TITUS
Rg-Veda: Rg-Veda-Samhita
Part No. 274
Previous part

Hymn: 40_(274) 
Verse: 1 
Halfverse: a    índra tvā vr̥ṣabʰáṃ vayáṃ suté sóme havāmahe /
   índra tvā vr̥ṣabʰáṃ vayáṃ
   índra tvā vr̥ṣabʰám vayám
   índra tvā vr̥ṣabʰáṃ vayáṃ

Halfverse: b    suté sóme havāmahe /
   suté sóme havāmahe /
   suté sóme havāmahe /

Halfverse: c    sá pāhi mádʰvo ándʰasaḥ //
   sá pāhi mádʰvo ándʰasaḥ //
   sá pāhi mádʰvaḥ ándʰasaḥ //
   sá pāhi mádʰvo ándʰasaḥ //


Verse: 2 
Halfverse: a    índra kratuvídaṃ sutáṃ sómaṃ harya puruṣṭuta /
   índra kratuvídaṃ sutáṃ
   índra kratuvídam sutám
   índra kratuvídaṃ sutáṃ

Halfverse: b    sómaṃ harya puruṣṭuta /
   sómam harya puruṣṭuta /
   sómaṃ harya puruṣṭuta /

Halfverse: c    píbā́ vr̥ṣasva tā́tr̥pim //
   píbā́ vr̥ṣasva tā́tr̥pim //
   píba ā́ vr̥ṣasva tā́tr̥pim //
   píbā́ vr̥ṣasva tā́tr̥pim //


Verse: 3 
Halfverse: a    índra prá ṇo dʰitā́vānaṃ yajñáṃ víśvebʰir devébʰiḥ /
   índra prá ṇo dʰitā́vānaṃ
   índra prá naḥ dʰitā́vānam
   índra prá ṇo dʰitā́vānaṃ

Halfverse: b    yajñáṃ víśvebʰir devébʰiḥ /
   yajñám víśvebʰiḥ devébʰiḥ /
   yajñáṃ víśvebʰir devébʰiḥ /

Halfverse: c    tirá stavāna viśpate //
   tirá stavāna viśpate //
   tirá ! stavāna viśpate //
   tirá stavāna viśpate //


Verse: 4 
Halfverse: a    índra sómāḥ sutā́ imé táva prá yanti satpate /
   índra sómāḥ sutā́ imé
   índra sómāḥ sutā́ḥ imé
   índra sómāḥ sutā́ imé

Halfverse: b    táva prá yanti satpate /
   táva prá yanti satpate /
   táva prá yanti satpate /

Halfverse: c    kṣáyaṃ candrā́sa índavaḥ //
   kṣáyaṃ candrā́sa índavaḥ //
   kṣáyam candrā́saḥ índavaḥ //
   kṣáyaṃ candrā́sa índavaḥ //


Verse: 5 
Halfverse: a    dadʰiṣvā́ jaṭʰáre sutáṃ sómam indra váreṇyam /
   dadʰiṣvā́ jaṭʰáre sutáṃ
   dadʰiṣvá+ jaṭʰáre sutám
   dadʰiṣvā́ jaṭʰáre sutáṃ

Halfverse: b    sómam indra váreṇyam /
   sómam indra váreṇyam /
   sómam indra váreṇiyam /

Halfverse: c    táva dyukṣā́sa índavaḥ //
   táva dyukṣā́sa índavaḥ //
   táva dyukṣā́saḥ índavaḥ //
   táva dyukṣā́sa índavaḥ //


Verse: 6 
Halfverse: a    gírvaṇaḥ pāhí naḥ sutám mádʰor dʰā́rābʰir ajyase /
   gírvaṇaḥ pāhí naḥ sutám
   gírvaṇaḥ pāhí naḥ sutám
   gírvaṇaḥ pāhí naḥ sutám

Halfverse: b    mádʰor dʰā́rābʰir ajyase /
   mádʰoḥ dʰā́rābʰiḥ ajyase /
   mádʰor dʰā́rābʰir ajyase /

Halfverse: c    índra tvā́dātam íd yáśaḥ //
   índra tvā́dātam íd yáśaḥ //
   índra tvā́dātam ít yáśaḥ //
   índra tvā́dātam íd yáśaḥ //


Verse: 7 
Halfverse: a    abʰí dyumnā́ni vanína índraṃ sacante ákṣitā /
   abʰí dyumnā́ni vanína
   abʰí dyumnā́ni vanínaḥ
   abʰí dyumnā́ni vanína

Halfverse: b    índraṃ sacante ákṣitā /
   índram sacante ákṣitā /
   índraṃ sacante ákṣitā /

Halfverse: c    pītvī́ sómasya vāvr̥dʰe //
   pītvī́ sómasya vāvr̥dʰe //
   pītvī́ sómasya vāvr̥dʰe //
   pītvī́ sómasya vāvr̥dʰe //


Verse: 8 
Halfverse: a    arvāváto na ā́ gahi parāvátaś ca vr̥trahan /
   arvāváto na ā́ gahi
   arvāvátaḥ naḥ ā́ gahi
   arvāváto na ā́ gahi

Halfverse: b    parāvátaś ca vr̥trahan /
   parāvátaḥ ca vr̥trahan /
   parāvátaś ca vr̥trahan /

Halfverse: c    imā́ juṣasva no gíraḥ //
   imā́ juṣasva no gíraḥ //
   imā́ḥ juṣasva naḥ gíraḥ //
   imā́ juṣasva no gíraḥ //


Verse: 9 
Halfverse: a    yád antarā́ parāvátam arvāvátaṃ ca hūyáse /
   yád antarā́ parāvátam
   yát antarā́ parāvátam
   yád antarā́ parāvátam

Halfverse: b    arvāvátaṃ ca hūyáse /
   arvāvátam ca hūyáse /
   arvāvátaṃ ca hūyáse /

Halfverse: c    índrehá táta ā́ gahi //
   índrehá táta ā́ gahi //
   índra ihá tátaḥ ā́ gahi //
   índrehá táta ā́ gahi //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.