TITUS
Rg-Veda: Rg-Veda-Samhita
Part No. 275
Previous part

Hymn: 41_(275) 
Verse: 1 
Halfverse: a    ā́ tū́ na indra madryàg gʰuvānáḥ sómapītaye /
   ā́ tū́ na indra madryàg
   ā́ tú+ naḥ indra madryàk
   ā́ tū́ na indra madríag

Halfverse: b    gʰuvānáḥ sómapītaye /
   huvānáḥ sómapītaye /
   gʰuvānáḥ sómapītaye /

Halfverse: c    háribʰyāṃ yāhy adrivaḥ //
   háribʰyāṃ yāhy adrivaḥ //
   háribʰyām yāhi adrivaḥ //
   háribʰyāṃ yāhi adrivaḥ //


Verse: 2 
Halfverse: a    sattó hótā na r̥tvíyas tistiré barhír ānuṣák /
   sattó hótā na r̥tvíyas
   sattáḥ hótā naḥ r̥tvíyaḥ
   sattó hótā na r̥tvíyas

Halfverse: b    tistiré barhír ānuṣák /
   tistiré barhíḥ ānuṣák /
   tistiré barhír ānuṣák /

Halfverse: c    áyujran prātár ádrayaḥ //
   áyujran prātár ádrayaḥ //
   áyujran prātár ádrayaḥ //
   áyujran prātár ádrayaḥ //


Verse: 3 
Halfverse: a    imā́ bráhma brahmavāhaḥ kriyánta ā́ barhíḥ sīda /
   imā́ bráhma brahmavāhaḥ
   imā́ bráhma brahmavāhaḥ
   imā́ bráhma brahmavāhaḥ

Halfverse: b    kriyánta ā́ barhíḥ sīda /
   kriyánte ā́ barhíḥ sīda /
   kriyánta ā́ barhíḥ sīda /

Halfverse: c    vīhí śūra puroḷā́śam //
   vīhí śūra puroḷā́śam //
   vīhí śūra puroḷā́śam //
   vīhí śūra puroḷā́śam //


Verse: 4 
Halfverse: a    rārandʰí sávaneṣu ṇa eṣú stómeṣu vr̥trahan /
   rārandʰí sávaneṣu ṇa
   rārandʰí sávaneṣu naḥ
   rārandʰí sávaneṣu ṇa

Halfverse: b    eṣú stómeṣu vr̥trahan /
   eṣú stómeṣu vr̥trahan /
   eṣú stómeṣu vr̥trahan /

Halfverse: c    uktʰéṣv indra girvaṇaḥ //
   uktʰéṣv indra girvaṇaḥ //
   uktʰéṣu indra girvaṇaḥ //
   uktʰéṣu indra girvaṇaḥ //


Verse: 5 
Halfverse: a    matáyaḥ somapā́m urúṃ rihánti śávasas pátim /
   matáyaḥ somapā́m urúṃ
   matáyaḥ somapā́m urúm
   matáyaḥ somapā́m urúṃ

Halfverse: b    rihánti śávasas pátim /
   rihánti śávasaḥ pátim /
   rihánti śávasas pátim /

Halfverse: c    índraṃ vatsáṃ ná mātáraḥ //
   índraṃ vatsáṃ ná mātáraḥ //
   índram vatsám ná mātáraḥ //
   índraṃ vatsáṃ ná mātáraḥ //


Verse: 6 
Halfverse: a    sá mandasvā hy ándʰaso rā́dʰase tanvā̀ mahé /
   sá mandasvā hy ándʰaso
   sá mandasva+ hí ándʰasaḥ
   sá mandasvā hí ándʰaso

Halfverse: b    rā́dʰase tanvā̀ mahé /
   rā́dʰase tanvā̀ mahé /
   rā́dʰase tanúvā mahé /

Halfverse: c    ná stotā́raṃ nidé karaḥ //
   ná stotā́raṃ nidé karaḥ //
   ná stotā́ram nidé karaḥ //
   ná stotā́raṃ nidé karaḥ //


Verse: 7 
Halfverse: a    vayám indra tvāyávo havíṣmanto jarāmahe /
   vayám indra tvāyávo
   vayám indra tvāyávaḥ
   vayám indra tuvāyávo

Halfverse: b    havíṣmanto jarāmahe /
   havíṣmantaḥ jarāmahe /
   havíṣmanto jarāmahe /

Halfverse: c    utá tvám asmayúr vaso //
   utá tvám asmayúr vaso //
   utá tvám asmayúḥ vaso //
   utá tvám asmayúr vaso //


Verse: 8 
Halfverse: a    mā́ré asmád ví mumuco háripriyārvā́ṅ yāhi /
   mā́ré asmád ví mumuco
   mā́ āré asmát ví mumucaḥ
   mā́ré asmád ví mumuco

Halfverse: b    háripriyārvā́ṅ yāhi /
   háripriya arvā́ṅ yāhi /
   háripriya arvā́ṅ yāhi /

Halfverse: c    índra svadʰāvo mátsvehá //
   índra svadʰāvo mátsvehá //
   índra svadʰāvaḥ mátsva ihá //
   índra svadʰāvo mátsvehá //


Verse: 9 
Halfverse: a    arvā́ñcaṃ tvā sukʰé rátʰe váhatām indra keśínā /
   arvā́ñcaṃ tvā sukʰé rátʰe
   arvā́ñcam tvā sukʰé rátʰe
   arvā́ñcaṃ tvā sukʰé rátʰe

Halfverse: b    váhatām indra keśínā /
   váhatām indra keśínā /
   váhatām indra keśínā /

Halfverse: c    gʰr̥tásnū barhír āsáde //
   gʰr̥tásnū barhír āsáde //
   gʰr̥tásnū barhíḥ āsáde //
   gʰr̥tásnū barhír āsáde //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.