TITUS
Rg-Veda: Rg-Veda-Samhita
Part No. 268
Previous part

Hymn: 34_(268) 
Verse: 1 
Halfverse: a    índraḥ pūrbʰíd ā́tirad dā́sam arkaír vidádvasur dáyamāno ví śátrūn /
   índraḥ pūrbʰíd ā́tirad dā́sam arkaír
   índraḥ pūrbʰít ā́ atirat dā́sam arkaíḥ
   índraḥ pūrbʰíd ā́tirad dā́sam arkaír

Halfverse: b    vidádvasur dáyamāno ví śátrūn /
   vidádvasuḥ dáyamānaḥ ví śátrūn /
   vidádvasur dáyamāno ví śátrūn /

Halfverse: c    bráhmajūtas tanvā̀ vāvr̥dʰānó bʰū́ridātra ā́pr̥ṇad ródasī ubʰé //
   bráhmajūtas tanvā̀ vāvr̥dʰānó
   bráhmajūtaḥ tanvā̀ vāvr̥dʰānáḥ
   bráhmajūtas tanúvā vāvr̥dʰānó

Halfverse: d    bʰū́ridātra ā́pr̥ṇad ródasī ubʰé //
   bʰū́ridātraḥ ā́ apr̥ṇat ródasī ubʰé //
   bʰū́ridātra ā́pr̥ṇad ródasī ubʰé //


Verse: 2 
Halfverse: a    makʰásya te taviṣásya prá jūtím íyarmi vā́cam amŕ̥tāya bʰū́ṣan /
   makʰásya te taviṣásya prá jūtím
   makʰásya te taviṣásya prá jūtím
   makʰásya te taviṣásya prá jūtím

Halfverse: b    íyarmi vā́cam amŕ̥tāya bʰū́ṣan /
   íyarmi vā́cam amŕ̥tāya bʰū́ṣan /
   íyarmi vā́cam amŕ̥tāya bʰū́ṣan /

Halfverse: c    índra kṣitīnā́m asi mā́nuṣīṇāṃ viśā́ṃ daívīnām utá pūrvayā́vā //
   índra kṣitīnā́m asi mā́nuṣīṇāṃ
   índra kṣitīnā́m asi mā́nuṣīṇām
   índra kṣitīnā́m asi mā́nuṣīṇāṃ

Halfverse: d    viśā́ṃ daívīnām utá pūrvayā́vā //
   viśā́m daívīnām utá pūrvayā́vā //
   viśā́ṃ daívīnām utá pūrvayā́vā //


Verse: 3 
Halfverse: a    índro vr̥trám avr̥ṇoc cʰárdʰanītiḥ prá māyínām aminād várpaṇītiḥ /
   índro vr̥trám avr̥ṇoc cʰárdʰanītiḥ
   índraḥ vr̥trám avr̥ṇot śárdʰanītiḥ
   índro vr̥trám avr̥ṇoc cʰárdʰanītiḥ

Halfverse: b    prá māyínām aminād várpaṇītiḥ /
   prá māyínām amināt várpaṇītiḥ /
   prá māyínām aminād várpaṇītiḥ /

Halfverse: c    áhan vyàṃsam uśádʰag váneṣv āvír dʰénā akr̥ṇod rāmyā́ṇām //
   áhan vyàṃsam uśádʰag váneṣv
   áhan vyàṃsam uśádʰak váneṣu
   áhan víaṃsam uśádʰag váneṣu

Halfverse: d    āvír dʰénā akr̥ṇod rāmyā́ṇām //
   āvíḥ dʰénāḥ akr̥ṇot rāmyā́ṇām //
   āvír dʰénā akr̥ṇod rāmiyā́ṇām //


Verse: 4 
Halfverse: a    índraḥ svarṣā́ janáyann áhāni jigā́yośígbʰiḥ pŕ̥tanā abʰiṣṭíḥ /
   índraḥ svarṣā́ janáyann áhāni
   índraḥ svarṣā́ḥ janáyan áhāni
   índraḥ suvarṣā́ janáyann áhāni

Halfverse: b    jigā́yośígbʰiḥ pŕ̥tanā abʰiṣṭíḥ /
   jigā́ya uśígbʰiḥ pŕ̥tanāḥ abʰiṣṭíḥ /
   jigā́yośígbʰiḥ pŕ̥tanā abʰiṣṭíḥ /

Halfverse: c    prā́rocayan mánave ketúm áhnām ávindaj jyótir br̥haté ráṇāya //
   prā́rocayan mánave ketúm áhnām
   prá arocayat mánave ketúm áhnām
   prā́rocayan mánave ketúm áhnām

Halfverse: d    ávindaj jyótir br̥haté ráṇāya //
   ávindat jyótiḥ br̥haté ráṇāya //
   ávindaj jyótir br̥haté ráṇāya //


Verse: 5 
Halfverse: a    índras tújo barháṇā ā́ viveśa nr̥vád dádʰāno náryā purū́ṇi /
   índras tújo barháṇā ā́ viveśa
   índraḥ tújaḥ barháṇāḥ ā́ viveśa
   índras tújo barháṇā ā́ viveśa

Halfverse: b    nr̥vád dádʰāno náryā purū́ṇi /
   nr̥vát dádʰānaḥ náryā purū́ṇi /
   nr̥vád dádʰāno náriyā purū́ṇi /

Halfverse: c    ácetayad dʰíya imā́ jaritré prémáṃ várṇam atirac cʰukrám āsām //
   ácetayad dʰíya imā́ jaritré
   ácetayat dʰíyaḥ imā́ḥ jaritré
   ácetayad dʰíya imā́ jaritré

Halfverse: d    prémáṃ várṇam atirac cʰukrám āsām //
   prá imám várṇam atirat śukrám āsām //
   prémáṃ várṇam atirac cʰukrám āsām //


Verse: 6 
Halfverse: a    mahó mahā́ni panayanty asyéndrasya kárma súkr̥tā purū́ṇi /
   mahó mahā́ni panayanty asya_
   maháḥ mahā́ni panayanti asya
   mahó mahā́ni panayanti asya

Halfverse: b    _índrasya kárma súkr̥tā purū́ṇi /
   índrasya kárma súkr̥tā purū́ṇi /
   índrasya kárma súkr̥tā purū́ṇi /

Halfverse: c    vr̥jánena vr̥jinā́n sám pipeṣa māyā́bʰir dásyūm̐r abʰíbʰūtyojāḥ //
   vr̥jánena vr̥jinā́n sám pipeṣa
   vr̥jánena vr̥jinā́n sám pipeṣa
   vr̥jánena vr̥jinā́n sám pipeṣa

Halfverse: d    māyā́bʰir dásyūm̐r abʰíbʰūtyojāḥ //
   māyā́bʰiḥ dásyūn abʰíbʰūtyojāḥ //
   māyā́bʰir dásyūm̐r abʰíbʰūtiojāḥ //


Verse: 7 
Halfverse: a    yudʰéndro mahnā́ várivaś cakāra devébʰyaḥ sátpatiś carṣaṇiprā́ḥ /
   yudʰéndro mahnā́ várivaś cakāra
   yudʰā́ índraḥ mahnā́ várivaḥ cakāra
   yudʰéndro mahnā́ várivaś cakāra

Halfverse: b    devébʰyaḥ sátpatiś carṣaṇiprā́ḥ /
   devébʰyaḥ sátpatiḥ carṣaṇiprā́ḥ /
   devébʰiyaḥ sátpatiś carṣaṇiprā́ḥ /

Halfverse: c    vivásvataḥ sádane asya tā́ni víprā uktʰébʰiḥ kaváyo gr̥ṇanti //
   vivásvataḥ sádane asya tā́ni
   vivásvataḥ sádane asya tā́ni
   vivásvataḥ sádane asya tā́ni

Halfverse: d    víprā uktʰébʰiḥ kaváyo gr̥ṇanti //
   víprāḥ uktʰébʰiḥ kaváyaḥ gr̥ṇanti //
   víprā uktʰébʰiḥ kaváyo gr̥ṇanti //


Verse: 8 
Halfverse: a    satrāsā́haṃ váreṇyaṃ sahodā́ṃ sasavā́ṃsaṃ svàr apáś ca devī́ḥ /
   satrāsā́haṃ váreṇyaṃ sahodā́ṃ
   satrāsā́ham váreṇyam sahodā́m
   satrāsā́haṃ váreṇiyaṃ sahodā́ṃ

Halfverse: b    sasavā́ṃsaṃ svàr apáś ca devī́ḥ /
   sasavā́ṃsam svàr apáḥ ca devī́ḥ /
   sasavā́ṃsaṃ súvar apáś ca devī́ḥ /

Halfverse: c    sasā́na yáḥ pr̥tʰivī́ṃ dyā́m utémā́m índram madanty ánu dʰī́raṇāsaḥ //
   sasā́na yáḥ pr̥tʰivī́ṃ dyā́m utémā́m
   sasā́na yáḥ pr̥tʰivī́m dyā́m utá imā́m
   sasā́na yáḥ pr̥tʰivī́ṃ dyā́m utémā́m

Halfverse: d    índram madanty ánu dʰī́raṇāsaḥ //
   índram madanti ánu dʰī́raṇāsaḥ //
   índram madanti ánu dʰī́raṇāsaḥ //


Verse: 9 
Halfverse: a    sasā́nā́tyām̐ utá sū́ryaṃ sasānéndraḥ sasāna purubʰójasaṃ gā́m /
   sasā́nā́tyām̐ utá sū́ryaṃ sasāna_
   sasā́na átyān utá sū́ryam sasāna
   sasā́nā́tyām̐ utá sū́ryaṃ sasāna

Halfverse: b    _índraḥ sasāna purubʰójasaṃ gā́m /
   índraḥ sasāna purubʰójasam gā́m /
   índraḥ sasāna purubʰójasaṃ gā́m /

Halfverse: c    hiraṇyáyam utá bʰógaṃ sasāna hatvī́ dásyūn prā́ryaṃ várṇam āvat //
   hiraṇyáyam utá bʰógaṃ sasāna
   hiraṇyáyam utá bʰógam sasāna
   hiraṇyáyam utá bʰógaṃ sasāna

Halfverse: d    hatvī́ dásyūn prā́ryaṃ várṇam āvat //
   hatvī́ dásyūn prá ā́ryam várṇam āvat //
   hatvī́ dásyūn prā́riyaṃ várṇam āvat //


Verse: 10 
Halfverse: a    índra óṣadʰīr asanod áhāni vánaspátīm̐r asanod antárikṣam /
   índra óṣadʰīr asanod áhāni
   índraḥ óṣadʰīḥ asanot áhāni
   índra óṣadʰīr asanod áhāni

Halfverse: b    vánaspátīm̐r asanod antárikṣam /
   vánaspátīn asanot antárikṣam /
   vánaspátīm̐r asanod antárikṣam /

Halfverse: c    bibʰéda valáṃ nunudé vívācó 'tʰābʰavad damitā́bʰíkratūnām //
   bibʰéda valáṃ nunudé vívācó
   bibʰéda valám nunudé vívācaḥ
   bibʰéda valáṃ nunudé vívāco

Halfverse: d    'tʰābʰavad damitā́bʰíkratūnām //
   átʰa abʰavat damitā́ abʰíkratūnām //
   átʰābʰavad damitā́bʰíkratūnām //


Verse: 11 
Halfverse: a    śunáṃ huvema magʰávānam índram asmín bʰáre nŕ̥tamaṃ vā́jasātau /
   śunáṃ huvema magʰávānam índram
   śunám huvema magʰávānam índram
   śunáṃ huvema magʰávānam índram

Halfverse: b    asmín bʰáre nŕ̥tamaṃ vā́jasātau /
   asmín bʰáre nŕ̥tamam vā́jasātau /
   asmín bʰáre nŕ̥tamaṃ vā́jasātau /

Halfverse: c    śr̥ṇvántam ugrám ūtáye samátsu gʰnántaṃ vr̥trā́ṇi saṃjítaṃ dʰánānām //
   śr̥ṇvántam ugrám ūtáye samátsu
   śr̥ṇvántam ugrám ūtáye samátsu
   śr̥ṇvántam ugrám ūtáye samátsu

Halfverse: d    gʰnántaṃ vr̥trā́ṇi saṃjítaṃ dʰánānām //
   gʰnántam vr̥trā́ṇi saṃjítam dʰánānām //
   gʰnántaṃ vr̥trā́ṇi saṃjítaṃ dʰánānām //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.