TITUS
Rg-Veda: Rg-Veda-Samhita
Part No. 265
Previous part

Hymn: 31_(265) 
Verse: 1 
Halfverse: a    śā́sad váhnir duhitúr naptyàṃ gād vidvā́m̐ r̥tásya dī́dʰitiṃ saparyán /
   śā́sad váhnir duhitúr naptyàṃ gād
   śā́sat váhniḥ duhitúḥ naptyàm gāt
   śā́sad váhnir duhitúr naptíyaṃ gād

Halfverse: b    vidvā́m̐ r̥tásya dī́dʰitiṃ saparyán /
   vidvā́n r̥tásya dī́dʰitim saparyán /
   vidvā́m̐ r̥tásya dī́dʰitiṃ saparyán /

Halfverse: c    pitā́ yátra duhitúḥ sékam r̥ñján sáṃ śagmyèna mánasā dadʰanvé //
   pitā́ yátra duhitúḥ sékam r̥ñján
   pitā́ yátra duhitúḥ sékam r̥ñján
   pitā́ yátra duhitúḥ sékam r̥ñján

Halfverse: d    sáṃ śagmyèna mánasā dadʰanvé //
   sám śagmyèna mánasā dadʰanvé //
   sáṃ śagmíyena mánasā dadʰanvé //


Verse: 2 
Halfverse: a    ná jāmáye tā́nvo riktʰám āraik cakā́ra gárbʰaṃ sanitúr nidʰā́nam /
   ná jāmáye tā́nvo riktʰám āraik
   ná jāmáye tā́nvaḥ riktʰám āraik
   ná jāmáye tā́nuvo riktʰám āraik

Halfverse: b    cakā́ra gárbʰaṃ sanitúr nidʰā́nam /
   cakā́ra gárbʰam sanitúḥ nidʰā́nam /
   cakā́ra gárbʰaṃ sanitúr nidʰā́nam /

Halfverse: c    yádī mātáro janáyanta váhnim anyáḥ kartā́ sukŕ̥tor anyá r̥ndʰán //
   yádī mātáro janáyanta váhnim
   yádi+ mātáraḥ janáyanta váhnim
   yádī mātáro janáyanta váhnim

Halfverse: d    anyáḥ kartā́ sukŕ̥tor anyá r̥ndʰán //
   anyáḥ kartā́ sukŕ̥toḥ anyáḥ r̥ndʰán //
   anyáḥ kartā́ sukŕ̥tor anyá r̥ndʰán //


Verse: 3 
Halfverse: a    agnír jajñe juhvā̀ réjamāno mahás putrā́m̐ aruṣásya prayákṣe /
   agnír jajñe juhvā̀ réjamāno
   agníḥ jajñe juhvā̀ réjamānaḥ
   agnír jajñe juhúvā réjamāno

Halfverse: b    mahás putrā́m̐ aruṣásya prayákṣe /
   maháḥ putrā́n aruṣásya prayákṣe /
   mahás putrā́m̐ aruṣásya prayákṣe /

Halfverse: c    mahā́n gárbʰo máhy ā́ jātám eṣām mahī́ pravŕ̥d dʰáryaśvasya yajñaíḥ //
   mahā́n gárbʰo máhy ā́ jātám eṣām
   mahā́n gárbʰaḥ máhi ā́ jātám eṣām
   mahā́n gárbʰo máhi ā́ jātám eṣām

Halfverse: d    mahī́ pravŕ̥d dʰáryaśvasya yajñaíḥ //
   mahī́ pravŕ̥t háryaśvasya yajñaíḥ //
   mahī́ pravŕ̥d dʰáriaśvasya yajñaíḥ //


Verse: 4 
Halfverse: a    abʰí jaítrīr asacanta spr̥dʰānám máhi jyótis támaso nír ajānan /
   abʰí jaítrīr asacanta spr̥dʰānám
   abʰí jaítrīḥ asacanta spr̥dʰānám
   abʰí jaítrīr asacanta spr̥dʰānám

Halfverse: b    máhi jyótis támaso nír ajānan /
   máhi jyótiḥ támasaḥ níḥ ajānan /
   máhi jyótis támaso nír ajānan /

Halfverse: c    táṃ jānatī́ḥ práty úd āyann uṣā́saḥ pátir gávām abʰavad éka índraḥ //
   táṃ jānatī́ḥ práty úd āyann uṣā́saḥ
   tám jānatī́ḥ práti út āyan uṣā́saḥ
   táṃ jānatī́ḥ práty úd āyann uṣā́saḥ

Halfverse: d    pátir gávām abʰavad éka índraḥ //
   pátiḥ gávām abʰavat ékaḥ índraḥ //
   pátir gávām abʰavad éka índraḥ //


Verse: 5 
Halfverse: a    vīḷaú satī́r abʰí dʰī́rā atr̥ndan prācā́hinvan mánasā saptá víprāḥ /
   vīḷaú satī́r abʰí dʰī́rā atr̥ndan
   vīḷaú satī́ḥ abʰí dʰī́rāḥ atr̥ndan
   vīḷaú satī́r abʰí dʰī́rā atr̥ndan

Halfverse: b    prācā́hinvan mánasā saptá víprāḥ /
   prācā́ ahinvan mánasā saptá víprāḥ /
   prācā́hinvan mánasā saptá víprāḥ /

Halfverse: c    víśvām avindan patʰyā̀m r̥tásya prajānánn ít tā́ námasā́ viveśa //
   víśvām avindan patʰyā̀m r̥tásya
   víśvām avindan patʰyā̀m r̥tásya
   víśvām avindan patʰíyām r̥tásya

Halfverse: d    prajānánn ít tā́ námasā́ viveśa //
   prajānán ít tā́ námasā ā́ viveśa //
   prajānánn ít tā́ námasā́ viveśa //


Verse: 6 
Halfverse: a    vidád yádī sarámā rugṇám ádrer máhi pā́tʰaḥ pūrvyáṃ sadʰryàk kaḥ /
   vidád yádī sarámā rugṇám ádrer
   vidát yádi+ sarámā rugṇám ádreḥ
   vidád yádī sarámā rugṇám ádrer

Halfverse: b    máhi pā́tʰaḥ pūrvyáṃ sadʰryàk kaḥ /
   máhi pā́tʰaḥ pūrvyám sadʰryàk kar /
   máhi pā́tʰaḥ pūrviyáṃ sadʰríak kaḥ /

Halfverse: c    ágraṃ nayat supády ákṣarāṇām ácʰā rávam pratʰamā́ jānatī́ gāt //
   ágraṃ nayat supády ákṣarāṇām
   ágram nayat supádī ákṣarāṇām
   ágraṃ nayat supádi ákṣarāṇām

Halfverse: d    ácʰā rávam pratʰamā́ jānatī́ gāt //
   ácʰa+ rávam pratʰamā́ jānatī́ gāt //
   ácʰā rávam pratʰamā́ jānatī́ gāt //


Verse: 7 
Halfverse: a    ágacʰad u vípratamaḥ sakʰīyánn ásūdayat sukŕ̥te gárbʰam ádriḥ /
   ágacʰad u vípratamaḥ sakʰīyánn
   ágacʰat u vípratamaḥ sakʰīyán
   ágacʰad u vípratamaḥ sakʰīyánn

Halfverse: b    ásūdayat sukŕ̥te gárbʰam ádriḥ /
   ásūdayat sukŕ̥te gárbʰam ádriḥ /
   ásūdayat sukŕ̥te gárbʰam ádriḥ /

Halfverse: c    sasā́na máryo yúvabʰir makʰasyánn átʰābʰavad áṅgirāḥ sadyó árcan //
   sasā́na máryo yúvabʰir makʰasyánn
   sasā́na máryaḥ yúvabʰiḥ makʰasyán
   sasā́na máryo yúvabʰir makʰasyánn

Halfverse: d    átʰābʰavad áṅgirāḥ sadyó árcan //
   átʰa abʰavat áṅgirāḥ sadyáḥ árcan //
   átʰābʰavad áṅgirāḥ sadyó árcan //


Verse: 8 
Halfverse: a    satáḥ-sataḥ pratimā́nam purobʰū́r víśvā veda jánimā hánti śúṣṇam /
   satáḥ-sataḥ pratimā́nam purobʰū́r
   satáḥ-sataḥ pratimā́nam purobʰū́ḥ
   satáḥ-sataḥ pratimā́nam purobʰū́r

Halfverse: b    víśvā veda jánimā hánti śúṣṇam /
   víśvā veda jánima+ hánti śúṣṇam /
   víśvā veda jánimā hánti śúṣṇam /

Halfverse: c    prá ṇo diváḥ padavī́r gavyúr árcan sákʰā sákʰīm̐r amuñcan nír avadyā́t //
   prá ṇo diváḥ padavī́r gavyúr árcan
   prá naḥ diváḥ padavī́ḥ gavyúḥ árcan
   prá ṇo diváḥ padavī́r gavyúr árcan

Halfverse: d    sákʰā sákʰīm̐r amuñcan nír avadyā́t //
   sákʰā sákʰīn amuñcat níḥ avadyā́t //
   sákʰā sákʰīm̐r amuñcan nír avadyā́t //


Verse: 9 
Halfverse: a    ní gavyatā́ mánasā sedur arkaíḥ kr̥ṇvānā́so amr̥tatvā́ya gātúm /
   ní gavyatā́ mánasā sedur arkaíḥ
   ní gavyatā́ mánasā seduḥ arkaíḥ
   ní gavyatā́ mánasā sedur arkaíḥ

Halfverse: b    kr̥ṇvānā́so amr̥tatvā́ya gātúm /
   kr̥ṇvānā́saḥ amr̥tatvā́ya gātúm /
   kr̥ṇvānā́so amr̥tatvā́ya gātúm /

Halfverse: c    idáṃ cin nú sádanam bʰū́ry eṣāṃ yéna mā́sām̐ ásiṣāsann r̥téna //
   idáṃ cin nú sádanam bʰū́ry eṣāṃ
   idám cit nú sádanam bʰū́ri eṣām
   idáṃ cin nú sádanam bʰū́ri eṣāṃ

Halfverse: d    yéna mā́sām̐ ásiṣāsann r̥téna //
   yéna mā́sān ásiṣāsan r̥téna //
   yéna mā́sām̐ ásiṣāsann r̥téna //


Verse: 10 
Halfverse: a    sampáśyamānā amadann abʰí svám páyaḥ pratnásya rétaso dúgʰānāḥ /
   sampáśyamānā amadann abʰí svám
   sampáśyamānāḥ amadan abʰí svám
   sampáśyamānā amadann abʰí svám

Halfverse: b    páyaḥ pratnásya rétaso dúgʰānāḥ /
   páyaḥ pratnásya rétasaḥ dúgʰānāḥ /
   páyaḥ pratnásya rétaso dúgʰānāḥ /

Halfverse: c    ví ródasī atapad gʰóṣa eṣāṃ jāté niṣṭʰā́m ádadʰur góṣu vīrā́n //
   ví ródasī atapad gʰóṣa eṣāṃ
   ví ródasī atapat gʰóṣaḥ eṣām
   ví ródasī atapad gʰóṣa eṣāṃ

Halfverse: d    jāté niṣṭʰā́m ádadʰur góṣu vīrā́n //
   jāté niṣṭʰā́m ádadʰuḥ góṣu vīrā́n //
   jāté niṣṭʰā́m ádadʰur góṣu vīrā́n //


Verse: 11 
Halfverse: a    sá jātébʰir vr̥trahā́ séd u havyaír úd usríyā asr̥jad índro arkaíḥ /
   sá jātébʰir vr̥trahā́ séd u havyaír
   sá jātébʰiḥ vr̥trahā́ sá ít u havyaíḥ
   sá jātébʰir vr̥trahā́ séd u havyaír

Halfverse: b    úd usríyā asr̥jad índro arkaíḥ /
   út usríyāḥ asr̥jat índraḥ arkaíḥ /
   úd usríyā asr̥jad índro arkaíḥ /

Halfverse: c    urūcy àsmai gʰr̥távad bʰárantī mádʰu svā́dma duduhe jényā gaúḥ //
   urūcy àsmai gʰr̥távad bʰárantī
   urūcī́ asmai gʰr̥távat bʰárantī
   urūcí asmai gʰr̥távad bʰárantī

Halfverse: d    mádʰu svā́dma duduhe jényā gaúḥ //
   mádʰu svā́dma duduhe jényā gaúḥ //
   mádʰu svā́dma duduhe jéniyā gaúḥ //


Verse: 12 
Halfverse: a    pitré cic cakruḥ sádanaṃ sám asmai máhi tvíṣīmat sukŕ̥to ví hí kʰyán /
   pitré cic cakruḥ sádanaṃ sám asmai
   pitré cit cakruḥ sádanam sám asmai
   pitré cic cakruḥ sádanaṃ sám asmai

Halfverse: b    máhi tvíṣīmat sukŕ̥to ví hí kʰyán /
   máhi tvíṣīmat sukŕ̥taḥ ví hí kʰyán /
   máhi tvíṣīmat sukŕ̥to ví hí kʰyán /

Halfverse: c    viṣkabʰnánta skámbʰanenā jánitrī ā́sīnā ūrdʰváṃ rabʰasáṃ ví minvan //
   viṣkabʰnánta skámbʰanenā jánitrī
   viṣkabʰnántaḥ skámbʰanena+ jánitrī
   viṣkabʰnánta skámbʰanenā jánitrī

Halfverse: d    ā́sīnā ūrdʰváṃ rabʰasáṃ ví minvan //
   ā́sīnāḥ ūrdʰvám rabʰasám ví minvan //
   ā́sīnā ūrdʰváṃ rabʰasáṃ ví minvan //


Verse: 13 
Halfverse: a    mahī́ yádi dʰiṣáṇā śiśnátʰe dʰā́t sadyovŕ̥dʰaṃ vibʰvàṃ ródasyoḥ /
   mahī́ yádi dʰiṣáṇā śiśnátʰe dʰā́t
   mahī́ yádi dʰiṣáṇā śiśnátʰe dʰā́t
   mahī́ yádi dʰiṣáṇā śiśnátʰe dʰā́t

Halfverse: b    sadyovŕ̥dʰaṃ vibʰvàṃ ródasyoḥ /
   sadyovŕ̥dʰam vibʰvàm ródasyoḥ /
   sadyovŕ̥dʰaṃ vibʰúvaṃ ródasīyoḥ ՙ /

Halfverse: c    gíro yásminn anavadyā́ḥ samīcī́r víśvā índrāya táviṣīr ánuttāḥ //
   gíro yásminn anavadyā́ḥ samīcī́r
   gíraḥ yásmin anavadyā́ḥ samīcī́ḥ
   gíro yásminn anavadyā́ḥ samīcī́r

Halfverse: d    víśvā índrāya táviṣīr ánuttāḥ //
   víśvāḥ índrāya táviṣīḥ ánuttāḥ //
   víśvā índrāya táviṣīr ánuttāḥ //


Verse: 14 
Halfverse: a    máhy ā́ te sakʰyáṃ vaśmi śaktī́r ā́ vr̥tragʰné niyúto yanti pūrvī́ḥ /
   máhy ā́ te sakʰyáṃ vaśmi śaktī́r
   máhi ā́ te sakʰyám vaśmi śaktī́ḥ
   máhi ā́ te sakʰiyáṃ vaśmi śaktī́r

Halfverse: b    ā́ vr̥tragʰné niyúto yanti pūrvī́ḥ /
   ā́ vr̥tragʰné niyútaḥ yanti pūrvī́ḥ /
   ā́ vr̥tragʰné niyúto yanti pūrvī́ḥ /

Halfverse: c    máhi stotrám áva ā́ganma sūrér asmā́kaṃ sú magʰavan bodʰi gopā́ḥ //
   máhi stotrám áva ā́ganma sūrér
   máhi stotrám ávaḥ ā́ aganma sūréḥ
   máhi stotrám áva ā́ganma sūrér

Halfverse: d    asmā́kaṃ sú magʰavan bodʰi gopā́ḥ //
   asmā́kam sú magʰavan bodʰi gopā́ḥ //
   asmā́kaṃ sú magʰavan bodʰi gopā́ḥ //


Verse: 15 
Halfverse: a    máhi kṣétram purú ścandráṃ vividvā́n ā́d ít sákʰibʰyaś carátʰaṃ sám airat /
   máhi kṣétram purú ścandráṃ vividvā́n
   máhi kṣétram purú ścandrám vividvā́n
   máhi kṣétram purú ścandráṃ vividvā́n

Halfverse: b    ā́d ít sákʰibʰyaś carátʰaṃ sám airat /
   ā́t ít sákʰibʰyaḥ carátʰam sám airat /
   ā́d ít sákʰibʰyaś carátʰaṃ sám airat /

Halfverse: c    índro nŕ̥bʰir ajanad dī́dyānaḥ sākáṃ sū́ryam uṣásaṃ gātúm agním //
   índro nŕ̥bʰir ajanad dī́dyānaḥ
   índraḥ nŕ̥bʰiḥ ajanat dī́dyānaḥ
   índro nŕ̥bʰir ajanad dī́diyānaḥ

Halfverse: d    sākáṃ sū́ryam uṣásaṃ gātúm agním //
   sākám sū́ryam uṣásam gātúm agním //
   sākáṃ sū́ryam uṣásaṃ gātúm agním //


Verse: 16 
Halfverse: a    apáś cid eṣá vibʰvò dámūnāḥ prá sadʰrī́cīr asr̥jad viśváścandrāḥ /
   apáś cid eṣá vibʰvò dámūnāḥ
   apáḥ cit eṣá vibʰvàḥ dámūnāḥ
   apáś cid eṣá vibʰúvo dámūnāḥ

Halfverse: b    prá sadʰrī́cīr asr̥jad viśváścandrāḥ /
   prá sadʰrī́cīḥ asr̥jat viśváścandrāḥ /
   prá sadʰrī́cīr asr̥jad viśváścandrāḥ /

Halfverse: c    mádʰvaḥ punānā́ḥ kavíbʰiḥ pavítrair dyúbʰir hinvanty aktúbʰir dʰánutrīḥ //
   mádʰvaḥ punānā́ḥ kavíbʰiḥ pavítrair
   mádʰvaḥ punānā́ḥ kavíbʰiḥ pavítraiḥ
   mádʰvaḥ punānā́ḥ kavíbʰiḥ pavítrair

Halfverse: d    dyúbʰir hinvanty aktúbʰir dʰánutrīḥ //
   dyúbʰiḥ hinvanti aktúbʰiḥ dʰánutrīḥ //
   dyúbʰir hinvanti aktúbʰir dʰánutrīḥ //


Verse: 17 
Halfverse: a    ánu kr̥ṣṇé vásudʰitī jihāte ubʰé sū́ryasya maṃhánā yájatre /
   ánu kr̥ṣṇé vásudʰitī jihāte
   ánu kr̥ṣṇé vásudʰitī jihāte
   ánu kr̥ṣṇé vásudʰitī jihāte

Halfverse: b    ubʰé sū́ryasya maṃhánā yájatre /
   ubʰé sū́ryasya maṃhánā yájatre /
   ubʰé sū́ryasya maṃhánā yájatre /

Halfverse: c    pári yát te mahimā́naṃ vr̥jádʰyai sákʰāya indra kā́myā r̥jipyā́ḥ //
   pári yát te mahimā́naṃ vr̥jádʰyai
   pári yát te mahimā́nam vr̥jádʰyai
   pári yát te mahimā́naṃ vr̥jádʰyai

Halfverse: d    sákʰāya indra kā́myā r̥jipyā́ḥ //
   sákʰāyaḥ indra kā́myāḥ r̥jipyā́ḥ //
   sákʰāya indra kā́miyā r̥jipyā́ḥ //


Verse: 18 
Halfverse: a    pátir bʰava vr̥trahan sūnŕ̥tānāṃ girā́ṃ viśvā́yur vr̥ṣabʰó vayodʰā́ḥ /
   pátir bʰava vr̥trahan sūnŕ̥tānāṃ
   pátiḥ bʰava vr̥trahan sūnŕ̥tānām
   pátir bʰava vr̥trahan sūnŕ̥tānāṃ

Halfverse: b    girā́ṃ viśvā́yur vr̥ṣabʰó vayodʰā́ḥ /
   girā́m viśvā́yuḥ vr̥ṣabʰáḥ vayodʰā́ḥ /
   girā́ṃ viśvā́yur vr̥ṣabʰó vayodʰā́ḥ /

Halfverse: c    ā́ no gahi sakʰyébʰiḥ śivébʰir mahā́n mahī́bʰir ūtíbʰiḥ saraṇyán //
   ā́ no gahi sakʰyébʰiḥ śivébʰir
   ā́ naḥ gahi sakʰyébʰiḥ śivébʰiḥ
   ā́ no gahi sakʰiyébʰiḥ śivébʰir

Halfverse: d    mahā́n mahī́bʰir ūtíbʰiḥ saraṇyán //
   mahā́n mahī́bʰiḥ ūtíbʰiḥ saraṇyán //
   mahā́n mahī́bʰir ūtíbʰiḥ saraṇyán //


Verse: 19 
Halfverse: a    tám aṅgirasván námasā saparyán návyaṃ kr̥ṇomi sányase purājā́m /
   tám aṅgirasván námasā saparyán
   tám aṅgirasvát námasā saparyán
   tám aṅgirasván námasā saparyán

Halfverse: b    návyaṃ kr̥ṇomi sányase purājā́m /
   návyam kr̥ṇomi sányase purājā́m /
   návyaṃ kr̥ṇomi sányase purājā́m /

Halfverse: c    drúho ví yāhi bahulā́ ádevīḥ svàś ca no magʰavan sātáye dʰāḥ //
   drúho ví yāhi bahulā́ ádevīḥ
   drúhaḥ ví yāhi bahulā́ḥ ádevīḥ
   drúho ví yāhi bahulā́ ádevīḥ

Halfverse: d    svàś ca no magʰavan sātáye dʰāḥ //
   svàr ca naḥ magʰavan sātáye dʰāḥ //
   súvaś ca no magʰavan sātáye dʰāḥ //


Verse: 20 
Halfverse: a    míhaḥ pāvakā́ḥ prátatā abʰūvan svastí naḥ pipr̥hi pārám āsām /
   míhaḥ pāvakā́ḥ prátatā abʰūvan
   míhaḥ pāvakā́ḥ prátatāḥ abʰūvan
   míhaḥ pavākā́ḥ prátatā abʰūvan

Halfverse: b    svastí naḥ pipr̥hi pārám āsām /
   svastí naḥ pipr̥hi pārám āsām /
   suastí naḥ pipr̥hi pārám āsām /

Halfverse: c    índra tváṃ ratʰiráḥ pāhi no riṣó makṣū́-makṣū kr̥ṇuhi gojíto naḥ //
   índra tváṃ ratʰiráḥ pāhi no riṣó
   índra tvám ratʰiráḥ pāhi naḥ riṣáḥ
   índra tváṃ ratʰiráḥ pāhi no riṣó

Halfverse: d    makṣū́-makṣū kr̥ṇuhi gojíto naḥ //
   makṣū́-makṣu+ kr̥ṇuhi gojítaḥ naḥ //
   makṣū́-makṣū kr̥ṇuhi gojíto naḥ //


Verse: 21 
Halfverse: a    ádediṣṭa vr̥trahā́ gópatir gā́ antáḥ kr̥ṣṇā́m̐ aruṣaír dʰā́mabʰir gāt /
   ádediṣṭa vr̥trahā́ gópatir gā́
   ádediṣṭa vr̥trahā́ gópatiḥ gā́ḥ
   ádediṣṭa vr̥trahā́ gópatir gā́

Halfverse: b    antáḥ kr̥ṣṇā́m̐ aruṣaír dʰā́mabʰir gāt /
   antár kr̥ṣṇā́n aruṣaíḥ dʰā́mabʰiḥ gāt /
   antáḥ kr̥ṣṇā́m̐ aruṣaír dʰā́mabʰir gāt /

Halfverse: c    prá sūnŕ̥tā diśámāna r̥téna dúraś ca víśvā avr̥ṇod ápa svā́ḥ //
   prá sūnŕ̥tā diśámāna r̥téna
   prá sūnŕ̥tāḥ diśámānaḥ r̥téna
   prá sūnŕ̥tā diśámāna r̥téna

Halfverse: d    dúraś ca víśvā avr̥ṇod ápa svā́ḥ //
   dúraḥ ca víśvāḥ avr̥ṇot ápa svā́ḥ //
   dúraś ca víśvā avr̥ṇod ápa svā́ḥ //


Verse: 22 
Halfverse: a    śunáṃ huvema magʰávānam índram asmín bʰáre nŕ̥tamaṃ vā́jasātau /
   śunáṃ huvema magʰávānam índram
   śunám huvema magʰávānam índram
   śunáṃ huvema magʰávānam índram

Halfverse: b    asmín bʰáre nŕ̥tamaṃ vā́jasātau /
   asmín bʰáre nŕ̥tamam vā́jasātau /
   asmín bʰáre nŕ̥tamaṃ vā́jasātau /

Halfverse: c    śr̥ṇvántam ugrám ūtáye samátsu gʰnántaṃ vr̥trā́ṇi saṃjítaṃ dʰánānām //
   śr̥ṇvántam ugrám ūtáye samátsu
   śr̥ṇvántam ugrám ūtáye samátsu
   śr̥ṇvántam ugrám ūtáye samátsu

Halfverse: d    gʰnántaṃ vr̥trā́ṇi saṃjítaṃ dʰánānām //
   gʰnántam vr̥trā́ṇi saṃjítam dʰánānām //
   gʰnántaṃ vr̥trā́ṇi saṃjítaṃ dʰánānām //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.