṃ darmó apā́m ajáḥ /
   vr̥trakʰādó valaṃrujáḥ
   vr̥trakʰādáḥ valaṃrujáḥ
   vr̥trakʰādó valaṃrujáḥ

Halfverse: b    purā́ṃ darmó apā́m ajáḥ /
   purā́m darmáḥ apā́m ajáḥ /
   purā́ṃ darmó apā́m ajáḥ /

Halfverse: c    stʰā́tā rátʰasya háryor abʰisvará índro dr̥ḷʰā́ cid ārujáḥ //
   stʰā́tā rátʰasya háryor abʰisvará
   stʰā́tā rátʰasya háryoḥ abʰisvaré
   stʰā́tā rátʰasya háriyor abʰisvará

Halfverse: d    índro dr̥ḷʰā́ cid ārujáḥ //
   índraḥ dr̥ḷʰā́ cit ārujáḥ //
   índro dr̥ḷʰā́ cid ārujáḥ //


Verse: 3 
Halfverse: a    gambʰīrā́m̐ udadʰī́m̐r iva krátum puṣyasi gā́ iva /
   gambʰīrā́m̐ udadʰī́m̐r iva
   gambʰīrā́n udadʰī́n iva
   gambʰīrā́m̐ udadʰī́m̐r iva

Halfverse: b    krátum puṣyasi gā́ iva /
   krátum puṣyasi gā́ḥ iva /
   krátum puṣyasi gā́ iva /

Halfverse: c    prá sugopā́ yávasaṃ dʰenávo yatʰā hradáṃ kulyā́ ivāśata //
   prá sugopā́ yávasaṃ dʰenávo yatʰā
   prá sugopā́ḥ yávasam dʰenávaḥ yatʰā
   prá sugopā́ yávasaṃ dʰenávo yatʰā

Halfverse: d    hradáṃ kulyā́ ivāśata //
   hradám kulyā́ḥ iva āśata //
   hradáṃ kulyā́ ivāśata //


Verse: 4 
Halfverse: a    ā́ nas tújaṃ rayím bʰarā́ṃśaṃ ná pratijānaté /
   ā́ nas tújaṃ rayím bʰara_
   ā́ naḥ tújam rayím bʰara
   ā́ nas tújaṃ rayím bʰara

Halfverse: b    _áṃśaṃ ná pratijānaté /
   áṃśam ná pratijānaté /
   áṃśaṃ ná pratijānaté /

Halfverse: c    vr̥kṣám pakvám pʰálam aṅkī́va dʰūnuhī́ndra sampā́raṇaṃ vásu //
   vr̥kṣám pakvám pʰálam aṅkī́va dʰūnuhi_
   vr̥kṣám pakvám pʰálam aṅkī́ iva dʰūnuhi
   vr̥kṣám pakvám pʰálam aṅkī́va dʰūnuhi

Halfverse: d    _índra sampā́raṇaṃ vásu //
   índra sampā́raṇam vásu //
   índra sampā́raṇaṃ vásu //


Verse: 5 
Halfverse: a    svayúr indra svarā́ḷ asi smáddiṣṭiḥ sváyaśastaraḥ /
   svayúr indra svarā́ḷ asi
   svayúḥ indra svarā́ṭ asi
   svayúr indra svarā́ḷ asi

Halfverse: b    smáddiṣṭiḥ sváyaśastaraḥ /
   smáddiṣṭiḥ sváyaśastaraḥ /
   smáddiṣṭiḥ sváyaśastaraḥ /

Halfverse: c    sá vāvr̥dʰāná ójasā puruṣṭuta bʰávā naḥ suśrávastamaḥ //
   sá vāvr̥dʰāná ójasā puruṣṭuta
   sá vāvr̥dʰānáḥ ójasā puruṣṭuta
   sá vāvr̥dʰāná ójasā puruṣṭuta

Halfverse: d    bʰávā naḥ suśrávastamaḥ //
   bʰáva+ naḥ suśrávastamaḥ //
   bʰávā naḥ suśrávastamaḥ //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.