TITUS
Rg-Veda: Rg-Veda-Samhita
Part No. 270
Previous part

Hymn: 36_(270) 
Verse: 1 
Halfverse: a    imā́m ū ṣú prábʰr̥tiṃ sātáye dʰāḥ śáśvac-cʰaśvad ūtíbʰir yā́damānaḥ /
   imā́m ū ṣú prábʰr̥tiṃ sātáye dʰāḥ
   imā́m u+ sú prábʰr̥tim sātáye dʰāḥ
   imā́m ū ṣú prábʰr̥tiṃ sātáye dʰāḥ

Halfverse: b    śáśvac-cʰaśvad ūtíbʰir yā́damānaḥ /
   śáśvac-cʰaśvat ūtíbʰiḥ yā́damānaḥ /
   śáśvac-cʰaśvad ūtíbʰir yā́damānaḥ /

Halfverse: c    suté-sute vāvr̥dʰe várdʰanebʰir yáḥ kármabʰir mahádbʰiḥ súśruto bʰū́t //
   suté-sute vāvr̥dʰe várdʰanebʰir
   suté-sute vāvr̥dʰe várdʰanebʰiḥ
   suté-sute vāvr̥dʰe várdʰanebʰir

Halfverse: d    yáḥ kármabʰir mahádbʰiḥ súśruto bʰū́t //
   yáḥ kármabʰiḥ mahádbʰiḥ súśrutaḥ bʰū́t //
   yáḥ kármabʰir mahádbʰiḥ súśruto bʰū́t //


Verse: 2 
Halfverse: a    índrāya sómāḥ pradívo vídānā r̥bʰúr yébʰir vŕ̥ṣaparvā víhāyāḥ /
   índrāya sómāḥ pradívo vídānā
   índrāya sómāḥ pradívaḥ vídānāḥ
   índrāya sómāḥ pradívo vídānā

Halfverse: b    r̥bʰúr yébʰir vŕ̥ṣaparvā víhāyāḥ /
   r̥bʰúḥ yébʰiḥ vŕ̥ṣaparvā víhāyāḥ /
   r̥bʰúr yébʰir vŕ̥ṣaparvā víhāyāḥ /

Halfverse: c    prayamyámānān práti ṣū́ gr̥bʰāyéndra píba vŕ̥ṣadʰūtasya vŕ̥ṣṇaḥ //
   prayamyámānān práti ṣū́ gr̥bʰāya_
   prayamyámānān práti sú+ gr̥bʰāya
   prayamyámānān práti ṣū́ gr̥bʰāya

Halfverse: d    _índra píba vŕ̥ṣadʰūtasya vŕ̥ṣṇaḥ //
   índra píba vŕ̥ṣadʰūtasya vŕ̥ṣṇaḥ //
   índra píba vŕ̥ṣadʰūtasya vŕ̥ṣṇaḥ //


Verse: 3 
Halfverse: a    píbā várdʰasva táva gʰā sutā́sa índra sómāsaḥ pratʰamā́ utémé /
   píbā várdʰasva táva gʰā sutā́sa
   píba+ várdʰasva táva gʰa+ sutā́saḥ
   píbā várdʰasva táva gʰā sutā́sa

Halfverse: b    índra sómāsaḥ pratʰamā́ utémé /
   índra sómāsaḥ pratʰamā́ḥ utá imé /
   índra sómāsaḥ pratʰamā́ utémé /

Halfverse: c    yátʰā́pibaḥ pūrvyā́m̐ indra sómām̐ evā́ pāhi pányo adyā́ návīyān //
   yátʰā́pibaḥ pūrvyā́m̐ indra sómām̐
   yátʰā ápibaḥ pūrvyā́n indra sómān
   yátʰā́pibaḥ pūrviyā́m̐ indra sómām̐

Halfverse: d    evā́ pāhi pányo adyā́ návīyān //
   evá+ pāhi pányaḥ adyá+ návīyān //
   evā́ pāhi pányo adyā́ návīyān //


Verse: 4 
Halfverse: a    mahā́m̐ ámatro vr̥jáne virapśy ùgráṃ śávaḥ patyate dʰr̥ṣṇv ójaḥ /
   mahā́m̐ ámatro vr̥jáne virapśy
   mahā́n ámatraḥ vr̥jáne virapśī́
   mahā́m̐ ámatro vr̥jáne virapśí

Halfverse: b    ùgráṃ śávaḥ patyate dʰr̥ṣṇv ójaḥ /
   ugrám śávaḥ patyate dʰr̥ṣṇú ójaḥ /
   ugráṃ śávaḥ patyate dʰr̥ṣṇú ójaḥ /

Halfverse: c    nā́ha vivyāca pr̥tʰivī́ canaínaṃ yát sómāso háryaśvam ámandan //
   nā́ha vivyāca pr̥tʰivī́ canaínaṃ
   ná áha vivyāca pr̥tʰivī́ caná enam
   nā́ha vivyāca pr̥tʰivī́ canaínaṃ

Halfverse: d    yát sómāso háryaśvam ámandan //
   yát sómāsaḥ háryaśvam ámandan //
   yát sómāso háriaśvam ámandan //


Verse: 5 
Halfverse: a    mahā́m̐ ugró vāvr̥dʰe vīryā̀ya samā́cakre vr̥ṣabʰáḥ kā́vyena /
   mahā́m̐ ugró vāvr̥dʰe vīryā̀ya
   mahā́n ugráḥ vāvr̥dʰe vīryā̀ya
   mahā́m̐ ugró vāvr̥dʰe vīríyāya

Halfverse: b    samā́cakre vr̥ṣabʰáḥ kā́vyena /
   samā́cakre vr̥ṣabʰáḥ kā́vyena /
   samā́cakre vr̥ṣabʰáḥ kā́viyena /

Halfverse: c    índro bʰágo vājadā́ asya gā́vaḥ prá jāyante dákṣiṇā asya pūrvī́ḥ //
   índro bʰágo vājadā́ asya gā́vaḥ
   índraḥ bʰágaḥ vājadā́ḥ asya gā́vaḥ
   índro bʰágo vājadā́ asya gā́vaḥ

Halfverse: d    prá jāyante dákṣiṇā asya pūrvī́ḥ //
   prá jāyante dákṣiṇāḥ asya pūrvī́ḥ //
   prá jāyante dákṣiṇā asya pūrvī́ḥ //


Verse: 6 
Halfverse: a    prá yát síndʰavaḥ prasaváṃ yátʰā́yann ā́paḥ samudráṃ ratʰyèva jagmuḥ /
   prá yát síndʰavaḥ prasaváṃ yátʰā́yann
   prá yát síndʰavaḥ prasavám yátʰā ā́yan
   prá yát síndʰavaḥ prasaváṃ yátʰā́yann

Halfverse: b    ā́paḥ samudráṃ ratʰyèva jagmuḥ /
   ā́paḥ samudrám ratʰyā̀ iva jagmuḥ /
   ā́paḥ samudráṃ ratʰíyeva jagmuḥ /

Halfverse: c    átaś cid índraḥ sádaso várīyān yád īṃ sómaḥ pr̥ṇáti dugdʰó aṃśúḥ //
   átaś cid índraḥ sádaso várīyān
   átaḥ cit índraḥ sádasaḥ várīyān
   átaś cid índraḥ sádaso várīyān

Halfverse: d    yád īṃ sómaḥ pr̥ṇáti dugdʰó aṃśúḥ //
   yát īm sómaḥ pr̥ṇáti dugdʰáḥ aṃśúḥ //
   yád īṃ sómaḥ pr̥ṇáti dugdʰó aṃśúḥ //


Verse: 7 
Halfverse: a    samudréṇa síndʰavo yā́damānā índrāya sómaṃ súṣutam bʰárantaḥ /
   samudréṇa síndʰavo yā́damānā
   samudréṇa síndʰavaḥ yā́damānāḥ
   samudréṇa síndʰavo yā́damānā

Halfverse: b    índrāya sómaṃ súṣutam bʰárantaḥ /
   índrāya sómam súṣutam bʰárantaḥ /
   índrāya sómaṃ súṣutam bʰárantaḥ /

Halfverse: c    aṃśúṃ duhanti hastíno bʰarítrair mádʰvaḥ punanti dʰā́rayā pavítraiḥ //
   aṃśúṃ duhanti hastíno bʰarítrair
   aṃśúm duhanti hastínaḥ bʰarítraiḥ
   aṃśúṃ duhanti hastíno bʰarítrair

Halfverse: d    mádʰvaḥ punanti dʰā́rayā pavítraiḥ //
   mádʰvaḥ punanti dʰā́rayā pavítraiḥ //
   mádʰvaḥ punanti dʰā́rayā pavítraiḥ //


Verse: 8 
Halfverse: a    hradā́ iva kukṣáyaḥ somadʰā́nāḥ sám ī vivyāca sávanā purū́ṇi /
   hradā́ iva kukṣáyaḥ somadʰā́nāḥ
   hradā́ḥ iva kukṣáyaḥ somadʰā́nāḥ
   hradā́ iva kukṣáyaḥ somadʰā́nāḥ

Halfverse: b    sám ī vivyāca sávanā purū́ṇi /
   sám ī vivyāca sávanā purū́ṇi /
   sám ī vivyāca sávanā purū́ṇi /

Halfverse: c    ánnā yád índraḥ pratʰamā́ vy ā́śa vr̥tráṃ jagʰanvā́m̐ avr̥ṇīta sómam //
   ánnā yád índraḥ pratʰamā́ vy ā́śa
   ánnā yát índraḥ pratʰamā́ ví ā́śa
   ánnā yád índraḥ pratʰamā́ ví ā́śa

Halfverse: d    vr̥tráṃ jagʰanvā́m̐ avr̥ṇīta sómam //
   vr̥trám jagʰanvā́n avr̥ṇīta sómam //
   vr̥tráṃ jagʰanvā́m̐ avr̥ṇīta sómam //


Verse: 9 
Halfverse: a    ā́ tū́ bʰara mā́kir etát pári ṣṭʰād vidmā́ hí tvā vásupatiṃ vásūnām /
   ā́ tū́ bʰara mā́kir etát pári ṣṭʰād
   ā́ tú+ bʰara mā́kiḥ etát pári stʰāt
   ā́ tū́ bʰara mā́kir etát pári ṣṭʰād

Halfverse: b    vidmā́ hí tvā vásupatiṃ vásūnām /
   vidmá+ hí tvā vásupatim vásūnām /
   vidmā́ hí tvā vásupatiṃ vásūnām /

Halfverse: c    índra yát te mā́hinaṃ dátram ásty asmábʰyaṃ tád dʰaryaśva prá yandʰi //
   índra yát te mā́hinaṃ dátram ásty
   índra yát te mā́hinam dátram ásti
   índra yát te mā́hinaṃ dátram ásti

Halfverse: d    asmábʰyaṃ tád dʰaryaśva prá yandʰi //
   asmábʰyam tát haryaśva prá yandʰi //
   asmábʰyaṃ tád dʰáriaśva prá yandʰi //


Verse: 10 
Halfverse: a    asmé prá yandʰi magʰavann r̥jīṣinn índra rāyó viśvávārasya bʰū́reḥ /
   asmé prá yandʰi magʰavann r̥jīṣinn
   asmé prá yandʰi magʰavan r̥jīṣin
   asmé prá yandʰi magʰavann r̥jīṣinn

Halfverse: b    índra rāyó viśvávārasya bʰū́reḥ /
   índra rāyáḥ viśvávārasya bʰū́reḥ /
   índra rāyó viśvávārasya bʰū́reḥ /

Halfverse: c    asmé śatáṃ śarádo jīváse dʰā asmé vīrā́ñ cʰáśvata indra śiprin //
   asmé śatáṃ śarádo jīváse dʰā
   asmé śatám śarádaḥ jīváse dʰāḥ
   asmé śatáṃ śarádo jīváse dʰā

Halfverse: d    asmé vīrā́ñ cʰáśvata indra śiprin //
   asmé vīrā́n śáśvataḥ indra śiprin //
   asmé vīrā́ñ cʰáśvata indra śiprin //


Verse: 11 
Halfverse: a    śunáṃ huvema magʰávānam índram asmín bʰáre nŕ̥tamaṃ vā́jasātau /
   śunáṃ huvema magʰávānam índram
   śunám huvema magʰávānam índram
   śunáṃ huvema magʰávānam índram

Halfverse: b    asmín bʰáre nŕ̥tamaṃ vā́jasātau /
   asmín bʰáre nŕ̥tamam vā́jasātau /
   asmín bʰáre nŕ̥tamaṃ vā́jasātau /

Halfverse: c    śr̥ṇvántam ugrám ūtáye samátsu gʰnántaṃ vr̥trā́ṇi saṃjítaṃ dʰánānām //
   śr̥ṇvántam ugrám ūtáye samátsu
   śr̥ṇvántam ugrám ūtáye samátsu
   śr̥ṇvántam ugrám ūtáye samátsu

Halfverse: d    gʰnántaṃ vr̥trā́ṇi saṃjítaṃ dʰánānām //
   gʰnántam vr̥trā́ṇi saṃjítam dʰánānām //
   gʰnántaṃ vr̥trā́ṇi saṃjítaṃ dʰánānām //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.