TITUS
Rg-Veda: Rg-Veda-Samhita
Part No. 271
Previous part

Hymn: 37_(271) 
Verse: 1 
Halfverse: a    vā́rtrahatyāya śávase pr̥tanāṣā́hyāya ca /
   vā́rtrahatyāya śávase
   vā́rtrahatyāya śávase
   vā́rtrahatyāya śávase

Halfverse: b    pr̥tanāṣā́hyāya ca /
   pr̥tanāṣā́hyāya ca /
   pr̥tanāṣā́hiyāya ca /

Halfverse: c    índra tvā́ vartayāmasi //
   índra tvā́ vartayāmasi //
   índra tvā ā́ vartayāmasi //
   índra tvā́ vartayāmasi //


Verse: 2 
Halfverse: a    arvācī́naṃ sú te mána utá cákṣuḥ śatakrato /
   arvācī́naṃ sú te mána
   arvācī́nam sú te mánaḥ
   arvācī́naṃ sú te mána

Halfverse: b    utá cákṣuḥ śatakrato /
   utá cákṣuḥ śatakrato /
   utá cákṣuḥ śatakrato /

Halfverse: c    índra kr̥ṇvántu vāgʰátaḥ //
   índra kr̥ṇvántu vāgʰátaḥ //
   índra kr̥ṇvántu vāgʰátaḥ //
   índra kr̥ṇvántu vāgʰátaḥ //


Verse: 3 
Halfverse: a    nā́māni te śatakrato víśvābʰir gīrbʰír īmahe /
   nā́māni te śatakrato
   nā́māni te śatakrato
   nā́māni te śatakrato

Halfverse: b    víśvābʰir gīrbʰír īmahe /
   víśvābʰiḥ gīrbʰíḥ īmahe /
   víśvābʰir gīrbʰír īmahe /

Halfverse: c    índrābʰimātiṣā́hye //
   índrābʰimātiṣā́hye //
   índra abʰimātiṣā́hye //
   índrābʰimātiṣā́hiye //


Verse: 4 
Halfverse: a    puruṣṭutásya dʰā́mabʰiḥ śaténa mahayāmasi /
   puruṣṭutásya dʰā́mabʰiḥ
   puruṣṭutásya dʰā́mabʰiḥ
   puruṣṭutásya dʰā́mabʰiḥ

Halfverse: b    śaténa mahayāmasi /
   śaténa mahayāmasi /
   śaténa mahayāmasi /

Halfverse: c    índrasya carṣaṇīdʰŕ̥taḥ //
   índrasya carṣaṇīdʰŕ̥taḥ //
   índrasya carṣaṇīdʰŕ̥taḥ //
   índrasya carṣaṇīdʰŕ̥taḥ //


Verse: 5 
Halfverse: a    índraṃ vr̥trā́ya hántave puruhūtám úpa bruve /
   índraṃ vr̥trā́ya hántave
   índram vr̥trā́ya hántave
   índraṃ vr̥trā́ya hántave

Halfverse: b    puruhūtám úpa bruve /
   puruhūtám úpa bruve /
   puruhūtám úpa bruve /

Halfverse: c    bʰáreṣu vā́jasātaye //
   bʰáreṣu vā́jasātaye //
   bʰáreṣu vā́jasātaye //
   bʰáreṣu vā́jasātaye //


Verse: 6 
Halfverse: a    vā́jeṣu sāsahír bʰava tvā́m īmahe śatakrato /
   vā́jeṣu sāsahír bʰava
   vā́jeṣu sāsahíḥ bʰava
   vā́jeṣu sāsahír bʰava

Halfverse: b    tvā́m īmahe śatakrato /
   tvā́m īmahe śatakrato /
   tvā́m īmahe śatakrato /

Halfverse: c    índra vr̥trā́ya hántave //
   índra vr̥trā́ya hántave //
   índra vr̥trā́ya hántave //
   índra vr̥trā́ya hántave //


Verse: 7 
Halfverse: a    dyumnéṣu pr̥tanā́jye pr̥tsutū́rṣu śrávassu ca /
   dyumnéṣu pr̥tanā́jye
   dyumnéṣu pr̥tanā́jye
   dyumnéṣu pr̥tanā́jiye

Halfverse: b    pr̥tsutū́rṣu śrávassu ca /
   pr̥tsutū́rṣu śrávassu ca /
   pr̥tsutū́rṣu śrávassu ca /

Halfverse: c    índra sā́kṣvābʰímātiṣu //
   índra sā́kṣvābʰímātiṣu //
   índra sā́kṣva abʰímātiṣu //
   índra sā́kṣvābʰímātiṣu //


Verse: 8 
Halfverse: a    śuṣmíntamaṃ na ūtáye dyumnínam pāhi jā́gr̥vim /
   śuṣmíntamaṃ na ūtáye
   śuṣmíntamam naḥ ūtáye
   śuṣmíntamaṃ na ūtáye

Halfverse: b    dyumnínam pāhi jā́gr̥vim /
   dyumnínam pāhi jā́gr̥vim /
   dyumnínam pāhi jā́gr̥vim /

Halfverse: c    índra sómaṃ śatakrato //
   índra sómaṃ śatakrato //
   índra sómam śatakrato //
   índra sómaṃ śatakrato //


Verse: 9 
Halfverse: a    indriyā́ṇi śatakrato yā́ te jáneṣu pañcásu /
   indriyā́ṇi śatakrato
   indriyā́ṇi śatakrato
   indriyā́ṇi śatakrato

Halfverse: b    yā́ te jáneṣu pañcásu /
   yā́ te jáneṣu pañcásu /
   yā́ te jáneṣu pañcásu /

Halfverse: c    índra tā́ni ta ā́ vr̥ṇe //
   índra tā́ni ta ā́ vr̥ṇe //
   índra tā́ni te ā́ vr̥ṇe //
   índra tā́ni ta ā́ vr̥ṇe //


Verse: 10 
Halfverse: a    ágann indra śrávo br̥hád dyumnáṃ dadʰiṣva duṣṭáram /
   ágann indra śrávo br̥hád
   ágan indra śrávaḥ br̥hát
   ágann indra śrávo br̥hád

Halfverse: b    dyumnáṃ dadʰiṣva duṣṭáram /
   dyumnám dadʰiṣva duṣṭáram /
   dyumnáṃ dadʰiṣva duṣṭáram /

Halfverse: c    út te śúṣmaṃ tirāmasi //
   út te śúṣmaṃ tirāmasi //
   út te śúṣmam tirāmasi //
   út te śúṣmaṃ tirāmasi //


Verse: 11 
Halfverse: a    arvāváto na ā́ gahy átʰo śakra parāvátaḥ /
   arvāváto na ā́ gahy
   arvāvátaḥ naḥ ā́ gahi
   arvāváto na ā́ gahi

Halfverse: b    átʰo śakra parāvátaḥ /
   átʰa u śakra parāvátaḥ /
   átʰo śakra parāvátaḥ /

Halfverse: c    u lokó yás te adriva índrehá táta ā́ gahi //
   u lokó yás te adriva
   ulokáḥ ! yáḥ te adrivaḥ
   ulokó yás te adriva

Halfverse: d    índrehá táta ā́ gahi //
   índra ihá tátaḥ ā́ gahi //
   índrehá táta ā́ gahi //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.