TITUS
Rg-Veda: Rg-Veda-Samhita
Part No. 266
Previous part

Hymn: 32_(266) 
Verse: 1 
Halfverse: a    índra sómaṃ somapate píbemám mā́dʰyaṃdinaṃ sávanaṃ cā́ru yát te /
   índra sómaṃ somapate píbemám
   índra sómam somapate píba imám
   índra sómaṃ somapate píbemám

Halfverse: b    mā́dʰyaṃdinaṃ sávanaṃ cā́ru yát te /
   mā́dʰyaṃdinam sávanam cā́ru yát te /
   mā́dʰyaṃdinaṃ sávanaṃ cā́ru yát te /

Halfverse: c    praprútʰyā śípre magʰavann r̥jīṣin vimúcyā hárī ihá mādayasva //
   praprútʰyā śípre magʰavann r̥jīṣin
   praprútʰya+ śípre magʰavan r̥jīṣin
   praprútʰyā śípre magʰavann r̥jīṣin

Halfverse: d    vimúcyā hárī ihá mādayasva //
   vimúcya+ hárī ihá mādayasva //
   vimúcyā hárī ihá mādayasva //


Verse: 2 
Halfverse: a    gávāśiram mantʰínam indra śukrám píbā sómaṃ rarimā́ te mádāya /
   gávāśiram mantʰínam indra śukrám
   gávāśiram mantʰínam indra śukrám
   gávāśiram mantʰínam indra śukrám

Halfverse: b    píbā sómaṃ rarimā́ te mádāya /
   píba+ sómam rarimá+ te mádāya /
   píbā sómaṃ rarimā́ te mádāya /

Halfverse: c    brahmakŕ̥tā mā́rutenā gaṇéna sajóṣā rudraís tr̥pád ā́ vr̥ṣasva //
   brahmakŕ̥tā mā́rutenā gaṇéna
   brahmakŕ̥tā mā́rutena+ gaṇéna
   brahmakŕ̥tā mā́rutenā gaṇéna

Halfverse: d    sajóṣā rudraís tr̥pád ā́ vr̥ṣasva //
   sajóṣāḥ rudraíḥ tr̥pát ā́ vr̥ṣasva //
   sajóṣā rudraís tr̥pád ā́ vr̥ṣasva //


Verse: 3 
Halfverse: a    yé te śúṣmaṃ yé táviṣīm ávardʰann árcanta indra marútas ta ójaḥ /
   yé te śúṣmaṃ yé táviṣīm ávardʰann
   yé te śúṣmam yé táviṣīm ávardʰan
   yé te śúṣmaṃ yé táviṣīm ávardʰann

Halfverse: b    árcanta indra marútas ta ójaḥ /
   árcantaḥ indra marútaḥ te ójaḥ /
   árcanta indra marútas ta ójaḥ /

Halfverse: c    mā́dʰyaṃdine sávane vajrahasta píbā rudrébʰiḥ ságaṇaḥ suśipra //
   mā́dʰyaṃdine sávane vajrahasta
   mā́dʰyaṃdine sávane vajrahasta
   mā́dʰyaṃdine sávane vajrahasta

Halfverse: d    píbā rudrébʰiḥ ságaṇaḥ suśipra //
   píba+ rudrébʰiḥ ságaṇaḥ suśipra //
   píbā rudrébʰiḥ ságaṇaḥ suśipra //


Verse: 4 
Halfverse: a    tá ín nv àsya mádʰumad vivipra índrasya śárdʰo marúto yá ā́san /
   tá ín nv àsya mádʰumad vivipra
   té ít nú asya mádʰumat vivipre
   tá ín nú asya mádʰumad vivipra

Halfverse: b    índrasya śárdʰo marúto yá ā́san /
   índrasya śárdʰaḥ marútaḥ yé ā́san /
   índrasya śárdʰo marúto yá ā́san /

Halfverse: c    yébʰir vr̥trásyeṣitó vivédāmarmáṇo mányamānasya márma //
   yébʰir vr̥trásyeṣitó vivéda_
   yébʰiḥ vr̥trásya iṣitáḥ vivéda
   yébʰir vr̥trásya iṣitó vivéda

Halfverse: d    _amarmáṇo mányamānasya márma //
   amarmáṇaḥ mányamānasya márma //
   amarmáṇo mányamānasya márma //


Verse: 5 
Halfverse: a    manuṣvád indra sávanaṃ juṣāṇáḥ píbā sómaṃ śáśvate vīryā̀ya /
   manuṣvád indra sávanaṃ juṣāṇáḥ
   manuṣvát indra sávanam juṣāṇáḥ
   manuṣvád indra sávanaṃ juṣāṇáḥ

Halfverse: b    píbā sómaṃ śáśvate vīryā̀ya /
   píba+ sómam śáśvate vīryā̀ya /
   píbā sómaṃ śáśvate vīríyāya /

Halfverse: c    sá ā́ vavr̥tsva haryaśva yajñaíḥ saraṇyúbʰir apó árṇā sisarṣi //
   sá ā́ vavr̥tsva haryaśva yajñaíḥ
   sáḥ \!\ ā́ vavr̥tsva haryaśva yajñaíḥ
   sá ā́ vavr̥tsva háriaśva yajñaíḥ

Halfverse: d    saraṇyúbʰir apó árṇā sisarṣi //
   saraṇyúbʰiḥ apáḥ árṇā sisarṣi //
   saraṇyúbʰir apó árṇā sisarṣi //


Verse: 6 
Halfverse: a    tvám apó yád dʰa vr̥tráṃ jagʰanvā́m̐ átyām̐ iva prā́sr̥jaḥ sártavā́jaú /
   tvám apó yád dʰa vr̥tráṃ jagʰanvā́m̐
   tvám apáḥ yát ha vr̥trám jagʰanvā́n
   tuvám apó yád dʰa vr̥tráṃ jagʰanvā́m̐

Halfverse: b    átyām̐ iva prā́sr̥jaḥ sártavā́jaú /
   átyān iva prá ásr̥jaḥ sártavaí ājaú /
   átyām̐ iva prā́sr̥jaḥ sártavā́jaú /

Halfverse: c    śáyānam indra cáratā vadʰéna vavrivā́ṃsam pári devī́r ádevam //
   śáyānam indra cáratā vadʰéna
   śáyānam indra cáratā vadʰéna
   śáyānam indra cáratā vadʰéna

Halfverse: d    vavrivā́ṃsam pári devī́r ádevam //
   vavrivā́ṃsam pári devī́ḥ ádevam //
   vavrivā́ṃsam pári devī́r ádevam //


Verse: 7 
Halfverse: a    yájāma ín námasā vr̥ddʰám índram br̥hántam r̥ṣvám ajáraṃ yúvānam /
   yájāma ín námasā vr̥ddʰám índram
   yájāmaḥ ít námasā vr̥ddʰám índram
   yájāma ín námasā vr̥ddʰám índram

Halfverse: b    br̥hántam r̥ṣvám ajáraṃ yúvānam /
   br̥hántam r̥ṣvám ajáram yúvānam /
   br̥hántam r̥ṣvám ajáraṃ yúvānam /

Halfverse: c    yásya priyé mamátur yajñíyasya ná ródasī mahimā́nam mamā́te //
   yásya priyé mamátur yajñíyasya
   yásya priyé mamátuḥ yajñíyasya
   yásya priyé mamátur yajñíyasya

Halfverse: d    ná ródasī mahimā́nam mamā́te //
   ná ródasī mahimā́nam mamā́te //
   ná ródasī mahimā́nam mamā́te //


Verse: 8 
Halfverse: a    índrasya kárma súkr̥tā purū́ṇi vratā́ni devā́ ná minanti víśve /
   índrasya kárma súkr̥tā purū́ṇi
   índrasya kárma súkr̥tā purū́ṇi
   índrasya kárma súkr̥tā purū́ṇi

Halfverse: b    vratā́ni devā́ ná minanti víśve /
   vratā́ni devā́ḥ ná minanti víśve /
   vratā́ni devā́ ná minanti víśve /

Halfverse: c    dādʰā́ra yáḥ pr̥tʰivī́ṃ dyā́m utémā́ṃ jajā́na sū́ryam uṣásaṃ sudáṃsāḥ //
   dādʰā́ra yáḥ pr̥tʰivī́ṃ dyā́m utémā́ṃ
   dādʰā́ra yáḥ pr̥tʰivī́m dyā́m utá imā́m
   dādʰā́ra yáḥ pr̥tʰivī́ṃ dyā́m utémā́ṃ

Halfverse: d    jajā́na sū́ryam uṣásaṃ sudáṃsāḥ //
   jajā́na sū́ryam uṣásam sudáṃsāḥ //
   jajā́na sū́ryam uṣásaṃ sudáṃsāḥ //


Verse: 9 
Halfverse: a    ádrogʰa satyáṃ táva tán mahitváṃ sadyó yáj jātó ápibo ha sómam /
   ádrogʰa satyáṃ táva tán mahitváṃ
   ádrogʰa satyám táva tát mahitvám
   ádrogʰa satyáṃ táva tán mahitváṃ

Halfverse: b    sadyó yáj jātó ápibo ha sómam /
   sadyáḥ yát jātáḥ ápibaḥ ha sómam /
   sadyó yáj jātó ápibo ha sómam /

Halfverse: c    ná dyā́va indra tavásas ta ójo nā́hā ná mā́sāḥ śarádo varanta //
   ná dyā́va indra tavásas ta ójo
   ná dyā́vaḥ indra tavásaḥ te ójaḥ
   ná dyā́va indra tavásas ta ójo

Halfverse: d    nā́hā ná mā́sāḥ śarádo varanta //
   ná áhā ná mā́sāḥ śarádaḥ varanta //
   nā́hā ná mā́sāḥ śarádo varanta //


Verse: 10 
Halfverse: a    tváṃ sadyó apibo jātá indra mádāya sómam paramé vyòman /
   tváṃ sadyó apibo jātá indra
   tvám sadyáḥ apibaḥ jātáḥ indra
   tuváṃ sadyó apibo jātá indra

Halfverse: b    mádāya sómam paramé vyòman /
   mádāya sómam paramé vyòman /
   mádāya sómam paramé víoman /

Halfverse: c    yád dʰa dyā́vāpr̥tʰivī́ ā́viveśīr átʰābʰavaḥ pūrvyáḥ kārúdʰāyāḥ //
   yád dʰa dyā́vāpr̥tʰivī́ ā́viveśīr
   yát ha dyā́vāpr̥tʰivī́ ā́ áviveśīḥ
   yád dʰa dyā́vāpr̥tʰivī́ ā́viveśīr

Halfverse: d    átʰābʰavaḥ pūrvyáḥ kārúdʰāyāḥ //
   átʰa abʰavaḥ pūrvyáḥ kārúdʰāyāḥ //
   átʰābʰavaḥ pūrviyáḥ kārúdʰāyāḥ //


Verse: 11 
Halfverse: a    áhann áhim pariśáyānam árṇa ojāyámānaṃ tuvijāta távyān /
   áhann áhim pariśáyānam árṇa
   áhan áhim pariśáyānam árṇaḥ
   áhann áhim pariśáyānam árṇa

Halfverse: b    ojāyámānaṃ tuvijāta távyān /
   ojāyámānam tuvijāta távyān /
   ojāyámānaṃ tuvijāta távyān /

Halfverse: c    ná te mahitvám ánu bʰūd ádʰa dyaúr yád anyáyā spʰigyā̀ kṣā́m ávastʰāḥ //
   ná te mahitvám ánu bʰūd ádʰa dyaúr
   ná te mahitvám ánu bʰūt ádʰa dyaúḥ
   ná te mahitvám ánu bʰūd ádʰa dyaúr

Halfverse: d    yád anyáyā spʰigyā̀ kṣā́m ávastʰāḥ //
   yát anyáyā spʰigyā̀ kṣā́m ávastʰāḥ //
   yád anyáyā spʰigíyā kṣā́m ávastʰāḥ //


Verse: 12 
Halfverse: a    yajñó hí ta indra várdʰano bʰū́d utá priyáḥ sutásomo miyédʰaḥ /
   yajñó hí ta indra várdʰano bʰū́d
   yajñáḥ hí te indra várdʰanaḥ bʰū́t
   yajñó hí ta indara várdʰano bʰū́d

Halfverse: b    utá priyáḥ sutásomo miyédʰaḥ /
   utá priyáḥ sutásomaḥ miyédʰaḥ /
   utá priyáḥ sutásomo miyédʰaḥ /

Halfverse: c    yajñéna yajñám ava yajñíyaḥ sán yajñás te vájram ahihátya āvat //
   yajñéna yajñám ava yajñíyaḥ sán
   yajñéna yajñám ava yajñíyaḥ sán
   yajñéna yajñám ava yajñíyaḥ sán

Halfverse: d    yajñás te vájram ahihátya āvat //
   yajñáḥ te vájram ahihátye āvat //
   yajñás te vájram ahihátya āvat //


Verse: 13 
Halfverse: a    yajñénéndram ávasā́ cakre arvā́g aínaṃ sumnā́ya návyase vavr̥tyām /
   yajñénéndram ávasā́ cakre arvā́g
   yajñéna índram ávasā ā́ cakre arvā́k
   yajñénéndram ávasā́ cakre arvā́g

Halfverse: b    aínaṃ sumnā́ya návyase vavr̥tyām /
   ā́ enam sumnā́ya návyase vavr̥tyām /
   aínaṃ sumnā́ya návyase vavr̥tyām /

Halfverse: c    yá stómebʰir vāvr̥dʰé pūrvyébʰir yó madʰyamébʰir utá nū́tanebʰiḥ //
   yá stómebʰir vāvr̥dʰé pūrvyébʰir
   yáḥ stómebʰiḥ vāvr̥dʰé pūrvyébʰiḥ
   yá stómebʰir vāvr̥dʰé pūrviyébʰir

Halfverse: d    yó madʰyamébʰir utá nū́tanebʰiḥ //
   yáḥ madʰyamébʰiḥ utá nū́tanebʰiḥ //
   yó madʰyamébʰir utá nū́tanebʰiḥ //


Verse: 14 
Halfverse: a    vivéṣa yán mā dʰiṣáṇā jajā́na stávai purā́ pā́ryād índram áhnaḥ /
   vivéṣa yán mā dʰiṣáṇā jajā́na
   vivéṣa yát mā dʰiṣáṇā jajā́na
   vivéṣa yán mā dʰiṣáṇā jajā́na

Halfverse: b    stávai purā́ pā́ryād índram áhnaḥ /
   stávai purā́ pā́ryāt índram áhnaḥ /
   stávai purā́ pā́riyād índram áhnaḥ /

Halfverse: c    áṃhaso yátra pīpárad yátʰā no nāvéva yā́ntam ubʰáye havante //
   áṃhaso yátra pīpárad yátʰā no
   áṃhasaḥ yátra pīpárat yátʰā naḥ
   áṃhaso yátra pīpárad yátʰā no

Halfverse: d    nāvéva yā́ntam ubʰáye havante //
   nāvā́ iva yā́ntam ubʰáye havante //
   nāvéva yā́ntam ubʰáye havante //


Verse: 15 
Halfverse: a    ā́pūrṇo asya kaláśaḥ svā́hā sékteva kóśaṃ sisice píbadʰyai /
   ā́pūrṇo asya kaláśaḥ svā́hā
   ā́pūrṇaḥ asya kaláśaḥ svā́hā
   ā́pūrṇo asya kaláśaḥ suvā́hā

Halfverse: b    sékteva kóśaṃ sisice píbadʰyai /
   séktā iva kóśam sisice píbadʰyai /
   sékteva kóśaṃ sisice píbadʰyai /

Halfverse: c    sám u priyā́ ā́vavr̥tran mádāya pradakṣiṇíd abʰí sómāsa índram //
   sám u priyā́ ā́vavr̥tran mádāya
   sám u priyā́ḥ ā́ avavr̥tran mádāya
   sám u priyā́ ā́vavr̥tran mádāya

Halfverse: d    pradakṣiṇíd abʰí sómāsa índram //
   pradakṣiṇít abʰí sómāsaḥ índram //
   pradakṣiṇíd abʰí sómāsa índram //


Verse: 16 
Halfverse: a    ná tvā gabʰīráḥ puruhūta síndʰur nā́drayaḥ pári ṣánto varanta /
   ná tvā gabʰīráḥ puruhūta síndʰur
   ná tvā gabʰīráḥ puruhūta síndʰuḥ
   ná tvā gabʰīráḥ puruhūta síndʰur

Halfverse: b    nā́drayaḥ pári ṣánto varanta /
   ná ádrayaḥ pári sántaḥ varanta /
   ná ádrayaḥ pári ṣánto varanta /

Halfverse: c    ittʰā́ sákʰibʰya iṣitó yád indrā́ dr̥ḷʰáṃ cid árujo gávyam ūrvám //
   ittʰā́ sákʰibʰya iṣitó yád indra_
   ittʰā́ sákʰibʰyaḥ iṣitáḥ yát indra
   ittʰā́ sákʰibʰya iṣitó yád indra

Halfverse: d    _ā́ dr̥ḷʰáṃ cid árujo gávyam ūrvám //
   ā́ dr̥ḷʰám cit árujaḥ gávyam ūrvám //
   ā́ dr̥ḷʰáṃ cid árujo gávyam ūrvám //


Verse: 17 
Halfverse: a    śunáṃ huvema magʰávānam índram asmín bʰáre nŕ̥tamaṃ vā́jasātau /
   śunáṃ huvema magʰávānam índram
   śunám huvema magʰávānam índram
   śunáṃ huvema magʰávānam índram

Halfverse: b    asmín bʰáre nŕ̥tamaṃ vā́jasātau /
   asmín bʰáre nŕ̥tamam vā́jasātau /
   asmín bʰáre nŕ̥tamaṃ vā́jasātau /

Halfverse: c    śr̥ṇvántam ugrám ūtáye samátsu gʰnántaṃ vr̥trā́ṇi saṃjítaṃ dʰánānām //
   śr̥ṇvántam ugrám ūtáye samátsu
   śr̥ṇvántam ugrám ūtáye samátsu
   śr̥ṇvántam ugrám ūtáye samátsu

Halfverse: d    gʰnántaṃ vr̥trā́ṇi saṃjítaṃ dʰánānām //
   gʰnántam vr̥trā́ṇi saṃjítam dʰánānām //
   gʰnántaṃ vr̥trā́ṇi saṃjítaṃ dʰánānām //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.