TITUS
Rg-Veda: Rg-Veda-Samhita
Part No. 259
Previous part

Hymn: 25_(259) 
Verse: 1 
Halfverse: a    ágne diváḥ sūnúr asi prácetās tánā pr̥tʰivyā́ utá viśvávedāḥ /
   ágne diváḥ sūnúr asi prácetās
   ágne diváḥ sūnúḥ asi prácetāḥ
   ágne diváḥ sūnúr asi prácetās

Halfverse: b    tánā pr̥tʰivyā́ utá viśvávedāḥ /
   tánā pr̥tʰivyā́ḥ utá viśvávedāḥ /
   tánā pr̥tʰivyā́ utá viśvávedāḥ /

Halfverse: c    ŕ̥dʰag devā́m̐ ihá yajā cikitvaḥ //
   ŕ̥dʰag devā́m̐ ihá yajā cikitvaḥ //
   ŕ̥dʰak devā́n ihá yaja+ cikitvaḥ //
   ŕ̥dʰag devā́m̐ ihá yajā cikitvaḥ //


Verse: 2 
Halfverse: a    agníḥ sanoti vīryā̀ṇi vidvā́n sanóti vā́jam amŕ̥tāya bʰū́ṣan /
   agníḥ sanoti vīryā̀ṇi vidvā́n
   agníḥ sanoti vīryā̀ṇi vidvā́n
   agníḥ sanoti vīríyāṇi vidvā́n

Halfverse: b    sanóti vā́jam amŕ̥tāya bʰū́ṣan /
   sanóti vā́jam amŕ̥tāya bʰū́ṣan /
   sanóti vā́jam amŕ̥tāya bʰū́ṣan /

Halfverse: c    sá no devā́m̐ éhá vahā purukṣo //
   sá no devā́m̐ éhá vahā purukṣo //
   sá naḥ devā́n ā́ ihá vaha+ purukṣo //
   sá no devā́m̐ éhá vahā purukṣo //


Verse: 3 
Halfverse: a    agnír dyā́vāpr̥tʰivī́ viśvájanye ā́ bʰāti devī́ amŕ̥te ámūraḥ /
   agnír dyā́vāpr̥tʰivī́ viśvájanye
   agníḥ dyā́vāpr̥tʰivī́ viśvájanye
   agnír dyā́vāpr̥tʰivī́ viśvájanye

Halfverse: b    ā́ bʰāti devī́ amŕ̥te ámūraḥ /
   ā́ bʰāti devī́ amŕ̥te ámūraḥ /
   ā́ bʰāti devī́ amŕ̥te ámūraḥ /

Halfverse: c    kṣáyan vā́jaiḥ puruścandró námobʰiḥ //
   kṣáyan vā́jaiḥ puruścandró námobʰiḥ //
   kṣáyan vā́jaiḥ puruścandráḥ námobʰiḥ //
   kṣáyan vā́jaiḥ puruścandró námobʰiḥ //


Verse: 4 
Halfverse: a    ágna índraś ca dāśúṣo duroṇé sutā́vato yajñám ihópa yātam /
   ágna índraś ca dāśúṣo duroṇé
   ágne índraḥ ca dāśúṣaḥ duroṇé
   ágna índraś ca dāśúṣo duroṇé

Halfverse: b    sutā́vato yajñám ihópa yātam /
   sutā́vataḥ yajñám ihá úpa yātam /
   sutā́vato yajñám ihópa yātam /

Halfverse: c    ámardʰantā somapéyāya devā //
   ámardʰantā somapéyāya devā //
   ámardʰantā somapéyāya devā //
   ámardʰantā somapéyāya devā //


Verse: 5 
Halfverse: a    ágne apā́ṃ sám idʰyase duroṇé nítyaḥ sūno sahaso jātavedaḥ /
   ágne apā́ṃ sám idʰyase duroṇé
   ágne apā́m sám idʰyase duroṇé
   ágne apā́ṃ sám idʰyase duroṇé

Halfverse: b    nítyaḥ sūno sahaso jātavedaḥ /
   nítyaḥ sūno sahasaḥ jātavedaḥ /
   nítyaḥ sūno sahaso jātavedaḥ /

Halfverse: c    sadʰástʰāni maháyamāna ūtī́ //
   sadʰástʰāni maháyamāna ūtī́ //
   sadʰástʰāni maháyamānaḥ ūtī́ //
   sadʰástʰāni maháyamāna ūtī́ //



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.