TITUS
Rg-Veda: Rg-Veda-Samhita
Part No. 260
Previous part

Hymn: 26_(260) 
Verse: 1 
Halfverse: a    vaiśvānarám mánasāgníṃ nicā́yyā havíṣmanto anuṣatyáṃ svarvídam /
   vaiśvānarám mánasāgníṃ nicā́yyā
   vaiśvānarám mánasā agním nicā́yya+
   vaiśvānarám mánasāgníṃ nicā́yiyā

Halfverse: b    havíṣmanto anuṣatyáṃ svarvídam /
   havíṣmantaḥ anuṣatyám svarvídam /
   havíṣmanto anuṣatyáṃ suvarvídam /

Halfverse: c    sudā́nuṃ deváṃ ratʰiráṃ vasūyávo gīrbʰī́ raṇváṃ kuśikā́so havāmahe //
   sudā́nuṃ deváṃ ratʰiráṃ vasūyávo
   sudā́num devám ratʰirám vasūyávaḥ
   sudā́nuṃ deváṃ ratʰiráṃ vasūyávo

Halfverse: d    gīrbʰī́ raṇváṃ kuśikā́so havāmahe //
   gīrbʰíḥ raṇvám kuśikā́saḥ havāmahe //
   gīrbʰī́ raṇváṃ kuśikā́so havāmahe //


Verse: 2 
Halfverse: a    táṃ śubʰrám agním ávase havāmahe vaiśvānarám mātaríśvānam uktʰyàm /
   táṃ śubʰrám agním ávase havāmahe
   tám śubʰrám agním ávase havāmahe
   táṃ śubʰrám agním ávase havāmahe

Halfverse: b    vaiśvānarám mātaríśvānam uktʰyàm /
   vaiśvānarám mātaríśvānam uktʰyàm /
   vaiśvānarám mātaríśvānam uktʰíyam /

Halfverse: c    bŕ̥haspátim mánuṣo devátātaye vípraṃ śrótāram átitʰiṃ ragʰuṣyádam //
   bŕ̥haspátim mánuṣo devátātaye
   bŕ̥haspátim mánuṣaḥ devátātaye
   bŕ̥haspátim mánuṣo devátātaye

Halfverse: d    vípraṃ śrótāram átitʰiṃ ragʰuṣyádam //
   vípram śrótāram átitʰim ragʰuṣyádam //
   vípraṃ śrótāram átitʰiṃ ragʰuṣyádam //


Verse: 3 
Halfverse: a    áśvo ná krándañ jánibʰiḥ sám idʰyate vaiśvānaráḥ kuśikébʰir yugé-yuge /
   áśvo ná krándañ jánibʰiḥ sám idʰyate
   áśvaḥ ná krándan jánibʰiḥ sám idʰyate
   áśvo ná krándañ jánibʰiḥ sám idʰyate

Halfverse: b    vaiśvānaráḥ kuśikébʰir yugé-yuge /
   vaiśvānaráḥ kuśikébʰiḥ yugé-yuge /
   vaiśvānaráḥ kuśikébʰir yugé-yuge /

Halfverse: c    sá no agníḥ suvī́ryaṃ sváśvyaṃ dádʰātu rátnam amŕ̥teṣu jā́gr̥viḥ //
   sá no agníḥ suvī́ryaṃ sváśvyaṃ
   sá naḥ agníḥ suvī́ryam sváśvyam
   sá no agníḥ suvī́riyaṃ suáśviyaṃ

Halfverse: d    dádʰātu rátnam amŕ̥teṣu jā́gr̥viḥ //
   dádʰātu rátnam amŕ̥teṣu jā́gr̥viḥ //
   dádʰātu rátnam amŕ̥teṣu jā́gr̥viḥ //


Verse: 4 
Halfverse: a    prá yantu vā́jās táviṣībʰir agnáyaḥ śubʰé sámmiślāḥ pŕ̥ṣatīr ayukṣata /
   prá yantu vā́jās táviṣībʰir agnáyaḥ
   prá yantu vā́jāḥ táviṣībʰiḥ agnáyaḥ
   prá yantu vā́jās táviṣībʰir agnáyaḥ

Halfverse: b    śubʰé sámmiślāḥ pŕ̥ṣatīr ayukṣata /
   śubʰé sámmiślāḥ pŕ̥ṣatīḥ ayukṣata /
   śubʰé sámmiślāḥ pŕ̥ṣatīr ayukṣata /

Halfverse: c    br̥hadúkṣo marúto viśvávedasaḥ prá vepayanti párvatām̐ ádābʰyāḥ //
   br̥hadúkṣo marúto viśvávedasaḥ
   br̥hadúkṣaḥ marútaḥ viśvávedasaḥ
   br̥hadúkṣo marúto viśvávedasaḥ

Halfverse: d    prá vepayanti párvatām̐ ádābʰyāḥ //
   prá vepayanti párvatān ádābʰyāḥ //
   prá vepayanti párvatām̐ ádābʰiyāḥ //


Verse: 5 
Halfverse: a    agniśríyo marúto viśvákr̥ṣṭaya ā́ tveṣám ugrám áva īmahe vayám /
   agniśríyo marúto viśvákr̥ṣṭaya
   agniśríyaḥ marútaḥ viśvákr̥ṣṭayaḥ
   agniśríyo marúto viśvákr̥ṣṭaya

Halfverse: b    ā́ tveṣám ugrám áva īmahe vayám /
   ā́ tveṣám ugrám ávaḥ īmahe vayám /
   ā́ tveṣám ugrám áva īmahe vayám /

Halfverse: c    té svāníno rudríyā varṣánirṇijaḥ siṃhā́ ná heṣákratavaḥ sudā́navaḥ //
   té svāníno rudríyā varṣánirṇijaḥ
   té svānínaḥ rudríyāḥ varṣánirṇijaḥ
   té svāníno rudríyā varṣánirṇijaḥ

Halfverse: d    siṃhā́ ná heṣákratavaḥ sudā́navaḥ //
   siṃhā́ḥ ná heṣákratavaḥ sudā́navaḥ //
   siṃhā́ ná heṣákratavaḥ sudā́navaḥ //


Verse: 6 
Halfverse: a    vrā́taṃ-vrātaṃ gaṇáṃ-gaṇaṃ suśastíbʰir agnér bʰā́mam marútām ója īmahe /
   vrā́taṃ-vrātaṃ gaṇáṃ-gaṇaṃ suśastíbʰir
   vrā́taṃ-vrātam gaṇáṃ-gaṇam suśastíbʰiḥ
   vrā́taṃ-vrātaṃ gaṇáṃ-gaṇaṃ suśastíbʰir

Halfverse: b    agnér bʰā́mam marútām ója īmahe /
   agnéḥ bʰā́mam marútām ójaḥ īmahe /
   agnér bʰā́mam marútām ója īmahe /

Halfverse: c    pŕ̥ṣadaśvāso anavabʰrárādʰaso gántāro yajñáṃ vidátʰeṣu dʰī́rāḥ //
   pŕ̥ṣadaśvāso anavabʰrárādʰaso
   pŕ̥ṣadaśvāsaḥ anavabʰrárādʰasaḥ
   pŕ̥ṣadaśvāso anavabʰrárādʰaso

Halfverse: d    gántāro yajñáṃ vidátʰeṣu dʰī́rāḥ //
   gántāraḥ yajñám vidátʰeṣu dʰī́rāḥ //
   gántāro yajñáṃ vidátʰeṣu dʰī́rāḥ //


Verse: 7 
Halfverse: a    agnír asmi jánmanā jātávedā gʰr̥tám me cákṣur amŕ̥tam ma āsán /
   agnír asmi jánmanā jātávedā
   agníḥ asmi jánmanā jātávedāḥ
   agnír asmi jánmanā jātávedā

Halfverse: b    gʰr̥tám me cákṣur amŕ̥tam ma āsán /
   gʰr̥tám me cákṣuḥ amŕ̥tam me āsán /
   gʰr̥tám me cákṣur amŕ̥tam ma āsán /

Halfverse: c    arkás tridʰā́tū rájaso vimā́nó 'jasro gʰarmó havír asmi nā́ma //
   arkás tridʰā́tū rájaso vimā́nó
   arkáḥ tridʰā́tuḥ rájasaḥ vimā́naḥ
   arkás tridʰā́tū rájaso vimā́no

Halfverse: d    'jasro gʰarmó havír asmi nā́ma //
   ájasraḥ gʰarmáḥ havíḥ asmi nā́ma //
   ájasro gʰarmó havír asmi nā́ma //


Verse: 8 
Halfverse: a    tribʰíḥ pavítrair ápupod dʰy àrkáṃ hr̥dā́ matíṃ jyótir ánu prajānán /
   tribʰíḥ pavítrair ápupod dʰy àrkáṃ
   tribʰíḥ pavítraiḥ ápupot hí arkám
   tribʰíḥ pavítrair ápupod dʰí arkáṃ

Halfverse: b    hr̥dā́ matíṃ jyótir ánu prajānán /
   hr̥dā́ matím jyótiḥ ánu prajānán /
   hr̥dā́ matíṃ jyótir ánu prajānán /

Halfverse: c    várṣiṣṭʰaṃ rátnam akr̥ta svadʰā́bʰir ā́d íd dyā́vāpr̥tʰivī́ páry apaśyat //
   várṣiṣṭʰaṃ rátnam akr̥ta svadʰā́bʰir
   várṣiṣṭʰam rátnam akr̥ta svadʰā́bʰiḥ
   várṣiṣṭʰaṃ rátnam akr̥ta svadʰā́bʰir

Halfverse: d    ā́d íd dyā́vāpr̥tʰivī́ páry apaśyat //
   ā́t ít dyā́vāpr̥tʰivī́ pári apaśyat //
   ā́d íd dyā́vāpr̥tʰivī́ páry apaśyat //


Verse: 9 
Halfverse: a    śatádʰāram útsam ákṣīyamāṇaṃ vipaścítam pitáraṃ váktvānām /
   śatádʰāram útsam ákṣīyamāṇaṃ
   śatádʰāram útsam ákṣīyamāṇam
   śatádʰāram útsam ákṣīyamāṇaṃ

Halfverse: b    vipaścítam pitáraṃ váktvānām /
   vipaścítam pitáram váktvānām /
   vipaścítam pitáraṃ váktuvānām /

Halfverse: c    meḷím mádantam pitrór upástʰe táṃ rodasī pipr̥taṃ satyavā́cam //
   meḷím mádantam pitrór upástʰe
   meḷím mádantam pitróḥ upástʰe
   meḷím mádantam pitarór upástʰe

Halfverse: d    táṃ rodasī pipr̥taṃ satyavā́cam //
   tám rodasī pipr̥tam satyavā́cam //
   táṃ rodasī pipr̥taṃ satyavā́cam //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.