TITUS
Rg-Veda: Rg-Veda-Samhita
Part No. 267
Previous part

Hymn: 33_(267) 
Verse: 1 
Halfverse: a    prá párvatānām uśatī́ upástʰād áśve iva víṣite hā́samāne /
   prá párvatānām uśatī́ upástʰād
   prá párvatānām uśatī́ upástʰāt
   prá párvatānām uśatī́ upástʰād

Halfverse: b    áśve iva víṣite hā́samāne /
   áśve iva víṣite hā́samāne /
   áśve iva víṣite hā́samāne /

Halfverse: c    gā́veva śubʰré mātárā rihāṇé vípāṭ cʰutudrī́ páyasā javete //
   gā́veva śubʰré mātárā rihāṇé
   gā́vā iva śubʰré mātárā rihāṇé
   gā́veva śubʰré mātárā rihāṇé

Halfverse: d    vípāṭ cʰutudrī́ páyasā javete //
   vípāṭ śutudrī́ páyasā javete //
   vípāṭ cʰutudrī́ páyasā javete //


Verse: 2 
Halfverse: a    índreṣite prasavám bʰíkṣamāṇe ácʰā samudráṃ ratʰyèva yātʰaḥ /
   índreṣite prasavám bʰíkṣamāṇe
   índreṣite prasavám bʰíkṣamāṇe
   índreṣite prasavám bʰíkṣamāṇe

Halfverse: b    ácʰā samudráṃ ratʰyèva yātʰaḥ /
   ácʰa+ samudrám ratʰyā̀ iva yātʰaḥ /
   ácʰā samudráṃ ratʰíyeva yātʰaḥ /

Halfverse: c    samārāṇé ūrmíbʰiḥ pínvamāne anyā́ vām anyā́m ápy eti śubʰre //
   samārāṇé ūrmíbʰiḥ pínvamāne
   samārāṇé ūrmíbʰiḥ pínvamāne
   samārāṇé ūrmíbʰiḥ pínvamāne

Halfverse: d    anyā́ vām anyā́m ápy eti śubʰre //
   anyā́ vām anyā́m ápi eti śubʰre //
   anyā́ vām anyā́m ápi eti śubʰre //


Verse: 3 
Halfverse: a    ácʰā síndʰum mātŕ̥tamām ayāsaṃ vípāśam urvī́ṃ subʰágām aganma /
   ácʰā síndʰum mātŕ̥tamām ayāsaṃ
   ácʰa+ síndʰum mātŕ̥tamām ayāsam
   ácʰā síndʰum mātŕ̥tamām ayāsaṃ

Halfverse: b    vípāśam urvī́ṃ subʰágām aganma /
   vípāśam urvī́m subʰágām aganma /
   vípāśam urvī́ṃ subʰágām aganma /

Halfverse: c    vatsám iva mātárā saṃrihāṇé samānáṃ yónim ánu saṃcárantī //
   vatsám iva mātárā saṃrihāṇé
   vatsám iva mātárā saṃrihāṇé
   vatsám iva mātárā saṃrihāṇé

Halfverse: d    samānáṃ yónim ánu saṃcárantī //
   samānám yónim ánu saṃcárantī //
   samānáṃ yónim ánu saṃcárantī //


Verse: 4 
Halfverse: a    enā́ vayám páyasā pínvamānā ánu yóniṃ devákr̥taṃ cárantīḥ /
   enā́ vayám páyasā pínvamānā
   enā́ vayám páyasā pínvamānāḥ
   enā́ vayám páyasā pínvamānā

Halfverse: b    ánu yóniṃ devákr̥taṃ cárantīḥ /
   ánu yónim devákr̥tam cárantīḥ /
   ánu yóniṃ devákr̥taṃ cárantīḥ /

Halfverse: c    ná vártave prasaváḥ sárgataktaḥ kiṃyúr vípro nadyò johavīti //
   ná vártave prasaváḥ sárgataktaḥ
   ná vártave prasaváḥ sárgataktaḥ
   ná vártave prasaváḥ sárgataktaḥ

Halfverse: d    kiṃyúr vípro nadyò johavīti //
   kiṃyúḥ vípraḥ nadyàḥ johavīti //
   kiṃyúr vípro nadíyo johavīti //


Verse: 5 
Halfverse: a    rámadʰvam me vácase somyā́ya ŕ̥tāvarīr úpa muhūrtám évaiḥ /
   rámadʰvam me vácase somyā́ya
   rámadʰvam me vácase somyā́ya
   rámadʰvam me vácase somiyā́ya

Halfverse: b    ŕ̥tāvarīr úpa muhūrtám évaiḥ /
   ŕ̥tāvarīḥ úpa muhūrtám évaiḥ /
   ŕ̥tāvarīr úpa muhūrtám évaiḥ /

Halfverse: c    prá síndʰum ácʰā br̥hatī́ manīṣā́vasyúr ahve kuśikásya sūnúḥ //
   prá síndʰum ácʰā br̥hatī́ manīṣā́_
   prá síndʰum ácʰa+ br̥hatī́ manīṣā́
   prá síndʰum ácʰā br̥hatī́ manīṣā́

Halfverse: d    _avasyúr ahve kuśikásya sūnúḥ //
   avasyúḥ ahve kuśikásya sūnúḥ //
   avasyúr ahve kuśikásya sūnúḥ //


Verse: 6 
Halfverse: a    índro asmā́m̐ aradad vájrabāhur ápāhan vr̥trám paridʰíṃ nadī́nām /
   índro asmā́m̐ aradad vájrabāhur
   índraḥ asmā́n aradat vájrabāhuḥ
   índro asmā́m̐ aradad vájrabāhur

Halfverse: b    ápāhan vr̥trám paridʰíṃ nadī́nām /
   ápa ahan vr̥trám paridʰím nadī́nām /
   ápāhan vr̥trám paridʰíṃ nadī́nām /

Halfverse: c    devò 'nayat savitā́ supāṇís tásya vayám prasavé yāma urvī́ḥ //
   devò 'nayat savitā́ supāṇís
   deváḥ anayat savitā́ supāṇíḥ
   devó anayat savitā́ supāṇís

Halfverse: d    tásya vayám prasavé yāma urvī́ḥ //
   tásya vayám prasavé yāmaḥ urvī́ḥ //
   tásya vayám prasavé yāma urvī́ḥ //


Verse: 7 
Halfverse: a    pravā́cyaṃ śaśvadʰā́ vīryàṃ tád índrasya kárma yád áhiṃ vivr̥ścát /
   pravā́cyaṃ śaśvadʰā́ vīryàṃ tád
   pravā́cyam śaśvadʰā́ vīryàm tát
   pravā́ciyaṃ śaśvadʰā́ vīríyaṃ tád

Halfverse: b    índrasya kárma yád áhiṃ vivr̥ścát /
   índrasya kárma yát áhim vivr̥ścát /
   índrasya kárma yád áhiṃ vivr̥ścát /

Halfverse: c    ví vájreṇa pariṣádo jagʰānā́yann ā́pó 'yanam icʰámānāḥ //
   ví vájreṇa pariṣádo jagʰāna_
   ví vájreṇa pariṣádaḥ jagʰāna
   ví vájreṇa pariṣádo jagʰāna

Halfverse: d    _ā́yann ā́pó 'yanam icʰámānāḥ //
   ā́yan ā́paḥ áyanam icʰámānāḥ //
   ā́yann ā́po áyanam icʰámānāḥ //


Verse: 8 
Halfverse: a    etád váco jaritar mā́pi mr̥ṣṭʰā ā́ yát te gʰóṣān úttarā yugā́ni /
   etád váco jaritar mā́pi mr̥ṣṭʰā
   etát vácaḥ jaritar mā́ ápi mr̥ṣṭʰāḥ
   etád váco jaritar mā́pi mr̥ṣṭʰā

Halfverse: b    ā́ yát te gʰóṣān úttarā yugā́ni /
   ā́ yát te gʰóṣān úttarā yugā́ni /
   ā́ yát te gʰóṣān úttarā yugā́ni /

Halfverse: c    uktʰéṣu kāro práti no juṣasva mā́ no ní kaḥ puruṣatrā́ námas te //
   uktʰéṣu kāro práti no juṣasva
   uktʰéṣu kāro práti naḥ juṣasva
   uktʰéṣu kāro práti no juṣasva

Halfverse: d    mā́ no ní kaḥ puruṣatrā́ námas te //
   mā́ naḥ ní kar puruṣatrā́ námaḥ te //
   mā́ no ní kaḥ puruṣatrā́ námas te //


Verse: 9 
Halfverse: a    ó ṣú svasāraḥ kāráve śr̥ṇota yayaú vo dūrā́d ánasā rátʰena /
   ó ṣú svasāraḥ kāráve śr̥ṇota
   ā́ u sú svasāraḥ kāráve śr̥ṇota
   ó ṣú svasāraḥ kāráve śr̥ṇota

Halfverse: b    yayaú vo dūrā́d ánasā rátʰena /
   yayaú vaḥ dūrā́t ánasā rátʰena /
   yayaú vo dūrā́d ánasā rátʰena /

Halfverse: c    ní ṣū́ namadʰvam bʰávatā supārā́ adʰoakṣā́ḥ sindʰavaḥ srotyā́bʰiḥ //
   ní ṣū́ namadʰvam bʰávatā supārā́
   ní sú+ namadʰvam bʰávata+ supārā́ḥ
   ní ṣū́ namadʰvam bʰávatā supārā́

Halfverse: d    adʰoakṣā́ḥ sindʰavaḥ srotyā́bʰiḥ //
   adʰoakṣā́ḥ sindʰavaḥ srotyā́bʰiḥ //
   adʰoakṣā́ḥ sindʰavaḥ srotiyā́bʰiḥ //


Verse: 10 
Halfverse: a    ā́ te kāro śr̥ṇavāmā vácāṃsi yayā́tʰa dūrā́d ánasā rátʰena /
   ā́ te kāro śr̥ṇavāmā vácāṃsi
   ā́ te kāro śr̥ṇavāma+ vácāṃsi
   ā́ te kāro śr̥ṇavāmā vácāṃsi

Halfverse: b    yayā́tʰa dūrā́d ánasā rátʰena /
   yayā́tʰa dūrā́t ánasā rátʰena /
   yayā́tʰa dūrā́d ánasā rátʰena /

Halfverse: c    ní te naṃsai pīpyānéva yóṣā máryāyeva kanyā̀ śaśvacaí te //
   ní te naṃsai pīpyānéva yóṣā
   ní te naṃsai pīpyānā́ iva yóṣā
   ní te naṃsai pīpiyānéva yóṣā

Halfverse: d    máryāyeva kanyā̀ śaśvacaí te //
   máryāya iva kanyā̀ śaśvacaí te //
   máryāyeva kaníyā śaśvacaí te //


Verse: 11 
Halfverse: a    yád aṅgá tvā bʰaratā́ḥ saṃtáreyur gavyán grā́ma iṣitá índrajūtaḥ /
   yád aṅgá tvā bʰaratā́ḥ saṃtáreyur
   yát aṅgá tvā bʰaratā́ḥ saṃtáreyuḥ
   yád aṅgá tvā bʰaratā́ḥ saṃtáreyur

Halfverse: b    gavyán grā́ma iṣitá índrajūtaḥ /
   gavyán grā́maḥ iṣitáḥ índrajūtaḥ /
   gavyán grā́ma iṣitá índrajūtaḥ /

Halfverse: c    árṣād áha prasaváḥ sárgatakta ā́ vo vr̥ṇe sumatíṃ yajñíyānām //
   árṣād áha prasaváḥ sárgatakta
   árṣāt áha prasaváḥ sárgataktaḥ
   árṣād áha prasaváḥ sárgatakta

Halfverse: d    ā́ vo vr̥ṇe sumatíṃ yajñíyānām //
   ā́ vaḥ vr̥ṇe sumatím yajñíyānām //
   ā́ vo vr̥ṇe sumatíṃ yajñíyānām //


Verse: 12 
Halfverse: a    átāriṣur bʰaratā́ gavyávaḥ sám ábʰakta vípraḥ sumatíṃ nadī́nām /
   átāriṣur bʰaratā́ gavyávaḥ sám
   átāriṣuḥ bʰaratā́ḥ gavyávaḥ sám
   átāriṣur bʰaratā́ gavyávaḥ sám

Halfverse: b    ábʰakta vípraḥ sumatíṃ nadī́nām /
   ábʰakta vípraḥ sumatím nadī́nām /
   ábʰakta vípraḥ sumatíṃ nadī́nām /

Halfverse: c    prá pinvadʰvam iṣáyantīḥ surā́dʰā ā́ vakṣáṇāḥ pr̥ṇádʰvaṃ yātá śī́bʰam //
   prá pinvadʰvam iṣáyantīḥ surā́dʰā
   prá pinvadʰvam iṣáyantīḥ surā́dʰāḥ
   prá pinvadʰvam iṣáyantīḥ surā́dʰā

Halfverse: d    ā́ vakṣáṇāḥ pr̥ṇádʰvaṃ yātá śī́bʰam //
   ā́ vakṣáṇāḥ pr̥ṇádʰvam yātá śī́bʰam //
   ā́ vakṣáṇāḥ pr̥ṇádʰvaṃ yātá śī́bʰam //


Verse: 13 
Halfverse: a    úd va ūrmíḥ śámyā hantv ā́po yóktrāṇi muñcata /
   úd va ūrmíḥ śámyā hantv
   út vaḥ ūrmíḥ śámyāḥ hantu
   úd va ūrmíḥ śámyā hantu

Halfverse: b    ā́po yóktrāṇi muñcata /
   ā́paḥ yóktrāṇi muñcata /
   ā́po yóktrāṇi muñcata /

Halfverse: c    mā́duṣkr̥tau vyènasāgʰnyaú śū́nam ā́ratām //
   mā́duṣkr̥tau vyènasā_
   mā́ áduṣkr̥tau vyènasā
   mā́duṣkr̥tau víenasā

Halfverse: d    _agʰnyaú śū́nam ā́ratām //
   agʰnyaú śū́nam ā́ aratām //
   agʰniyaú śū́nam ā́ratām //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.